阿鳳
(第29屆青年文學獎推薦發表)
編劇：io / 依奧
 

故事大綱：

一個平凡人幾十年的故事，她的生活因居住的地方而改變，她的事業也因周邊的環境而產生變化。
但對自己的興趣，會因此而放棄還是堅持。生命，其實有很多人和事值得人們珍惜，撇除名名利利，
我們應該還有很多很多。
鳳從小學習粵劇，極有潛質，天意弄人始終未能在舞台上一展所長。但她由始至終沒有放棄練功，
對粵劇的愛始終如一，更以此幫忙其他人。生活的滿足與快樂，其實可以容易擁有。

角色表 :

少鳳—年輕時的鳳，約十五歲，勤力，樂天，待人真誠。
中鳳—約三十歲，刻苦，重情。
老鳳—約六十歲，仍精力充沛，愛笑。
庭  —鳳之丈夫，看著鳳成長，由一人飾演。不大說話，但愛幫人，擅拉二胡。
瓊  —鳳之友，也是伶人，但卻紅不起來，天真。老年時為富太，但仍然和鳳保持友誼，
也可由一人飾演。
炳  —鳳和庭於走難時的朋友，重義氣，失散一段時間，於老年重逢，也可由一人飾演。
師傅—鳳之師傅，嚴肅認真，說國語夾雜粵語，對鳳極好。
珠  —鳳之師姐，急功。
小武—鳳與瓊同班的伶人。會於間場時打筋斗。
鳳父—獨力養育鳳，鳳極之愛父。
其他角色—難民、街坊、一班學戲的青年人全以名伶命名。

佈景：沒有，以話語、服裝及燈光區分年代。
時代背景：由戰亂至現在。
分場：不落幕也不黑燈。
 
 
 

(燈亮)
(小武打筋斗入，從台左下至右上。出)
(燈稍暗)
(老鳳緩緩步入，穿得有點隆重)
(射燈照著老鳳)
老鳳：(有點不好意思) 嘻……大家好 (停，四處望望)哈，….唔，我係一個普通人。(頓) 係
囉，我只係一個普通人。(不知說甚麼才好) 哎呀! (急步出)

(射燈滅)
(燈轉亮)
(小武再從右上打筋斗入至左下，出)

珠身穿練功服入，雙腿間夾著一枚硬幣，正在練功架)
(珠身段不俗，但功夫未夠圓熟，行近台前，發脾氣坐了在地上)
(少鳳也是身穿練功服入，和珠一樣腿間夾著一個硬幣，也是練功，但功架明顯比珠來得有美感和節奏)
(少鳳行近珠處)

少鳳：師姐。
珠  ：何事 ?
少鳳：師傅都未叫坐呀。
珠  ：練?一朝早，鞋都行蝕喇。
(師傅入)
師傅：那妳就赤著腳板練吧!
(珠聞聲迫即站起來，把硬幣放回腿間，繼續練)
師傅：鞋不怕蝕了嘛!
珠  ：蝕十雙都唔怕。
師傅：懶丫頭。
(少鳳隨著珠身後行)
師傅：妳們都過來。
(二人往師傅處去)
師傅：妳倆是青衣，是花旦，想就想著自己是西施是貴妃娘娘，走起來要有味道，懂了
沒有? 鳳，妳走一遍。
少鳳：係，師傅。
師傅：(向珠)妳好好的看著。
(珠有點不忿氣)
(少鳳行一遍，比剛才行得更好)
師傅：好! 就看到了王昭君，看到了皇后娘娘。(向珠)看到了沒有 ? 心裡有，外才豐；
心裡未有，外就枯。少鳳，過來。
(少鳳往師傅處)
師傅：師傅替妳找了個跑龍套，也不是甚麼角色兒，但是上台走走，定定心，也對妳有
幫助。
少鳳：多謝師傅!
珠  ：師傅，我先至係師姐喎。
師傅：學無前後，達者為先!
少鳳：師傅。(望望珠) 不如比師姐上台先啦。
師傅：傻丫頭! (跟著出)

(少鳳望著二人離開)
(庭拿著摺椅和二胡入)
(庭放好摺椅，坐好，開始奏樂)
(少鳳緩緩轉身望向庭處，慢慢向他走近)
(庭停下)
庭  ：阻妳?
(少鳳笑笑搖搖頭)
庭  ：吊噪?
少鳳：(興奮) 你幫我?
庭  ：樂意。
(少鳳大力點頭)
庭  ：上天台?
少鳳：哦!
(二人出)

(冰兒舞動著水袖入，舞動一會，出)

