劇名：日晷
時間：期限只剩24小時
地點：戶外，可以甚麼也沒有
人物：鳥人、人、人的影子、僧人
場景：日晷的投影不時閃現於舞台的正中，台左邊是一個高斜台有鐵通或繩索連接地面
整個戲沒有角色於演出中離開舞台，也沒有間場或中場休息，請注意。
所有一切(台景、服裝、道具等)絕對以簡單為要，甚至虛擬地處理也無不可。
音樂是必需的，但不是指樂器伴奏，而是影子要有很強的音樂感和舞蹈底子、
影子的歌可以自由地清唱，但要符合那時刻的感情和狀況。
這是個關於時間的故事，時間又是甚麼一回事，於流逝中，希望就有所發現。
日晷變成一組投影，需要時閃現，於存在與不存在之間游移，讓我們感到末日頃刻將至。
(僧人早就在前台正中央打坐，沒甚麼能打擾他心神，他就知道世界的一舉一動，也不時和其他物事呼應著。入世與出世之間，無拘無束，自由的心、自由的神)
僧：天。地。(頓) 人呢……
(鳥人蹲在高台上，睡著狀)
(燈光有點黃昏的感覺)
(影子入，倒退著行，望著未進入的人)
影：(唱)這麼辛苦，是為了甚麼？(重複著[為了甚麼]那句，疑惑地)
(人背著很大很重的背囊入。樣子顯得很累，但仍帶著點朝氣，他環視四周的眼光，好像一切仍存有希望)
人：太陽，開始下山。(看著遠處，放下背囊)
影：(唱)那你為何，不好好玩玩看，玩玩看……玩玩看……
人：世界，最後一絲金黃……
影：(唱)到最後，我仍然站在你背後，你背後……背後……
人：哈，唔會，總會搵到，總會搵到，時間會一直繼續落去。日晷!!到底你晌世界邊一度!
(因人大叫日晷，鳥人醒過來，鳥叫一聲，拍打著雙手如拍打雙翼，跟著如獵豹般檢視四周，看看可有甚麼入侵日晷的範圍)
(影子因鳥人的叫聲而抖震)
(人卻沒反應)
人：無論你晌邊……(感覺很熱)呀……一絲風都無。
僧：心，靜。
人：究竟，行去個咩地方。
僧：天，無涯；海，無角。
人：太陽終於肯下山，天上便會唔會有番月亮。
僧：銀盤寂照，一切如舊。
人：好眼訓……(想讓自己清醒點)
(僧人開始輕聲地誦經)
(人坐下來，靠著背囊，轉眼便不支睡著)
(影子想讓人睡得舒服一點，但卻又無能為力，因影子觸摸不到人，於是唱起歌來，像搖籃曲)
影：(唱)只要你仍在呼吸，我便活著如常，時間何時會耗盡，我從來沒去想。
從天邊遠方，趕到你站立的地方，是白天在延長那痛苦，到黑夜，會否幫你把悲傷埋葬。
時間若不朽，生命定綿長，回頭看以往，只得眼淚和憂傷。
若在夢中稱王，跟影子玩一場，指針到最後，*讓所有重來一趟。(*重複)
(影子歌唱的時候，晷針投影間歇閃現，針影慢慢轉動)
(誦經的聲音開始加快，針影的轉動也隨之加快。二者亦同時停頓/消失)
(鳥人在高台上不斷跳躍，因晷針的現形而不安)
僧：針在動，心在動，少安無躁。
(鳥人因而更燥動)
僧：愚雀不可教。(入定)
(鳥人鼓著腮，忍著不發聲，但仍坐立不安，拍翼，刮起了一陣風，繼續)
(影子感到那陣風，給人擋著風)
影：(唱)風在疑問，星永下沉，月亮告退，無蟲鳴無鳥叫，樹葉落在旱地，寂靜無聞；
雲飄走遠，雨不再下了，霧從無散去，露珠卻乾掉了；
花兒謝，泉水濁濁，蝶舞不再，蛙不噪，蝸牛慢慢，停頓，無夢。
(影子想掃一掃人的頭髮，人卻突然驚醒)
