．--散感/日記--． (21集)
光．感．集
★ 愛生活．是原汁原味。
<光感集> Since January,2002
|
感光區特選 |
|
|
 |
|
2007
|
|||
|
>>January |
|
|
|
|
|
|
|
|
|
|
|
|
|
|
>>February
|
|
|
|
|
|
|
|
|
|
|
|
|
|
|
|
|||
本集為一月至二月之日記
|
Friday, 16 February, 2007 不斷推遲的約會．加送Surprise |
|
Poly 年廿九都要返學，好慘。 落堂去了W畫圖，同Wilson 他們傾了好多前途問題。 Wilson 說起之前的 LSGI，原來前途真係一般，畢業後好多人都不是做本行。
其實我們這科的前途會怎樣，會好似物流、旅遊等新興服務業一樣被看好嗎？ 市場需求好似好樂觀，但究竟我們 Pro 得起嗎? 我地好似比起 Surveyor 蝕底，他們可以做我們的工，但我們不可做Surveyor...
另外如果廿二歲畢業，之後幾年要還錢，已經廿到中。 跟住要開始計劃結婚，要儲錢、要買樓... 如果女朋友話要早過三十結婚，我諗仲要勤力D搵錢。 唔好忘記自己係獨生子，要養爸爸媽媽，仲有老婆仔。 如果仲話要讀埋Master 或者MBA，仲要儲多廿萬... 到時可能三十到尾啦。 一時覺得自己好多負擔、背負了好多人的期望。
之後四點幾落了去睇他們踢波。 Patrick 叫的人真係黎自五湖四海，有高佬西人、仲有大隻黑鬼！ 同場原來做緊BRE Cup 決賽，阿Mo Penny 阿橙好勁身位又掂。
夜晚返了屋企食飯，人地都食團年飯lu，我就一個人食><。
還記得聖誕已經約定了見面、睇燈飾、倒數... 記得上年這時候係你沒時間，估不到今年是我說沒有空，結果太忙推到這個假期。
九點，搞了好耐先出門口。 原來對上一次見Christy，已經是九月的事了。從寧靜出發，慢慢去花墟...
第一次聽人說不喜歡太壞 XD。 講起以前學校的一對，諗番起先記得這個人，發覺自己忙得好多事都忘了。
附近圍晒欄，年廿九真係幾多人，好耐都無黎花墟，今年係行得最多年宵的一年。 不停留意下有冇識得的朋友開檔，有個倒水會著燈的杯好得意。 個個都嗌，青春真係青春，中學生真係唔同D。XD
發覺好多檔都係"年宵兵團"，仲記得中六時Paul Sir 叫我們參加寫Proposal... 但聽講因為我們學校年年都有份搞得太多，所以那年不讓我們搞，說給機會其他學校。 今年其實應該去一去葵芳搵Paul Sir 和師弟們... 記得我們那年"金雞六業"真係好開心。
夾到隻手好痛，原來有個動作做得耐會好累。 臨走聽到有人叫我個名， 原來係阿珊，嚇了一跳。不知道要不要解釋一番。
十一點出番黎，周圍都封晒路，兜了好多路，差不到九龍城先可以屈返旺角。
之後去新世紀洗手間，去到門口突然有人叫我"Ringo"，竟然係撞到黃蜂。 嚇一嚇之後再推門的時候，竟然見到阿劉... 一時之間不知道說什麼。 劉生見到我都嚇親，淨係識好惡咁指住我。慢慢先醒覺，係wor，今晚他們行年宵... 果然再入去，見到洗緊手既Lawrence...
撞到咁多人，當場係諗緊仲會有咩人，咦，Pokman 呢? 出到黎再問他們，原來 Pokman 同Winny 中途2個人失了蹤??!!
和 Christy 行番落旺角，本來 Christy 話想行廟街，不過太遠結果無去。 搵地方食宵夜，本來想食手攪麵，不過要等位。去了食碗仔翅...
諗住Join Pok 他們通頂，不過他們剛剛先在花墟... 之後落番家樂隔離個公園坐低傾計，順便等他們。有人好憎可愛型...
差不多凌晨兩點，Pokman、Winny、Lawrence、劉生他們終於出返黎。 第一眼見到一個Surprise !!! 嘩... 真快... 搞掂左?! 送Christy 搭亡命紅Van，行過好多麻甩佬人企o係度昅妓女的砵蘭街，如果我係女仔都覺好恐怖。
經過一輪擾攘後，決定行落尖咀海旁。 落到去坐低，第一件事係了解了一個Surprise 的真正內幕，同埋今晚發生過的事。 哦．哦，原來係咁既．．． 多謝你地俾我地既Surprise wor，哈哈！Anyway，祝福你們...