(瓊挽著紙袋包的生果入，身穿七十年代的服飾)
瓊  ：鳳! 鳳!
(中鳳入，樸素)
中鳳：麗瓊! 嗌乜鬼?，自己入?坐啦。
瓊  ：入屋叫人，我好講禮貌?。
中鳳：咁包生果一定係比疌架啦。
瓊  ：錯喎，比世伯，佢身體好番?無?
中鳳：老人病，都係咁上下。
瓊  ：訓?？　
中鳳：剛剛。(接過瓊的生果，放好 )
(瓊從袋中拿出錢出來)
瓊  ：我聽日過馬拉幾日，下次開會我?唔到，我比??會銀妳先。
中鳳：都未知開幾多。
瓊  ：比?你先，多除少補。實有人執會架。唔通要妳幫我殿住先咩。
中鳳：(收下)好啦好啦，妳呀，梗係諗住執尾會。
瓊  ：妳做會頭，我梗放心執尾會啦。
中鳳：我呀，實會夾帶私逃。
瓊  ：妳! 擔屎都唔偷食!
中鳳：傻咩我，擔屎都走去偷食。
瓊  ：如果話食?把聲會靚，睇妳食唔食。
中鳳：(想一想) 啋! 咁肉酸。
瓊  ：哈!
中鳳：衰鬼，呀妳等我一陣。(出，往拿圍巾)
瓊  ：做咩呀?
(中鳳拿著圍巾巾入)
中鳳：就翻風，記緊圍番條圍巾，唔係失聲妳就失場。
瓊  ：妳照顧世伯重唔夠? 瓊妹就不用鳳姐妳操心!
中鳳：那妳保重!
瓊  ：謝! 哈哈! 咦? 庭哥呢?
中鳳：上?去天棚拉琴。
(傳來父咳的聲音)
(中鳳緊張的回望)
瓊  ：妳去睇睇世伯先，我就去拉妳個庭哥練練聲。
中鳳：收錢呀!
(瓊揚揚手上的手巾，出)
父vo：咳咳 。
(中鳳也出)

(家聲與冰兒對打入，打至另一邊出)

(少鳳拿著摺椅入，放近台前)
(庭尾隨)

少鳳：老師，請座。
庭  ：(坐) 首曲，熟未?
少鳳：唔! 師傅都話我有進步。
庭  ：好。開始。
少鳳：唔。
(庭拉出由低至高的音調)
(鳳跟著唱)
(庭再拉由高至低的音調)
(鳳跟)
(庭停下來)

少鳳：(感奇怪) 老師?
庭  ：好?。
少鳳：好??
庭  ：把聲，好?。
少鳳：唔?
庭  ：妳今早練過?
少鳳：無呀!
庭  ：無?
少鳳：今早我幫阿爸賣生果，邊有空閒練聲。
庭  ：好落力。
少鳳：係頂啦，隔離檔賣一毫子，我咪嗌一毫子送多一個。
庭  ：咁點呢?
少鳳：咩點?
庭  ：把聲。
少鳳：把聲?
庭  ：好?。
少鳳：(想一想)哎呀! 弊傢伙，點解究?
庭  ：行。(起身，預備離開)
少鳳：唔練喇?
庭  ：去補救。
少鳳：去邊處補?
庭  ：(笑)行啦。
少鳳：哦。
(庭出)
(少鳳拿回摺椅跟著出)

(小武耍著棍入，另一面出)

(炳榮及家聲搬著檯椅入，二人身穿板仔裝)
(將檯椅置於台中)
(老鳳捧著一個大煲入)

老鳳：炳榮，幫我拎埋?碗入?。
炳榮：yes，鳳madam。
(炳榮出)

老鳳：家聲，兩張?邊恕夠，拎多幾張啦。
家聲：駒榮拎緊啦。
老鳳：咁慢?!
家聲：(大聲地)駒榮，行快兩步!
老鳳：傻?呀你，咁大聲嗌，聽日重使比賽!
家聲：(輕聲) sorry madam!
(炳榮，駒榮一起入)
(二人把手上的物品放好)
駒榮：家聲真係好中氣!
家聲：o殊!
老鳳：你地呀，要錫住把聲至得架，傷?就食乜都補唔番。
眾人：係!
老鳳：係得咁爽快，記實至得嘛，咪成日話鳳madam長氣。
炳榮：邊個夠薑話鳳madam長氣!
老鳳：話極都係咁，夠膽，唔係夠薑!
炳榮：係，夠膽。
老鳳：冰兒呢?
駒榮：梗係?屎坑啦! 唔係! ?洗手間。
老鳳：廁所都得。
家聲：梗係辦公時間啦! 夠斯文喇?!
老鳳：係喇! 乖喇!
(老鳳把湯斟於碗內)
(冰兒跑入)