人：真係訓著，豈有此理。(拿出指南針，本查證方向，卻好像迷糊了)東？南？……西？北？ (疑惑) 已經……已經失去方向。(仍嘗試)
僧：中心。永遠晌中心。
人：指南針，已經指唔住南。
僧：人，依然晌中心。
人：我，應該向邊一個方向行。
僧：向住心。(入定)
人：仲剩番幾多時間？呢邊試。(周遭也試著走，只是就甚麼也找不著)
(影子竟不跟隨)
影：你可唔可以就話比佢知，日晷究竟晌邊一度。
鳥：呱!!! (不可以)
影：點解呢……
鳥：咕咕咕……(解釋著)
影：世界，就會結束？
鳥：呀!呀!(係)
影：咁你呢？
(鳥人拍拍雙翼，不回應)
影：世界消失，人消失，一切都消失；包括影子，包括你，包括日晷。
鳥：咕咕咕……(又有何相干，才不在乎)
影：人，消失，影子亦唔再存在。
鳥：咕咕!(不認同)
影：無人，就無影；無影，日晷亦唔再係日晷。
鳥：呱!(覺得影子有點囉唆)
影：影子，已經無存在意義……
僧：存在同意義一早已經分開。影同人，亦慢慢分開。
(鳥人還在嘀咕嘀咕)
(影子看著四處尋找的人，於是再回他身邊)
人：東!
影：(唱)你可知，影子永遠不會離開你。
人：南!
影：(唱)因我喜歡，存在你身邊那感覺；
人：西!
影：(唱)存在，存在。
人：北!
影：(唱)你往東，向西，影子定會跟著去。
人：唔？
影：(唱)往左，右轉，若繼續前行，我定在你後面。
人：東南西北，係咪已經走過晒。
影：(唱)若突然退後，我不會礙著你腳步。
人：唔通係天上便。
影：(唱)我會配合。
人：抑或海中心。
影：(唱)我定會配合。
人：月亮本來可以指引。
影：(唱)你是日，我是那影子。
人：星星，更加一粒都唔存在。
影：(唱)藉著你，我才存在。
人：係咪，已經得番我一個。
影：(唱)永遠不會離開。
人：同埋自己個影。
影：(唱)不會離開……
人：咁，點樣繼續行？
(鳥人一切看在眼裡，跟著狂叫一聲)
(人聽不到)
(影子掩著耳)
僧：離開、分開、放開、心開。四大皆開。(誦經)
(人行近至僧人附近，站好，打橫伸出雙手，跳起轉了一圈)
(鳥人模仿著人的動作，但相反地做)
人：(看左手)邊？(看右手)定係邊？條條路都有可能，又條條路都有可能係死路。(再轉卻跌在地上)
影：(唱)若是累了，好應先歇一歇。
人：會唔會只係差一步，日晷一直就係我身邊。
(日晷稍稍閃現)
影：(唱)若太累了，如何能繼續，又如何去追。
人：一步，會有幾遠？
影：(唱)一切若停頓，若停頓，停頓……
人：時間真係停止，天空會唔會一齊消失？
影：(唱)停頓……
人：定係，所有一切就停一刻，唔再郁動。
影：(唱)停頓……
人：包括飄移緊雲，遊移緊影。(好像注視著影子)
(影子不敢動)
(鳥人又在咕咕咕，對人的話好不耐煩)
僧：形動係死又如何，心動係生又有何相干，神動有邊個能夠控制，靈動又點阻攔得住。
(鳥人不忿氣的用力坐下，嘰嘰咕咕)
僧：笨鳥。
鳥：呀!!(抗議)
僧：呵呵呵，笨笨鳥，笨鳥了。
(鳥人更鼓譟)
(傳來風吹草動)
人：(聆聽著那些聲音，一些久違了的聲音)有無人聽得到……仲有無人聽得到……(陶醉其中)
影：(唱)世界彷彿在哭泣，飛越陸地海洋；眼睛看到了甚麼景象，在搖在跳在旋在笑；
