今日著Suit 返Poly。

上完0900 Ensci，全莊集齊見Dep Head，第一次見Jeff 同飯著 suit，Jeff 件絨suit 好搞笑。

大家都好似有少少緊張咁。去了五樓間會議室開，有我地十二個莊員同 Francis & Eddie。

其實可能全年都淨係開今次，都係大家見下面咁。

我地俾了Plan 同 Budget 他們看，他們又叫我地遲D慶祝七十週年幫下手咁。

最後我地表達了訴求，Store Room 佢又婉轉地Ban了，Care Center 又話而家咁借法係好好。

影印紙方面又話呢方面回應唔到，要Class rep 果邊既 Meeting 講。Locker 又話唔知...

最後出面影番張相結束，好廢的一個會，好似同無開無分別！

返上莊房又影下相食野，食完野又上盧巧音MGT堂。

【星期三】

兒童節上完 0900 Professor Chung，又俾佢車左唔知去邊度，講 Law 無端端講Parts of speech。@@

約了阿拉還番對鞋，因為Dramso 借了好耐lu，THX。

之後和 Lawrence 他們去了新can，他們食早餐。諗了好耐，究竟上唔上Deva 呢?

決定都係唔上，搵番阿拉，幾個月無見過佢&同佢食過飯lu。

難得 Pokman 都 join了。去了都會食Lunch，談及好多男人問題，將來既野，哈哈哈。

不過真係好驚２５歲都無拖拍，唉... 究竟我岩邊類?

返火車橋，Pokman 女朋友接他去行街，阿拉亦都係第一次見到啦。

跟住同阿拉兩個人由尖東一直行去尖沙咀碼頭，星光行間機舖，好遠呀...