冰兒：(大聲)係咪飲得喇?
炳榮：作死呀妳，咁大聲!
駒榮：係呀，要錫住把聲嘛!
家聲：辦完公有無洗手?
冰兒：頂! 我遲少少，駛唔駛個個?到行呀!!
(老鳳望著冰兒，示意說話要斯文點)
冰兒：對唔住各位，係我遲，sorry 囉。
老鳳：妳練成點?
冰兒：非常好! Sure win!
老鳳：驕必敗，
駒榮：(官腔)滿招損!
老鳳：不過有信心係好事，有信心先至會成功。
柄榮：做一個謙虛?梅香。
冰兒：你就梅香!
老鳳：咪掛住講，飲??湯先。
眾人：yes, madam!
(眾人飲)
家聲：咦 ?
駒榮：咦甚麼?
冰兒：咦?
炳榮：妳又咦?
老鳳：哎呀! 落雨呀! 快?執埋??!
(眾人趕快執拾)
家聲：鳳madam，妳落樓先喇，我地幾個執得喇。
老鳳：(拿著煲) 咁你地都要快手快腳。
冰兒：ok!
(老鳳出)
(眾人執拾著相繼出)

(中鳳擔著擔挑兩個水桶入) (強烈陽光)
(中鳳穿汗衫短褲腳穿膠拖或木屐)
(中鳳艱辛的前行感吃力，不時拭汗，行至台中，放下擔挑休息，向前上方望去)
(庭拿著二胡袋入，看到鳳)

庭：鳳!
中鳳：(回頭看) 庭哥。
(庭把二胡交給鳳)
(鳳接過)
(庭擔過擔挑，繼續行)
(鳳望著庭一會，笑著尾隨)

(燈光室光)
( 一支櫻槍飛入)
(少鳳走出來，剛好接過櫻槍)
(珠跟著入)

少鳳：(有點怪責) 師姐!
珠  ：一時錯腳，師妹見諒?。
少鳳：正經練嘛，上台失手就丟師傅面喇。
珠  ：哎呀，小丫頭，教訓妳師姐咁話咯喎!
少鳳：師妹不敢! 繼續呢師姐。
珠  ：怕妳不成!

(二人繼續練踢槍，鳳總能踢於珠的腳前，但珠卻全失準，完全沒有理會槍有沒有交好給對方)
(師傅入)
(師傅站在一旁看著二人一會)
(珠又失手)
珠  ：鳳呀，妹要交準嘛!
師傅：妳怪誰!
珠  ：(有點害怕)師傅!
師傅：妳懂甚麼是交槍! 亂踢的! 妳怪誰 ? 去! 去天井做五十個一字馬!
珠  ：五十!？
師傅：嫌小不成?
珠  ：唔係。(出)
師傅：(向鳳) 妳呀! (一頓) 不說喇，師傅也不能再教妳甚麼。
少鳳：師傅….
(二人對望一會)
少鳳：對唔住。
師傅：傻丫頭，妳生性，妳顧家，師傅也不能勉強妳。
少鳳：你地去南洋，安頓好，記緊寫信返?。
師傅：太亂喇，信，都不一定寄到。
少鳳：都寄丫，或者會收到呢!
師傅：好!好! 安頓好一切，師傅給妳寫信，妳不用掛心。
少鳳：師傅…..
(二人沉默一會)
師傅：師傅走了之後，妳也要天天練功，不能躲懶，知道嗎? 功夫是自己的，沒人拿得
走，炮彈也打不走。
少鳳：係，師傅，鳳會記住。
師傅：好。練功叫苦。
少鳳：(搶白) 唔苦!
師傅：(笑) 往後的日子，才真的叫苦!
少鳳：幾苦我都唔怕!
師傅：傻丫頭….呀，師傅的箱子，擠不了太多衣服，還剩下甚麼，妳幫我處理掉喇。
少鳳：知道。
師傅：明天一早妳還要開檔子，就不用送我啦，小珠會和我去。
少鳳：師傅……(欲哭)
師傅：傻丫頭，以後的日子，淚要往肚裡吞，堅強呀!
(少鳳望定了師傅，忍著淚，大力的點頭)
(師傅往衣袋裡拿出一個玉墜)
師傅：差點忘了，這是妳爸當年送給我當作是見面禮的，我也私藏了那麼多年。人要離
開，物也歸原主，拿著。
(少鳳遲疑)
師傅：拿著! (塞進凰手裡)這是妳娘剩下來的，妳爸也真是! 這個也送我，師傅也貪! 真
是一座很美的觀音像，就像妳娘。
(少鳳一直注視著鏈墜，有點想哭)
師傅：鳳啊。保重喇，要好好保重，知道嘛?
(少鳳用力的點點頭)
師傅：來，看看有些甚麼要處理掉，走吧!
少鳳：啊。
(二人出)

(庭拿著二胡及摺椅入)
(庭拉奏練習)
(中鳳身穿戲服入)
(二人對望，跟著庭拉曲，鳳隨著音樂展出舞步及水袖功架)
(瓊入，站著看了一會)
(瓊鼓掌)

