．--散感/日記--． (16集)
光．感．集
★ 清新．是我們的感覺！
<光感集> Since January,2002
本集為五月之日記
|
Wednesday, 31 May, 2006 赤柱變旺角 (星期一二三) |
|
原定今日下午返校足球比賽，結果天雨關係取消了。 其實 Pokman 也約了我們足球比賽後，繼續聚聚傾昨晚Chat Room未完的新香蕉... 但現在取消了足球，唯有行陣hea下等Pokman，難得和小彬去了下午茶...
等到四點幾五點，阿拉來到，小彬就返他爸的舖頭。 後來Liu 和林茵也來了，這件事又多了林茵和阿拉知道啦，最後當然主角Pokman出場啦。 結果係，老問題，未解決∼
好好笑，發覺阿拉條褲發霉 (其實係Style)！！！ 因為我們近來說阿拉是耶穌，我們笑說＞這條褲已著了二千幾年啦... XD 還有阿拉件Tee上面的那些密碼... Da Vinci Code?? XD
唔該 Liuliu send 了「惡魔在身邊」，找了很久很久... 應該是唔該Connie 至真。 遲一些要睇 惡作劇之吻 & 一公升的眼淚... hehee
【星期二】
今日足球比賽，我們班第一場對７Ｌ，全班得６個男仔返了來，有一些女仔又要返工沒時間。 我做了唯一的後備，臨完場差點被志偉和Susie叫了我出場... 可能組織方面不太合拍吧，不過其實結果不是重要，最緊要我們盡過力，起碼每個人都流過汗丫。
之後去了Ｍ記吹水， Lamyan、Liuliu、Arbe、Mansip、Elton，還有Fai，初步講好了端午節夜晚入赤柱BBQ+傾心事。
【星期三】
今日係端午節，今年竟然一隻粽也沒有吃。 上午開了一陣電視，由細到大上午都會睇"ＸＸ年龍舟競渡"...
今年做節改了上午食，結果一早就要出深水步婆婆屋企。 原來有親戚要返工，所以十二點就食，結果遲到給人鬧了幾句。
昨晚傾好的，本來黃昏會入赤柱，夜晚BBQ和在沙灘傾計...
四點半到了荔景地鐵車頭，見到文攝，我遲了五分鐘依然是第二個到。@@ 沒錯，我們這班人一直繼承著一個習俗．．．「遲到！」。
之後林茵來了，我們三個選擇在月台中間的Chair坐... 中途阿輝和阿拉竟然找不到我們@@ 但因為天雨關係，而且臨時有兩個人失蹤，結果要改變行程。
唯有改活動，選擇去旺角 (不知為什麼)。 因為要等Liu六點從西貢回來，於是我們五個人去到旺角唯有找節目先。
建議去唱Ｋ．．．阿輝阿拉很少唱的 建議去打機．．．林茵不會去的 建議去韓燒．．．太熱氣又貴 最後決定睇戲+食飯．．．我好想好想睇 海神號！
不過海神號因為片商問題，全線百老匯都沒有，只有ＵＡ有得睇。 唯有去朗豪坊間ＵＡ，誰不知... 全院滿座... 可能因為全九龍只有朗豪坊一間有得睇吧。 想改睇X-Man 和 Da Vinci Code 啦... 結果都是很少位，只有前排。 可能是假期的原因吧，林茵說得對，假期想睇戲一定要早Ｄ買飛的！
之後想不到有什麼可以做，呆了很久，一齊落番去西洋菜街，和文攝食了串魚蛋XD... 沒有辦法，ＭＫ睇戲始終都要去... 又逼又窄又貴的旺角百老匯@@... 行下睇下有咩場都不知不覺７點幾，找到Liu，他說從西貢趕來，我們便決定Dinner先。
六個人去最就腳的 Pizza Hut，今次終於飽啦，而且不用等位，不過八十幾蚊@@ 不過好耐未食過 pizza 啦XD，同一班朋友聚埋一齊感覺最好的。 傾談中，提起足球比賽... 7F & 7H，當然了，海軍和水兵一定會是朋友=.=...
食完差不多夜晚十點，一齊睇 Da Vinci Code... (好耐無咁夜睇戲啦) 開頭有點不知說什麼，不過之後開始明，可能沒睇書關係。中途係有點悶，我們之中有人睡著了...
發現了耶穌血脈的秘密... 原來就是阿拉，哈哈哈。
睇完戲都十二點幾啦，送了文攝和 Liuliu 搭青衣的巴士。 餘下的人... 我、輝、拉、林茵，其實我們幾夜走都可以，因為可以搭通宵紅頂。 想著齊齊搭紅頂返屋企時，阿拉提議搭的士，每人＄１５，其餘他包底，在朗豪附近Discuss 了一會...
最後四個人上了的士，旺角＞大窩口＞葵盛＞葵芳．．．因為林茵是女孩子最好第一個落車。 好耐都未試過由九龍直接搭的士返葵青，的士一直在公路上走一直在跳... 我和阿拉同時想起灣岸... 灣岸也可開一架Corolla，和香港的士的構造差不多。
先入大窩口，去到林茵樓下，已經60幾啦... 之後剩番三個男仔，我說$15不夠我應再補貼，他們卻說不用了，阿輝阿拉真好。 上到葵盛，我和輝分別落車，我落時己經90幾啦...@@ 第二天問阿拉，因為他最後在葵芳落， 原來全程要$100幾... 多謝阿拉包底，可以令我們這麼早回家!