轉眼期限臨近，那編出來的故事，沒法成真。誰控制著那滴滴沙漏，
任分與秒，分與秒慢慢溜走，又再一步一步回頭，只剩些虛假荒謬；
晷針似在傳遞謊言，你卻，而你卻，堅定地繼續向前走。
你付出了全部所有，卻換不來，換不來，昨日時候。
(鳥人睹氣地坐往一角)
僧：一直……一直……
人：一切一切，仍然充滿住生命氣息，就好似要說服我去相信，末日只係一個傳說，日晷 根本從來唔存在。
(鳥人有些反應)
僧：傳說永遠存在。
人：永遠都無可能追到時間，我就只能夠一直跟佢後面，眼白白睇住佢消失。呢一份感覺， 仲會維持幾耐。
僧：時間從來無辦法量度。
鳥：呱呱!!! (日晷，就顯示一切)
僧：日晷，從來無表示要主宰光陰。
(鳥人拍翼鼓譟)
(日晷現)
(鳥人大為緊張)
(影子錯愕)
(人好像看到了日晷，但又有點不敢相信，這個忽隱忽現的針影，就是日晷，她就宣判世界終結。人移向外圍一點注視日晷)
僧：見到。又如何。
(鳥人因日晷出現在人面前而大為緊張，立即滑往地面，企圖保護日晷，也不惜傷害人)
(影子察覺鳥人的舉動，擋了在鳥人與人之間。影子若要保護人，如是就必須對抗鳥人，鳥人為此感到有點惱，但卻又不會傷害影子)
僧：牽連、牽連，從來都無改變。各自尋向，無對無錯，無正無邪，無絕對對，無半分錯，各自有各自去路。
人：呢個就係……
鳥：呱!!!
影：我係佢影。
僧：日晷，係世界影。
人：世界，因你而結束？
鳥：咕!!(猶疑著好不好越過影子去阻止人)
影：佢，能夠改變咩？
僧：一個影，從來只係一個影。
人：世界，因為一組影而結束……
鳥：嘰呱。(為何不可)
僧：空氣、風雷雨電、太陽。
人：影？(抬頭望向天空)
(影子以為人叫她)
(鳥人有點不耐煩)
僧：影，如何現影。
人：影……
(影子明白人不是叫自己而失望)
(鳥人注視著影子)
(人沿著日晷慢慢行了一圈，踏在每一個刻度上；繞了一圈之後，抬頭望向上空，再看看日晷，忽然好像明白了些甚麼，起勁地跑了一圈，跟著大笑)
(僧人也站起來，大笑)
(日晷消失)
(影子因為人大笑而首現歡容)
(鳥人因日晷的消失而緊張)
人：傳說話，日晷牽引住世界命運。
僧：我比較喜歡神話。
人：傳說話，日晷只要走埋呢個圈，世界就步向末日。
僧：末日、末日，有沒有一日。
人：末日會係點樣？
僧：寂靜。
人：再聽唔到任何聲音。
僧：黑暗。
人：太陽，離開，離開一直存在位置。
僧：一直存在。
人：哈哈哈哈!!!! 日晷一直都無變!
僧：哈哈哈哈!!!! 一直!
(人環視日晷一圈，接著逆時針的跑起來，起勁地跑，高興地跑；愈跑愈顯得年輕，笑得開懷，像回到年輕的時候。世界好像也回到那從前)
(影子努力跟著人的腳步，但仍感吃力，只是看到人愈來愈快樂似的，便盡力順應著，好像自己也快樂起來)
(鳥人想以順時針的方向和人對抗，只是慢慢地他也掉失了原先雀鳥般的舉動，變成個硬朗的年輕人，仍然看著人在跑，也同時留意著影子。有點羨慕也有點妒忌)
(僧人靜觀一切變化，旁觀各人的舉動，他背起人早前的背囊，攀了上高台，在早前鳥人蹲著的位置。打坐)
(太陽燒得猛烈)
(人終於停下來，影子亦跟著停下來)
(人喘著氣)
(鳥人慢慢轉而盯著太陽)
人：好熱!!