瓊  ：哈! 人地兩公婆就喜歡耍花槍，嗌嗌霎霎，你地兩個丫，就一個拉一個舞，恩恩
愛愛，婦唱夫隨。
(庭只笑笑)
中鳳：哈，妳個梅香王丫，偷睇?
瓊  ：哎呀! 假假我都係…..二步針!
中鳳：落鄉班妳就二步針。
瓊  ：都算係二步針呀，庭哥呵!
(庭亦只笑笑，拉了一下和弦)
瓊  ：妳就駕勢，有私伙胡。
中鳳：妳空閒都可以過?唱架。
瓊  ：(望定鳳的衣服)哩件私伙就重駕勢巴閉。
中鳳：師傅?私伙，點會失禮。
瓊  ：手功就真係頂呱呱。
庭  ：妳地慢慢。
瓊  ：我?你就扯。
中鳳：呢個鐘數佢要去仙樂呀。
瓊  ：仙樂都拉埋!
(庭只笑笑，出)
瓊  ：妳地家陣好聽錢用咩?
中鳳：阿爸過身洗?一筆，遲下上樓又要用錢。係喇，妳幫我留意下有無地方等人用，
咪淨係呀庭一個人賺錢。
瓊 ：(望定鳳的戲服)呀，查實妳都唔做戲咯，不如就賣?件私伙，咁好手功，價錢一定/
中鳳：瓊! 師傅留低比我?戲服，餓死我都唔會賣! 以前咁艱難至保得住，我點都唔能
夠賣!
瓊  ：當我無講過，當我無講過。之但係，變通下得唔得?
中鳳：變通?
瓊  ：唔賣得?，租怕得??
中鳳：租?
瓊  ：我遲下有台落鄉班做崔鶯鶯呀，話晒都叫做千金小姐喎，妳知我啦，邊恕有靚私
伙?。?! 當幫下朋友，租比我，得無?
中鳳：點得架。

瓊  ：孝子都有得租啦，何況戲服。當我梅香王求妳喇，鳳姐好啦! 妹估一世做梅香真
係好馨香咩。
中鳳：但係……
瓊  ：人唔上台，妳都比件衫上台丫。唔比人見喎，更靚手功咪又係白費。
中鳳：(揚一揚水袖) 師傅…….
瓊  ：妳師傅必定唔會反對，唔通收?個匣度好咩，比蟲蛀晒都未天光。
中鳳：妳把口呢!
瓊  ：當妳應承架喇!
中鳳：怕?妳個梅香王。
瓊  ：哈! 那新艷瓊就謝過鳳姐喇!
中鳳：哈! 係! 新艷瓊大佬倌。
瓊  ：唔。(做手) 新艷瓊，有禮!
中鳳：免了。哈! 話妳知，我以前都幫自己改過藝名。
瓊  ：係咩，講?聽下。
中鳳：(清清喉嚨) 小飛鳳、雲超鳳、李丹鳳!
瓊  ：?，李丹鳳係妳真名??。
中鳳：傻?，邊個曉?。
瓊  ：喂，落樓咯。
中鳳：我想走多幾個圓檯先。
瓊  ：練少日啦!
中鳳：乜解??
瓊  ：人地心急試衫呀。
中鳳：哈! 妳隻梅香王丫。
瓊  ：(拉著鳳) 行啦!　行啦!
(二人出)

(燈漸暗，暗至仍可見到台上的情況)
(傳出警報)
(少鳳背著包袱彎身走入)
(少鳳男裝打扮，衣衫破爛，頭帶破帽)
(少鳳父也背著包袱，跑入)
父  ：(壓低聲線) 鳳!
少鳳：爸，呢便呀。
(父走近鳳處)
(父先解下包袱，鳳也放下包袱)
父  ：呢恕應該安全。
少鳳：哦。
爸  ：”烏”低。
少鳳：爸，警報幾時先至會停?
父  ：好快，好快，有阿爸響度，唔駛驚。
(傳出一陣槍聲)
(父抱緊鳳)
(槍聲停)
父  ：無事，無事。
(槍聲再響)
父  ：我地過樹林?處。
少鳳：哦。
(二人慢慢彎著身行至台前)
少鳳：哎，我漏低?個包袱。(想轉身往取)
(又傳出槍聲)
父  ：算啦，唔好要喇!
鳳  ：唔得，好緊要架，師傅留比我架。
(二人對望一會)
父  ：妳趴響恕，阿爸過去拎。
(父往回走)
(一輪更猛烈的槍聲再傳出)
(父中槍倒地，剛好拿到了包袱)
少鳳：(大驚) 爸! 爸! (爬過父那處)爸!
(爸已沒反應)
(炳與另一難民入)
(少鳳稍驚，看清楚後便叫住二人)
(少鳳：先生! 先生!
(二人驚覺另外有人，一頓)
少鳳：先生，可以幫下我嘛?
(二人慢慢走過去)
少鳳：我阿爸受?傷，兩位可以幫我扶佢過去樹林?便避一下?
(二人猶豫)
少鳳：我一個人抬唔到，麻煩兩位幫幫忙，大家都係中國人，幫幫忙，麻煩你地，求下
你地。
(二人仍猶豫)
(鳳從身上拿出一點錢)
少鳳：我比晒?銀錢你地，幫下我，求下你地!
難民：呢個時勢，銀錢無用，食得?有無?
少鳳：有! 有! (從包袱拿出一袋東西)比晒你地，比晒你地。
(難民接過，望望炳)
(炳望著鳳父)
炳  ：幫手抬啦。
難民：你抬夠佢啦! ( 走，出)
炳  ：喂! 喂!
(鳳乾著急)
炳  ：我孖你兩個試下啦!
少鳳：多謝你! 多謝你!
(二人抬起父，鳳勉力支撐著)
(庭背著二胡及包袱入，望到鳳和鳳父)
庭  ：鳳?
少鳳：(喜) 庭哥! 庭哥!
庭  ：世伯?
少鳳：都係我唔好，都係我唔好!
庭：(扶過鳳父) 唔好講咁多，離開呢度先。
(少鳳拿回包袱)
(三人出)