林茵Diary有句好搞笑，抄左先：(p.s...c9 不要再著那件印著code 的衫la.. 我們拆解不了密碼@@)
唉哎，今晚雖然去不到沙灘，不可以和大家放開懷抱盡情傾心事，
同埋問一Ｄ一直想知和尷尬的問題，不過我相信實有機會的...
|
|
Sunday, 28 May, 2006 你給我的鎖匙 |
|
去愉景食平野=.= 之後一直談薯仔的事，當時還以為他是因為工作的事而返大陸...
發覺原來大家都好擔心他，我們笑說薯仔已消失了超過２４小時，再不見就要報警。 朝早找到他爸，不清不楚地說了他返了大陸。下午找到他家姐，她說什麼也不知道。= =
唉，大家都知我不好動，但現在我們班只得六個人會踢，那麼我可能會出? 其實我不太想的。
搵了很久，在城市中心找到波褲，去了紙紮舖買了所謂有墊的白飯魚。 之後又周圍行，臨走去了荃灣廣場，在吉之島竟看到Chris和文攝買suit買恤衫... 五點幾，要立刻趕回家。
夜晚約了Christy 行街食飯，她也考完試了...
自從聖誕節夜晚和她行尖沙咀之後，這幾個月大家都忙，所以都無見她。 約了六點在樓下等，旺角、荃灣都厭了，今晚去了APM (雖則都去過)， 原來她今年都好忙，都沒有什麼時間和朋友行街。好，聽你講，下次一齊去捐血！
哈，不知不覺好似自己不讓女仔行太多太耐那樣。 今日才知道Christy沒穿耳洞，全都是掛上去的，又諗起上次差點被某人拉去釘耳洞事件...
７點幾，想不到去邊Dinner，去了裕民坊間沙嗲王，要等好多檯...=.=
Christy 明日要去美國實習三個月，食飯時她交了一條她屋企信箱的Key 給我。
第一次接到女仔給我的鎖匙... 好像自己多了責任似的。
我幾時做了你男朋友，叫我幫你收信？ 為報答我，你回來一定要買手信給我。 我寫信寄信和做郵差就做得多，都是第一次用鎖匙開女仔的信箱收信、分信... 什麼？逐一拆開之後向閣下 Email 報告？=.= 包括學費、還有中國銀行認股信??!!
食完又返上去行下... 行到十一點幾，之後觀塘搭巴士送Christy 返屋企，順便自己返屋企ＸＤ 不用次次傾完電話都說怕忽略了我，講到好似男女朋友咁，你回來後也可以再約見面傾計。
去到葵芳從窗望出去，竟然見到我媽媽上了同一部車...ohohohoh... 大件事。
上次她都見過Christy 同我一齊返，之後返屋企就被她問話＝．＝ 須知道阿爸阿媽都好少在我面前提及女仔和感情的事... 根本不知道他們會怎樣想。 而且上次打不通電話事件後，媽近排以為我去拍拖...
唔好搞，唔好俾媽見到最好！好彩媽沒有去上層，只留在下層，否則她會見到...
怎會咁巧合見到我媽的？唯有避開她不讓她見到好了，廢事被問話=.= Christy 自己落車先，我唯有下個站落車，行遠些回家。 回到樓下差不多凌晨十二點，又上了Christy 屋企取錄影帶。不過你說的電視，我不會幫你錄......
唉... 做了兼職男友，陣間又要幫你開信箱啦，小姐。
今晚發覺，我一定要企在她的右邊，好奇怪。 我有位朋友卻調轉的，和她行街，她要企在我右邊，行錯位她就會即刻走去另一邊。
真不明白女孩子為什麼一定要企死在一邊，是習慣嗎？還是覺得舒服自然一點？
在左邊，令我即時諗起一首歌... 亦記起一個女孩子的經歷...。
你不曾發覺 你總是用右手牽著我 但是心卻跳動在左邊
感受 你愛我的心跳在左邊 「左邊 楊丞琳」
|
|
Thursday, 25 May, 2006 笑容 |
|
她說有Job 臨時找我，去California Fitness幫手 pack禮品，無乜事做我就應承了。
多謝阿輝提一提我，臨去前遞了表統計署文員。當買六合彩啦，抽中就發達啦XD
1:45pm上去中環Winnie 個Office，又是同一個Reception，又是入同一間Interview Room... Winnie 今日戴了一幅眼鏡，都係上次靚Ｄ後生Ｄ~XD 今日上 來是簽約，寫銀行Account資料等......
大約兩點三就去到ＣＷＢ，不過未夠鐘，行了幾條街， 跟住先行過去Lee Garden，利園附近到處都是Brand Shops and OL... 同另外百德新街那邊好不同。
差不多夠鐘就上了去九樓California Fitness Headquarter，初頭還以為是會所，原來只有Office。 California 定期有毛巾及化妝袋送給Club members，於是整個下午就是將它們分好入箱和Mark資料。
Mavis是負責我這個Job 的Staff，之前Winnie 說Mavis 好有善，ＯＫ啦，不過她成日都唔識笑的。 最初梗係聽晒她話，不過個樣就細路女D。之後問她野，她不知所惜個樣係勁可愛又最好笑。 因為一直在Reception附近做，於是不知不覺一直聽Kathy 接電話，她原來平時都幾悶的... Kathy都好好人，不停問我飲唔飲汽水，又借文具...
