--光感集-- (Diary)(May-Jun 04)

Monday, 7 June, 2004　　　　　Ｏｒａｌ　Ｐｒａｃｔｉｃｅ

　　今日去左理工果個咩Oral Practice．．．好多林護人，竟然有黃樂敏，李莉佢地．．．

　　食完Tea之後，自己開始有Ｄ問題，我都唔知咩事，好似遊暈咁，小翠同LiuLiu之後走左，我地話去行陣星光大道，痴線架，我地成班人當自己遊客，去試下Ｄ明星手印ｗｏｒ，我咪大嗌ｌｏｒ：我地唔係遊客呀，阿輝影左Ｄ相呀，好累呀，自己好似傻左啦，又有Ｄ唔開心既感覺，搭天星過左中環．．．

　　返到屋企，好唔開心，我真係唔知自己呢幾日發生左咩事，訓o係間床同你講左陣野。Ｂ，陪住我啦。

Sunday, 6 June, 2004　　　　　Ｐｏｋｍａｎ生日

　　今日係Pokman生日既大日子，約左荃灣Green Box唱K呀，有我，Pokman，LiuLiu，輝，Balance，ZiZZ，林茵，但個個都遲到．．呵。勁唱呀，LiuLiu同我又扮下用女聲唱歌ｗｏｒ，之後仲唱左幾隻生日歌ｔｉｍ，好搞笑呀Ｄ生日歌ＭＶ～跟住我地o係Ｋ房又狂影相啦．．大家都玩得好累呀，是關由十一點唱到四點呀。

　　唱完我地五條仔去左周圍行，行左陣荃錦同愉景，睇下ＣＤ同衫，LiuLiu講左個"費秘"俾我同Pokman聽呀，原來．．．

　　跟住齊齊上左綠楊美心食雞籃ｌｏｒ，我最鍾意"美心雞籃"架啦，大家傾左一陣，又講咩"I love U Boyz"．．．傻架！六點幾，大家各散東西。

　　不過Pokman就慘啦，佢話好想開電腦玩呀，不過到今日都仲未整好呀．．．佢今日同平時一樣，生日既佢無乜特別開心呀＞＜唔知佢今晚會點過呢．．．

　　今日又係爺爺既舊曆生日，返左屋企，諗住同爸爸一齊去德福。老媽放工打俾我，問我做咩咁遲都唔出門口，結果俾佢電話鬧左一穫。今次去酒樓開左兩圍臺，我地係最遲先到ｇｅ．．．

　　食食下，突然阿姨話我肥左呀，跟住阿叔即刻話我"大個左，靚仔左"。喂，係咪真架？最慘阿叔無端端當住十幾人面前問我有冇女朋友，痴線架！你想我點答呀？？？幾個阿姨插咀話........"梗係有啦"........."有都唔會講啦～可？".........連環攻擊我，想點？

　　老媽即刻話........"佢１７歲ｊａ"，爸爸即刻話........"讀書緊要Ｄ".......好彩唔駛我講任何野ｊｅ．．．

　　Ｂ，我係咪好失敗ｊｅ？呢Ｄ事已經唔係第一次發生架啦，個個親戚都以為我有呀，難度攬住你真係足夠嗎？

Friday, 4 June, 2004　(晴)

Today download mp3 @home

妳好嗎　　At 17

微風中歸家　人疲倦得可怕
誰願意再增加心裡的牽掛　惟求一壺濃茶
來平靜內心的風沙
沉默地躺下　誰料電話響起
他方的妳的話
這一剎那　人完全像不懂說話　惟講一聲你好嗎
*在那天　為妳哭過恨過
在那天　留下了傷心的我
當初一切　重逢時再不講它　今天的妳好嗎
在這天　若你竟掛念我
在這天　搖電話給我
知不知道　愁緒仍在天天增加　惟講一聲妳好嗎
無言地對話　延續這牽掛
如窗邊偷偷消退的落霞
情不能談時　傳來流淚聲音沙啞
回覆一聲妳好嗎
　