(燈轉室光)
(老鳳v.o ： 庭! 阿庭! )
(老鳳於左入)
(庭於右入)
老鳳：你睇下我撞到邊個?
(庭望向鳳身後)
(庭看到些甚麼，非常高興)
(炳入)
(庭笑著不斷指著炳)
炳  ：(相當高興) 修庭!
庭  ：炳哥!
(二人緊握著手)
炳  ：嘩，咁多年無見，你唔鬼老?!
庭  ：哈!哈!
老鳳：係咯，我你就話老到唔認得!
炳  ：哈，我阿炳份人，直腸直肚，有?句講?句，修庭確實係保養得好!
庭  ：又想呃酒飲?
炳  ：都係男人知男人心事。
老鳳：喂喂喂，好似陪你飲酒?個係我，唔係我先生喎。
(炳和庭相視而笑)
庭  ：我去開檯。
炳  ：等我幫手。
老鳳：搬上天台，清爽?。我去拎酒。
(三人邊說邊出)

(帶點陽光)
(庭拿摺椅入，放近台後)
(炳拿摺椅入)
炳  ：舊樓有舊樓好，天台都可以用埋，唔似?高樓大廈，一味得個高字，坐走廊又唔
         得，上天台更加唔駛旨意，鎖到實一實，好似有寶咁。
(鳳剛拿著酒和杯入)
老鳳：炳哥，無見咁多年，依然咁多勞騷。
(庭只笑，沒說甚麼)
(各人坐下，鳳斟酒)
炳  ：唉，點估得到重有命見番你兩個，重有機會一齊飲酒。
老鳳：都有三十幾年喇。
炳  ：話世界艱難，捱下捱下又幾十年。
庭  ：(舉杯) 多謝你，炳哥!
炳  ：嘩，一見面講埋?衰?!
老鳳：佢等?同你講多謝都等?三十年，阿爸又你救，阿庭又係多得你至執番條命，講
一萬次多謝都唔夠!
炳  ：陳年老史，唔記得喇! 再提就反面。
老鳳：好! 好! 唔提! 唔提! 敬你一杯怕得喇呱!
炳  ：梗得! 我?呃酒飲架嘛!
庭  ：我都敬你!
炳  ：好! 飲勝! ( 飲光 ) 妳伯爺都過?身好多年咯。
老鳳：幾十年，眨下眼就過。係喇，呢幾廿年無晒你消息，我地重以為因為?件事，你比?衰人…..
庭  ：我地真係好擔心。
炳  ：唏! 我阿炳咁命硬，走日本仔都死唔去，暴動? 碎料啦! 個天要你捱，無咁易比你
死?。
老鳳：終於見番你，我就真係死都死得安樂。
炳  ：噓! 妳當我阿炳係牛頭馬面呀! 就算當日我真係死?，都唔關任何人事，我都不知
覺得自己幾英雄。
庭  ：敬我地?英雄一杯!
炳  ：你淨係識敬酒，你杯酒，咀唇邊都未掂過!
庭  ：哈!
老鳳：我代佢，飲!
炳  ：好! 飲勝! ( 飲罷，看到張檯) 咦? 張檯….
老鳳：好面熟哩!
炳  ：唔係呀!
(庭點點頭)
老鳳：咪就係當年你送比我地?張檯囉。
炳  ：嘩，幾廿年前咯喎，留到依家?
庭  ：張檯，似你，夠硬淨。
老鳳：佢呀，做?好多次鞏固工程，點都唔捨得扔，搬都一齊搬。
炳  ：修庭，都只不過係一張摺檯。
庭  ：對於我地，佢唔止係一張摺檯。
老鳳：係呀，有多多錢都買唔到張咁靚?摺檯。
炳  ：係….係…..

