一套感動的戲，青春是應該有夢想、有想做的事...

兩個不同性格的人住在一起，一個軟一個硬，

最好的是不要得失兩邊，當然，我明白有時真的很難決擇。

【星期三】

今日臨時上堂要上到下午四點幾...

四點幾五點過Ｗ，BRE 庇護工場開動，可能唔夠訓，好累好呆滯...

【星期五】

今日DayOff，下午返POLY聽小彬哥說故事．．．

飛起新舊Can、Super Sandwiches，去了尖東Ｍ記Tea，為的是避免隔牆有耳。

【星期六】

見到Surveying 個Talk 多人到無位坐要企門口... 但Dr.蔣長篇大論都係講第一版ppt。

本來由行東涌臨時改為行荃灣>>深井...

點解咁窄既路有牛？我地中途仲向民居求救問路，但無人理我地，

下次行山去Camp要搵三個人：Wilson、Terence、Yellowbee

ＳＯＲＲＹ　馬忻，忘記了。

全世界中秋都做節食飯團圓．
因為爺爺做左．婆婆旅行．爸媽做左．咩節都之前做了
結果中秋夜我返到屋企．一個人都無 ＞＜　　幸好都有節目
中秋．天水．行逛．無糖．邊青．月餅．公園．千秋．月星．通巴．瞌睡

對比處處青年十六七，中秋總覺得自己老了．．

＜中秋翌日＞

訓醒夜晚相約 Mix & Match∼ Liu、Pok、Lamyan 瓊華 K buffet
凌晨公園閒聊．飲珍寶可樂

說了很多感受．．上莊．戀愛．友誼

好彩有旅遊巴直接由荃灣去小西灣，POLY今穫真落本，係咁出車。

不如搵童軍曬馬叫多幾千人黎啦，橫掂已經係童軍創旗蹟啦。
不過真係做果下，全人類拎起塊牌擺上頭頂感覺又真係幾正，不過一播香港始終有你全場就... x_x

好彩D表演都算係咁，有Kary、關智斌、江若琳... 爆炸猛男唱POLY校歌幾正。
聽番D數字，原來二萬幾人中，有九千幾係童軍。@@

完左同FAMILY一齊食KFC，之後出海邊吹風，有料爆@@
搵巴士走，見到架車夜晚八點開尾班真係灰晒。
同婷筠搭隧巴，不自覺傾左好多野，對FM的感覺... 發覺一路到紅隧都無人上黎上層，好恐怖。

坐左個半鐘先到黃大仙，Roadshow 都 Load 左三次。之後仲要迫新界巴士企返屋企。

去到上水轉沙頭角小巴，繼續不停同Pokman傾，不知不覺去到邊境啦，
警察上車，望望我地拎出黎既禁區紙，好快又落番車，結果又好快到沙頭角總站。

今次都係多得蘇豪簽晒我地ＰＭＴ男仔入去，我地先有機會入黎見識見識。
咁大個仔第一次踏足沙頭角，落車那刻見到中英街門口好多阿嬸企，好有大陸場景拍戲感覺。
見到好多紅字白底Banner，大部分店舖好古舊，十室九空。

