．--散感/日記--． (20集)
光．感．集
★ 清新．是我們的感覺！
<光感集> Since January,2002
|
感光區特選 |
|
|
 |
本集為九至十二月之日記
|
Saturday, 30 December, 2006 擁抱維港兩日一夜 |
|
23/12 一別，今日又係「友緣相聚」。
今次去了Elton預備的屋： 灣仔＆ＣＷＢ中間＞＞銅鑼灣大廈
廿七樓，一上到去超正，有個全幢樓唯一的超大露台。 個露台仲鋪上Golf草皮，一望落去就係紅隧出口，前面係毫無任何建築物阻擋的維多利亞港！
原來這地方是Elton爸爸公司的一個開會地方，怪不得只有好多張開會Chair。 不知算不算是最後一次見Elton，他可能要離開香港了。
和 Pokman、Liu、阿拉落去銅鑼灣行街。 無錯，去銅鑼灣行街竟然係買菜。=.=係一系列打邊爐+BBQ食品。 我地竟然格價，揀岩凍肉舖先買。XD 幾位年青人拎住一袋二袋餸在銅鑼灣周街走好搞笑。
買完天黑返上屋，由於未人齊，輝又去接kawing，大家玩下啤牌... 突然大家給出面維港的Laser射燈吸引，原來係夠鐘八點的幻彩詠香江。 個view本身好靚啦，毫無遮擋擁抱維港，平時我地在尖咀望過黎，有塊Panasonic牌就正正係呢度。 企在這裡睇，終於感受到自己係香港的一份子。
咁岩今日竟然仲有埋煙火^^，原來這邊望過去尖沙咀亦可以好靚。 成班朋友企在露台上靜靜地睇煙火，真係覺得好好feel... Liu在影短片，仲叫我地扮遊人歡呼。 短短十五鐘，突然覺得自己活在這裡很幸福。
之後薯仔都來了，我地就開始露台ＢＢＱ+屋內打邊爐。 林茵和Elton先後負責燒，另一邊廂大家見到個邊爐一打開，就好似餓狼咁搶野食。 等我數下今晚有咩人先，我，阿輝、阿拉、Pokman、Liuliu、薯仔、肥智、文攝、Elton、 Lamyan、Zizz、Doris、Kawing。
大家都兩邊走下，食下燒烤又邊爐下，最後食到好飽。 十點幾，出面做一公升大結局，Elton睇到眼濕濕。 屋企錄了，於是同Pok入了房約人去除夕節目。
可能個個平時睇賭場風雲睇到入晒迷， 咁岩副麻雀又有勁多籌碼，於是齊齊玩話事啤。 將籌碼加多一兩個０，個個都話「１萬」、「５萬」... 好自然咁跟，但拎了籌碼出黎，竟然要同檯面找換「找籌碼」，多左找番岩ＸＤ，勁核突勁搞笑。
十二點幾，薯仔同Doris返屋企。 他們玩話事啤玩到凌晨一點，同阿拉講好了落機舖玩灣岸。 其實都係不熟ＣＷＢ，和拉一邊傾一邊周圍搵機舖，行過幾間都幾雜，差不多行到去灣仔tim。 返轉頭經過鵝頸橋竟然見番薯仔同Doris，竟然未上車！帶他們和他們一齊等通宵巴。
凌晨一點八機舖就收，同阿拉落銅鑼灣廣場地庫玩。 我覺得而家扭S灣ok左，但其他紅灣都係一般，架R34陪了我半年，終於揸過３０００ＫＭ啦！ 但一到凌晨兩點，就發覺超熱超焗，全身流汗，原來機舖收工係用熄冷氣呢招趕客。
去了間２４小時惠康，幫他們買補給飲品，之後先同阿拉返上樓。 上到去發覺大家坐了出露台吹風，原來係傾緊哪間大學多靚仔靚女，仲有Zizz的經歷。 另外原來Chris+Elton+文攝入了去其中一間房傾計。
太凍的關係，之後和羅生入了一間房傾計。熄燈傾，D倒影有少少恐怖。 之後又Call埋 Zizz、Liuliu、Lamyan一齊入去，大家齊齊訓在同一床舖上傾。 講了自己的，哈，原來我可以講一大輪才出point。之後到Liu，Liu實在係快槍手啦... 差不多五點，由於一直係熄燈的關係，傾傾下五個人就不知不覺訓了覺...