(家聲、炳榮功夫裝入)
家聲：鳳madam!
炳榮：庭sir都?度!
家聲：等我地兩個猛?下面”禁”鐘。
老鳳：哎呀，係喎，開心得滯，無?件事。兩隻馬騮過?，介紹個英雄你地識。(望向炳)
           呢個就係大英雄，炳叔。呢隻叫家聲，呢個叫炳榮。
家聲/炳榮：(拱手) 炳英雄，有禮!
炳  ：有禮，有禮! 哈哈!
老鳳：?，你兩隻馬騮，耍?功夫仔比炳叔睇下，娛賓!
家聲/炳榮：徒兒遵命!
(二人對打及翻騰)
炳  ：(拍手) 好功夫，好功夫!
家聲：過獎喇，炳英雄!
炳榮：都係師傅教導有方!
老鳳：兩個咪賣口乖，拎住條鎖匙，自己開門先。齊人就上?叫我。
家聲：(接過鎖匙) yes，madam!
炳榮：各位告辭了!
家聲：請呀!
(二人出)
炳  ：邊家細路?
老鳳：無人理，周街蕩，有?群著壞人，有?比屋企人虐待，有個重陰公，比屋企趕?
           出?，訓?成個禮拜公園仔。
炳  ：喂喂喂! 即係點?
庭  ：佢唔抵得，咪帶晒佢地返?，順便教佢地做戲。
炳  ：哈!
老鳳：我當正佢地係自己仔女架，橫掂我地無兒無女。
炳  ：有都未必好?!
庭  ：國強都三十幾咯。
炳  ：三十又好，四十又好，唔關我事! 有毛有翼，個老豆瓜?老襯佢都未必知!
老鳳：咁又唔好咁講個仔，好似我班馬騮，即係班徒弟仔，佢地?父母都話佢地無用，
          唔生性，其實做父母?，又真係有擺幾多心機落去。有時，個個大人都掛住搵
食，細路無王管，咪自然學壞囉。
庭  ：鳳!
老鳳：哎呀! 唔好意思炳哥，我老毛病又發作。
炳  ：我明你意思，仔女好唔好，老豆老母好大責任，養不教，點都係父之過。但係，
         話分兩頭，班後生又有幾時識得為班老人家諗下? 返屋企食餐飯都廢事!
老鳳：炳哥對朋友就真係一流。
炳  ：咩意思?
庭  ：遲?，叫國強上?食餐飯。
老鳳：庭! 你份人呢!
炳  ：唔係呀，呢餐飯我點都捉佢?食，唔係以前你地幫忙，個衰仔有書讀，坎?做乞
衣喇!
老鳳：芝麻綠豆事，話到依家。
炳  ：?陣世界艱難，問人借廿蚊重難過而家問人借二千。
(冰兒入)
冰兒：庭sir，鳳madam! 呢位梗係炳英雄，冰兒有禮!
炳  ：哈! 醒目!醒目!
老鳳：齊人喇?
冰兒：yes, madam!
炳  ：落去啦，我都想睇下你班徒弟仔。
老鳳：好呀! 睇下佢地練習，比?意見。
(冰兒拿過酒樽和杯)
(眾人出)
(摺檯仍在)
(後演區燈暗)
(前演區較亮)

(中鳳入拿回摺椅出)
(中年模樣的炳拿著新的摺椅入)
炳  ：鳳! 修庭!
(中鳳再入，看到炳)
中鳳：炳哥? 乜事幹?
炳  ：修庭呢?
中鳳：過?仙樂，你搵佢有事?
炳  ：剛剛標到份會，拎番錢過?比妳地。
中鳳：唔駛咁急，慢慢唔遲。
炳  ：唔好，我褲袋穿架，袋唔穩。快趣收埋佢，快趣!
中鳳：係，係! (收下錢) 駛唔駛幫你補番個褲袋?
炳  ：哈! 呀，係，行過夜冷舖，事頭話新?一樣，當新?賣都得。
中鳳：係?，又真係幾新淨，直頭似未用過。
炳  ：咁就放響處喇!
中鳳：放響處?
炳  ：睇下妳地?張爛鬼檯，放多個煲都會”塌”。
中鳳：咁咪唔煲湯，煮少兩味?。
炳  ：收?佢，你兩公婆時常關照我，張摺檯仔又值幾個錢。
中鳳：好喇，好喇，我就收?佢，滿意未?
炳  ：唔好放晌冷巷，我啦妳放入屋。(把?搬入台側)
中鳳：你唔好??咁?錢洗呀下次。
炳  ：哈，都話唔值幾個錢，仲講。
中鳳：係，係，唔講?。
炳  ：幫妳丟?張舊?。
中鳳：喂!
(炳不理鳳，把舊?搬走，再入)
中鳳：咁快？你掉晌邊處？
炳  ：丟?樓梯口，轉個頭自然有人幫你搬去。
(鳳笑笑)
炳  ：係呀，家陣出面立立亂，你地出入記緊小心，菠蘿無眼。
中鳳：都唔係剩係驚菠蘿，左打右、右打左，真係驚比人打錯。
(一街坊驚慌的衝入)
街坊：庭嫂、庭嫂! 唔得了喇，唔得了喇!
中鳳：咩事呀？
街坊：妳先生、妳先生……
中鳳：我先生咩事？你抖順條氣先講。
街坊：仙樂出事!
炳  ：出咩事？
中鳳：?？出咩?事？
街坊：我剛?晌仙樂?處附近，見?綠衣走晒過仙樂，你慌唔係又有人攪亂咩，妳都係
過去睇下好。
中鳳：點算呀？點算呀？
炳  ：鳳！妳留晌屋，我幫妳過去睇睇乜?事幹。
中鳳：我同你一齊去。
炳  ：妳留晌處，萬一阿修庭返到?，唔見妳，咪又擔心。
街坊：係鑼庭嫂，我同呢位阿哥去，妳就留晌屋處等。
炳  ：就咁話啦。
（二人出）
（中鳳乾著急，也隨著出）