中途一路傾到好多而家忙緊既莊務... 竟然寶勒巷仲撞到阿劉、Wilson、Patrick、Winson 他們去唱K bor。

同阿拉聚埋，梗係打灣岸啦，個場超正又大又唔雜又無人食煙，同埋唔貴。

日產 R34 vs Z33。玩晒全部圈，箱根山路同C1都玩埋，發覺新環有D彎進步左，識早入彎左。

中途有兩個人坐過落黎，但都係自己玩，同埋好似係C Class 同 Guest。

去到呢D新場，又無人敢挑我地，雖然我地差不多玩左一年je，其實我地好多彎都好屎lor。

玩灣岸或者其他賽車Game，我地捨得洗成幾百蚊Tune一架車，反而好少玩其他Game。

今日就破例玩左好多其他野，玩左果個紅藍色用手揮動跳舞果部機，不過原來壞壞地，搞到好Kai =.=

跟住又打好耐無打既太鼓，好平lor，不過環境好嘈，荃灣果邊都係咁。

次次都淨係睇佢地打Time Crisis，今次同阿拉一齊打好正，我諗下次要搵槍神薯仔學下野XD。

另外當然又有射籃啦。另外發覺後面有 OutRun Plasma 版，不過好貴，１０蚊１鋪@@。

好開心好滿足呀今日，有阿拉陪我去打機，特別係灣岸。

跟住一個人返Poly 圖書館，拎本簿黎寫下近排既感情，之後恰左一陣。

黃昏六點半呆呆地行去莊房，原來阿GA、FAIFAI 佢地都黎左。

之後執埋野過黎，接ISSAC 棒，坐低睇電視，寫下口水簿。

一直等，又話夜晚七點執莊房，原來得我一個BRE ><。

不過其實主要都係CSE同CLU執，我地旁邊幫下手睇下咁，好彩Sylvia 中途黎了。

其實好悶，都唔知做乜，跟住佢地打麻雀，證實原來阿里Roommate 係LSGI 個P Nancy，哈。

八點幾搭隧巴過深水步，Join 黃蜂、阿劉、大mat、Wilson、Lawrence 去明將食壽司。

一去到其實他們都接近飽，我就開始狂拎野食。

發覺他們黎深水步係因為要買魚桿，成舊水一枝，他們每人一枝真捨得，原來他們真係好鍾意釣魚。

十點幾食完，過黃金隔離間M記坐，不過太累，我都係坐左一陣就走，佢地就繼續。

發覺成間M記個個都打緊 NDS or PSP... 嘩，都幾恐怖。

十二點幾上莊房，大家又齊集晒食飯啦，又玩UNO。

下午一點半我地 BRE 掃過去LSGI 間房開會。

因為靜兒同ISSAC 要上堂，所以派了我狂Send SMS，做了聯絡顧問XD。

Anyway，總算都有一個Joint-Dep 的活動。

嘩，不過忽然出面落到好大雨，係咁行雷。

上番莊房，Sylvia 決定唔去參觀機電工程處總部啦，得我一個遲 join。

哈，好奇怪，我唔係做Project又去玩，Sil 要做Project 但又唔去。

好辛苦先出到噴水池門口，等215x過九龍灣，竟然撞到Sylvia 既 Roommate 企我隔離排隊，hi左一句。

果然好快就去到九龍灣展貿，因為無遮既關係，Lawrence 黎了接我。

跟住飛奔過機電工程幢野，穿過九展好多吉舖先去到。

其實幢野真係幾新，在樓下等了一陣就有職員接我地上去。

今日有我、Patrick、Lawrence、Wilson、大mat、細mat、阿劉、Polly、阿珊。

Sorry，我唔係做Project，但又要大家等我。><

睇左段無聊介紹片，跟住個職員知道我地要做功課，搵左好多Leaflets 俾我地。

哈，講起原來大家都有留意 Reception 姐姐。

跟住開始 Site Visit，睇了導光燈，原來個設計係透頂。

上了天台，玻璃出面就係一塊塊太陽能板，好壯觀。果個職員向我地介紹好多...

有下面向上可以吹起裙底既通風槽=.=，遠處仲有一個實到爆既風車。

丫，真係以前啟德既關係，周圍建築物都好矮。

去番頭先果層睇模型同遊戲機，大家禁下玩下咁都過左好耐。

最後去了樓下，坐低又睇了一套Video。

之後開始玩佢果度既遊戲，有D 好似去了科學館既感覺。

有個Game 係話幫個電腦主角熄電器，四個人對玩，阿劉又扮慘叫聲，好搞笑。

跟住五點幾六點玩夠就離開啦，過番九展搭Shuttle Bus 返九龍灣。

大家傻了狂唱泰國幪面超人隻歌，嚇親Lift 裡面D OL姐姐。

返到過去兜了一陣德福，本來話食下午茶，但唔知邊個提議話去宜家食熱狗。

未食過又真係幾平，九蚊又有埋汽水，爆谷都係三蚊，食到好滿足。

之後去了打機，Lawrence 他們又射蜘蛛，不過玩左無耐大家都話返屋企啦。

落番下面搭３８，好慘撞岩放工時間，條龍長到嚇死人。

第一架車結果當然上唔到，第二架上到但都要企番葵涌。

今日和 Sil 她們去了ＨＫＩＳ的爬龍舟訓練。

半年無著過短褲出街lu，感覺好唔自然。奇怪星期日中午的Sogo 原來可以好少人。

今日原來好少人，得Sil、家恆、婷筠，仲有婷筠個ｆｄ Surveying Queenie。

其實發覺平時同Surveying 一齊上堂好多都認得，不過往往就唔知個名。

搭小巴銅鑼灣一齊入赤柱，原來半個鐘好快。

行去沙灘既一邊，仲記得中秋晚同林茵Liuliu 他們一班人黎玩通頂，

果晚傾左好多心事，原來我地一大班人得我同文攝係仲未有..>< 佢地仲話見到我訓著既時候不停震 XD

今日太陽好曬呀，行到去沙灘盡頭，見到埋邊就係一大班廿幾歲的人，專業人士真係有樣睇。

家恆同婷筠黎過一次，但其實都唔會可能認得好多人。

放低晒行李，見到第八定第九屆既莊員bor，仲有上次HKU Survey上屆個P。

有個人叫我地出沙灘，教我地未黎過的人揸掌，跟住分左右，教我地點坐點爬。

之後齊齊做熱身，無著鞋真係好熱，２００７第一次覺得已經黎到夏天，天氣轉熱。

無幾耐就每個人拎住隻掌、一枝水、一對勞工手套，準備上艇。

佢地今次話比起上次多人wor，上次係用一隻大艇，今次係分左兩隻細的。

原來龍舟的確有一排排木板，兩個人坐一排，好似一格格咁。

咁岩就同一個畢左業出黎做緊野既女仔做partner，佢都係第一次爬。

前面就家恆& Queenie，後面隔多一排就係船尾既Sylvia & 婷筠。

大家上齊船，慢慢划幾下出番D深水地方，船頭教練講左少少預備既動作，開始話試下，連續爬廿下。

開頭真係覺得好怪，爬果下點解要好大力先拎得番枝掌出黎，仲有超多水花。

後面果個男仔就教我齊D，同埋個身伸前，咁就可以划得遠D。

慢慢先領略到，原來我之前錯的。因為之前超用力划落去，所以就食晒水，加上唔順流，結果好用力先拎得番出黎。原來，爬落去係唔駛用力的！只求齊。

龍舟的確好講求合作，通常都係跟番前面既人一齊落掌，於是我就睇住家恆既動作。

隔離隻艇Pro D，個個都大隻同埋唔係第一次黎，見到阿廉bor。

我地之後聽教練在船頭號令，一二三四咁爬... 爬左好多次連續動作。

爬到兩點，爬番近沙灘，再練。見到狗仔游水可以好勁。

後面個舵手阿叔就不停暗中咁講：爬龍舟邊係咁架，邊有咁教架... 又話當年後生都有玩過。

我地叫佢教我地後排幾個，佢就話應該向內坐，望住隔離Partner 而唔係前面...