中途半睡半醒Elton好似幫我地加被，不過好凍好迫，第二朝九點就頂不住出了來。 發覺阿輝訓廳，阿拉就通宵玩PS2，之後join他一齊玩。
朝早十一點，大家執野，Elton話出露台影相。 Elton又再次認真地講，可能真的會離開香港幾年去讀書，大家要互相電郵、大家結婚要請大家... 好像是很遙遠的事，但幾年的時間，的確可以發生很多的事、很多的轉變。 影了很多不同pose的相，哈哈。不知是否大家和Elton最後一次影相了。
十二點離開，大家個樣都好似好少少呆+累。 林茵的新男朋友來接她，有點surprise，我地全部人都係第一次見他，總覺得林茵喜歡某一類的。 我想，有些人的一些關係可以真真正正結束了。
之後齊齊去Lunch，求其去了美心快餐。 今日係十二月三十一號，好趕呀，返到屋企又要趕第二場。
我最親愛的一班朋友，很開心又可以再聚。
|
|
Thursday, 28 December, 2006 7F幾丁友 |
|
話說同小彬傾電話，講開原來他想聖誕假約我們 7F好友一聚。 好，你講一句我地即刻約人，支持你孤軍作戰之餘，我地都想見下你。
今晚主角一定係好耐無見的小彬&經常電話打不通的薯仔。
七點半，旺角地鐵站真係好多人，多人到等人都無位企。 好耐無見楓兒啦，好似又無乜變到(除左識左男朋友XD)。 薯仔而家開始戴眼鏡，肯定係女友要求啦，不過真係都慢慢習慣。 小彬頭髮長左，照舊一臉憔悴，但講野一樣咁搞笑。
之後join埋阿晶、feifei...她們原來去買NDS。 可惜今晚Donna 臨時家裡有事、Angela要做物理治療、阿腸要interview...
之前揀了韓燒，於是求其book了漢和，但結果上了東大門... 無咁大煙，因為平時次次食完韓燒返到屋企全身都一定有味=.=
其實大家咁耐無見坐埋一齊都幾開心， 大家都講下近況...... 發覺男仔搵補習真係好難，另外又講下大家識既其他人而家點。
講真東大門貴D又要等位其實同漢X &漢XX又無乜分別... 不過有特別服務：經理叔叔教你韓燒。 無端端個經理同我地講應該點燒、應該點擺、應該點善用個爐，哈哈，服務都不錯。
因為我地叫了野飲，每人一百四十幾，激貴。
差不多十一點離開，我地在旺角街頭行了一陣，送埋楓兒走。 同小彬傾開計，竟然係睇他的ＢＳ Ｅｓｓａｙ俾分。=.= 她們去在街頭睇野之際，和小彬又傾到拍拖的問題... 自己好似好水咁。 薯仔都說，不要眼角太高，你要記得自己在PolyU...
算啦，找不到地方傾計。齊齊送埋阿晶上車，之後送埋小彬入閘。 小彬，高考加油呀，你寂寞就搵我地啦，總之唔好中途放棄+頹。
臨走和肥肥薯仔行了轉新之城，他們要找扭蛋。 好似好不捨得那麼早就回家咁，行到過去差不多小巴站先同他們Say BYE。 十二點幾離開，自己一個搭地鐵，返到去葵興仲趕得切尾班小巴。
不知為什麼，次次同朋友出街，都係有人關心我拍拖既事，話題總離不開戀愛。
|
|
Wednesday, 27 December, 2006 廿七廿九雜記 |
|
聖誕假第一次返Poly，因為Sam他們話要返去練口水舞。 下午約埋靜兒一齊返，上到IC先知無人，原來係上莊房。 中途撞到二表哥，第一次在學校見到他，不太明白為什麼Arch要黎Poly交流。
上去R搵房跳，Jolly同Vivien就黎教我地。中途阿Ga同廢榮都有黎睇。 我地八九個人越跳越Kai。Guts 隻手好直，搞到我地超好笑。 好似重拾番去Ocamp既時候咁，不過突然無晒記性。跳了好幾次，大約６點幾就走啦。
發覺好似好多人都病左咁。><
【十二月廿九日】
今日同那一男一女唱K。 遲了起身超趕，又要老遠搭車，因為又去尖東港晶。=.= 好搞笑，Neway 話 Poly人假期個個放假無人返學，所以就無兩杯野飲。
今日個組合我仲以為女主角有什麼Message向男主角表達，結果什麼也沒有。 未找錢就俾人Cut，極無奈又想走。但過了幾分鐘又竟然離奇開番。XD
不過最好笑係忽然諗到想唱郭富城首"對你愛不完"，但原來大家只識唱 Chorus。XD 一首九十年代頭的國語作品，結果中間段野我地竟然用廣東話Rap...哈，超爆笑。
去了河內道打了一陣機，貪佢全尖咀空氣最清新。 手痕又玩灣岸。另外聞說某人係太鼓高手。不過今次都係射下波、篤下機算。
之後返葵芳，介紹了Pokman去名師搵Vicky，這一年都在那裡剪，不差的。 好搞笑，差不多去到門口，講起幾錢羅生先忘記禁錢剪頭髮。 原來自己起碼兩個月都無剪頭髮lu，好多人都話我長，要諗下點剪，染？電？
期待十二月三十的Gathering。
|
|
Tuesday, 26 December, 2006 冬季購物+美食節．海旁 |
|
因為福記之前派了幾張冬季購物節的飛，廿六號係最後一日， 加上羅先生邀請同行，於是今日去了冬季購物節+美食節。 我、羅先生、Survey Denise三個人，算是要補祝 Denise 的生日吧...