其間有一大班二十多歲的女仔上了Office，著晒suit，不知她們是Model還是來見工Interview， 總之分批入晒老闆房... 臨放工她們影團體照，不過門口實在太多貨，令到個場面和背景好搞笑。
未夠六點半就完成了個Job，義務幫了一會Mavis手，六點三就放工啦！ 之後單拖落番ＣＷＢ，搭６０１去了觀塘買了一點野，之後才返屋企。 今日真係超累，早點訓。
|
|
Tuesday, 23 May, 2006 Thanks Winnie^^ |
|
自從中五經常在中環灣仔出入之後，都什至上去D Office，今日重踏中環。
其實是之前已和 Winnie 有聯絡了一兩封email，昨晚問我第二天下午兩點是否得閒...... 我實話一定得，不過因為前一日夜了返家，結果過了Office Hour夜晚才覆她。
昨晚太累，覆完她就訓，今朝五點幾就醒了，開了電腦一陣， 之後太眼訓，７點幾再訓，十一點起身。
起身後，就收到Winnie給我的Confirm Letter，是他們公司 Office 的地址。 既然是Interview、又是在中環，我決定穿著得好一點，恤衫+西褲+黑皮鞋。 臨出門口還不停問媽媽，我是否太serious...
穿成這樣其實沒有什麼大不了，返工文員look而已。 但始終平時多數Tee+牛仔褲，少著恤衫西褲，而且又發覺多了很多途人的目光，於是有點不太自然。
由搭小巴落地鐵站開始＞＞荔景轉車＞＞之後等車 去到香港站才感到自然，因為中環大部分人都是這樣著，自己顯得和別人正常XD
大約２點到了Ｅｕｒｏ Ｔｒａｄｅ，中五時也上過去送雜誌... 今日小弟竟是穿著一身文員look入去，發覺大堂靚了光猛了，是裝修過了吧。
電梯裡全部都是西裝友和ＯＬ，最後我和一個女仔一 齊出電梯，到了ｍａｎｐｏｗｅｒ， 竟然看到Reception一個人也沒有，有點驚奇... 過了一會，有兩位ＯＬ走出來，我說想找Winnie... 之後她叫我入其中一間Interview Room，叫我填一份Application Form，之後又幫我影文件、證書等。
等了很久，入門的是一位二十多歲的ＯＬ，原來她就是和我聯絡的Ｗｉｎｎｉｅ。 ＯＫ後生+省鏡，首先她給我卡片，一開始就傾計，竟然讚我寫的英文信不錯...@@ 之後對住Application Form 問清楚我的資料，一路都好friendly、好kind、好舒服。
問問下忽然間轉Channel，她用英文問叫我介紹自己，我忽然嚇了嚇，諗不到說什麼， 求其說自己的Hobbies、校內活動、性格等... 她說都ｏｋ，不過經常周身郁... 哈，還給了我一些 Interview Tips。
突然又轉Channel，她用普通話問我能不能和別人用國語交談，短時間要用三種語言真嚇我一跳， 之後好唔流暢，又不知自己想說什麼，說說下忽然爆左英文tim: such as... 她也笑了，她說其實不緊要。
之後開始她用多了英文Words和我傾，問我想做哪一類工作、哪時間得閒...... 她說近來有一些短期job，例如律師樓OA、California Fitness... 她一直有給她的「仔仔」做，她的仔仔有的還要返學，和我差不多。
接著又傾下計，差不多三點，她說要去試埋中英文輸入法。 我入了一間電腦房，Reception 小姐 叫了我打兩篇中文&英文 passage... 每篇2分鐘，看能打到幾多。 之後發覺還看到剛才一齊搭電梯的女仔也來了打字，打得超快=.=
那裡的Staff 好nice，最後Save低資料，就走了，發覺這間 HR Agent 大多數都是女性=.=
之後一個人在中環行了幾條街，又諗番起中五送雜誌的情景。好像很熟的地方那樣...
大約三點半離開中環，最後搭車回家。中途發覺一位女孩望著我，令我想起另一個她．．．
原來Winnie是Temporary Work 的主管... 希望我做了你的仔仔後，找到工作給我吧XD。Thanks Winnie.
|
|
Thursday, 24 May, 2006 又係ＴＷ |
|
就黎足球比賽，薯仔約了我們全班練波。去了才知道小彬和阿Ken 沒有來。 上午去了葵興工廠區後面個球場，和以前B班的人練。
中午想起阿拉說過想打灣岸，並之前約了我今日去...
去荃灣，因為荃灣最平，阿拉終於開了架黑色Z33，即係故事中的 Blackbird。 今日總結去了三間機舖，基本的Out-In-Out，阿拉做得還是不夠好。始終Z33太甩啦。 我架車可以說是Full Tune 了，再Tune 多一格就要玩多４０話。
之後去了Tea，哈哈，用張紙畫埋圖勁詳細。 我始終覺得，有頭Ｄ底既人玩灣岸，會好好多。
【星期三】
上午九點半和阿拉去了荃灣，是阿拉的主意，他說要早上Tune車。從未試過咁早入機舖，好恐怖。 今日還是主要睇他Tune車，阿拉一次過唱$50 @@，自己唱了廿蚊玩了又抖下， 玩到４５，沒心玩Story，開始玩十人斬，我會慢慢等埋阿拉的。
之後心血來潮想和阿拉互挑，玩新右環大直路，R34 vs Z33，但他的車未Tune完， 公平起見齊齊用６２０ｈｐ，雖然係我爆Handling，誰不知壞波棍，轉不到６波，結果輸了俾拉。 好，黎多鋪我用６６０，跑完發覺原來Z33加速特強，而且算硬。總結今日各人一粒星星。
打機還有怪事發生...