之後討論了Lawrence 的事，大家搵盡辦法，分享經驗的分享... 真的，不要錯失現有的，不要愛得太遲。Lawrence，我已告訴你事實的真相，希望之前的不要誤會。
Department of Love... 之後傾了好多好多野。好開心，沒有後悔又通多晚頂談心。
天光啦，過去天星間M記食一個早餐，間野一個人都無。 七點幾，又係一個人搭地鐵走，無計啦有人要...XD 竟然包到架小巴，返屋企訓覺lu。 
|
|
Tuesday, 13 February, 2007 ＰＭＴ團年飯． 年宵．午夜場．通頂(一) |
|
約了今晚和 PMT自己班食團年飯。 本來仲諗緊上完堂點消磨時間等到夜晚，結果今日朝早起不到身... 諗過九點開始十點先入去TU201好柒，都係唔返。不用諗點消磨啦，順道下午Management 都唔返... 留在屋企做下野訓下覺。近排咁忙，自製Day-off 休息下都好ge。
差不多夜晚六點先搭車出去，結果當然遲了。 但行過去時，竟然旺角街頭撞到Winson，哈，行了無耐，跟住又撞到Polly同Sylvia。
跟住齊齊上德興，原來今次有２檯呀，１９人。 試下數下有咩人先：馬忻、阿珊、Polly、Lawrence、Penny、Winson、Wilson、Yellowbee 另外我們這檯有我、Sylvia、Pokman、Winny、Denise、Winnie、Jam、橙、Terrance、Patrick、大mat
德興D料係不同D，不錯呀，幾新鮮，好多野食。 黐了線地問 Lawrence，某某人去不去行年宵... 哈哈。
大約九點幾就完了，跟住去行年宵，呃下呃下呃埋Polly 同Lawrence 黎...XD 在CWB 等埋 Patrcicia，一行十個人就一齊入維園啦。
記得上次去維園年宵已經係好細個既事啦... 因為年年都係去荃灣或者葵芳。 雖然年廿六不算太多人，我已經感受到維園的威力，已經覺得比起其他年宵多人好多。
今年見到好多不同Products 呀... 有豬肉刀、扭蛋、水樽、大量吹氣既模擬牌... 好多都好有創意。 跟住衝去Doris、Vivien 那檔，原來她們賣吹氣安全島和豬蹄。 大家傾了一陣計，Lawrence 買了個豬蹄，一定係受組爸影響啦。
行過一檔賣鎖匙扣的... 聽講係 Sylvia 師妹bor，青春真係青春。 Pokman 買了一條頸鍊 (哈，不知是送給誰呢)，另外送了我們三個鎖匙扣，哈哈，匙扣都幾gag。
中間一檔一個人Sell 緊豬手定豬腳... 那個人叫 Winny："插隻手入黎試下啦！拿，拍下男朋友一下，咁男朋友就唔會曳架啦。" 跟住 Winny 插左落去就即刻打了Pokman一下... Wow...
我同Patri 當場睇到... 哈哈哈哈哈!!!
行下見到霆鋒他們 hall一檔消防隊，真係好搞野，著晒消防員衫。 真係發覺維園見到好多Poly人...
十二點，趕尾班車團又黎啦，之前本來諗住Join Pok他們通頂，不過聽落好似無乜野玩。 於是跟大隊搭地鐵走啦，但落到去先發覺無人搭荃灣那邊。
中途收到電話，發覺原來得Pokman、Winny、Sylvia 三個人， 橫掂趕不到尾車，最後都係選擇陪他們顛通頂，費事Sil 做了Stephy 首新歌歌名。
凌晨十二點幾，踏入左２月１４情人節呢... 一個人上車，一個人在佐敦落車，一個行好靜既柯士甸...
返到Poly 等他們，大家諗住去２４過一晚？不是啦，Sil 提議話不如睇午夜場... 於是兩男兩女行落去尖東華懋... 沿路仲見到Dranso人。
真係不知這裡有夜戲睇，原來呢度係全港唯一凌晨有戲睇的地方。 怪不得好多人揸車黎睇，凌晨一點都人多到要排隊買飛的。有凌晨一點幾、仲有三點場... 本來想睇鄭中基，不過未上，唯有睇嚦咕嚦咕笑下lor。
未入場之前去了機舖，都係篤下機射下籃球咁。 不過竟然仲有尖叫車呀，好耐未玩過。
凌晨一點八，不知道入邊間院之際，一個貌似 Lawrence 的人招手叫我們... 超，阿叔，唔好係又招唔係又招啦，我地都唔係睇呢套。 入到去發覺間院超細，你入過一間得１８個位既戲院未！行過仲會遮住個Projector... XD
To Be Continue...
|
|
Wednesday, 14 February, 2007 ＰＭＴ團年飯． 年宵．午夜場．通頂(二) |
|
【凌晨時份...】
繼續呢晚...