（傳出數下槍聲）
（瓊與小武扶著少風入，三人均穿著水袖、紅褲和繡花鞋／高靴）
（鳳一臉呆滯）
（瓊與小武讓鳳坐在地上）
瓊　：鳳！鳳！醒醒啦，無事?。
小武：阿鳳！
（庭拿著杯熱茶入）
庭　：鳳，飲啖熱茶先。（餵鳳飲）
（鳳嗆）
庭　：鳳。
（鳳大力地喘氣）
（小武往取藥油）
庭　：鳳！
瓊　：唔嚇壞就假?，爭?咁多就命都無，?人顛晒，做戲咋嘛。
庭　：鳳！
瓊　：鳳姐，醒下啦。
（小武拿著藥油入）
小武：庭哥，幫阿鳳捽?藥油先。
（庭替鳳捽藥油）
（鳳仍是呆呆的）
瓊　：不如搵個大夫睇下穩陣。
小武：飲劑定驚茶怕得?。
（庭揹起鳳，走）
瓊　：庭哥，你帶鳳去邊？
庭　：醫院。（出）
瓊　：等埋我。（出）
小武：我都去！（出）

（家聲與冰兒各拿一張摺椅入）
冰兒：?個女人邊位呀？佢粒鑽石介子幾撐眼呀，十卡八卡無走雞。
家聲：鑽石妳又識！鳳madam?姊妹??，識?好鬼死耐?隻，剛從國外歸。
冰兒：嘩，鳳madam有?咁富貴?姊妹。
家聲：?，有乜出奇，鳳madam，有???。
冰兒：話時話，下個禮拜場表演，你’劣’唔’劣’？
家聲：’劣’？乜妳都識個’劣’字點寫咩？拆?課室度門妳都夠薑，上台表演妳洗’劣’。
冰兒：你個死仔，阿姐你都敢寸，想打頂哩。
家聲：打咪打，我就真係唔’劣’喎。
冰兒：好，看招。
（二人拿起摺椅，對打，不是亂打，有功架地打）
（老鳳與瓊入，未看到二人在對打）
瓊　：上?搵妳真係運動量大，幾時先至肯搬去?有??樓？
老鳳：我話我去妳度?，係妳自己心急?。住到而家，幾十年咯，仲搬乜?。
瓊　：妳呀，講?成個月話去我處，影都無。
老鳳：係？（看到家聲與冰兒）喂，你兩隻馬騮做乜?？
（二人立即停下來）
家聲／冰兒：無?。
瓊　：打得唔錯喎。
家聲：都係師傅教導有方。
老鳳：你最叻賣口乖。
瓊　：妳幾時帶埋班徒弟仔去我度玩？
老鳳：搵日啦，搵日啦。
瓊　：妳好唔鍾意去我度咩？
老鳳：遠嘛，又高，我暈車呀。
瓊　：咁我搬近?就妳好無？
老鳳：妳又想買樓？
瓊　：（手電響）等我一陣。喂？係。係咪我心水?間？係?、係?，38A。叻仔。我而
            家?鳳auntie度。唔洗?。我都唔知留幾耐。得?、得?。拜拜。(收線) Dave問
            阿鳳auntie幾時賞面去我地屋企食餐飯，好耐無見妳?。
老鳳：有幾耐。(轉望向家聲)你兩個落樓睇下庭sir返?未，話佢知我?度同瓊auntie傾計。
家聲／冰兒：遵命!
(二人出)
瓊　：幾時收番個徒弟叫艷瓊先？
老鳳：搵日啦、搵日啦。
瓊　：乜妳都話搵日，練功唔見妳話搵日。
老鳳：我呢?老骨頭，唔郁過唔安樂，邊似妳地?少奶奶。
瓊　：喂喂喂，我都有練功?。
老鳳：當真？咁過兩招哩。
瓊　：怕妳不成。
（鳳向瓊上下打量）
瓊　：點？
老鳳：著成咁個樣，點打？
瓊　：點唔打得？以前著住十幾斤晌身都仲可以打兩個空翻。
老鳳：以前。妳都識講話以前。
瓊　：（笑）又真係好耐咯呵。
老鳳：睇下自己?白頭髮，就知道有幾耐。
