陳奕迅對音樂有自信冇盡力

　

Eason最初畀蔡康年既感覺，係個係台上有D怕醜既歌手。輾轉兩年間，佢已經鍛煉出台上表演既自信心。Eason係兩年間能夠成功上位既心路歷程，蔡康年同佢呢次訪問中表白。

　

蔡﹕回顧九八年成績良好，你覺得自己出左幾多力？

陳﹕工作人，我覺得自己有出盡全力，當然我會全心全意做好件事﹔但有時做�鬙�知原來可以再出多�齯O喎，咁先覺得自己係冇盡全力。其實有時冇Organize好，就算主動問人都答覆唔到你，做完件事，自己了解到其實可以好D，咁咪覺得冇盡全力。

　

蔡﹕樂壇有兩類歌手，一類係聽晒人地擺佈，冇自己主見既﹔另一類係我行我素既，你屬於邊類？

陳﹕同公司合作咁耐都有默契，其實都OK，拎到個協調，公司都了解我希望做返自己，我亦唔會完全唔聽佢既意見，大家協調合作囉。我都算�鰫O個地方長大，知呢度要咩，唔會做D另類野，所以好順其自然做返自己，譬如頒獎禮我覺得著Casual OK，但人地覺得太Casual唔好，咪著返正D 囉。雖然自己覺得冇需要咁做，但係都會聽佢地意見，人地講咁多次梗有原因，咁咪聽下人地意見囉。

　

蔡﹕九八年唱「超人的主題曲」、「天下無雙」咁受落，覺得自己決定得o岩唔o岩？

陳﹕冇乜話o岩唔o岩，基本上呢兩首歌都係意想不到既效果。可能我太鍾意唱歌，所以唔會諗人地鍾唔鍾意，亦唔會Expect人地一定會聽，只希望人地接受，自己又唱得過癮。好感激身邊一齊做音樂既人成日作好聽歌畀我唱。決定唱「超人」只係覺得末唱過，幾得意下，試下囉，冇話得唔得。原來兒歌都唔係唔好聽，有好多都深入民心。好開心有咁多人鍾意「超人」，真係意想不到。我唔會刻意去諗去度去計算係咪一定丈受歡迎，係好歌就得。

　

蔡﹕係你贏左「新秀歌唱大賽」冠軍之後，有段期間未有發展，當時會晤會好驚？

陳﹕唔係驚，而係唔忿氣。其實我自信好強，有信心覺得自己可以成為做到好音樂�嚘q手，呢個信念係我參加完比賽之後就有。參賽前有諗過會做歌手，比賽完左亦反覆諗過好唔好返英國讀書，個時好迷惘，因為習慣英國校園生活。簽左唱片公司之後，脫離學生生涯，要重新適應過，個陣先知事業心呢樣，於是開始諗點解D人唔相信我做得到好音樂？諗下諗下都冇所謂啦。今日人地認同我，起碼畀我繼續係呢度生存落去。

　

蔡﹕由以前醞釀期到今日第一個收成期，外間既面口有乜唔同？

陳﹕唔係差好遠，或者我不嬲對唔熟D人冇乜野講，識我既人知我份人好多野講好長氣，但係唔識既我唔會講好多，唔會夾硬講無聊野。

　

蔡﹕點解同霆鋒咁老友？

陳﹕我諗係大家互相欣賞同敬重對方，佢有�洐�得我去尊敬，我諗我都有�洐�得佢尊敬呢D唔使講出口。緣分既野，同佢做朋友舒服囉。我都畀佢影響�鬫n多，好似佢話養烏龜好，咁就一齊去買龜，而家養得幾好，真係有大隻既，花紋唔同既，幾有成功感。

　

蔡﹕黎緊霆鋒會唱＜超人帝拿＞既主題曲，你有咩Hints可以畀到佢？

陳﹕我都聽過首歌，其實冇乜Hints。我諗帶住正義感去唱，呢樣野佢有既，當自己係超人去挽救地球，看守宇宙，有呢個心去唱就得。我都好渴望將來有個Show可以同佢一齊係台上打怪獸！

　

蔡﹕驚唔驚而家既野噗一聲冇晒？

陳﹕暫時無咁諗，明白到呢行會跟紅頂白，會叫自己做得更好，超越自己。右永遠第一�鵅A冇退步就係進步。自己算幾好彩，我�鴾葴A係聽日要成功過今日，諗下�屩I可以做好D。到有朝一日冇人再聽陳奕迅�嚘q，咪面對現實囉，自己總算盡過力，市場唔容許都冇辦法。我好樂觀，唔曾畀自己唔開心太耐。

　

蔡﹕有冇儲定一筆錢？

陳﹕預備不時之需都會，譬如大吉利是要睇醫生都要錢啦！但係儲一筆大錢就要慢慢黎，做呢行開支好大，人地以為做歌星一定賺大把錢，其實歌星收入唔係想像中咁多，唔成正比例，如果搵到錢一定儲錢。

　

蔡﹕有邊樣野到有自信既你會驚呢？

陳﹕我比較驚人事複雜，唔叻玩政治Social，對住唔熟既人我唔識熱情，人地熱情對我，我會唔知點應付。