哈，前排有前排講，後排有阿叔教，好好笑。不過最後阿叔都係話叫我地聽番教練啦。

有幾次兩隻艇一齊拍埋鬥快，大家都用盡力，水花彈到開唔到眼。

原來開頭標前幾重要，如果唔係就要之後食人水流，難爬好多。

哈，我地有次都快過隔離艇呀。嘩，不過下次要戴潛鏡，哈哈哈。

兩點幾，我地兩隻艇上了對岸一個無人既沙灘。哈，D男仔話要掉晒D女仔落水。

大約三點玩完就划番赤柱沙灘，連續一百下真係好累。上到岸又做番熱身放鬆...

我諗一兩日之後，條腰應該會好痛，D關節應該都係會好酸。

初初仲諗住不會濕得好勁，笨到無帶衫，乜都無戴，淨係帶左褲。

搵吹風機吹，不過最後都唯有濕住走。><

Join 了大隊去赤柱餐廳食野，我地五個人叫了四個飯粉Share分。

同檯有City人，發覺原來他們沒有soc的... 只是class rep 代替。

成班人真係鍾意運動，電視直播緊欖球賽個個都好投入。

下午四點幾搭番小巴出ｃｗｂ，跟住一個人搭地鐵過北角。

點解？ Join 阿劉和 Lawrence 去機舖打機。他們朝早去了唱Ｋ，跟住打機，前一天約定了 join。

大場黎講間野都算平... 原來篤篤機裡面有一個叫"道場"既東東係玩英文拼字，佢地不停咁玩。

之後玩到七點，同 Lawrence 搭地鐵過藍田。

好長的電梯，傾了好多野，陪我等埋３８上車，Lawrence 先走，今日幾滿足。

Ocamp 營長鄭和就講好左今日大家一齊去政府三個 Camp Site Visit，

分左兩邊，我、鄭顯、婷筠、Cathy 就去西貢兩個Site。Sil、家恆、Polly 他們就去荃灣曹公潭。

我地中午集齊彩虹，之後去了仙跡岩食Lunch。

發覺佢地"歡迎光臨"係要講普通話的。大約兩點幾一齊搭小巴入第一個Site，西貢戶外康樂。

上年我地去Ocamp 就係呢個Site 啦，跟住團契 Ocamp 我又黎過一次。

去到 Office，我地話要交form，要一張張個人咁計，個阿嬸話: 哦，Ocamp 呀? 無問題...

發覺西貢呢邊好人好多，他們曹公潭果邊就經過唔少口水先講得掂逐張計。

之後仲問我地咩學系，個阿叔話你地上年黎過啦...

叔：咁你地今年係玩人定俾人玩？

嬸：上年佢地都黎過，今年黎得book 就梗係玩人啦。

之後仲幾詳細咁講入營程序，D活動室尺寸等等，好似我地一定抽中咁bor。

開始 Visit 唔同設施，入去hall 度睇下D音響，我同Cathy 擺下Post計ratio影相...

仲記得山頂既神父、涼亭既神婆、遊樂場既不良青年，仲有阿熙派牌既體育館... 哈哈哈哈

上山落山影了好多相，之後去了康樂室，哈，閱讀室開Ｅ最岩，最有派頭XD。小朋友揸車，好得意。

跟住去睇訓覺果幢野，大家開始講番話記得邊間房自己訓過，仲記得邊幾度勁開房 Game...

原來樓下都幾陰幾多蚊的，上年淨係樓上玩都唔知tim。

我地仲逐個廁所入晒，數下沖涼幾多格... 哈哈哈哈。

發覺好多活動室都幾靚的，周圍都係 Plasma，設施又新。

三點幾就離開西貢戶外，諗住搭小巴，我地截車，個司機揮手叫我地前面上。

我地跑上去啦，點知架小巴唔停仲入左油站。@@

搭的士，唔駛五分鐘就落車入到西貢碼頭啦。

之後轉小巴入，嘩原來半個鐘一班架?

咁如果玩 Treasure Hunt 都幾攞命wor，架車唔夠載就要眼白白睇住等半個鐘，呢方面要諗下。

不過唔駛半個鐘，就入到去麥理浩，都幾僻。

門口個阿嬸問一問打一打電話先入得去，不過好搞笑，見到D卡通垃圾筒諗起海洋公園lor...

行入去第一下就見到個格仔旗車場，好岩今年我地個 Theme bor...

其實小學畢業營黎過，果時都覺得要好似上山落山咁。

今次發覺個 Site 真係幾大，Entrance 果度開始可以話分左山上同山下，成間大學咁大。

如果今年係去呢個site，Material 就慘啦，搬死人。我諗要用高爾夫球車先得。

入到Office，職員幫我地即時 Check form，仲執出好多張有問題既form，幾好，有機會即時改番^^

不過發覺呢度入營好嚴，除左要集齊人入，仲要逐張收證，想爆人都幾麻煩。

開始上山睇，大約經過晒好多主要既營屋...