和阿拉玩篤篤機時，隔離有位著短裙的１７／８歲少女，竟然不時望我們的Mon... 之後玩Photo Hunt，後來她更動手按我和阿拉看不到的錯處，嚇死我@@ 後來她自己的機輸了，便加入=.=和我們一齊玩了２，３幅圖，跟住她才入錢繼續玩她自己那部機...
請注意：我和阿拉一直無望過那女仔一眼、更沒有和她說過任何一句說話。 但她竟自動走來玩，我還以為她想......
阿拉的確進步神速，玩了２日，已經過了２０話。
Lunch後，姜媽突然打了給我問路。 之後又不知為什麼去了荃灣廣場，原來她要去拎衫，又是Sinsin買了千幾蚊衫那一間@@ 為什麼女仔明知自己不需要太多，卻要買太多衫，真令人廢解。
真的無事做，本來大家話睇戲，決定買飛時， 因為姜媽無戴學生證，又洗晒所有錢買衫，於是又無睇。之後竟然入了大會堂，真文藝。
最後去了Ｍ記Ｔｅａ加傾計。姜媽好恐怖，四包茄汁加兩包辣醬...=.=
提及一些第一次、回憶、假設等問題...
|
|
Sunday, 21 May, 2006 假耶穌．與十二門徒XD |
|
前一晚MSN，和 Pokman、Liu、Fai、Zizz、Lamyan 一直傾明天的活動。 凌晨十二點傾到三點... 六個痴線佬痴線婆才有定案，決定去旺角睇戲食飯。
今日下午搵人時，Anson提議改去打邊爐，結果... 真的改了。哈，總之昨晚不需要傾得那麼夜啦。 本來由早前BBQ，因為zizz病+陰天 >> 變了睇戲+食飯 >> 再變了打邊爐。
四點幾收到姜媽msg說可否去，非常驚奇@@，原來是Arbe+阿包叫她的。 六點幾，搭不到巴士，上了小巴。有點嬲，司機不停碌車。 ７點半去到大窩口地鐵站裡面，今晚好鬼齊人，個個也來，除了去了旅行的文攝小玉。
八男五女... 有我、Pokman、Liuliu、薯仔、阿輝、阿拉、Anson、Balance、 Zizz、Lamyan、Arbe、阿包、姜媽。
去了大窩口某酒樓，之後Pokman來了，十三人逼在一張檯更加逼，不過一大班朋友親密D也好。
不知誰說阿拉似耶穌 (可能是髮型和神態問題)，搞到大家笑了一大餐， 還有剛好剩餘十二人，我們成了十二門徒... 又說今晚就是傳說中的「最後的晚餐」，哈哈哈，希望第二日仲會見到阿拉啦。
食到差不多，阿治和薯仔他們竟然停了，原來因為減肥，有點驚奇。 阿輝今日好似無乜點出聲，我們個個都認為他有點事不太開心，但之後問他卻說是因為太累。 希望真的無事啦，阿輝你有咩不開心不怕直接和我們傾呀...
我和Pokman、Liuliu一直在檯上排次序∼哈哈哈。 大家又談起足球比賽預備的事，原來差不多三班也只預備過少少。
兩位女將呢？索性不醉無歸，阿包飲了五罐啤酒、而姜媽飲了三罐。= = 阿包去到最尾仲好似... 我下次去沙灘和大家傾計先狂飲啤酒啦，今晚飲住soft drink。
打完邊，去邊？咁夜，結果咪又係去了......機舖@@
去了悅來坊地庫好大的那間，亦即是上次發生收不到電話而勁大穫的那間。 而阿治和薯仔就送Lamyan返屋企，阿包和姜媽就去了找師兄打保齡。
首先一定要喪玩尖叫車，阿拉架貨櫃車夾死了人。 看到兩位槍神薯仔和Liu 第一次玩 The House of the Dead，他們第一次都好熟呀。 太多部頭Ｄ又闊又無人，引了我拎張甩晒色的頭Ｄ卡玩了數鋪，太耐無玩結果當然慘輸啦。 灣岸太多人，今晚都係唔玩。次次都係，大家又一齊玩篤篤機啦...
十一點幾，和Liu一齊送Pokman搭車，Liu 卻一直和某某人傾電話，不停口... 之後返去無耐，大家又提議走啦。有話過去傾計，行到去荃灣，結果找不到地方大家都係決定散Band。
大約十二點半散lu，荃灣仲有小巴，和阿輝一齊搭返屋企。 今晚幾好，不過無機會傾計，唔緊唔緊，大把機會。
舅母介紹的數間agent公司，終於有回應啦...
Thanks Winnie. I am available at anytime.