睇完都凌晨三點啦，真係咁大個仔未試過睇咁夜。不過套戲真係好爛，成套戲好似用得八個人。
出番黎尖東掃落去搵洗手間，去酒店、又無，去CEO、又無。 唯有公園，原來都不知不覺搵了半個鐘。 尖東凌晨已經叫多人，不過有D後巷如果我一個人真係會驚。
之後齊齊行海旁，哈，Ｐｏｌｙ學生傾計好地方。忽然勾起聖誕節行海旁的回憶。 一路行一路變kai，傻左，我又開始扮咩又扮咩。 首屈一臭的天星碼頭廁所，連清潔都未搞得好，但竟然有新年音樂聽。=.=
之後去星光大道坐低，一張檯岩岩好四個人^^。 兩男兩女有咩傾呢? 大家傾了好多內在感覺，今晚無秘密的~hehee。 我講了好多平時沒有講過的，好多和一個人的回憶。回憶好像很甜美，現實好像永遠追不上。
大家又講起搵女朋友的條件，好似成日都有人問。唉，其實可能都未必會遇到... 過程中我只係提了幾個女仔個名，即刻變了叱吒十大 XD，不過我好想知你地講那個是誰。
哈，三年後，如果大家再坐在這裡，你估感覺又是怎樣? 哈，好開心，同Sil+Winny 又熟了好多。 多謝你地陪我度過凌晨的情人節！
發覺原來凌晨三四周點維港兩岸係熄晒燈，到左朝早真係好凍>#< 傾到六點幾，就去左尖東M記食早餐。好耐無食過啦... 四個人齊齊食早晨全餐，D薯餅真係精粹，食食下真係好眼訓。
同他們食完早餐，八點幾走行番去Poly N002，等上堂。 成晚無訓真係好眼訓，差點恰著，Sil 未上已經訓著左。
之後上Deva... 真係無乜人上，Jam 她們成組無黎。 上完同Pokman、Lawrence、Yellowbee、阿劉同Polly 去了港晶唱K。
今日有點累，所以早走了，不好意思。不過你地唱「Thanks Thank Thanks Mostafa」真係笑死我。 回家吧，睡一個２月１４的情人節覺。
星期四落堂開莊會，Sil，好野！卡片其實係用黎派架！ 轉莊飯可能去沙田畫舫食? 正bor...
夜晚十點開完，齊齊影番張莊相，原來我經常影相都係dup低左個頭的。 齊莊落尖東間越南野食消夜。阿飯好多好多IQ題，有D都幾鹹，不過原來大家都好清純。
|
|
Monday, 12 February, 2007 買禮物．全民畫圖 |
|
下午Run Through，第一次和 Yandy 推Panel，好驚好驚，不過好彩無推錯。 完了去金圓軒食野，阿風阿Jay給了我地好多IQ題估... 之後返圖書館諗住睇下Notes，結果都係訓著，拉巴真係好好訓。
夜晚約了Pokman 去旺角買禮物。 幾鍾意去中南睇野，真係唔係文具舖咁簡單，終於搵到Schedule了... 後來周圍行下，最後買了２隻蛋蛋，可以淋水有野出的，希望收的人會喜歡。
之後和 Pokman入了女人街裡面D餐廳搵食，中間新開了茶餐廳，於是就入去。 可能大家都好忙，成日見面但好耐都無試過兩個人傾計。 時間先後要分得清楚，我覺得Debate 好似重要一些。Anyway，無錯，機會一轉眼間可能即逝。
【星期一】
訓唔醒，九點堂，九點先出門口=.= 返到去都 9:45，好彩呢堂係Mostafa，而且個個星期都好自由呀呢堂， 基本係他派份Questions，跟住逐組傾。中途我地就周圍走、傾計，到他行過黎時先聽。
落堂上了南北飲茶，大mat、阿珊、Sylvia 無上堂都黎... 竟然撞到馬忻同Hannah 飲茶。Lawrence 個樣好正經，點都唔笑，反而就笑死我地。XD
下午全人類去Ｗ畫圖。 Ａ：喂，而家有咩做呀？ Ｂ：我去畫圖呀！ (相信已成為近期最潮最流行最消磨時間的活動)
好多人好熱鬧，Winson Dayoff 都特登由沙頭角返黎畫。 之後有人上堂，唯有上W609畫。嘩，多人到唔夠位，好多人都要企。 咁岩Deva 隔離房上堂，佢講埋D野聽到晒，黃蜂同阿劉即場重覆扮他，仲加埋扮Morris，又笑死我地。
四點半同Winson、Wilson、阿劉落去食個Tea... 去舊Can 買最著名的西多雞翼，跟住過隔離間Cafe 叫炸薯條。嘩，真係好正！ 薯條即叫即炸，外脆內熱，超正！唔怪得之Roadshow個講波佬都黎食。
返黎見到淨番２對男女，頭先仲爆多人架? 一對俾我嚇親走左，另一對係Pokman 同 Winny... 最後都係先後走。 之後同阿劉傾計，說起性格，不過我覺得阿劉真的口直心快。
大約六點半，我地差不多走，Kenneth 和 Cathy先後又入黎...
哈，W609 幾時變了情侶房??? XD
|
|
Saturday, 10 February, 2007 好似除夕．瘋狂咬雞 |
|
晨咁早又要上畫圖，好眼訓。 落堂齊齊買外賣上TU食野，點知我地俾人發現了趕走，唯有落番去Polling 繼續食... 我地Proposed 14屆要齊莊投票呀！大叫完一番，齊齊唱完歌之後就入去啦。
過了一陣一點半又返上去上En sci... 落堂又落番黎，其實Polling 轉了在DE真係頹好多，今日係最後一日先好氣氛少少。 之後天黑就黎結束投票，有人帶唱校歌，成個Podium 狂嗌一番... 最好笑係有人帶倒數：十．九．八...... 諗起大家既情緒簡直就好似除夕狂歡咁。
之後幫手執野、拎圍欄，Sil 她們就去睇點票。 我地執完就上莊房，還是第一次在莊房睇電視。我地睇緊口水簿之際，收到Sil 的好消息... 雖然只點到一半票，但已經夠票數上莊啦... 好開心，辛苦了幾日都值得。 最緊要係多謝所有有投過票的同學!!!
