陳奕迅 我的妥協時代

　

＜我的快樂時代＞ 奠定了Eason在樂壇的位置，其貌不揚的外型很快便令他被視作並非「持靚行兇」的實力派歌手。

其後發展亦算一帆風順，新一代「歌神」接班人等雅號陸續有來，再加上Eason平易近人的性格，令他成為歌迷甚至記者心目中的「最受歡迎男歌手」。

今年八月，Eason加盟Music Plus，樂壇位置進一步提升﹔但同一時間，圍繞他身邊的負面新聞卻以倍數地增長。

很多人說Eason變了，由以前的「笑口勢勢」變得不可一世，口水多過茶變成十問九唔應，樂天的幽默感更化作串人的攻擊性武器。

一下子，天使與魔鬼爭持得相當激烈。

「有沒有檢討過？」

「有。但不認為全部都是自己錯......除了甩嘴以外。」

「我講過啦！不過我講左都冇用，冇意思既！你覺得我係唔係��......」靜默九秒之後「其實係喎！」

原來不知不覺間，Eason的「妥協時代」已告展開。

　

民主社會

「人當然會變，不過我從來冇研究過自己有冇變。好多人眼中「變�驉v就等於「變壞」，我亦冇刻意鑽研自已有冇變壞。總之我好信緣份，我好開心身邊有一班我好愛的朋友及屋宜人，只要他們一直信我，我又令他們覺得舒服，我已經好開心。

「好多時我都覺得係觀點與角度的問題，我絕非要�M籍口。正如好多時我講�炡ㄕn認真，大家又會覺得好悶﹔有時到我講笑，以為自己好有幽默感，點知大家channel唔同，get唔到都唔緊要，最後重以為我玩針對，咁我咪講少�躠o！好似「牙肉王」呢件事，我真係當Joey（容祖兒）係朋友，我知佢唔會嬲我至同住開玩笑。其實成件事我同佢（容祖兒）都「冇野」，最「有野」你寫個個。既然有某些人要小事化大，咁我以後味講少�躠o！但唔代表我唔講，私底下我都會繼續，我唔會變。

「性格其實好難變，你可以話我今時今日位置唔同，每日所做所講都會有人挑剔，我絕對贊成。以前我對人講一句唔該已經足夠，但係家陣就算我講五句唔該，都有人會話我串話我不禮貌，咁我可以點？所以我只要知道自己係誠心，自己乖就已經夠，我無可能亦絕不會刻意去迎合所有人，你�]鍾意批評就繼續，無所謂。

「社會 一個群體，從來都是少數服從多數。若果10個人當中有8個話你傻，就代表作係傻，因為民主社會投票即係8對2，無論那兩位如何力撐都無辦法。正如你問Eason是否一個好人，我會話係。但若果10個有8個都話Eason係壞人，咁我咪係壞人囉！就算我點樣堅持自己冇錯都冇用。」

　

保羅麥卡尼

「我早排睇過一個關於保羅麥卡尼的訪問，我覺得呢個人真係好舒服，真係唔明白一個人點解可以咁舒服。據聞話佢同Oasis不和，但當司儀問到他喜歡現時那幾隊樂隊時，阿Paul竟然說其中一隊他喜歡的就是Oasis，他最後還說了一句﹕「如果大家覺得Oasis的風格是受Beatles所影響，我都好希望可以同Oasis作某些音樂上的交流。」講完之後全場即刻拍爛手掌。你可以話阿Paul大量，你亦都可以話阿Paul暗串Oasis，這就是觀點與角度的問題。

「我最不想見到的就是仇恨，仇恨永遠都不能做好件事。我最佩服阿Paul就是他對每件事都可以處之泰然，原來有時真係毋需要咁認真，我都學緊點樣可以盡量放鬆。總之大家respect多�齱A愛多�齱A慢慢自然會見到成果。我遲早都想同其他歌手一齊合作，可能我會同憶蓮合唱，又或者我會同邊個邊個一齊jam歌，我唔知，但若果呢個世界無仇恨存在，大家都會開心好多。

　

人人常歡笑

「我剛剛做完港台一個訪問，佢問我有乜願望，其實我心諗係希望少D是非，但我最終都無講出黎。因為我知道是非係唔會完，就算邊個圈都有是非，完全無是非大家會覺得好悶，結果我答佢話我希望每件事都有充足時間去俾我盡力去做。其實我應該係咁答，希望大家多D幽默感，無論講又好聽又好，寫又好�O又好，總之大家都多�曮梏q感，每件事都會變得有趣，毋需要夾雜仇恨，坦白講，既然做人都係為�鰶}心，多�曮梏q感咪自然開心�躠o！

「雖然我的態度或者我講笑的方式引來好大迴響，但我絕不會收埋自己的幽默感，我不會刻意去迫人了解我，若果有人誤解我，又或者有人根本唔喜歡我，無論我講唔講笑，佢�]眼中我都係咁乞人憎。既然我唔可以迫人去了解我，我只希望想了解我的人不會誤解我，否則我會感到很可惜。

「所以我喜歡做專訪多過報紙訪問，因為訪問我的人起碼都要有充足時間去了解我，可能係兩個鐘或者三個鐘，他所寫的才能令讀者都一樣能了解我。同樣地雜誌篇幅較報紙多，專訪的內容愈多，對我的了解亦更深。

　

過渡時刻

「我承認就算是一個幾有幽默感的人，都會有做錯事發脾氣的時候。現在可能是我的過渡期，我當然希望可以貫徹始終，但當我發覺原來我的態度、我的幽默感會影響到我身邊的朋友或者屋企人，我便會很不開心，所以我開始收歛，但到情況稍好，我會繼續。

「你問我係咪妥協？我講�鱁捸I我講�鰴�冇意思，你覺得我係唔係�魽H......其實係�謘I我唔想因為自己率性而影響到其他人。好簡單，若果公司同我講﹕「Eason，D新聞無問題喎，唔緊要喎！」咁我咪覺得無問題囉！但若果公司認為﹕「Eason，唔係喎！咁樣做好似有�灠暋D喎！」我一定會避忌，因為我絕對係企公司個邊，大家一team人一定突團結，只要上下一心工作就會愈做愈好。

「可能你會覺得我要作出妥協，我一定會唔開心或者唔會覺得無所謂。我諗應該咁樣講﹕呢個世界無完美，任何事都絕對無可能十全十美，但大家都仍然會追求，仍然會說服自己﹕「可能有既！」呢個係我做人宗旨，我唔會放棄。妥協一次唔緊要，慢慢再黎過囉！人一心急就會亂，我一定會慢慢調校，直至囉到平衡為止。

　

後記﹕

聽行家講話Eason真係變�鬫n多，訪問前不禁有點擔心，更差點患上「訪前抑鬱症」。

訪即時間原定為六點至七點半，Eason準時到達，發覺其「滔滔江水連綿不絕」的性格一如以往，登時鬆一口氣。訪問期間我們完全沒有要求加時，但整個訪問卻在九點半才完結，小記共用了一又三分一盒錄音帶（總長80分鐘）。訪問完畢，如釋重負，亦很快樂。快樂不只是因為訪問順利完成，而是因為親身體驗到Eason根本沒有變，變的只是大家投在Eason身上的目光。

原來Eason的「快樂時代」仍然健在。