臨走時發覺大家暗中塞了一張大大的Birthday Card 給我， Ｔｈａｎｋｓ Ｙｏｕ Ａｌｌ！
|
|
Friday, 19 May, 2006 繼續去街 |
|
後來才知道Pokman睡過頭遲了，阿拉係撞到Pokman所以俾人捉過黎，之後他們去了Ｍ記吹水。
我一點半先到葵芳，新都會Rave Zone門口依舊見到Candy幫人抽獎， 入了去搵他們，原來Anson走了，餘下的是Pokman、Potato、C9... 原來他們上網睇別人xanga...
跟住四圍逛，跟住又無無聊聊落了去打機，玩了很多鋪OutRun，下次有阿拉一定要玩全走。 又打機？ 已經係由星期二開始，連續四日去打機...=.=
之後去紅樹林食下午茶，掛住和阿拉傾計忘了和薯仔Pokman傾其他的事tim，咁岩Pok又要趕去Debate... Anyway，下次大把機會再傾過。好，阿拉，遲D一齊去打灣岸。
前一晚發夢，可能知道這幾天見大家，所以掛念大家，不過竟然與高考有關... 話說我這天要考A-level Econ，是第一科AL而且是最驚的一科。
早上起來，去試場(忘記何處)竟然不是搭車而是行路，中途經過學校出面條樓梯... 碰見Zizz和她Debate team的成員，看到他們一身校服，竟然又發現自己不知為什麼穿著校服...
覺得著校服去別人學校考Alevel 好核突，於是想著返屋企換衫。 在葵興地鐵站那時已經7:50am，但我仍想回家先，沒有選擇搭等得耐的小巴，上了的士。 但那架的士就如巴士般雙層的，裡面竟然有幾個人，我選擇了下層某座位。
我問司機，為什麼的士裡會有其他人，他沒有答我。 誰不知那巴士沒有駛上葵盛，竟然去了美孚，那時差不多8:15am... 不知為什麼車上突然多了薯仔和 Liuliu (他們不是Econ考生@@)， 當巴士轉了一個圈，我們三個在美孚落車，原來阿輝阿拉一早在巴士站這裡等待，一齊上試場。 我向各位說了對不起，因為我要換衫所以遲了，之後我們五個人上回那架車，巴士司機說我們三個傻。
8:30am剛剛好到達試場，考生一早已坐滿整個禮堂，只剩我們幾個徐徐踏入...
在沒有心理準備下便要考試了，幸好這天有朋友陪伴... 更幸好的是，這只是一個夢。
連續四日都出街，又打機、行街、打波、唱Ｋ... 有點想休息一下。 但仲有咩可以做???
|
|
Thursday, 18 May, 2006 唱Ｋ．強勢一家人 (特長) |
|
今次全男班: Liuliu、Pokman、Potato、Fai、C9 林小姐你經常病，今次會幾時好番呢... 大家都掛住你，想見你。
約11:45am，昨日還白痴地叫大家不要遲到，結果今日最後一個到，遲了超過15mins...=.= 咁遲去，俾了間大房我們=.=
今日騎呢Ｋ事件， 第一．又係去天橋那間Green Box，相信二樓廁所裡面有鬼的故事大家都知啦。 第二．中途唱唱下壞電腦，自己Reboot 過兩次，最後死機終結。
最後唯有拎著飯轉房，誰不知間房越換越大，間房原本已經大的。 有點空虛感，不太喜歡大房唱K，因為鍾意大家坐密D、音響近自己D。 好似今次少了feel 似的... anyway... 好耐好耐未唱過，而且和朋友聚聚也是好的。
昨日岩岩打完羽毛波，又諗起某論壇的膠歌推介，興起去睇多次白花油王子>夢想有你MTV 三大騎呢動作：用白花油盒打波、用羽毛波彈chord、三十幾歲人拎住結他不停fing扮型。 永遠都記得=.=，睇咁多次都咁搞笑...
多謝阿輝和 C9 補送的生日禮物，巴士錢箱好正呀∼我會聽你講，開始儲錢聚老婆的。
之後又去了金禾，第一次４個玩Mario，不知不覺狂炸Liuliu...XD 原來阿拉想玩灣岸，好，一齊燒錢啦！
夜晚爺爺生日食飯... 去荃灣綠楊美心，勁近。 對上一次爺爺大壽已很多年了，我諗他已八十幾歲了，不過現在還很精神呀...
今日爸爸的六兄弟姊妹也有來，二十幾三十人開了兩圍檯。 不過美心真的空空如也，得十幾廿檯人，這些老牌酒樓真的不夠那些新派酒樓鬥。 那 Waiter 的蛋撻頭加上煲呔，完全是八十年代末九十年代初的感覺。舊酒樓真的舊酒樓。
想起當年的四大飲食集團的沒落：新光、敦煌、聯邦、漢寶... 現在變成新派酒樓的天下：稻香、明星、金龍船、鴻星。間間也要等位...
堂哥銘賢好似入了中大英文系，不過今日分檯坐沒有問他怎樣，個個說他瘦了。 堂妹是應屆會考生，上次見到仲好靚好似(有人說要我介紹)，今次變了 Baby Fat...