約了下午一點，接近遲到，原來羅先生還遲過我。
去到會展，發覺原來購物節根本可以無需要Ticket。 整個場都是主打賣家庭主婦的用品，賣穫、洗衣粉、家庭電器。當然比起書展、美食博覽都較少人。
哈，有度有一蚊一把刀，吸引一大班師奶。 我覺得那些公司其實都不是主打賺錢，反而好似是主力吸引一大班人睇他們從而滿足自己。 那些掛著咪的推銷員又好似補習天王上緊堂，周圍都係又好似街市。
和記3有即場Promote， 6288上台好像只需要八百幾超抵... 可惜自己簽了約... 即場買了個透明鐘，可以變五色，夜晚用好靚。 羅先生就買了一套罐頭刀，送給媽媽，真係孝順。
台上面邀請了一班專業的小朋友跳舞，有人跳 Chacha... 好搞笑，好細個但Ger晒頭，著得好性感咁跳，D表情又好老積咁。
羅先生見到一檔有新一年免費算命，竟然真係坐低去睇，我地就陪他睇。 個人竟然問他想用新曆定舊曆生日=.= 不過唔駛錢睇下都好，原來羅先生要到下半年先有戀愛運。
之後經過了一間賣生髮水的，她們叫我們做頭髮測試。 羅先生第一個肯坐低試，個機器其實係放大鏡，將那鏡頭放在頭髮上，並放大五百倍。 原來每條毛囊上，健康的通常有三至四條頭髮，另外轉位和頭殼頂通常較不健康。
之後 Denise又做，結果又推了我去做埋。 估不到我家裡那麼多人地中海，我的髮線又後，但結果髮質又不太差， 還有，原來我的頭髮不像男仔，反而好似女仔咁特別幼。
另外有飛就可以入埋美食節。 超級多人，迫到行唔到。我諗都係食先可以吸引人睇多Ｄ。
一去就買了枝雪條食，我地之後又買必食魚蛋燒賣。跟住有度５蚊買碗餃子，超抵。 周圍都試食下，好開心。不過諗住有 LOTTE Milk+Cream可以買，好好飲的，結果今次無Promote。
大約六點睇完跟住出去金紫荊，扮自由行。＝．＝ 我地三個落番灣仔食野，去到灣仔一定會諗起姜媽，於是打給她。 她竟然出埋黎tim，話想見下我，帶了我地去一間茶餐廳。好耐都無見她了，好似肥左。=.=
今次仲見到她上司，真係好似Gap 錚。 姜媽把口好衰，成日話我點都無拖拍。不過間餐廳都算係好介紹。
差不多夜晚八點有幻彩詠香江，去了灣仔碼頭準備上天星小輪。 剛剛好，上船不久就開始了。還是第一次在船上睇幻彩詠香江，感覺都好特別呀。 亦是第一次望尖咀這邊，最正係文化中心，好似個大螢幕。
上了岸，去到海港城那邊入口真係佈置得不錯，聖誕鹿車沿著路軌不停行。 姜媽打來說她的活動推遲，便Join了我們行。
原來廿六號都一樣咁多人，上了樓上坐了一陣。 傾下大家聖誕做了什麼、除夕會怎樣。和姜媽傾到了拍拖的問題，軍師說除夕叫我打電話約人。 我還想回家才約之際，被他們三個群眾壓力下迫了去打電話。
廢事咁多人睇住，行出去打，電話結果係打不通。 但有意外收穫，竟然撞到Winny 和她的朋友。原來是上次她貼紙相裡的靚女們。之後和她又影下相咁。
跟住送姜媽離開，我地三個繼續行。 行過尖東那條天橋，令我想到上年的回憶，上年曾在那裡和一個人一起跑...