佢係一間間獨立大屋裡面有兩間細的，每間細的我諗可以住八至十人。

其實發覺有一面D屋係集齊晒的，如果俾岩果度幾間就好，大家可以Close D。

好似偷雞咁，開人地個Window 影裡面D設施。

我地仲發覺有好多郊野公園設施到時可以用，例如平衡木、石春路...

婷筠做左我地今日既Model，不知不覺做左好多搞笑既動作黎影相，哈哈哈。

ｔｋ姐真係著到好似去沙灘咁，短袖+超短褲，結果俾蚊咬到...

去到個燒烤場，竟然有汽水機，大家都買罐野飲，坐低抖下。

打去sil佢地曹公潭果邊，原來已經Visit完仲話行緊又一城tim =.=，唉。

鄭顯話忽然諗到一個方法專for 麥理浩爆人用，哈，都幾得的。

之後落番去，嘩康樂館幢野簡直就係一個娛樂場所，又桌球、又K房、又飛標。

只不過圍住打桌球放飛標果D係細路而唔係黑道中人。鄭顯就不停努力地搵插蘇。

跟住去文娛館幢野仲正，除左D佈置好得意，仲有D for 細路仔大件件既玩具。

仲有打機室，個個坐晒幾部電視面前係咁打係咁打。喂，有冇得跟機先？

總結黎講，方便度真係一般。不過好彩地方大，好多 game 都可以空地玩，

不過原來成個Site 都無乜插蘇，之後六點幾就一齊搭番小巴離開麥理浩。

又係入黎果個阿叔架車呀，鄭顯車上仲即時做左個Site report... 犀利。

唔怪之得１３ｔｈ抽中晒三個Site，都係揀西貢戶外啦。

出番西貢碼頭，我地記低左條橙柱號碼，預備又玩死 freshman XD。

Cathy番將軍澳、婷筠番沙田，我同鄭顯就出番彩虹，中途真係訓著。

天黑先返到屋企，好累呀，不過原來Site Visit 都幾好玩，好期待遲D話Pre-Camp 入去住!!!

六點幾天光，大家帶著不同的心情離開廟街...

大家各自返去訓一場好覺，而我就要返Poly 上９點 Mostafa... >< 又有少少傷風。

由油麻地一直行番去，幾大風，好似成個人無晒知覺咁。

而且拎住好多野：Jay送給我們的"畢業掛牆牌"、豬仔錢罌、兩份GoodShow禮物，仲有枝玫瑰花...

返到去即刻將禮物鎖上Locker，之後仲未到八點，本來想入圖書館，點知未開@@

真係好累，唯有上去新Can上面果層紅色登度坐... 真係恰著。

差不多九點，上去上堂度訓，聽到佢地陸續入了黎，不過實在累到唔想起身。

今堂係講分組的事，真係累到呆下呆下，原來May 都因為昨晚Dramso，今朝無返，醒！

睇了一陣Lawrence 他們 Debate，之後上莊房和婷筠當值Data Bank，差點又忘記。

Kiori 阿飯她們又咁岩在那裡玩UNO... 梗係 join 埋一齊玩啦。

我發覺我地莊員好鍾意玩UNO，D分寫晒落口水簿度。之後又一齊買Lunch 上黎食。

兩點幾就走，上去拎番D禮物同玫瑰花@@，門口搭隧巴落深水步學生資助辦事處，補交番少少野...

好彩無乜人，之後搭巴士返屋企，女仔見到我都覺得好奇怪，望住我枝玫瑰花。

訓了幾粒鐘，夜晚七點幾先醒，又趕出黎啦。他們約了七點去尖東 CEO Neway 唱K架...

其實係因為要補祝阿劉星期日的生日，我去到就黎齊阿劉、Pokman、Winny、黃蜂、Lawrence。

一黎到就狂拎野食，因為真係好肚餓。

原來 CEO 貴在服務&多左個獨立廁所之外，K Buffet 竟然有龍蝦、鮑魚... 犀利！

大家都好High，猶其係阿劉啦，我地狂嗌，尾音都要整個"也呀......"　笑死我。

十點幾，阿劉突然話不如食蛋糕lor，跟住即刻拎起電話"唔該拎個蛋糕黎丫"...

劉生一手包辦，諗起都覺得好搞笑，我地幫佢慶生日wor XD

跟住枝香檳黎到，我地又狂搖，跟住諗住向岩岩去完廁所的 Lawrence 開，但又開唔到，

咁岩個Waiter 入到黎，我地又咁岩樽野對住佢，於是佢見到就話：「ｅｒ...等等...我地幫你開」

跟住另外一個好快入黎笑住話：「冷靜D先，放低，我地幫你開，係，放低...」．．．

一個好好笑既畫面... 跟住我地又趁開住門狂嗌... XD

十二點大家就趕尾班車走啦，每人百五蚊，差不多啦，一個Crazy 的晚上。

【星期二】

每個星期二通常都好難起身，遲了起身，八點半先出門口，實遲。

諗住遲到於是唔著suit返去，返去先換啦，廢事上 Lecture 無端端行入去勁核突。

中午去了換suit，仲記得上次在 Poly 著suit 出現已經係 JUPAS PMT interview lu...