兩位表弟一樣是很fd，互相說笑互相追逐，有點像我和堂哥 從前的影子... 表妹今日穿了校服來，原來女校總是這樣的校服加孖辮， 她望著我，忽然令我想起新年那次她的朋友，真的嚇壞我，中三就撩男仔=.=。
今次見面姑姐團竟然沒有問我女朋友的事... 總算鬆一口氣啦。 總之，我們一家人，個個都越大越靚！！！
美心的菜好睇精美但無排場，上完幾碟竟然要等十分鐘再有， 這個是套餐wor... 你們職員很忙嗎？可惜我看到的是到處空檯=.=。
食完大家影相... 哈，我們這一家人最喜歡影相。
首先是安排座位給爺爺坐定，接著三兄弟(爸爸和兩位叔叔)企在爺爺後面影相， 很好笑，其中兩位不停摸自己的頭、一位咬著牙簽、跟住三個都傻笑，其他親戚在後面都覺得好搞笑。
接著三姊妹(三個姑姐)和爺爺影相，都仍然好好笑。 接著胡門女將(所有女性)... 接著女婿們... 接著新抱們... 接著六家人各自和爺爺影相。 接著所有孫影一張，包括我和堂哥、堂姐、堂妹、表妹、表弟...
聽到其中一位姑姐說: 能和爺爺慶祝生日多十年也好... 我初初聽到只是點頭，沒覺什麼特別。
食完十點幾啦，本想行行千色店但已關門了。 回到家聽媽媽說，原來姑姐因為工作壓力大而患上了鼻咽癌第三期，真是太突然。 近來亦聽Valentino說，他有位朋友因為患上末期Cancer，不想家人傷心而離開了家人、離開了香港... 他實在太傻... 自己最需要別人，卻因為不想身邊的人傷心而逃避這世界><， 幸好這幾天好像返回他家人身邊了。
生命，不能控制，但願．耶穌看顧他們。
|
|
Wednesday, 17 May, 2006 羽毛球 ．行街 |
|
下午兩點約了他們去林士德打羽毛球，有薯仔、liuliu、阿輝、c9、alo、Anson， 原來阿Wing同 Feby都有來，咁多人但都係book一個場。林茵又病啦...休息多D啦。
阿Wing 竟然和 alo 很合拍... Feby 整的蛋糕不錯wor... 發覺全館都是和我們差不多年紀的人... 可能有的是考完會考的人吧。得閒做運動也很好呀...
四點就走啦，和薯仔、Liuliu去了葵芳行了一陣街， 之後無聊間又去了玩槍game，痴線又去... 蜜瓜鮮奶好好味呀，發覺葵芳多了好多撈撈店。
Liuliu 說今日主打節目要買一位朋友的生日禮物，於是我們三個去了旺角睇。 這位朋友嘛，是一般普通型女仔... 不太花巧、不太誇張的人，而且和 Liuliu更是.... 呵，不講了。
一到好似忘記了要買禮物，竟然去了Chic之堡睇衫，Liu有收穫呀。 原來薯仔平時一定要著闊衫，今次見到他試著一件衫，好窄好恐怖，大隻佬!!! 顯露了薯仔勁大隻的一面，露晒肌肉，仲要係黑色衫... 真係感覺自己好似旺角街頭@@
之後行完全幢潮區先知 Liu一早諗定想買手鍊，並不是什麼精品.. .o o... 不過我又買了頸鍊，海豚 peaceful 呀，因為現在又不想十字架、權杖、劍... 但 ｍｋ咩?
行過好多地方，liu終於買了Princess的手鍊，ｇｉｒｌｉｓｈ！，忽然諗起阿朱好似都鍾意Princess。 個Sales好柔好細聲，岩晒他們賣的products形象，呢間公司請佢無錯...
八點啦，今次去旺角無飲野，但就去了薯仔介紹的旺角手搞麵... 原來這裡開了"大家食"... 茄蛋手搞麵，酸酸甜甜，勁有新鮮感，好介紹wor...正!
打風旺角真係少人D...
很喜歡夜晚朗豪坊的感覺...
|
|
Tuesday, 16 May, 2006 考完人間蒸發? |
|
一入到7F課室，見到ahlu食熱香餅、志偉老師食學校麵... 我仲以為早得滯tim... 中途Henry竟然來找志偉，之後加入一齊練。哈哈... 岳飛的自白、董建華的自白...
Lunch 5個人去五十嵐，ahlu 由頭到尾都好興奮，不停和Martin傾計，佢好似今日寧舍開心呀... 不知不覺間ahlu又為麥記賣了好多廣告啦... 反而我同姜小姐&陳小姐好似好靜咁。
下午志偉唔得閒，我們唯有返去cover自己練，cover空空如也。 哈哈，我今日才知道國歌原來可以朗誦... ahlu同martin好搞笑。 之後又黎個自創 K怪小組討論...亞視應否播徐步高。大約四點九，我同姜小姐就走啦，去全完。
考5:10pm，我發覺D次序和 那次UE Oral差不多， 夠鐘點名，姜小姐永遠是第二個被叫名的，而我就永遠是第二組的第一個。
做一號同學係特別驚，坐最前看不到其他人看完試題的反應。 第一眼望短講的題目> "但願當時我在現場" o...shit, what's that? how to say? 算啦，講911，不過不失掛... 之後討論，三男兩女，有個女仔係上次UE同組的，有個型仔就之前見過幾次... 整體大家好Peaceful，有個男仔笑住問我，我又笑住答他... 要讚讚五號仔當知道大家同立場，立即轉軚，咁大家先有話可說。另外個型仔幾引導大家討論。
之前約定了姜媽 Dinner，so 考完就去。仲要搵埋薯仔呀... 因為落雨，結果和姜媽2個人在荃灣企等薯仔... 傾了好多野... 原來我的愛情觀那麼理想化... 企在某門口一高一矮處，霎時很想知道，"做一個女孩，身邊所有男仔都高過自己是怎樣的感覺"...