鳥：唔。
人：好唔好射個太陽落。
鳥：唔？
人：不過，我地只係得番呢個太陽。
鳥：唔。
人：佢點解愈燒愈猛，好似想將自己都燒清光。
鳥：？
人：唔係咩，我記得太陽以前只係感覺溫溫暖。到而家，冰同雪都已經唔能夠存在；甚至雨水都晌剎那間就蒸發晒，不留痕跡。點解會咁熱。
鳥：唔……
人：流好多汗，我就踏住自己汗水，繼續向前跑，希望能夠搵到個傳說中仍然有淡水湖。但係我汗水，一樣好快蒸發晒。
鳥：湖……
人：湖!!係，係湖，你仲記得湖。
(鳥人點頭)
人：陽光照落湖上面，反映住輕微金光，當雨水落湖面上時候，又會出現一圈一圈漣漪。雨，已經有幾耐無落過雨……
鳥：雨……
人：定係，雨一打落水面，輕輕跳一跳，之後，就失去身份。雨，跟住就變成傳說，
將來人，就要靠我地描述先至能夠認識今日雨，對佢地陌生雨。你估，到時有
無人會懷疑，雨，係天上便落落。天上便……天上便竟然會落一咁可愛飄渺物
質。點解，太陽係要燒得咁厲害，終於有一日，就有人會忍無可忍，射佢落。(發箭狀)
鳥：呀!!
人：你再係咁落去，就無人能夠同你溝通。
鳥：哼。
人：唉，每個人都話，太陽燒得咁猛，世界好快就比佢燒埋，日晷轉完最後一個圈，就係末
日，世界末日。
(鳥人不表意見，但想著甚麼)
人：傳傳去，愈愈多人相信，只要阻止日晷運作，世界就唔會末日，會永恆。
(鳥人開始不想聽下去)
人：只不過，從來都無人行動，無人真係去搵日晷。
鳥：哼。
人：日晷到底晌邊一度，有無人可以阻止佢繼續轉。
(鳥人有點不安)
人：如果傳說係真，我一定會去搵日晷，阻止佢轉落去。
(鳥人站離人遠一點)
人：唉，有時我覺得，就好似度同緊自己個影講。
(鳥人望向影子)
(影子有點反應)
(人對著自己那影)
人：有太陽，就有影。自己個影，可能先係自己最好朋友。
(鳥人點頭)
人：如果世界真係末日，我同你就係永遠好朋友，無時間改變。
(鳥人一抖)
人：如果/
鳥：你唔會搵到日晷。
人：？
鳥：世界，好快末日。
(人與鳥人對望)
僧：永恆係需要犧牲。
影：(唱)只剩烈日與陽光，世界沒雨沒風沒雲，轉眼末日臨近，要向末日行近。
傳說在暗示，日晷是主宰，時間與光陰快慢，沒有人能修改；
就只有靜靜等待，等待黑暗掩蓋未來。
人：你知道日晷係邊？
鳥：無幾耐，你就唔在認識我。
人：唔？
鳥：慢慢，我會變，同人愈愈遠。
人：變？
鳥：世界、日晷、一切一切，都會變，包括你同我。除太陽，佢會一直咁燒，將一切……
人：我諗你真係太耐無講，知唔知自己講緊咩？
鳥：無人會相信，亦無人會明白，點解……唔相信？
人：相信咩？
鳥：太陽，會一直留度，唔會再有日落。
僧：始終會有黃昏。
人：日落？
鳥：應該係話，終於有一日，會日落，只不過……
人：只不過？
鳥：只不過……黑夜，就會變成永恆。
僧：終於出現永恆。
人：就算真係有呢一日，黑夜裡頭仲有月亮。
鳥：月亮，已經失去依靠。
僧：無物事能獨立。
人：我地要生活係黑暗裡頭？
鳥：到時……生活，我，睇唔到。