尖東好似好熟悉咁，有時返學唱K會黎，考試期間經常和同學仔又黎Lunch。 噴水池廣場搭了台，台上面有個和我們差不多年紀的女仔唱歌，我同羅生在研究她的唱功之際... 男主持忽然上台，拖著她合唱滄海遺珠，激奇怪。
夜晚十二點幾就返到屋企啦，好想休息下。
|
|
Monday, 25 December, 2006 **~Mix & Match~** @ X'mas (一) |
|
今日係聖誕節，Ｍｅｒｒｙ Ｃｈｒｉｓｔｍａｓ！
２５號聖誕正日，梗係同自己最喜愛的朋友一齊過。 就係 Mix & Match Group 的一班傻佬傻婆聚舊∼hehee
http://www.xanga.com/groups/group.aspx?id=2362574
今晚總共有：我、Pokman、Lamyan、Liuliu、Arbe，還有Bonus>>> Potato!!!
遲了少少，八點到旺角。見到Pokman、Lamyan... 去地鐵站提款機，驚訝竟然比平時少人，原來一拎要拎＄５００ =.= 這亦是今晚要大出血的徵兆。
差不多八點半，齊齊上去廖先生Book了的高氏５樓Cafe。 之後睇睇餐牌，真係聖誕大餐價錢，$138一餐，我不好去吃自助餐。=.= 叫了碟焗雞翼、炸雞軟骨...
林小姐差點悶到訓著了，Liuliu 和 Arbe 九點幾終於黎到。 兩個鐘一次Order 另加所謂最低消費，結果令人=.=
十點半離開Cafe，去了那個什麼東京銀座。 那裡設計好細好迫，簡直失敗。 之後聽說門口有噴雪，便等了一陣，後來竟然是因為警察禁止而一早就沒有了，真兒戲。
講開電影，聖誕真係好似沒有什麼戲好看。不知誰人提起魚蛋妹三個字。=.= 諗住去麥花臣球場坐，結果關了門，於是不自覺在旺角行了一整圈。
十一點幾，我們送Arbe 搭巴士回家。由於剛才在Cafe 沒有食野，我們四個就南下進發搵食。
不知不覺行了入廟街。 仲記得我婆婆從前這裡有一個檔口賣恤衫，我小時候經常夜晚(星期六晚)都落來。 還依稀記得有幾個檔口賣什麼、老闆是什麼。
那時每一次落去，我也會在廟街街頭那間７仔買意粉食，有時候還有豆腐花。XD 還有那間機舖，十仔哥哥曾經帶過我去一兩次。 現在看到門口依然沒有變，但現在想起真的覺得好恐怖好雜。
哈，還記得那時候我喜歡開一些校簿來畫畫， 在那裡曾畫過一幅中環匯豐銀行大廈和中銀大廈等... 有一晚有一個遊客望著我也在讚，哈哈。 但現在已不再畫畫了，估不到我現在喜歡的是寫作。
那時候，那裡十分多所謂"街童"，和我差不多年紀，我也認識一兩個。 他們都是那些檔口的仔女，因為屋企人夜晚要開檔，屋企又無人，但又住附近... 於是他們便在街頭通街行、玩。當然了，在那裡混都不太像好人。
記得一間舖頭的"太子爺" Billy仔，和我一樣年紀， 那時候每星期六夜晚我也會上他家裡玩，打機，傾計，一個很夾的朋友。 可是，因為那店舖要搬了，再沒有和他聯絡。不知他怎樣呢，進了那一間U。
待續．．．
|
|
Monday, 25 December, 2006 **~Mix & Match~** @ X'mas (二) |
|
這一些只是回憶而已... 五六年前，我婆婆結束了在那裡的檔口，所有賣剩的衫已捐到鄰近的救世軍了。 我也再沒有踏足這條龍蛇混集的街道。
今晚有幸和最親愛的朋友行過這條街，感覺真的不一樣。 張太還在賣手錶、阿達轉了在我婆婆以前的檔口賣手袋、那邊的檔位仍舊是賣ＣＤ... 當然，我熟悉的只有數個檔口，而且如今人面全非，今次的角色只是逛街而已。
中途不少睇相睇掌檔，好多檔口都好似覺得我好有需要，他們好多都望著我：哥仔坐低睇相。 同行的羅先生、廖先生和林小姐又沒有被叫。
我發覺我們這班朋友可以下一次去大牌檔食野，可以有新意一點。 不知不覺已逛到了廟街尾的佐敦。
因為想享受街頭糖水感覺，和羅先生求其去了雲吞麵舖食， 想著之後去食糖水，林小姐和廖先生就去了隔離２４ Ｍ記坐陣等我們。 那時候做緊孫悟空，全人類都望住部電視。原來夜晚真係好多人睇重播。
後來去Ｍ記找林茵、Liuliu。 誰不知他們想吃麥旋風，結果唯有取消了去食路邊糖水的念頭。
凌晨十二點踏入十二月廿六日。 打給經常不通的薯仔，竟然打得通！他還剛巧在尖沙咀！ 最緊要是他竟然這麼夜都肯來Join，我們去接他。 薯仔好像沒有什麼變過，除了一幅新眼鏡。(上次撞到他和GF就是去配)
好開心，因為好耐好耐好耐無見過薯仔啦。之後返去齊齊買雪糕食。
竟然不停傾了我的事．．．哈哈，這學期出現了三個女孩。 接著當然是傾薯仔啦，他和女朋友開始了一個月，是他的 Hall-mates。
可是薯仔原來收收埋埋不少心思、Ideas... 一份做了很久的聖誕禮物、用盡Hall 的設施給女朋友Surprise 逗她開心，薯仔還教我們刻蘿蔔... 他說現在已要預備二月的情人節禮物。好幸福的一對。^^
我們五個人不知不覺傾到差不多凌晨三點半。XD Liuliu 開始累到訓著了... Pokman 還說不如在這裡過夜... 當然最後我地離開，齊齊行返旺角搭車。
想著一個人返葵盛，但原來亡命紅頂也有尾班車，趕不及凌晨3:45 那班=.= 唯有再Join番薯仔、林茵搭另一架亡命紅Van返葵芳。 發覺搭得太多，架車響已經小兒科，開到100km/h 都沒有驚的感覺...