姜小姐說想打機，上了金禾，無無聊聊... 又玩篤下篤下，另外紅綠藍機睇就睇得多，原來咁惡玩。
本來有人說想去飲酸辣湯，結果卻去了稻草人。 壞習慣今日又竟然來了>掛住講、忘了食。大家原來狂睇日、韓、台劇...
今日小弟太興奮，好耐未試過啦，我諗上一次已是未考高考之前的前幾個月。 我自己知道的，點解? 因為小弟往往最開心的時候，就會亂講隨口up... 無拘無束的感覺 嗯，平時自己言語行為一向都"猛猛緊"的，新發現．男女男．組合... 我+薯仔+姜媽。XD
Dinner後已差不多十點。 姜媽差點捉了我去釘耳洞，無錯，我話過想戴耳環，但都未係今日丫...
玩下顛下十點啦，本來以為他們陪我行過去搭小巴，結果調番轉被他們說服上大窩口搭車， 中途經過悅來坊，諗起薯仔之前推介的機舖，想去看看。
一入門口，發覺超大超闊，部部機都隔好遠，仲要特平，和薯仔玩了數鋪尖叫... 玩尖叫車從未試過咁開心，可能這裡又平又唔迫人吧。幾年來玩了N次，今日竟然狂傻笑。＠＠ 張頭Ｄ卡都脫晒色啦，今日竟然又玩番，可能都係因為環境太舒服。
因為全晚都太興奮，什麼都忘掉啦。 這裡是地底三層，卻竟然想不起，這裡收不到電話！！！ 結果．．．大穫事
事緣因為太早出門口(練Oral)，媽未起身，於是沒有向媽說今晚不吃飯，結果媽一早留了飯... 我也估不到自己那麼夜，到媽夜晚十點回家的時候，我也未回家。 當媽看到留了的飯沒有吃，又未回家，不知我到了哪裡，便想著要打給我。 可是當時我卻在那地底三層，於是收不到電話啦，結果媽打不到給我。
媽不知怎麼辦，唯有找我朋友的電話，結果又找不到，於是找家裡的來電記錄。 剛巧Zizz前幾天打過去我屋企，於是媽有電話便打給Zizz問... Zizz非常驚訝之餘也十分擔心。 Zizz後來聽說我和姜媽一齊考，結果問了幾個人才知道姜媽的電話。
當找到姜媽電話，打通的時候，我們剛巧離開地底，當然打得通啦。 姜媽拿給我聽，Zizz："你媽媽好擔心你，我地大家都好擔心你．．．"
即時嚇死我...
大家是否以為小弟考完 Oral之後人間蒸發??!! 不過，聽媽的聲音語氣才知道原來媽不是太大擔心，始終我十九歲啦。 Sorry，太大意，忘記向屋企人匯報，又弄忙了Zizz...
放心，我十一點幾返到屋企啦。
|
|
Sunday, 14 May, 2006 Mother's Day |
|
【星期六】
沒事做，去了修一修頭髮，搵Vicky... 已經有三個月無剪啦，最耐一次啦，我想留長。
各位各位，小弟問了Valentino，證實他並不是Gay的， 大家請放心，我唔會有任何危險的，他只是熱情了點而已。
執屋時不經意放了一大堆買+借的書放在書檯，才發覺全都是關於愛情的小說、散文... 媽子也喜歡看書，有時也會拎我的書做床前的「陪瞓用具」， 今次又和我說拿了一本去，不知道媽子又會對我全都選擇愛情怎樣想，會以為我是女孩嗎...
【星期日】
今日母親節，年年也是和婆婆一班親戚出去食晚飯，再不是就自己請爸媽吃... 不過上個禮拜姨姨她們搞了，今個母親節便空了。
可惜適逢胡太今日要返工，小弟請不到她夜晚。那不如我請飲茶啦胡師奶，她又說多人要等...
咁我問胡太想食咩，佢話屋企已煮了飯，只是想吃點心。 好，即去... 去到附近的飯店，結果什麼也賣晒...>< 唯有搭車去東村酒樓，買了４個點心... 又拿拿臨搭返車趕及胡太返工前Lunch食。
飯我煮啦、碗我洗啦，胡太不要太操勞呀，今日我唔做太子爺啦。 但胡太仍然煮下幾碟餸留給我Dinner... 爸呢? 還睡著...
始終想不到送什麼給媽... 每年只懂請食飯。 你得我一粒仔，我唔陪你邊個陪你。就算下年入到大學，我都唔會住Hall，因為要陪你和爸爸呀。
丫．我諗到啦，下年，我送花俾你啦XD。
|
|
Friday, 12 May, 2006 逛兩日 |
|
【星期四】
朝早７點就要起身... 好耐未試過咁早。 因為要八點半返學校練Oral=.=，今次 腸 Ken FeiFei 晶。 相信我們考完，志偉下個禮拜有好日子過啦。原來不知不覺返校練了三次、又和Liu他們練了一次
下午小彬和薯仔說要去 ＴＷ ＆ ＭＫ。 練完Oral 唯有一個人出荃灣先，有時間上了金禾Tune車，原來這幾星期已玩了６０舖... 就黎Class B。
一點半在荃豐門口等小彬、薯仔... 好肚餓 !@#$%^&I* 見到 Mandy & 陳曉婷兩位女士行街，又是粉色...