今晚推了團契的夜晚聚餐幫手，Sonic，好對不起。 夜晚和靜兒、鄭顯跟了阿Ga去開聯莊BASIC 會。 全名係 Builders Architect Surveyor I唔知咩野 Committee，係一個聯校的組織。 好似包括港大建築、港大測量、中大建築、理大建築及房地產、理大土地測量、城大測量。
一路都出了一本野，而家搞緊註冊。今次內容係傾本野的文章、還有莊的會章。 如果註冊成功，我地第十四屆就係第一屆BASIC莊的一份子。 港大人個樣真係好讀書樣，其實個會都好悶，好似和自己無乜關係那樣。 十點幾十一點先完，之後返屋企。
【星期六】
朝早要返PGDP D1 Course，星期六都要早起，簡直惡頂。 好辛苦先起到身返黎，原來其他人同我一樣，全人類都遲起身。 和Pokman 返到去已經無晒位，要坐最前。
原來講者係我開學見社工果個女人。 之後竟然問問題，嚇死我，其間問 Pokman 咩名，他竟然答「阿文」。 誰不知阿劉大mat 原來都有返聽到，於是阿文事件我們足足之後講了一個星期... 哈，好搞gag。
完了撞到Patrick，不知誰提起食雞... 講起真係想食，於是齊齊落尖東間ＫＦＣ，點知執左，唯有去地鐵站那間。
我地５個男仔，諗了好耐食邊個桶餐。 他們說好想好想食雞，好似黐左線咁。最後決定買２個桶餐！ 總共１８件雞+四個飯+四個薯茸+四條粟米+汽水。 咁咪總共每人只少３件雞，有人仲要食４件？
買完就開始啦，大家狂咬雞狂嗌正，好似赤柱監獄岩岩放出黎咁... 阿劉一邊咬住件雞，一邊狂爆粗，大慨似係飲醉酒或者係太興奮時既反應 XD。
其實食到第二三件，已經好飽，大家開始放緩啦... 阿劉狂落牛油落飯度，好似太興奮啦，因住爆呀。呢餐膽固醇真係超高！ 最後檯面餘下大量雞骨，及滿佈檯面的炸皮，場面猶如戰場。
食完好飽呀，Pokman 去整蛋糕，我地就行番Poly。 中途行過機舖，又玩Photo Hunt，阿劉又high到狂叫... 出返黎再行，見到個地盤我地竟然研究一番，發覺尖東起緊條天橋駁去Poly Podium D。 返２４傾計，阿劉真係講野好直，直到有點恐怖。Lawrence 原來好多電話XD
Hea 到五點開第一次e會。 原來我們可以好靜好靜，大家那數分鐘只敢吞口水，Sylvia 再次落淚...
之後大家輕鬆咁傾轉莊飯同O Camp... 九點幾就完，仲以為有食飯tim。
|
|
Thursday, 8 February, 2007 盤菜．旺角傾計團 |
|
星期四又可以訓晏D，下午先返學校上Property Law。 原來我地Program Leader 要走了，好似識了他好短時間他就要走了。 哈，真係不知道新的Program Leader 係新請的還是現有的，唔通係Monstafa 或者Deva??!! XD
今個星期不用上英文，真好。劉生他們好似去畫圖，我就落番去Polling Area 幫手。 一直等到七點，之後我地一眾Proposed 14th 齊齊過去BRESS 現莊搞的盤菜宴。
中途遇到阿劉、大mat、黃蜂他們，原來他們落廟街食煲仔飯... 好想好想去呀，不過約左要盤菜，唯有下次啦。
今次係現莊最後搞的活動了，一定要俾面去啦。在 Common Room 搞，擺了四圍。 我地Propsed 14屆自己一圍、Surveying 一圍、老鬼兩圍。
好耐未食過盤菜啦，咁多人都幾特別。 我地檯有靜兒、婷筠、Polly、Cathy、Kiori、Sylvia、鄭顯，而家靜兒成日俾pete 蝦... 阿Ga 咁岩坐我們那檯，哈，一黎食晒D野。
差不多食完之後玩遊戲，開頭玩爭凳仔。 Jonnathan 好好笑，做埋D動作好女人，著住件剪了的米奇衫，好似燒爛晒的Cons... 加埋條褲穿晒窿，仲要穿到上褲浪，條底底咩色都睇到。
後尾嬴了的人玩縮細版"一擲千金"， 由$0.1-$300，廢榮打去Banker，點知原來Mathew 係Banker，遠處聽電話開價，好搞笑。 最後開晒所有箱好似拎了$180定$150... 哈，莊唔知駛唔駛填番條數。
期間有隻四腳蛇，他們用膠紙黐住左，跟住廢榮他們就周圍黐，都幾恐怖。 十點，之後大夥執野... 今晚其實都搞得幾好丫。
之後同Sylvia 一齊走，坐隧巴落旺角Join 阿劉他們。 和Sylvia 談起莊的問題，唉，難道我們真的...