在葵芳落車，一個人走一條寧靜的街道。沒有車、沒有人。 有點害怕被打劫，但發覺個阿叔見到我反而仲驚，不敢正望我。 不過不用四點半就返到屋企。聽講青衣人好似要凌晨五點先返到去。
返到屋企竟然去睇星座資料，順便等頭乾。 原來和金牛最襯的是處女座，可是雙方都不會太主動，同時亦十分禮讓。
結果六點先訓，好開心呀今晚，猶其係可以見到薯仔。
|
|
Saturday, 23 December, 2006 聖誕摯友 Gathering^^ |
|
由於各有各忙，之前大家又有密密麻麻的考試， 輝仲要出晒所有人的Schedule，好辛苦先搵到今日可以約一大班老朋友。
昨晚想著一些事一個人，竟然睡不著。 去到凌晨四五點，還想著自己會和她怎樣，很奇怪的事。
夜晚六點早少少出去旺角，因為要和 Pok去買褸。 旺角好多人，上Chic之堡睇，好多衫都好岩呀，仲記得上一次一洗洗了五百^^。 不過好似羅生不太岩，於是行了去花園街兩邊的舖頭。
去旺角梗係要食串魚蛋啦！行到上太子tim，都係不要Jacket和牛仔布褸，最後係無功而回。 去買野飲，個收銀望住我地同另外個職員話：喂，你老公呀。 ＝．＝"！
七點九落番地鐵站等他們。 估不到遲了十五分鐘還是最早到，哈哈哈，我們這班人遲到的習慣確實沒有變！！ 還有，大家的樣子也和以前一樣。
其實今日除了是聖誕 Gathering，還有是補祝阿包＆小玉 Birthday。 不過發覺買少了小玉的禮物，於是秘秘密密孖了阿拉、羅生、arbe 去臨時買禮物。 諗住去潮區，但給TrendyLand Sales推了買Chip 'n' Dale的暖水袋。 之後過中南買花紙，即刻過去公園包... hehee
搞掂上去 Ｋｏ’ｓ ９樓 Ｃａｆｅ 今晚好多人呀，有我、阿輝、阿拉、文攝、Chris、Pok、阿包、小玉、Dorris、arbe、Zizz... 仲有遲來的 Liuliu 同 Elton 都來了。可惜薯仔仍然不肯來。><
小弟和羅生＆ Arbe 談起廿四號平安夜的事。 哈哈，我講笑話今年有兩個女仔有意約我，諗緊揀邊個∼hehee 其實係有一半假的，可能平安夜要一個人過至真。
真的，如果是為了不想平安夜寂寞，而去約人係非常衰仔， 我其實也不知道應不應約她。
之後玩ＵＮＯ，Doris 她們那邊又玩啤牌。 Zizz 好似不太開心，不知讀書是否壓力大，還是聖誕寂寞，還是我們忽略了她? 最後齊齊玩Ｋｉｌｌｅｒ，哈，點解咁鍾意第一個殺我。
之後送禮物，阿包獲得咕o臣一個，小玉就是暖水袋， 最後神秘聖誕禮物係由文攝先生抽中，哈哈哈 XD
感謝羅生帶了Notebook∼ (今日唔係 Present 都帶呀^^) 輝帶了燒滿Photo 的碟，和大家一齊分享這３個月的生活，還有我地以前好多活動影低的Photos。＾＾ 原來輝、Elton、小玉等等樣子都比前兩三年變了好多... 另外 Elton 提起他自己可能 Quit U，過澳洲讀 Architecture，這是他的夢想。 他說可能要去五年，到時會少見大家了，忽然令我有不少感觸...