之後阿劉帶我地去碼頭搵番佢地，見到有個人沿住海中心行，好似想自殺定拍緊DHL廣告。

真係好近，隔離圍欄D建築物就係大陸，蘇豪真人示範過境，真係就咁Show證咁簡單。

去到中英街個警察好好人俾我地行入少少影大合照，正。跟住我地繼續行晒沙頭角。
　

之後上番蘇豪屋企沙頭角村，同Lawrence、Pok 洗野包食物。
呢度D人好開放，開晒大門、唔鎖車、掛晒底衫褲出門口，樓上樓下都好熟好親切。

同埋呢，沙頭角好細，我地生面口出出入入，個個都望住我地。

夜晚出去沙頭角碼頭ＢＢＱ，原來夜晚呢度幾好Feel，碼頭好靚、出面好黑好少燈。

海上不時有大飛經過，哈哈，唔知邊D係走私既呢。

開爐前忽然傾起大家畢業後物業管理前景，大家都有認真既時候。

今日有Pokman、阿劉、蘇豪、Penny、Wilson、Lawrence、黃蜂、Robert、Nesta、大mat、Patrick，

可以同大學 PMT 同學仔齊齊BBQ，齊齊吹下水，全男班一樣咁開心。XD
仲有機會踩單車、見識沙頭角市民Chok墨魚。

玩到十一點幾，大家搭番小巴出上水，今次真係值得去啦。

【星期四】

下午返上莊房，今日第一日開Data Bank，好多Freshman 黎左。
好熱鬧，我地梗係例牌又玩UNO啦，玩到無晒位，淨係Freshman自己玩XD。

三點去左２４傾Project，用Notebook睇xx，仲做左一D唔見得光既野。
　

第一次接觸新昌．D人做野幾認真。

ＹＥＡＲ２　第一天返學
第一件事係開會，爆R，今年沒有了HKCC，整幢R都少了好多人。

下午第一堂Lecture Valuation，見番晒D同學仔，有不少人變了。
哈哈，坐滿晒，坐晒後面，成堂都好嘈，可能太耐無返開大家都好興奮。

【星期二】
　

ＰＭＴ開sem早茶@南北，大家齊集坐了兩張檯呀，見到齊人真係幾開心。
因為天地堂，和 Pok & Win 出左POLY行尖沙咀海旁，理工大學好就好在這裡。
一路講起Prop.man 前景，之後去打機，hehee，估不到返學可以鼠去打機。

最後和 Pok 返舊CAN食Tea吹水，好耐未試過啦。
上Integrated Project，今年第一次齊人一班，第一次見到Program Leader，以後星期二下午就無需要返lu。

【星期三】

上完堂搵小彬，講解POLY設施．．．第一次在POLY搵小彬。
去TU、去M Core、去Library，報輔學、普通話、Gym rm Course...
夜晚去左都會Dinner...　傾左好多好多野，仲有大學文化。

【星期六．海洋公園】

今日有幸同BRESS PT & 莊員們一齊去海洋公園，都有一年幾未去過啦。

一黎就滑浪飛船，我淨係知 Jeff 佢地果隻船濕鬼晒。
之後過隔離摩天輪Fing乾，玩完上長電梯，例牌又要坐晒樓梯影張相...
跟住一黎就越礦飛車，仲記得上次Pokman 玩完呢個就咩都唔敢玩XD，今年好似無上次咁驚。

打千秋，大家齊齊昅個奇怪長裙阿嬸，無眼睇，笑死晒我地。
玩撞頭過山車好搞笑，一路玩個個一路講：唉咬，好悶呀... 唉聲不絕。無人嗌，全部人都唉XD。

食完野之後跳樓，我地岩岩12個人一部機，去到最高等果刻仲要大聲唱埋食飯歌，
「鋤鋤鋤鋤得多，我地食飯...
唔記得唱到邊就．．丫．．就跌落去，仲要同三樓控制塔個嬸嬸Say HI。

海盜船，好耐未試過難得有位坐最後果排，正正！記得上次黎同Mandy佢地對HI...