原來他們行緊波鞋街... 聽講他們今晚有一個目的，不過好似...... 行了一陣其實都係想傾計，之後有人竟然提議返學校２４... 我發覺我地班既人好鍾意傾計談心。
結果都係去附近麥花臣傾計，大家坐好位又影相... 不過傾不夠幾句，球場又拉閘，唯有走，Polly 同Winny 就走lu。
之後我地去了西洋菜間２４ M記。 講起一個人的事，阿劉好似好衝動咁，阿劉真係一個不會收收埋埋的人，咁多朋友來說算很特別。 大約12點，Lawrence 大mat 阿劉就走，淨番我同Sil、Pokman、Yellowbee 繼續傾。 講起莊的問題，Sil 講了好多心底話，關於莊的關於她自己的。我發覺Sil 好強觀察力，好多事都仔細。 原來Yellowbee 同我性格都好相反，他好清楚自己做緊咩要點做，好理性。
今晚好似各間大公司的CEO傾計，大家講緊點管自己D下屬咁，好好笑。
Anyway，Sil 我大慨明白你的苦，我從前都試過這種感覺... 雖然我現在可能係其中一個懶的，但其實有什麼都可以和我們分享的，而且我們一定會不止這樣。
不知不覺間，原來已經傾到凌晨３點。返屋企lu，第日仲要返九點半架。
旺角好方便，搭亡命紅Van 二十分鐘就返到去。今晚令我想到很多以前的事，得著也好多^^。
|
|
Tuesday, 6 February, 2007 嘉年華 |
|
星期二返朝早，臨上堂前又同Year 1宣傳Polling 唱下歌。 已經唔驚，因為開始慣了。之後中途走，去Year 2 宣傳。
跟住落番去Polling Area，原來大家都走了Management... 可能佢照讀，而家全世界都開始唔想呢堂。 留在那裡，和家恆靜兒Cathy一齊整多兩塊手舉牌。
下午三點幾四點，同馬忻、小英、英姐、劉海、Pris、Pokman 去了環球嘉年華。 前排他們話PMT sem-break 搞，結果太趕搞不到，唯有推到而家先去。 Winny 和我們一齊走，原來有人有個唔答２８號去九龍灣的原因，哈哈^^
一行七人去添馬艦，中途有人打黎Sell保險... 頂。 咁早真係少D人，首先係玩門口個濕身船先，跟住就玩G-force... 嘩，會不會太快，一黎就玩最勁，不過係幾正，因為升得好高，跟住 fing 番落黎。 不過原來玩完出番黎睇番上去，反而仲驚。
之後玩那個自轉又公轉，好似仲 high 過G-force 呀，好正。 因為fing得仲勁，穿黎穿去，真係有D恐怖，劉海她們玩完個樣都變埋。
玩青蛙跳好似玩左三四次，可能我地七個鍾意玩，大家每次不同組合，係咁舉晒雙手叫晒咁玩。 等排隊期間見到對情侶，個女仔好驚咁堆個頭落個男仔度一直唔敢望... 後來完了俾個控制員玩，淨係對情侶果卡狂郁... 哈哈。
老鼠過山車都唔差，四個位三個人玩，結果玩完小英係坐左第二個位 XD 之後四個人組合就迫到馬忻好痛，可能我下盤骨硬。XD
中途玩下D無咁刺激的... 碰碰車真係好玩，係咁撞，好耐都未玩過lu，不過玩得多會眼訓。哈，好似唔知邊個俾人教車。 香港自從荔園執左之後都再無碰碰車琉，仲記得以前細個坐在爸爸隔離... 好開心。
之後玩飛氈，要拎住張野上到好高，遠睇D人上去好似清明節拜山咁。原來放輕D手係落得快D。 另外鬼屋係不值得玩，想像不到為什麼小英Pris由頭到尾都唔敢擘開眼。 上了兩次平時尖沙咀望到的摩天輪，其實又快又密封，都睇不到D咩。
之後玩晒機動遊戲就怒玩攤位... 我地發覺一行人運氣係極差，七個人只得一隻公仔。=.= 唉，不提也罷。
攪拌機，外面睇落好似不太高，又轉黎轉去，不過原來離心都幾大。 原來Krusty 其中一位成員同我地一齊坐呀。中途仲撞到Dramso Vivian 呀，原來她同男朋友黎...
最後跳樓跳了兩次，都係海洋公園果個好玩D。 後來同英姐2個人玩多次那個什麼自轉又公轉，不過夜晚原來變了沒有自轉，變了洗衣機。 倒轉個頭都轉了過十次，個真係有少少爆血管的感覺，不過都係下午加埋自轉刺激Ｄ。
臨走玩了最後兩次濕身船，原來我地玩了好多好多次。都係那句，玩咩先就玩咩完。
九點幾走了，去了灣仔吉野家食野，自從上左大學都好似無去過lu。
傾下計，又八下自己班的事，大家真係關心同學啦！不過好開心呀今晚^^。
|
|
Friday, 2 February, 2007 畫圖．Best FD大聚 |
|
星期五，第一堂上Construction Drawing。 被騙了，原來去IC上。三個小時的堂，好似返番中學時代的D&T。 其實畫圖都幾考細心... 最好不用思考太多就好。
下午上EnSci Tut，今日先知原來係同老鬼紙皮一齊上堂。 完了就去飲茶，本來好正常，但今次叫埋 Exchange 的韓國人參Sarah一齊黎。 不過Sarah 幾恐怖的，上堂除鞋...