原來今日小彬想買高達的餅卡，大家去了大xx草草吃了個午餐。 去了勞工處的什麼招聘日，得兩間公司ja，又是網上被人唱臭的那間什麼立德... 還有「小組討論」?，擺明益中七學生啦，不過還是沒有In任何工。經濟好了，一定易搵過以前。
之後三個人去了旺角。 Chic之堡發現了一件勁趣怪的Tee>>"I'm Fucking It"，仲有雞蟲上校＠＠ 想補買一條頸鍊，因為之前的斷了。但不知道黑色帶還是銀色帶好...
行ｍｋ一定要買野飲，順便買杯芒果豆花西米先， 行了去波鞋街，薯仔看不了兩三間便扑搥，買了對好像是高比的Nike... 忘記了食ｍｋ手搞麵。
繼續尋找高達的故事... 上了皆旺搵玩具，兩位男孩非常落力逐間搵，我又想到自己和其他男仔不同... 就是沒有追買figure、卡。
今日先知道先達不是全幢都是賣電話，上面起碼有一層原來像荃豐那樣，賣潮衫鞋、玩具、波衫... 薯仔又買了南葛的波衫，小彬依然找不到他的餅卡。
天黑了，返了葵芳繼續逛。 果然給小彬找到了，反而好似好耐無行過葵芳lu。 而薯仔買了件紫色Tee，嘩，紫色激型...! 總結今日薯仔最大收穫。
【星期五】
取消了唱K，本來約了Pokman 睇 Silent Hill，結果又變了齋食Lunch。@@
約了葵芳等。因為Debate的關係，Pokman 想行入一間地產公司直接問關於將來樓市的情況... 結果他在中原地產門口打了電話入去問，扮中年人士想買二手樓~XDD 哈，之後上網搵Jave 的FD阿細...
行過Rave Zone門口，竟然見到Candy在新都會做抽獎小姐!!!!!! 之前都聽過其實，但我以為她咁愛鄭嘉穎，會去朗豪坊tim... 點知......
等埋Liuliu就一齊去食Lunch，結果周圍都咁多人... 照Liu說去了小雨天，但為什麼雲南米線小辣竟然那麼辣??!! 突然輝打來，竟然一個人在葵芳，結果join了我們食野... Liu說要去見教宗，學羅蘭去朝聖，食完就走了。
好耐無去過三聯，原來Wasabi 的來不及聽你說愛我小說出了，都不知道tim，要買啦。
之後和薯仔、輝去了圖書館。 借了早兩年王諾文的處女作... 又是寫愛情的，嗯，看看他怎樣寫第一部書。
高考前應許過自己的事... 何時才完成？
|
|
Monday, 8 May, 2006 無謂生活 |
|
本來預了中午打機，不過又要上網搵資料，Lunch食了個麵就出去啦... 結果12:45pm先去到新之城，繼續Tune那部銀色R34。
山路真係玩死人．．． 我差不多走時，隔離３部互挑新環右，有部S Class，其他 A, B Class 走的時候，我諗住睇佢地挑，過了不夠一分鐘，有位速遞員坐落，B Class，變４挑。
如果唔睇Class，４位技術都勁人，超多星星。 見到B Class車GC8夾速遞員埋牆... 最後贏了。反而不太明白其實R34直路應該可以放人好遠的...
速遞員好似唔忿氣翻挑，４個繼續挑番新環左，有個人即轉卡，換架e8... 突然那部S Class撞牆，之後俾人拋過400M，諗住輸啦，只剩幾KM... 不過都係Ver.b既機犀利，後追特強，最後竟然追番上來... 贏了的GC8咁唔好彩撞貨車，最後e8贏...
之後已經再無時間睇，趕返去學校，見到好多林護人食完飯... 今日去了7F練，除了薯仔，仲有Irene、FeiFei、阿晶... 仲見到好多L班人返了黎練... 多謝志偉老師抽時間幫我們練，練完佢又要趕住走去做examiner啦。
本來諗住返屋企，但薯仔話陣間考完會黎荃灣... 結果上了城市中心金禾繼續Tune車，入錢先知而家變左$2@@ 總之減左價中午就唔去新之城啦... 金禾真係賽車特平，咩都坐滿晒人...
原來不知不覺，灣岸燒了我百五蚊啦。
無等薯仔就走啦。今晚食完飯，又係好累訓了。 得閒搵下姜媽佢地唱下K、睇下戲先...
聽日FeiFei生日快樂，希望你過得開心啦!!!
金禾灣岸原來＄２ ja 超平，痴線
|
|
Thursday, 4 May, 2006 May Fourth Movement |
|
報報大家的遲到情況，每次我們這班人的確對「時間」這觀念...有點兒......==
約了一點在長發M記等，我12:53pm才出門口＝．＝ 好彩岩岩有車，結果Pokman 非常準時一點就打了給我，當時我架車仲過緊橋...=.= 如我所料，他說這裡什麼人也未到!
最正的是主角廖先生，當時他又打給我，手機來電更顯示他還在屋企...@@
1:15pm我終於到了，遲了三個字還是第二個到!!! |
【星期一】