除左機動遊戲，竟然去左海洋館，D魚好似對人好好奇，永遠都鍾意游埋黎。
第一次去水母館，好似無我想像中咁好睇，最搞笑都係黑蚊蚊唔知前面係咪鏡。

五點幾坐番纜車過番正門果邊，因為３６０事件，其實纜車應該驚過跳樓機，好能高。

升空氣球好多人排無玩，去左睇熊貓，兩隻新熊貓一舉一動都獲得全場呼叫，
不過四隻熊貓都掛住訓，其實咩都睇唔到@@。

仲有一樣好恐怖既事件，就係旋轉木馬竟然變左「旋轉熊貓」@@，好KAI
仲要上面隻隻熊貓都係一個準備跑既姿勢，乜熊貓識跑架咩？=.=

天黑齊齊搭紅Van返旺角，去左食１０蚊粉麵
之後即去發記食甜品，最精彩就係吹水時段，大家大爆Ocamp 秘聞內幕。
唔搭得走，哈哈哈，今晚之後知道了好多好多。

今日幾開心呀！

上午返去執 W610，堪稱第２間莊房，
原本由兩架密斗貨車都裝唔晒既戰場，變番一個乾淨既班房！

原來這裡陪了我們三個月，青春和精力全花在這個暑假．．
呢段日子我地每一日都會返黎Ｗ６１０，每天日光日白返，夜媽媽先走∼

o係呢度一齊開會、一齊捱飯盒、一齊睇Xanga,Youtube、一齊通頂捱夜、一齊訓枱到天光、
一齊同時拎住部電話、一齊整 Material、一齊Dem Game、一齊跳營舞
八號風球的那天，大家仍留在這裡，最後才走

仲有一齊笑過、無冷氣流過汗、俾人鬧過、頹過，仲喊過．．．

今日同 Kiori o係呢度慶祝埋生日，哈哈
最後一車一車運返真正既莊房，搬番好D檯

出返Hall，和 Sylvia 兩個人去左紅磡食粉麵，忽然講起上莊@@，不過得閒傾計都幾好


無數的決定都在這裡．再見了 Orientation Camp 總部　Ｗ６１０

新一年九月，這裡和從前沒兩樣，變回它真正的用途> Classroom
如果有幸回來上堂，不知感覺會怎樣呢

【星期五】

同 Family 去港晶唱Ｋ，係大家莊員第一次去
港晶裝修左竟然有獨立廁所、有Wii 玩

哈哈，好開心，之後去食Tea
仲齊齊行尖沙咀睇衫．．．

搭地鐵去到太子見到有個女仔入黎，望一望先發覺係李可秀！佢都話認唔到我唔敢叫我

今晚係約左最親愛的朋友打邊爐Gather...

早前開左部Ｅ９，原來阿拉成日都話手痕
好，早少少約出黎我同阿拉打住機先， 去天天打，原來打lv10既鬼係最易

夜晚七點．荃灣英皇娛樂樓下

有我、阿拉、阿輝、Pokman、Liuliu、林茵、阿包、Doris、arbe、Zizz
仲有好耐無見的 Balance

齊齊諗住行去楊屋道間 光輝漁港打邊爐，誰不知去到先知無那間酒樓？！
好恐怖，明明我同Liu前日都分別打過去問過的...有人答過我我地的

唯有行去隔離好靜既"協和廣場"，一路搭電梯上，真係好靜，舖又無乜．人又唔見
上面有層仲熄了一半燈，再繼續上，忽然有一堆類似冒險樂園機的物體，無端端很多部機而且有太鼓，但無招牌@@
最恐怖係成個商場都唔多人，但果度竟然有人玩緊，我地講笑話：我地見到果D...係咪"人"黎架？ =.="

算啦，上到最頂間酒樓打啦，見到林護人wor

圍住除左食野之外，就係傾下計
Balance 瘦了，其他人好似無乜變，自己好似變得最多@@

ＣＵＨＫ　ＨＫＵ　ＰＯＬＹＵ
大家齊齊傾下中學同學入了大學的近況，八下邊個出位邊個摺、邊個拍緊拖
不少Pair散了，亦有幾對經典情侶仍然在拍拖

哈哈，不停拋D同學名出黎，忽然知道了很多很多很多

今晚都幾開心丫，一直傾到十點幾先走
之後齊齊行去荃灣西站海旁join埋Elton繼續傾

我們最愛的海旁周圍都整路，唯有坐住樓梯傾，不過凌晨十二點大家開始要走
淨番我、阿輝、林茵、Liuliu、Balance... 一直傾到凌晨４點

中途竟然有社工走黎wor．．．以為我地夜青tim

一齊分享暑假、分享一年的生活、開心與不開心
分享各大學文化，忽然講起「揸攤、撻皮」，等我又講下口水舞口水簿
忽然講起Ocamp，原來ＰＯＬＹ出名最多房Game

最後打的走，凌晨５點先返到屋企訓

今晚幾開心，可以和你們Gather
不知道今個中秋能否再聚∼

大學文化． 值得一提：

１．上莊的 Open Consultation (Con-day)，有D大學叫 Campaign
ＰＯＬＹ最顛，要坐o係Podium 一邊吹風一邊答問題

２．好多大學的 Camp Fire＞ＰＯＬＹ叫 「口水舞」
(好似間間大學都有狂歡+成吉思汗，YMCA 好多間U都有，偏偏ＰＯＬＹ無)