在南北等位等了好耐，可能係星期五下午茶啦。 大家塞晒門口傾計，不過好多人，大家係咁傾計，門口超嘈。XD 中途Patrick 仲帶了一個美國 Exchange 的女人黎，個樣有D老，不過隻眼幾靚。 原來 Patrick 哥真係好鍾意識不同的人。 Poly南北小廚個帶位姐姐幾OK，我地幾個男仔走去特登不停同她傾計。XD
四點幾終於有位啦，１２個人飲茶，中美韓，都幾開心的。 因為頭先食完未落格，和他們一齊淨飲，期間不停抄Notes。
大約五點，去R Core 開莊會。 齊齊練唱宣傳歌同諗動作。最好笑係唱郭富城的愛不完，原來Jeff 好熟的。 請你 投 投 投 我們，每一個字不同人做，當場睇到示範即笑 XD，不過幾開心。 之後分Timetable 選擇時間 On duty，咁岩星期一要hold 全日bor...
開到七點八，他們去打邊，好想去但去不到。 因為拿拿聲要趕落旺角，因為今日補祝埋Arbe、輝的生日。 Arbe： １月２３ ． 輝： １月２６
其實講真，大家各界都好忙，要揀一個日子出黎都好難。 呢晚生日食餐飯都約了一個星期。Anyway，大家最後出到黎都好開心！！！
由Poly落旺角搭隧巴真係好快... 等埋Pokman，先一齊上旺角標記，他們選擇了樓上。 都係第一次黎，不過係他們介紹的，他們之前食過話不錯。
Pokman、Liuliu、Elton、阿輝、阿拉、文攝、肥智 Lamyan、Zizz、Arbe、Doris、阿包
加埋我，有１３個人，坐在同一張圓檯，唔怪得之咁迫^^
除了大家捱得多殘了，大家都無乜變過，比起PolyU自己的同學，由中學到而家大學實在變得太多。 個頭大改做，過半人有電有染，有人染到紅藍紫，男仔又穿耳環，又有人買名牌。 身處Poly 其實好容易俾人同化。
其實因為今晚有少少心事，所以對住自己最親密的朋友，都好似不太放，起碼無變gag。
之後行了一個圈ｍｋ，Elton提議去了機舖... 無落新之城機舖好耐，原來灣岸少了８部，淨番４部ja，得閒搵阿拉再打過。
十一點幾出返黎，去了發記食糖水。楊枝金露雖然貴，但真係不錯。 Liu俾了一個IQ題大家估... 之後大家不自覺開始講笑話......
十二點就走，大家趕尾班車的時候。 同阿輝傾了不少計，發覺阿拉好似無乜目標，又有少少懶... 其實咁樣好難同人爭的。 阿輝就有點力不從心，Anyway，無論今年Year 1 計不計，但都要加油呀。
|
|
Monday, 5 February, 2007 Polling Day 實要出現 |
|
仲記得宣傳 Open-Con 洗樓時唱山歌：
A : er~ BRESS 有野講呢 B : 有乜講呢? A: 新鮮出爐候選內閣 B : 叫乜野名? A: 我地係第14屆既，候選內閣「築個家」呢 A: er~ 二十九號有乜搞呢? B: Open Con Day A: 咁究竟係邊度搞呢? B: E F 平台 A: 廿四小時等住你地，請大家黎支持我地。
一月廿二號開始足足一個星期、而且密到爆的 Class Visit ，好Kai 的表演...