人：睇唔到？黑到睇唔到？
鳥：只有間歇閃現日晷。
人：真係有日晷？
鳥：你唔會搵到日晷。
人：你知道晌邊？
鳥：無人會搵到日晷。
人：點解？
鳥：希望，只係一個希望。
僧：一個希望。
人：我希望可以搵到日晷。
鳥：希望……唔係咁樣……唔係咁樣……
僧：正正係咁樣。
人：真係有世界末日？
鳥：有始自然有終。
人：我地可以試下阻止，或者改變。
鳥：太遲，機會用完哪。
僧：機會，幾回。
人：遊戲上面除有機會，仲有命運。
鳥：命運已經……
人：已經？
鳥：命運線已經斷裂，無辦法通向未來。
僧：一條線，就顯示一切。
人：唔可以因為一條線暗示就放棄。
鳥：已經過可以努力時候，期限一早公佈天下，只係從來無人在乎。
人：無人在乎過咩？
(人與鳥人對望)
僧：又何必太在乎。
影：(唱)我在乎你，我在乎你，我在乎這世界裡的你；未忘記，未忘記，要找緊轉機，從未放 棄，未放棄，或許有天筋竭力疲，看著黃昏，最後黃昏，走向限期。
(鳥人看了看影子)
(人和影子也不察覺)
人：我會去搵日晷，你呢？(等著)喂!!
鳥：唔？
人：(拉著鳥人的手)走喇!
鳥：喂!!
(人緊捉著鳥人的手，再逆時針地跑。人起勁地跑，鳥人本是不情願，卻竟然愈跑愈高興；終於兩人也回復天真笑臉，變成孩童的模樣。影子就仍跟著人，也沒那麼憂鬱)
僧：往回、往回，是夢是真。年少，如是，無知。
(眾人終停下來，竟大笑起來)
人：就係呢度喇!
鳥：邊度？
人：有雪地方。
鳥：雪？!
人：係呀，雪呀。
鳥：喂，雪好似係個故仔咋喎。
人：係呀，我咪就係要帶你睇故仔裡面雪囉。
鳥：你見過哪？
人：未。
鳥：咁你點知有？
人：故仔係咁講。
鳥：跑到咁遠，死人。
人：你唔想見到雪咩？
鳥：想……係咪真係見到先。
人：有，一定有。
鳥：雪，你估係點樣呢？
人：一粒粒，好似糖咁囉。
鳥：食唔食得？
人：晌天上面跌落，應該食得……
鳥：哈，真唔真，會唔會好似糖咁好味先？
人：哈哈，會。
鳥：好耐無食過糖哪。
人：呀……唔……(回味)
鳥：你上次食粒糖係咩味？
人：呀……甜味囉。
鳥：唏，梗係甜啦。
人：呀……唔……(回想)
鳥：甘蔗味。
人：唔？
鳥：我上次粒糖，係甘蔗味。
人：甘蔗？
鳥：唔，好甜。
人：係喇，好甜，好好味。
(落雪了，可以虛擬地)
(二人驚疑地慢慢伸出雙手，把玩著)
鳥：喂、喂，呢係咪雪呀？
人：我諗就係喇。
鳥：好靚……
人：哈，係呀，好靚，白色，軟淋淋呀。
鳥：你想唔想食？
人：想，不過佢地咁靚……
鳥：有好多嘛。
人：咁又係，一齊試下？
鳥：好!!1、2、3!
(二人一起食雪，人笑了出來)
鳥：咦……水!!!
人：哈哈!冰水呀。
鳥：笑!!仲笑!!!
人：好甜冰水嘛。
鳥：好甜？
人：好甜呀。
(鳥人再嚐一口)
人：係咪？
鳥：哈!!
(二人再吃一會)
鳥：點解外便唔落雪？
人：係啦。
鳥：可唔可以帶雪走？
人：帶走？
鳥：同我地一齊走囉。
人：哦……
鳥：哎呀!