Thursday, 3 June, 2004　(晴)　　　　　圖書館

　　書中自有黃金屋，遲起來的我，下午三點到了圖書館．．．

　　上網搵書，有Ｄ書好多間圖書館都無呀，今日諗住去北葵涌圖書館借白先勇Ｄ書，去到北葵涌街市搵唔到間圖書館呀，又好熱ｗｏｒ，最後搞到要問人=.=，仲枉我係香港通！不過去到好多書都無，借左本"赤地之戀"，同埋２本書．．．跟住石蔭搭巴士去荃灣，哈，俾我荃灣地鐵撞到楊佩珊ｗｏｒ，隔離果Ｄ女仔唔識ｇｅ，肯定左一句，荃灣通常都撞到熟人！之後我上左圖書館，睇下書ｌｏｒ，無張小嫻Ｄ書呀～呵．．．．．睇到六點幾，返屋企！

　　Ｂ，今晚我諗住一個我唔應該掛住既人，你覺得點解我會咁？可能係聽到一Ｄ野啦。

Sunday, 30 May, 2004　(睛)　　　　　遊行

　　老媽有位朋友，她認識的人層面很廣，今早起來便和老媽到美孚找她，希望她能幫我找到一份暑期工吧，她說稍後再找我們。接著我和老媽到一間粥店吃Lunch，想不到那裡的嬸嬸很好招呼呢！

　　搭車周圍去，去邊唔講喇。經過銅鑼灣，見到有人遊行ｗｏｒ。我皇后像廣場落車，好奇心驅使之下，我行返去灣仔，諗住睇下咩團體遊行，順便搭車走。經過條天橋，Ｄ人企晒o係度睇，又見到電視台，雖然見唔到人遊行，但我已經知咩事。行到修頓，聽到首男兒當自強，諗住行番出大街啦，點知見到劉慧卿同佢助手，佢話好熱ｔｉｍ，跟住就見到好大班人舉住"平反六四"既牌，都好多人架！真係醒唔起就黎六四ｔｉｍ，不過都唔關我事啦。突然我見到我旁邊有人和應，真係嚇死，不過小弟近幾年都冇乜睇過人地遊行ｌｕ，於是睇左一陣。之後買Ｄ野食返屋企，好累，九點幾睇左一陣電視即訓。

　　唔係好記得你ｔｉｍ，太眼訓啦，放開你一邊。訓醒至算啦。

Saturday, 29 May, 2004　(陰)　　　　開始

　　今天是HKCEE English Paper3 補考之大日子，昨日的雨水打斷了一眾會考生心情，憶起正日當天的黑色暴雨，不禁不寒而慄。究竟今天會否下雨呢？老媽笑說天線若被雷公打中，這考試和你自己也完了．．．幸好今天天公造美。

玩了這麼多天，心情早已飛到老遠了，回校時沒有半點緊張似的，挺奇怪呢！問我覺得這卷怎樣？不願致評！哈，不過我最想知道的是，有多少考生已忘記今天的補考了。

　　嗌下啦，會考完啦ｗｏｒ！葵芳大家樂食完Lunch，諗住無乜野做，就同Pokman，薯，輝，Balance一眾去旺角行街，約左Anson＠潮區等．．．無架，都係果句：行行行ｌｏｒ。去左荷理活睇Grad-Din衫，好煩呀，著西裝？定唔好咁Formal呢？我諗六月要慢慢諗清楚點襯先好睇．．．

　　正在傷腦筋送咩禮物俾各位六月壽星之際，輝話送個袋俾Anson，佢六月一呀。都好丫，我地Ｄ懶人最鍾意同人夾，唔駛煩到諗爆腦ｍａ，我地幾個秘密最後決定左，輝話遲Ｄ再黎買ｗｏｒ．．．同Anson傾開，我話我要練大隻Ｄ呀，又講大家幾寸胸呀．．．咩咩咩呀。所以我要立定決心呀，唔係出街點著得好睇呀。班賤人呀，推我去Ｄ女度(仲要唔識既)，傻架！行到差唔多，搭巴士返屋企ｌｕ。

　　返到屋企６點幾７點，練左九個字，都算差唔多啦 (如果日日都係咁既話)！

　　今日見到你笑，但一句聲都冇出，可能你就係咁啦。