最驚都係Year 1，因為大多數都係自己最親密的同學。 最搞笑係有一次宣傳時給Professor Chung 問我地點樣服務Year 3同學仔，之後仲講了好多道理。 最無奈就係宣傳BEM-2，因為有少部份人聽過，於是不理我們，我們一邊做他們一邊走。><
不過總算給大家一個新鮮的感覺，始終都係第一次齊莊13個人向公眾亮相。
Con Day 過後，二月五號至九號又開始Polling Day 投票日。 我地Proposed 14屆又去做宣傳啦... 要夠六份一BRE人投，再加埋半數信任票，我地先上到莊的。
１. 財神到
築個家 築個家 We are family 得到你的一票 謝謝你們
２. 愛不完(國語)
築個家對你的愛永遠用不完
３. 小丸子
交低一Tick我最感激 我期待你
４. Champion
Polling Day 都幾辛苦的。 星期一咁岩我得一堂朝早，於是企足一個下午，11-6半... 由於每個Faculty一個區，我地 BRE 就和隔離 Building Services Engineering (BSE)、Civil and Structural Engineering (CSE)、Land Surveying and Geo-informatics (LSGI)、Faculty Soc，總共５個Soc一個投票區。
全部Faculty 全部莊都在同一個Podium，氣勢好強烈，周圍都聽到人地叫不同的Slogun。
中午有自發性巡遊，各莊派代表拎手舉牌遊Campus 一個圈宣傳投票。 今次我去跟隊行，中途經過新舊Can、兩邊Podium、火車站門口、圖書館門口... 大家著住不同莊褸，舉晒牌由頭到尾嗑「投票、投票......」，好鬼似遊行feel，哈。
返到去又要企在指定的拉票區，有晒圍欄咁， 令我諗起D示威者舉晒牌企在立法會對出的示威區，等待政府高官黎到俾請願信的感覺。
中途和 Cathy 拎了Banner去宣傳，去Y-Core門口企，又去TU上面宣傳， 仲去了Surveying上英文堂的地方，在門的玻璃上面舉Banner... 好Kai。
另外中間我地五個Soc好齊心咁一齊嗌，都幾high。 Jeff 仲發明了猜Polling 枚、BRE枚、莊枚，好多都好搞笑，仲教埋隔離Department 玩。 其實 Polling 都幾好玩，最好就多D人落黎啦。
最後，宣傳下．．．
未投快Ｄ黎投票！ 即日至星期五，１１點至七點，ＦＪ／ＤＥ平台
|
|
Tuesday, 30 January, 2007 Open con x24 hours |
|
築個家．築你一個五星級的家 一二九．ＥＦ Podium見
今日就係一二九，Open-con 日子。 夜晚六點半，我地十三個準莊員一條心坐定定o係平台２４個鐘。
每一次要講野，都要講呢句... 「我係學生編號 06184004D，候選第十四屆建築及房地產學系會， 候選內閣築個家，候選出版秘書胡榮光，現正回答會眾問題。」
夜晚八九點，好多老鬼都返了黎。終於見到一部份真人的樣... 對比隔離 Hotel Man.，我地 BRESS 真係人強馬壯Ｄ。
他們問了好多問題，其實我覺得係老鬼Sharing 似D... 哈哈。 因為他們給了我地好多意見，亦有好多經驗分享，全部都好有用。 有D問的時候好似好惡好針對，但原來回應時係好好人。好開心咁多人支持我地。
凌晨兩點幾先有break... 我地十三個人都趕住在二十分鐘內，去廁所+食杯麵，仲有同老鬼影相。
其實之前呢個星期都有睇過其他莊的Open con... 對比其他莊，我覺得我地好似banner同board都係花心思D。 預計了好多問題會問，果然，Leaflets 真的被狂插... 不過預計錯的係竟然好少人問莊名同莊Logo，同埋無人提及過我地全程著住的莊褸。
凌晨三點幾，老鬼第日要返工所以開始走，開始又到現莊發問攝時間。 亦都開始眼訓... 可能係老鬼走晒，變得好冷清又靜，而且老鬼走了無咁大壓力。
凌晨四至八係最辛苦，因為實在太眼訓，平台又得微弱光線。 望下周圍，又無乜人。我地部份人都偷偷合埋眼... 至於阿Pete他們現莊係訓晒... XD 索性唔好著咁多衫，等個身凍D應該清醒D...
朝早九點開始，Poly開始多番人，陸續好多熟悉的人都有黎支持我地，哈哈。 Feifei 突然遠處叫我中文名... 都呆到不知給什麼反應。 慢慢開始精神番，可能多人黎多人經過。好開心 break 有人買M記我地食。
下午一點半，有個其他Dep的人來了(好似LSGI定CESS)，問D好尖銳好難答的問題。 包括同Fac的關係... 仲有大量追加，總共都問了一個鐘。 不過Sil家恆他們有準備。那個人說每年都會黎問，不過都令我地諗真莊與莊的關係。
之後十二屆紙皮都問了好多好堅的問題，不過其實係對我地好好。 Guts 他們扮晒野黎問，哈哈，係咁叫我地又唱歌又跳口水舞。 大約六點半，最後一輪回應，廢榮話我地可以做得好D，Hannah 就話我地唔認真。
於是，我地十三個人講２４個鐘後的感受時... Sylvia 喊... 其實Sil 一路帶得我地好好，無人錯，而且今次我們都得到好多。 Polly 婷筠 她們都喊。這一次，真的感受到十三個人一條心共同捱苦共同面對的感覺。
七點，準時圓滿結束，一次好好的經驗回憶，相信下年再下年，也會記得這一天。
|
|
Saturday, 20 January, 2007 狂掃．Mix and Match 打邊邊 |
|
自從八月狂掃旺角，一口氣買了一個袋+五件衫之後， 今次又掃葵芳，目標係一件黑色褸、褲、黑色Cons...
無錯，是日約了阿拉去行街買衫。不過葵芳真係好少地方賣男仔衫...