我們這班朋友，中二三開始認識，直到現在。 從前我們一起玩一起笑，當中的回憶就是大家成長的片段。 現在大家散落於不同大學、不同地方。大家也明白，約齊是越來越難的事實。 可是今天，大家也像從前的每一次聚會那樣，分享自己亦盡情參與。 但願．就算將來大家有多忙，我們每一年、每一個節日，也會記得這班老朋友。
我地最後當然影了不少相。 不知道阿治過了外國怎樣呢？第一年聖誕過得愉快嗎？ 今晚看到很多Balance 以前活動的相，他有空再參加我們聚會嗎？ 薯仔為什麼不來，真是覺得嶺南生活和我們很大差異嗎？新女朋友怎樣？ 林茵小姐又怎樣？我真係覺得將來大家有本，齊齊注資搞ｃａｆｅ都唔錯。
我們凌晨兩點幾離開，中途Elton教我們一個基督徒應該怎樣拍拖... 介紹了一本書叫《不再約會》，我們拍拖之餘不應太Focus於一個人，應以神為上。 最後我和阿輝Doris一齊搭亡命紅Van返葵盛，他們另外就返青衣。
今晚好開心，好似好耐都無咁多人叫番我做光仔／阿光。hehee
１２月３０繼續呀，我最喜愛的朋友。
|
|
Friday, 22 December, 2006 敏感動物 |
|
昨晚好夜訓，今日下午一點先起身。 Today Reserve for Ｒｅｓｔ！
迪迪的背後男人又再次唔生性，她又為他哭... 我不自覺做了戀愛顧問。
六點幾，同迪迪傾電話。 好難想像而家的男人竟然可以這樣，打機打到俾老闆炒=.= 生活就是：起身＞打機＞食飯＞打通宵達旦＞之後訓覺＞再起身打機(連牙,涼都唔沖)
仲要打機打到對女朋友講：「你係我邊個呀? 我做咩要聽你講?」 這些說話真是除非他打機打到連自己姓咩都忘記，先講得出！
迪一直不停口，２５歲也許還是一個女孩子，往往很敏感，我只好嗯嗯嗯。
有時候不太認同 新香蕉 的做法，成日叫人分手，根本很多Case都無需要。 原來迪曾經打過去，不過我今次也會認同新香蕉的做法，相信迪也應放開了。
估不到我聽到這個像笑話的真人真事∼
女孩問朋友：導致今日這局面，究竟是我錯還是他錯？ 朋友說：最錯一定是他，但你也有錯！ 女孩說：嗯，也對，或許我不應對他這樣差。 朋友說：不是，是錯在你還沒和他分手！
下午打開了X'Mas Card，發覺廿幾蚊一張卡得幾個字=.= 還是拎信紙寫信好一點，好耐都無寫給她，可能今次又嚇了她。 落街去郵局買郵票，寄了那信... 還記得上年的我，親手弄了聖誕禮物給她...
Ｍｅｒｒｙ Ｃｈｒｉｓｔｍａｓ Ｔｏ Ｕ
怎樣放得低? 從前頭一兩年的甜蜜回憶，不要想太多了 想著他以前怎樣愛你，這只令人更捨不得 活在當下
要想倒不如想想將來 想到一個沒有事業沒有將來又不懂愛你的人 相信你更能踏出這一步、忍心放下
|
|
Thursday, 21 December, 2006 考完 勁玩 直踩 MK 尖咀 激攰 |
|
無寫兩個月Xanga，發覺Miss左好多野，今日開始要寫番。
返到黎小英才講有Tips，而且是出關於BS/QS/GP ＝．＝...
十一點半考完，最後一科終於搞掂，開始放Sem-Break 啦。 第一個節目，就係我地班 PMT 人齊齊落尖東港晶唱Ｋ。 今次好多人，１９個人唱，９男１０女，等我數下先，希望我無數漏...