瓊　：咦，咁我咪戰勝?時間！我搵條白頭髮睇下都無。
老鳳：染咪無囉。
瓊　：染妳個頭，貨真價實。
老鳳：咁又係，妳都唔曉用腦，邊恕會有白頭髮。
瓊　：哈，妳個李丹鳳?！
老鳳：梅香王，有禮。哈，卒之我地兩個都做唔到正印。
瓊　：我又唔恨喎，假假地我都係梅香王，幾時聽過有正印王。
老鳳：真係唔怕醜。
瓊　：怕咩。
（庭入）
庭　：楊夫人。
瓊　：哈，你個庭哥幾時學得咁口花。
老鳳：係呀，我老公愈老愈嘴甜。
瓊　：嘩，原來妳先係唔怕醜。
庭　：阿鳳講事實?。
瓊　：你兩公婆一唱一和，我唔夠你地講呀。哎，擇日不如撞日，就咁晚上?我度食飯。
庭　：今晚？
瓊　：好忙咩你兩個，係咪抽小小時間同我食飯都唔得！
老鳳：飯就日日都可以食，??今晚……
瓊　：今晚咩事幹？
庭　：有大事幹。
瓊　：乜?大事幹至得?？
老鳳：妳咪聽佢講，有度地方今晚一定要去之嘛。
瓊　：一定要去，咁即係好緊要啦。
庭　：妳係時候去換衫?。
老鳳：夠鐘喇咩？
瓊　：喂喂喂，好講咩?事咯喎。
（鳳與庭相視而笑）
瓊　：你兩個夾埋?，再唔講我嬲?。
老鳳：你都要換衫喎。
庭　：要。
（二人邊行邊說，出）
瓊　：喂！！我真係嬲?。（便追著二人）你兩公婆又夾埋激我。（出）

（少鳳舞著水袖入）
（少鳳滿懷心事，慢舞了水袖數下，愈舞愈快，舞至跪下，欲哭）
（師傅入，看到鳳的舉動）
師傅：鳳！
（鳳一呆，忍著不哭）
少鳳：師傅。
（師傅握著鳳的手，鳳終於哭出來）
少鳳：(跪了在師傅跟前)師傅、師傅！
師傅：傻丫頭，哭甚麼。
少鳳：師傅……
師傅：妳還叫我師傅便不許哭。淚不是輕易流的。
少鳳：阿鳳無用……
師傅：傻丫頭，又不是妳的錯，也有醫不好的病嘛。怪不了誰。
少鳳：我上唔到台，我以後都上唔到台。
師傅：可憐的孩子。人生難料啊。師傅也想不到回來再看到妳?。有些事，總不能全順
人意。我說，妳還要慶幸，那一槍，沒有要了妳的命。
少鳳：我寧願無?條命。

師傅：鳳! 不要想歪了，沒有命、也就甚麼也沒有，師傅也就再也看不到妳喇。不能演
           出，也可以教別人，像師傅一樣。妳要是真的愛，也不是一定要站在台上。只要
           妳愛、真的愛，在那裡也成，在台上成、在家也成。功夫是妳的，誰也拿不走，
           槍炮也打不掉。師傅老了，不要讓我掛心。鳳啊，師傅最  就是妳，知道嗎？

少鳳：師傅……
師傅：好好的過日子、好好的練功。記緊，功夫是自己的，永遠也是妳的，知道嗎？
少鳳：知道……
師傅：起來喇，淚包子，多難看。
(少鳳起來，拭著淚。師傅輕輕的離開了)

(少鳳走了往師傅離去的位置，站一會。跟著坐了再地上)
(中鳳擔著擔挑和兩桶水入，停下來)
(庭入，輕輕的拿過鳳手中的擔挑，出)
(中鳳望著庭出，笑)
(老鳳盛裝入，穿著高跟鞋，險跌倒，眾徒弟走出來扶著她)
老鳳：到你地喇，快趣?，去啦、去啦。
(眾徒弟出)

(三位不同年代的鳳，望著不同的方向，跟著各自帶笑離開)
(燈滅)
(全劇完)
 
 

歡迎給予指正和意見或感想，先謝!