不過換完衫先知，原來唔記得帶皮帶！不過我諗最辛苦應該係D女仔，D鞋又窄又勁高。

下午上完MGT，就齊齊返莊房，又狂影相。大約三點搵埋 LSGI 一齊，出發前 7-11 門口又影返張。

之後齊齊搭巴士過港大... 因為之前 HKU Surveying Society 邀請我們參加他們 Inauguration。

仲記得上次黎，係搞 JUPAS 既野，原來時間可以過得好快... 講真，HKU 環境的確不錯。

中途仲撞到何汶湋，佢話：黎一日遊呀？　我話：＝．＝

經過多番轉折，終於搵到建築/測量系幢野。

呆呆齊齊簽個名入到去，以為係莊房，超大！仲有汽水機、食物機，後來先知原來係 Studio。

令我地突然有奇想，諗住向Department 爭取大D莊房，不過點都好我相信人地莊房實大過我地。

第一次見 HKU Surveying 既莊員，４男４女。

SocSoc 無耐，跟住過隔離房正式開始就職典禮，播下音樂播下SlideShow其實都幾有氣勢bor...

都係Dep Head、P... 講下野咁，我地坐下都係無無聊聊。

之後完了他們 Dep Head 同我地傾計，又話以前係我地 Poly 畢業，跟住講下可以搞 Joint-U Function...

HKU Surveying D 女仔都幾 Friendly，之後分 Post 齊齊同HKU影相...

哈哈，之後話諗住臨走行下港大，Sil 當場換埋鞋，我地圍住睇，好搞笑。

和靜兒、Polly、家恆、鄭顯、Issac 齊齊去文學院度行，因為古老既建築好吸引，所以又影相啦。

我地拎住英文書扮港大學生，拎住Notes 扮商人簽合約...

拎住公事包好鬼似咩咩律政新人王XD，跟住搵左條樓梯拍 Video，講D 打官司對白，好 kai 好搞笑。

之後落到銅鑼灣都六點幾lu...

他們食野，我就返 Poly 拎衫，搭隧巴竟然塞車@@，塞左成一個鐘，好無奈。

【星期三】

朝早0900，聽 Professor Chung 吹水，一個好有經驗在這行好有地位的人。

同Anthony Wong 相反，Anthony 係快到抄唔到，但佢講野幾長篇大論的... 不過好彩講中文，

成日舉埋D例，車下車下過左大西洋@@，不過講真，上佢堂都學到唔少 general 野同道理的。

走Deva 堂，同阿劉、Wilson、Lawrence 去左旺角行街。

多謝你地陪我買 Good Show 禮物，買了２個杯、５個匙扣、２條手繩，全部潮特出品。

「睇到靚女先入去丫ma」阿劉講得好搞笑。之後去了打機，OutRun、射下 HOD...

忽然他們話睇戰狼300，跟住就去了買飛，唉，不過一早約了夜晚食飯去不到。

六點就搭１１２過北角婆婆屋企，同媽咪、婆婆、舅父舅母食晚飯。

我發覺真係成半個月都未試過拎住個飯碗坐低食飯，因為之前實在太忙啦。

住家飯感覺真好，又有湯飲，雖然並唔係咩特別好餸，但能夠一家人坐低已經難得，

而且真係好耐未試過坐定定、好唔趕時間咁食。

十點就同媽咪一齊走，又要搭返一個鐘車返屋企。

【星期四、五】

星期四夜晚開莊例會前，在莊房幫婷筠補祝番生日，

熄晒燈唱生日歌食蛋糕，我地仲要全部矮過ｔｋ黎影相XD。

嘩... 今次我地要申請好多張信用卡呀，因為 for Ocamp Sponsor，申請完 cut 晒佢XD。

之後開完... 男仔執莊房、女仔改form... 女仔們抄鄭顯個地址一定抄到傻左。

分番開一箱箱，仲要試埋D MIC，不知不覺，今晚好夜先走。

星期五下午，飛起了Christy，沒有去捐血，因為有少少病既跡象，下次再見你啦。

夜晚開 Dramso AP E會，齊集SAO，再見到阿里、阿風他們...