我、Pok、Mo、橙、黃蜂、Winson、Lawrence、Terence、Patrick， Jessie、Alice、Rachael、馬忻、小英、劉海、Patricia、Winnie、Silvia、Polly
好少機會咁多人唱Ｋ，幾開心呀。 真係不錯呀，我們ＰＭＴ少人，於是很易Close，玩什麼也很投入。 唱到４點，仲見到隔離Surveying D人。
之後落了旺角，去信和 Book 渡假屋。 淨番Polly Patricia Winnie Jam Patrick Orange Yellowbee，哈... 我地蝦Polly，不停說Lawrence 的事... Lawrence 好仔來的，又乖仔又純又唔識呃人。
去了上一次Book 的那間，決定１月７&８，貝澳兩日一夜，原來士頭婆仲認得上次Pokman。 我諗到時又有十幾個人，應該實幾開心。
之後周圍行，今日ＭＫ好多人買禮物呀，順便去了中南買X'mas卡。 竟然中途見到薯仔和他女朋友！平時電話已經打不通，今次除了見到他，想不到還有Bonus。XD
天黑6點幾Join 番Patricia 她們，之後去兆萬影貼貼。 我、Pok、Patrick、Yellowbee ４個男仔中途就Boys' Talk， 傾了自己班不少的事，上莊、Exchange、又講下笑咁... 我真係覺得我們班好好，好似劉生之前話：「有呢班同學真係執到！」
影完去了Jam 介紹的一間Cafe，不過今次去Cafe 都幾迫，哈好似茶餐廳咁。
我今晚要向 Patricia 同黃蜂致敬，他們帶結我們大量歡樂！ Patricia 講開嫁入豪門，於是我地拉埋 Dr. Deva & Dr. Chiang 落水，哈哈。 黃蜂之後又扮肥仔江，笑死我地啦。
食完Dinner，齊齊踩落尖咀睇燈飾。 仲記得Patricia 於M記叔叔前面影的相，哈ＸＤ。Polly你咁得閒SMS，你又唔黎join。
行了一陣海旁啦，不過海運那邊熄了燈lu。 今年好似多了好多人賣花，記起每次和朋友來海旁都會想起一些事，很奇怪今年卻沒有。 反而今年想報佳音，多過想約女仔，hehee。
真係超累，主要係因為昨晚訓得一粒鐘。 大約十二點，同羅生一齊搭地鐵 Back home，之後轉綠Van 竟然撞到阿Nic。 和小彬傾開電話怕嘈到人，結果一直停在走廊沒入屋。
今晚好開心，好期待下次節目。
不過聽Silvia 臨時講原來班Camp 撞了上莊Camp，真係不知點，不過一定係 PMT 好玩。
|
|
Monday, 30 October, 2006 同學仔 Cycling |
|
今日同ＰＭＴ同學仔去了大圍踩單車。
約了十二點大圍等，自己1140先上車，結果... 遲了>< 今日有阿珊、Polly、Silvia、Wilson、黃峰、Nesta... 都幾好丫。
好似大圍好多野食，不過都係去了Ｍ記 lunch... 原來 Nesta在mainland 的有大學負責訓練做間諜! 不知不覺，都有一年幾無踩單車lu，原來而家激貴lor，＄８０大埔交@.@ 算啦，都咁耐無踩，而且假期預左俾人湯的。
其實今日算曬，好彩有風。 今日竟然見番好多有頂四個輪，for一家人踩的車... 復古的感覺。 兩點半就入到大埔，充電停下入埋大尾篤... 工業村條馬路好似好長，每次經過都係好靜，不過有黃峰帶路...
之後踩入水壩... 由於激多人，於是大家都係搵個地方坐低，吹下水影下相... 日落配合水的倒影、加上風箏的背景... 原來可以好靚的。
大約５點幾就離開，跟住一直踩番出大埔...無停過>< 真係覺得大埔去大尾篤那段，比沙田、吐露港...係惡踩。大脾勁痛，上斜已經無力... 可能人老左，Ｄ關節都... 唉......
一直踩，就係咁睇住個天慢慢黑，黑晒的時候返到大埔，阿珊Wilson尋找交車的舖頭... 夜晚齊齊去了紅樹林Dinner，不知不覺又傾下計咁。 我們幾個仲同 Nesta 講笑，話嶺南係香港最勁的大學，講到疑幻疑真咁...XD 不過真係好驚 Final Exam，好似到而家都仲未溫過書，又好似無乜學過野。
九點幾，齊齊搭火車走... 今日都幾盡興，不過Pat 超痛lor。相信第二朝訓醒，痛楚陸續有來 XD
嗯，期待下一次的活動...
|
【星期日．沙田Gathering】
【星期一．扶輪O'night】
【星期二．頻密堂．通到病】
【星期三．第一次走堂．夜晚如果再遇】
【星期四．K-Lunch, Presentation】
【星期五六．團契O'Camp】
【星期六．POLY Info Day】
精彩節目天天送上，仲要預備Present，
夜晚唔肯訓，終於病埋
|
Saturday, 30 September, 2006 星期 六．Info Day |
|
【星期六．Poly Info Day】
團契Camp 之後大約下午１點幾，返返去ＰＯＬＹ。
今日係 Poly Info Day。
上年還是以一個中七學生身份來 PolyU，那天和薯仔入了去聽Acc/Fin Talk， 阿拉阿輝Pokman 就去了聽Marketing，之後還有去拿商學院拿Leaflets...
