TOP SECRET

　

藝人的感情生活一向備受關注，似乎要見報，就只要公開你和某人的關係便可。當然，對方最好同是圈中人，那實豆期內必定有多幾次見報機會，比你背後在默默努力得似隻狗還好，而且迅速見效、百發百中。可是，原本應有的那份神祕感，卻完全被抹煞。神秘的，未必再是感情事。像Eason，他的另一半是誰？全世界都知道，就算一天他們終於決定要結婚，也跟你我的愛情故事沒有分別。但，誰想知道，Eason更加「內心」的「高度秘密」？

　

CASE1:

最近一次「喊」係幾時？

「喊......係上次睇黎明演唱會o既時候，一聽到黎明唱＜如果可以再見你＞，o的眼淚就係咁"標"出o黎，唔係特別為o左o的咩o野，只係可能平時工作壓力太大，重有積積埋埋o的唔開心，突然之間被o個一下o的旋律觸動到。其實"喊"無咩大不了，只係一種發洩，就等於有人會走去大嗌咁，將情緒發洩出o黎之嘛......」

「不過o個次坐o係panel台，又咁黑，應該無咩人會睇到。」

CASE2:

o係千禧年，有咩大計？

「o黎緊會開拍電影＜十二夜＞啦，其實我一向都好鍾意陳可辛o的戲，所以真係好開心，亦都諗唔到佢會o黎搵我拍戲，而且重好有誠意，知我係第一次做主角，會同張拍芝合作，戲入面，我係做一個男仔......o岩o岩同女朋友分手，之後再識到一個好似幾好既女仔，但識落先知佢同自己之前既女朋友一樣，結果係點？自己�O啦！另外，年頭會去澳洲登台，入左行咁耐，都係第一次以個人身份去登台。我諗我會係多個Partner，但搵邊個我到依家都未知。」

CASE3:

會唔會拍廣告？

「未有人過我拍廣告囉，可能我平時太多怪樣喇！搞到D廣告商唔敢搵我......哈哈，我會提住自己唔好整咁多怪樣既啦！」

CASE4:

點睇自己既歌手生涯？

「其實每個歌手既黃金時期只有十年左右，就算阿倫（譚詠麟）同學友都係一樣）過左呢個黃金時期，佢地就會去左另一個層次，到時唱歌真真正正只會係純粹興趣，同我依家出碟既心態會晤同......fans聽歌既心態好奇怪，買隻碟返黎，hit個隻就會成日播成日聽，反而忽略左其他歌，亦忽略�鷚q手係背後付出既努力。」

CASE5:

如果有一日俾你揀一個外國歌手同你合作，你會揀邊位？

「我會揀玉置浩二！因為佢既歌好正。見到劉德華可以同佢合作，真係好鬼羨慕。」

CASE6:

出道以來有咩令你最尷尬?

「尷尬......真係無咩喎，不過有樣野我一直都好努力咁學緊，就係控制自己情緒同脾氣，因為我好衰暨，我係唔開心就會表現晒出黎佣個種人，搞到身邊閂朋友成日都要受我氣，但係呢D唔係佢地既責任囉，你話開心既，拎出黎大家分享就無所謂，但唔係連唔開心都要一齊分擔、要受氣既。」

CASE7:

係呢四年幾入面，你覺得最大得益係咩？

「唔......真係就算你話肉麻骨痺我都咁講，答案就係大家既支持、鼓勵同埋痛錫，我知道大家都好鍚我，雖然我唔曾刻意去提，而每次出黎都只會見到我嘻嘻哈哈咁，但當我自己一個人，一靜落黎既時候，我就會諗到，會好感激，亦都好感動，真架！」

　

CASE8:

最近一次買禮物俾媽咪係幾時？

「......（靜默30秒﹞，好耐之前喇......你唔講起我都唔為意添，所以我好鍾意咁樣坐低做訪問，因為好多時你地（記者）會提醒我好多唔話得既或者忽略既野，之後我就會去做番。」

CASE9:

有心事、有秘密會第一時間同邊個傾？

「係邊幾個我唔想成日提住，而且大家都知會係邊幾個，但我好少會同屋企人傾，因為始終同一行，先會知道、會明白自己�鴾葑’P處境會係點，屋企人未必會明白。」

CASE10:

如果2000年後唔俾結婚，你會唔會即刻拉埋天窗？

「我誌我寧願唔結婚，始終係呢個moment，我�鴾葀z狀況都未適合結婚住，而且世事成日變，聽日會係點樣大家都唔知，不過將來�翵ヾA其實我都有好roughly咁plan過，當中當然有包括大概幾時結婚。只要去到個階段，我同佢都有共識話要結婚，哦，OK，咁味結婚囉。但現階段我都會以工作為主。」

　

「紅」......

有時會令人沖昏頭腦，只知要得到更多更多，反而忘記了最基本的「快樂」及「滿足」。好少人在擁有知名度後，仍然可以抱著真誠的心去待人處事，陳奕迅是少數人之中，其中一個表表者，很難得。更難得的是，Eason明白有人痛錫，並不是理所當然，所以他會珍惜、會感動、會感激。雖然這並不是甚麼大不了的事，但至少讓對方知道自己的「關心」，原來沒有白白付出。