送了禮物，又換了另一袋禮物，多謝你們，All are useful。

完了以為走，誰不知原來劇社一班莊員有說話、感受和我們分享。

那是因為他們上次慶功沒有時間講，而且今次E會完他們是真真正正告別劇社。

他們每個人講講下都喊，的確，原來一年很快就會過，回憶總是留在腦海，猶如昨天的事一樣。

Fish、Jerjer 他們說都是不知不覺入了來Dramso、不知不覺上了莊... 可是得到的卻很多。

在這裡經歷就像Nichole 說的一樣，可能將來你二十年三十年，也未必同樣找到這年珍貴的回憶。

一班不同的人向著同一個目標，原來這些一切就是Drama 的吸引力。

另外每一個人心裡也明白的，就是被迫忽略了屋企人和朋友... 這也令不少聽到的人很感動。

完了和霆鋒、阿里、提子、Jasmine，過尖沙咀食米線。

果度全部都係巴坦人，唔識聽中文，好搞笑lor，又拎錯野飲、又送左個空白既米線過黎。

我地之後有野要跟，見到佢o係隔離都廢事叫佢XD。凌晨十二點就返到去屋企lu。

Move In 第一日，朝早９點就去到牛池灣文娛中心，又要同返工人迫巴士。

好彩去到見到有其他Team 的人... 不過真係細過元朗好多，好似JU氣勢仲勁過AP咁。

AP 唔係緊要過 JU 架咩? 點解仲好似細過蔣震? 唔怪得之要開3場先夠坐。

今朝係 Sound Balancing，淨係有阿JAY、Yandy、Susanna、阿里、霆鋒黎了。

Technician 真係好賤，又話咁播做唔到，根本就驚出唔切我地最後賴佢。

如果我地可以用D設備，我諗我地推都可能仲好仲Match 套劇... 更何況幾次 Tech Run Technician 都出錯。

另外如果唔係導演阿嵐玩過我地Team，我諗我地實大晒，不過佢都好關心我地的。

好似彩虹唔多野食，齊齊去了仙跡岩 Lunch...

之後返Poly 上Prop. Law，光頭阿叔又以極溫柔既聲上堂...

夜晚小彬黎了 Poly，其實係因為要幫他練中化Oral。

諗住去 BC/DE 爆房，點知六七點真係好難爆，全部房都有人上堂。

唯有買了Dinner 在M Core 出面食住先，好好笑，黑蚊蚊，D人以為我地搞基。

食完再上 R 爆過，終於搵到房啦。原來一間房真係可以好靜...

小彬其實真係OK的，難怪他上年 Oral 是A的。

十點幾，吹下水咁就走啦...

【星期六】

昨晚去了觀塘許留山食糖水，哈，多得阿里識人有Discount。

下午又去到牛池灣，最後一次Dress Run，亦是最後一次總 Rehearsal。

大家都好緊張，因為夜晚就真係有觀眾入黎睇第一場Show啦...

兩點開始，我們坐在觀眾席由頭睇到尾，配合舞台、服裝、燈光，Drama 真係好美妙。

五點完了作最後一次 Briefing，Simon 開始展現微笑... 我地少少時間 Sound Bal 執一執。

最後Fish 臨開場叫我們嗌加油，每個Team 都向演員做 GoodShow 手勢...辛苦三個月就是為這兩天了。

七點，我地縮在走廊，偷偷看觀眾入場，之後過了入場，我地就企門口那部直播的 Plasma...

可惜無聲的，不過好彩阿風可以去 Control Room，聽下有冇出錯 cue。

臨完場，我地各Team 又走晒入觀眾席後面... 講真排戲睇了好多次，還是第一次看這完場片。

一直有時光倒流二十年做襯托，有我地Team 之前拍的，好似有點 Kai，哈哈

看到自己Team Designer Jasmine 同 Jay 的話，還有導演、SM，他們莊員的每一番感動的話...

最記得Simon的話，「Dramso 係一個好奇妙既地方，每年都有好多唔同既人，有著唔同既原因目的，入到黎Dramso，最後為的係一個共同的目標」

Fish 在完場片哭出"理大戲力"，我看到周圍好多人都眼濕濕...

特別是一班 Designer 和 Consultant，這是他們最後一次 Production 了。

之後以開心形式逐 Team 上台謝幕... SM和 Producer 講感受，最後以歡樂聲中落幕結束。

完了都夜晚十點，跟住大家出面影相，有傳說中的女神 Catharine... 真係幾似薛凱琪bor。

【星期日】

上午唔知醒，好趕咁過北角，拿那份學生資助的表給婆婆姨姨簽...

今年婆婆搬過去北角，真係遠左好多，屋企去起碼要一個鐘。

簽完十一點幾返牛池灣，包那份 Good Show 禮物...

經過殘廁，諗住執一執野，中途不斷有想入黎既人既"想開門聲"，有一個仲熄我燈=.=

好彩無遲到，阿里她們罰了廿幾蚊...

出去彩虹食一食 Lunch (好彩唔駛又食飯盒)，又返入黎。

今日下午兩點半第二場 Show，今場係唔Full的，於是我地有得入去觀眾席坐。

原來感覺真係好不同，由於觀眾係第一次睇，所以他們會笑...

我地就跟住觀眾，好似第一次睇既心情黎笑... 仲有好多位都估不到觀眾會笑。

最後又是一樣的謝幕、類似的完場說話。

中途我地Team 一齊整Good Show禮物，一齊食西多三文治...