Lunchtime 本來想去Canteen一嚐理工大學的飯，但結果發覺超級多人 (當時不知道有2個can) 結果呢？去了紅磡火車站的美心快餐。=.=
竟然不是我們現在POLY人經常去的地方：新Can、舊Can、都會、東南亞、尖東...
不過那間美心很得意，不用自己拎的。 講真得閒 Lunchtime 可以過去那邊食，那裡有Ｍ記 XD
今年同上年２００５年一樣人頭湧湧。 和 Pokman 返去Department，簽了名就拿了件Ｔｅｅ...
其實都係趁熱鬧返黎lor... 始終我們都只是 Year 1，入了來才一個月，自己也未必清楚... 之後開始企＞向人介紹下咁。其實都係hea，因為好多人都返了來幫手。
Carman、小英朝早都有來呀... 仲見到Penny、Wilson、Silvia... 中間和 Jam、Polly 推介了兩位女仔去聽Prop Man Admission Talk，勁有成功感，哈哈。 仲見到隔離Building Services 有個勁似茼萵的人ＸＤ
講到最勤力都係Ｄｒ．Ｄｅｖａ(斯里蘭卡tutor) 親身落場，拿著Leaflets企在展版對出... 由於他的膚色，沒有人敢行去問他野， 於是他唯有一直帶著笑容，一直在企=.=
不錯的一天，不過昨晚 o'camp 訓了很少，很累．．
|
|
Friday, 29 September, 2006 星期五六 ．團契O'camp |
|
【星期五至六．團契O'camp】
上完 Planning Lecture，兩點半就返屋企執行李，準備入Camp。 夜晚六點返到黎POLY，上番Department 交WIE Form。
之後開始基督徒團契的O'Camp。 我地係"祢好野組"，哈哈。原來系配合主題的：實現祢想。 終於見到組媽Machel & 組爸 Mac。和他們相處好舒服，因為他們好善良，又不是太貪玩。
因為沒有Book車，於是每一組也要做Task入Camp。 今次又係西貢戶外康樂中心，即係ＢＲＥ那個。
７點去了都會間維苑Dinner。我地組咁岩係４男４女∼ 之後在火車上做Task，同人講「耶穌愛你」、唱團歌、搵顏色影相...
我們組彩虹搭綠Van入，不過我地可能食得耐... 最遲我們到。 原來組爸Mac係負責這營的，所以其他組企晒在消防局前面等辦入營手續。
去到分房，我地同隔離組男仔一間房，Ｐｏｋ同我一齊呀。XD
大約夜晚九點半，進行第一個節目＞「靜夜之旅」
好喜歡這活動，開頭大家圍著圈唱詩歌，之後逐個叫名逐個被人帶出去... 給叫了的人要合著眼，團契人便帶著行一小段路。 之後要讀一段經文，要我去想兩條問題：入來Poly的感覺、知道神要你入Poly的原因...
之後，就是要一個人慢慢去行一段寧靜的路。 雖然沒有害怕的，但這路卻很長，路上只有稀疏的車輛和街燈... 的確，自己想了很多，還有是神和自己的關係。
最後，慢慢到達一個亭，原來先前行完的人也坐在這裡，之後的人也逐一上了來。 慢慢開始了分享... 大家分享了那兩條問題、入了來後和神的關係、自己的信仰...
有的人很勇敢、有的人更感動到哭起來...... 我也把自己的心聲講了出來... 的確是有人認同的。 雖然這活動只是自己行一段路，看似是一個無聊的節目， 但原來領略和得著卻很豐富，我也深深明白，神給我們每一個的恩典也很多。
我們男仔房傾傾下講Poly有咩係八大之首... 哈哈... 梗係靚...... 當中又講下某幾科...ITC XD
之後我們組去了其中一間房Sharing... 好開心，大家都有自己的感覺。咁岩好多團契職員都入了來... 仲有，７／８個女仔逼在同一張床上，破紀錄。
傾到三點幾四點，大家先講完。有點累，發覺有些組已經睡了 我和Sonic、阿楠去了隔離房... 仲諗住玩房Game，不過最後都係返房訓。
朝早起身食殘廢早餐。 每組都有人盲、有人啞、有人無手、有人無腳... 我是啞的，之後全組合力食這一餐... 哈哈，很特別。
之後玩選擇人生的Game。 不過今次逼在一間活動室裡面玩，玩啤牌計數好辛苦>< 第一次明白到團契裡有不少人會以侍奉為人生的目標。
最後十點幾，我們全部人上了山頂涼亭唱詩歌敬拜... 一大班人唱了所有的歌，還有祈禱... 雖然好熱，但好喜樂好感恩。 |
【十二月三十日】