「口水」呢個字亦衍生出 理工大學每一間莊房都必備既「口水簿」

夜晚七點幾，去了銅鑼灣 join MayMay Farewell Dinner
找了一會才找到 buco kitchen，第一次去，裝修幾靚

有Lawrence、黃蜂、Wilson、Robert、Sylvia、大mat、阿珊、Terrence，當然仲有Jam, Winnie, Denise, May

其實都係聚下，食野變了其次
玩非洲話事啤，好開心，Lawrence簡直係影帝，哈哈 XD
仲記得那次 sem break PMT 度假屋那次的開心回憶...

哈哈，最後一齊影 kai 相
雖然和 MayMay她們不是太熟，不過原來不知不覺這麼快又一年了
忽然想起上年八月O'Night第一次見今晚在座的每一位自己同班同學、對大家的感覺...
好像是眼前剛剛的事而已，原來時間可以過得那麼快

令我想到，兩年後畢業大家也會離開、各散東西，
當初大家因為不同的理由在一起，認識的時間雖短，
可是我也會記得，你們曾在我身旁一起經歷過．． 想到這裡也有少許感動

九點幾十點離開，和Wilson 黃蜂 Sylvia 他們去了打機
原來Wilson Time Crisis 咁強...
今次終於有機會玩佢地上次玩過射蜘蛛果個坐o係車入面既射擊Game
哈，不過槍Game我一向最屎，之後同 Sylvia 玩一蚊頭D

今晚都幾開心，
可能係搞了Ocamp 兩三個月，好耐都無見過自己既同學
不過都就黎完暑假返學，成為 Year 2 學生 @@

繼 O'camp之後，BRE人又再次齊集齊齊玩

前一晚和 Pris 姐姐MSN了 6個鐘，傾到凌晨五點先訓@@
第日一點鐘要去到筲箕灣，原來係一件苦事

其實約咁早係因為我地莊員ＯＣ想齊齊早Ｄ入諗住玩下
齊人就齊齊分頭去買野，之後入石澳啦

去到咁好彩霸到四個爐，之後等人黎．好曬． 好彩靜兒之前返左Ｗ拎水槍，有得玩

等到四點，終於有第一批組入黎．．． 陽光與海灘、落水、ＢＢＱ
Ocamp 完結後第一個給我放假的感覺！

今日都算多人呀，瑪區齊齊著番CampTee好齊心wor
最慘奧區有孤兒無阿爸阿媽呀 ><

差不多天黑，竟然落大雨．．！
大家都估唔到，一齊圍住個爐避雨、尖叫
PMT人Wilson、黃蜂、Sylvia、馬忻、我，竟然又聚首一堂，
圍住個爐同Freshman傾計，又無端端講Poly鬼古

廢榮阿熙佢地都有黎，竟然老鬼都有...
最矚目都係有Freshman 眾目睽睽同阿ＧＡ挑機，仲要係阿ＧＡ最擅長既飲水
哈，當然唔夠阿ＧＡ鬥，阿ＧＡ喉嚨直通ge，不過Freshman都算勁
最後諗住玩Mass Game，Set Set下又落番雨 ><　 不過好彩都有得玩人肉足球機掟下蕃茄

全晚大家無落過水，但都同落左水無分別

今晚都幾開心呀，終於可以唔駛做野真真正正咁玩，除左落大雨有D無奈
O'Day、O'Night、O'Camp、RE-U，４Ｏ都落雨，O'Night仲打八號波
唔通連個天都唔鍾意我地？

有時想起，見到 Ocamp 有部分組夜晚可以傾心事
想到自己的莊，好像都很少機會

很羨慕他們，認識了三日就盡情傾內心的想法
我們認識一年了，很來還天天一起工作， 卻沒有時間機會坐下來談
我諗大家熟落一點，溝通不足的問題一定會解決。