Jacket 不想買了，之前有一件，莊又會有一件... 西裝類的又有了，另外又有一件和Liu同款的"鋼線褸"。
發覺今年興一種褸款... 不過太多褸，最後揀了一件不錯的，經阿拉講價，竟然又有得平。 仲記得中二我地講笑話阿拉買豆腐有一手，講價一流 XD。 去埋２％，不過要搵男仔野真係幾難，次次擺位都唔同。
之後睇褲，都不錯的，又洗多二百幾。買Cons 好頹，去了幾間都搵不到岩的，下次先落旺角睇。
買完一抽二抽拎番屋企。 之後再搭車去沙田，因為約了Liuliu、林茵、Pokman 打邊邊。
夜晚七點，時間尚早，大家找地方傾計。Liuliu 教我們醫學常識，又講解怎樣插人屎忽。 亦Share 了生活，慶幸Liuliu 的生活不錯，算找到了共同話題的朋友。 當然了，沒有人比得上我們這幾位最親愛的朋友啦！
我地又講起 Liuliu 新女朋友，不自覺再次笑他係快槍手。 忽然唱起...「最心痛是，愛得太...早」 (尾音升高的)，笑到我死！
今次係去Liuliu 介紹的一間任食打邊邊，因為聽講價錢同荃灣金輪差不多平。 o係新城市中央(即係宜家那邊好靜果個場)，果度只得一間酒樓的，叫艷珍樓。
每人埋單大約七十蚊，但今次有Ｄ不滿lor... 雖然同普通酒樓一樣，有九點半入座優惠，但竟然間酒樓只係會開到十一點半。 (喂，咁你就唔好搞九點半呢轉啦。)唉，去到先知原來早D入只係貴十蚊，總之早D去啦。 因為我地拎得飛，有位入去已經十點。仲要等了好耐執檯，10:20先水滾落食物... 跟住唯有好趕咁食，同埋好多野都賣晒，例如關於魚類既野、丸等等... 又無晒橙汁。
我地四個從未試過咁趕咁打邊爐，邊叫邊食。 個方法仲要係好似去Camp或者去阿輝屋企咁，一次過落大量野，之後等佢熟，熟晒就一次過食。
最賤係十一點三已經收爐，再無野食出。
不過好就好在，果個樣貌好鬼似何鴻燊既經理又幾好人。 佢話廚房係收左爐，但仲有少少野食。於是拎好多碟肥牛俾我地，仲有D瘦肉之類... 而且佢知我地遲入黎，於是一路都服務週到，笑容滿面。
不過咁多肥牛，佢擺明想收買我地je，仲想塞飽我地tim? 我地講笑話佢心諗： 「你地班茂利，我何生秒秒幾十萬上落，豪你請你食幾碟肥牛有咩所謂丫，因住食死你地呀。 快Ｑ o的食完啦，阻住我收工返澳門慰妻呀，就黎尾班船喇仆街。」
不過確實原本咁既待遇，我地真係好想去Openrice 數臭佢，但呢幾碟肥牛的確成功收買左我地 XD 全部肥牛落晒去一個煲度，真係好壯觀，因為真係好鬼多。 食到咁上下，因為真係太多，D湯都變晒漿。同埋已經係食唔晒。
其實果度D Staff 服務態度唔錯，只係酒樓安排上錯誤而已。
十一點九就走啦，我地係最後一檯走的。 可能食得太快太急，搞到有D肚痛。林茵話，每次一班人打邊爐，一定有一個人話肚痛。 原來今次輪到我。之後大家各自返屋企。
今晚除左好趕咁食野之外，總算都幾開心。
|
|
Thursday, 18 January, 2007 ＰＭＴ開sem飯．回憶海旁 |
|
上午半日Day-Off，可以抖抖，真好。 下午三點，上 Property Law Lecture，係 Program Leader教... 咁耐都係第一次見他。 上個sem 蔣生教我地就狂講Surveying ，到佢今次教就狂講我地班ＰＭＴ...XD 跟住上英文，我地hyper晒搞gag... 個Miss竟然配合我地，幾好玩bor... 隔離房就鬼佬教，Polly 他們個個上到D樣都呆呆地，我同劉生佢地講笑話好似俾人罰緊咁 XD。
夜晚去巴西燒烤，其實係我地一早定了的ＰＭＴ開Ｓｅｍ飯。 今次有２８個人！！！仲齊人過上次去Camp...
齊齊掃過去尖東... 分開三臺，男女各一臺，另加一臺Mix，我地這邊發覺有黃峰真係多野講D... 但亦都發覺男仔那邊部分人仍然好靜...
Wilson 話，巴燒D仔係靚仔... 不過真係發覺個個都十零廿歲，有個young到以為係中三。 好似後尾有個大隻佬搭住Rachael 不知做咩，跟住痴了線地同我地影相。
食到差不多飽，大家就玩非洲話事啤。 輸了吃臺上食剩的食物，好似有鮮血牛肉、仲有蕉... 大家都好盡興...
九點走，齊齊傾下場做咩。 Jam她們就打機、一部份女仔就返屋企，我地就返POLY ２４吹水。
記得除夕我地其中幾個凌晨返了學校２４，我拎住個杯麵，個Secur 都當睇唔到... 果晚我地仲拎埋酒入去隊(雖則係jolly sandy)，但在學校圖書館咁做真係覺得好正。
今晚又齊齊迫在一間房傾。 其實今次係Sylvia 最後hold的活動，之後班的活動就由Pokman、黃蜂負責了。 好鍾意佢地一開始就話遲D新年搞團年飯+行年宵... 好期待。如果每個月搞一次生日仲正。 最開心的是，大學生了，但大家PMT人都肯參加自己班的活動。
可惜最掃興係，到十點幾，２４竟然有廣播話要清場再入過去先可通宵。 唯有出番黎，最後大家都走了... </ |