七點，係週年公演最後一場，亦係最重要的一場，因為好多老鬼、其他學校的人都會黎睇。

我地企在門口附近，除了是無位企無聊之外，就是等所謂另一位女神、阿草、阿俊等出現...

竟然見到自己莊員，靜兒、婷筠、Polly、Issac，仲有Sam、Penny、詩、Jonnathan 等等都有黎睇。

尾場當然Full House啦，我地好多後台的人都留在門口出面的走廊，連睇 Plasma 也沒有心機了，哈。

於是各自坐各自傾計，中途我同阿里阿風他們秘密離開去買禮物XD。

忽然提子舞癮大發，首先向 Nichole 她們表演....

之後聯同阿風和 Promotion Team Battle，鬥跳舞+奇怪動作，Yandy 仲玩埋縮骨功，好鬼搞笑。

無幾耐就完場謝幕啦，大家毫無壓力下謝幕，又不停收禮物，好開心。

多謝阿草買俾我地的帽，還有阿俊的玫瑰花...

影完相都差不多十點半，我地Team就出發去廟街慶功的場地。

大家其實唔識路，但又著晒黑衫黑褲在路中心行，唔少人都望下，阿風中途就問一個涼茶舖阿叔...

阿叔可能見到他又著晒黑衫又染金毛個樣又惡，於是親身帶住我地去行。

哈，去到原來好多Team 都未黎，唯有好無聊咁等，

發覺各Team都有老鬼和 Consultant 分享... 我地 Team 就好靜。

開始上菜啦，安排都算唔錯，不過 Fish 頂唔順病左，出左去露宿街頭，我地中途就出去探病XD。

一直等 Setting 的人搬完野返黎，等到凌晨兩點半先黎，

最後揭曉 Angel & Master，原來 Kenry 無黎呀... 另外原來我Angel Quit了，轉了一個男仔。

本來有個安排，係Producer 他們講野，但由於 Setting 遲黎再加埋老鬼要分享，

於是安排有點亂，加上場地問題話就黎收，於是 Fish 好嬲，不停踢碗踢檯。

Anyway，最後他們都有講少少野，大家交換 GoodShow 禮物，影下相咁。

之後我地分Team傾計，Light Team 和我們就選擇留低傾，其他Team 就去第二度繼續。

逐個講對今次Production 的感覺，還有入了Dramso 到而家的感受。

傾了很多沒有諗住講出來的感覺，多謝你們體諒我。好多人都喊，Jasmine、Jay、阿里喊得最犀利。

Light Team 就傾到五點幾，我地Team 傾到天光六點幾。

Dramso 的確很花時間，不過今次 Production 的確係一次好珍貴的經驗和好難忘的回憶。

終於明白，為什麼那麼多人如此辛苦也願留在這裡。

下午和羅雲士、阿劉去了圖書館睇"AV"，

真係咁好彩竟然借到，不過可惜睇了一陣又趕住走。

真的，大學生真係要做番D野！不過套戲真係幾大膽幾狼死... 下次一定要睇埋佢。

夜晚就係AP 的 Sound Rehearsal。

之前要取捨之下，好似好多Run Through 同排戲都無去過。

今日都係第一次睇晒所有演員，原來多數都係奧尼露+少少猜情尋原班人馬...

今次輪到不是我控制 Panel 和電腦，可以全程睇，正。

好搞笑，Gillian 爬在阿餅身上，一邊摸落去(真係摸)，仲要除埋褲，跟住阿餅仲有狂嗌...

Guts 出黎仲正，超惡咁講 "禽獸o係邊?"，個表情真係同平時好唔同，好投入。

我諗全部cue最正都係口琴cue，配合番羅蘋吹住口琴，真係扮到好match。

突然講起不少緋聞，講真丫，佢地成日晚晚排戲，仲要有過火出位劇情，真係好易產生感情。

套戲真係好長，完了都夜晚十點九，

之後仲要同導演傾，走得已經十一點幾，最慘係未食野。去買少少零食俾 Angel 同 Master 先走...

【三月十八日．星期日】

見到個Set，真係有兩層，真係有Platform，好利害。

不過ＤＥ永遠都係咁凍，我諗係Poly最凍的地方，一直睇一直吹，真係好辛苦。

今次加埋D化妝&服裝，D演員真係同Sound-her 感覺好唔同，少女可以剎那間變成淫婦＆空姐...

Guts 著住西裝，成個樣真係勁惡... 仲要拎住枝槍。

加油呀．理大戲力．ＡＰ０７．Good Show！

中午提早落葵興。

因為要去買Good Show 禮物、同買信紙。結果都係無，難道代表著一段回憶的信不可再寫...

竟然撞到 Martin，記得謝師宴之後已經無見過他啦...

他說差D認不到我，唔通真係頭髮長得太勁? 順便約了他一齊幫小彬練Oral。

之後返Poly包禮物，竟然撞到Pok 在圖書館訓覺? 仲齊齊偷睇人地在Podium偷情XD。

趕去上Prop Law，點知取消左，之後等上英文啦，又一輪ＮＤＳ大戰。

六點半放學，去了M記買定野食搭車，諗住入元朗睇埋尾場。誰不知安排問題，不用入去lu。

之後過新Can 搵番阿劉、大mat、Lawrence，不自覺談起從前的會考、ALevel...

Ｐｏｌｙ是一個特別的地方，往往有很多不同背景的人在這裡，

慢慢才發覺，我是比較幸福的一群，沒有Repeat過、沒有Retake過公開試、沒有讀過副學士...

只因，很多在自己身邊的Poly人往往都曾經比別人行多步，也有著不同的故事。

故看回轉頭，我們應該懂得利用這三年，懂得去 Enjoy，不要枉過大學生活。

和阿劉Lawrence三個人過了２４，本來話溫書但其實係去傾計，中途仲幫Lawrence 怒搞頭，好搞笑。

傾了不少人和事，雖然無無聊過了一整晚，但我仍覺值得^^

【星期五】

朝早上畫圖，人手畫的從此完了，今堂開始電腦畫圖。

中午做了鄧麗欣 (其實特登的XD)，就係同Pok & Win 食 Lunch。

哈，還是第一次和他倆三個人食飯。

去了天星碼頭星光行間麵藏食日本野，果間都係第一次食，滑蛋豬扒唔錯唔錯，仲有壽司食。

發覺 Pok & Win 兩個都好鍾意食Egg。

走時發現間新機舖，原來又係金禾，同荃灣間金禾D機一樣又咁平。

就同 Pok & Win 入去玩了一陣，又玩灣岸、又玩尖叫、又怒射籃、又篤下機...

尖咀難得一間無煙機舖，大家可以試試呀。

大約兩點，搭車落旺角，Join 番阿劉Lawrence 行街。

忽然諗起阿迪本書，記得一定要旺角先有，就諗住去搵。兜了好耐，先知道行錯了路...

好辛苦先搵到陳湘記，仲在裡面D細欄搵了好耐，唔想問職員，因為要自己搵到先覺得正。

真係發覺搵唔同，唯有問職員，先知道原來放在門口暢銷書那欄。

相信好多人黎搵呢本書，聽小彬講，鄭太都向同學介紹。

想不到曾經和自己同班的同學，廿歲出頭竟然能夠出書。

記得阿迪的夢想就是出書。我地之前講過，如果我地書局見到你既名的書，我地一定買。

想不到願望竟然成真，我返去一定細味下。

去了星際搵保護膠貼，突然傾起星際裡面的四仔... 諗起有D恐怖。

發覺始創除了有巴士睇，仲有幾多精品之類，有間賣情侶野的幾得意bor，記住先。

幫Lawrence 睇衫，最後去了Esprit 睇，都不錯wor...

不過試衫要等好耐，Lawrence 最後買了一件衫和褲，我都買了件衫。

阿劉就返去Poly上輔學，同Lawrence 再行多一陣...

六點幾，突然大mat話黎join埋，之後齊齊返Poly，原來旺角搭41A返Poly都唔錯，雖然係耐D。

等阿劉落堂之餘，和 Law 去了圖書館睇戲。

揀了"戀之風景"睇，開頭真係悶少少，而且好難明咁，不過只要代入，又會覺得好睇。

回憶的確能夠影響一個人，難道只有回憶才是最美麗?

完了都夜晚十點幾，阿劉join番我們，去都會食少少野。

又開始不停講野，對住Lawrence ，關於愛情的，總覺得有少少好似以前的自己，唉...

返２４坐一陣先走。

朝早無返 Mostafa，下午特登帶部Notebook 返去做Project。

返到W，一樣係咁多人畫圖。

原來ＰＭＴ發明了特別抄圖術！

阿珊首先發明了將notes黐上個窗，然後放張畫紙上去，透過太陽光，就可以照抄份野上面D線同圖。

不過由於日落就唔可以畫，加上一邊畫要對住世界殯儀館唔太吉利，

結果後期阿劉發明了改良版投影機抄圖術。

原理一樣，不過由於投影機既光更勁同埋夜晚都可以抄，令抄圖效果更佳！

結果為了要用一用部機大家就要排隊攞籌。

當然要注意，以上技術一定要有個好似Lawrence 咁叻畫圖既人，等佢畫左個貨板，先好拎黎抄，

哈，否則一子錯滿盤皆落落索！

傾完Project，開部電腦，齊齊睇正野、睇變態野，大家係笑死左。

天黑就同阿劉、Pokman、Lawrence 過新Can食晚飯，之後又落２４傾計。

原來我地好鍾意傾計，乜都傾一餐．．．

夜晚十點過去影印場出面拍 Sound Team 完場片。

提子一跳起舞就好似顛左咁，我地諗左好耐的，不過好似好kai呀。

凌晨十二點先返２４拎野，唔該晒阿劉、Lawrence 等我地，亦多謝晒幫我部Notebook install game...

太夜，沒有小巴，唯有一個人地鐵站行上葵盛山返屋企。