人：做咩？
鳥：溶晒。
人：呀，溶手度。
鳥：無喇。
(二人一同向上望，望了很久。手也慢慢放下)
影：(唱)一朵一朵一朵，美麗白色花點，難得一見，憑空出現，那叫做雪，多麼甘甜，冷冰冷
冰，轉眼便，沒法再見。
僧：人間五味，循環不止，雪，從來唔係圓。
鳥：唔再落雪哪？
人：呀……
鳥：哈!我地見過雪呀!!我地見過故事裡頭講雪呀!!!
人：哈，係呀，係呀，好靚好凍好甜雪。
鳥：如果雪唔溶就好哪。
人：如果說唔溶，我地就可以晌雪上便玩，晌雪上便走走去。
鳥：係呀!!係呀!!你估用雪掟人痛唔痛呢？
人：哈哈!如果一掟到人，雪就溶，咪好好玩。
鳥：哈哈，係呀，成身都濕晒，哈哈!
人：哈哈!!
(二人就好像在掟雪球)
影：(唱)雪花、雪花、雪花，終於出現；花、雪花、雪花，卻飄於眼前不見。(重複)
(二人倦極，躺在地上)
人：你見唔見到星星？
鳥：咁光……
人：咁螢火蟲呢？
鳥：咁光……
人：月亮呢？
鳥：啊……乜月亮唔係水裡面咩？
人：唔？係喎……
影：(唱)水裡月，圓又圓，掛著笑面，滿是皺紋的臉，或是梨渦一點，忽明忽現，泛著銀光，
睡在水裡面，已經，多少年，多少年……
僧：多少年，繼續回頭，多少年。(睡著狀)
(人也真的睡著了)
鳥：要返屋企喇。(發現人竟睡著了)喂!!哎，訓。喂，起身啦。(搖著人)
影：你比佢訓啦。
鳥：邊個？!!
(影子也驚慌，叫了一聲)
鳥：(嚇了一跳)嘩!!你想嚇死我咩？
影：你……見到我？
鳥：好黑呀你。你係咪佢個影？
影：你知道？
鳥：人人都有影啦。我都有。不過佢唔講之嘛。
影：佢……有，不過你聽唔到。
鳥：哦？喂，你好嘛？其實你都可以企起身，唔洗成日訓晌個地下度。(等一會) 佢唔應我。
影：係呀，佢係唔應該應你。
鳥：咁你呢？
影：我以為你聽唔到。
鳥：哦!哈，我可以同佢個影講，哈，雖然唔係自己個影。不過，我要返屋企喇，我自己一
個唔識路呀。
影：我都唔識呀，每次都係跟住人後面。不過，佢真係搵好耐先搵到呢個地方，所以佢真
係好、好、好。
鳥：頭先你見唔見到雪？
影：唔。
鳥：好靚、好得意呀呵。
影：唔。
鳥：唔知會唔會再落雪呢。
影：唔知呢。
(二人對望，笑起來)
鳥：你有無食過糖？
影：無呀，我唔洗食。
鳥：呀，係喎。
影：哈。
鳥：你可唔可以做我個影？
影：唔？
鳥：咁我地就可以成日傾計。
影：哦……但係人同影一出世就晌埋一齊，無得交換。
鳥：係咩……
影：我都好想同人傾計。(望著地上的人)
鳥：咁我地做個朋友囉。
影：得咩？
鳥：點解唔得先？
影：唔知呀……
(鳥人想和影子握手，卻握不到)
影：哎，你唔記得咩，我係一個影。
鳥：啊，係喎。咁，我地扮握囉。
影：哈，好呀。
(二人扮握手)
鳥：握握手，同你做個好朋友。
(二人愉快地笑起來)
影：(突然大叫) 小心呀!!
(鳥人回頭一看，大驚)
(影子往保護人，鳥人就在驅趕那襲擊物)
鳥：走開!!! 走開!!!你無事丫嘛？走開!!!
影：我唔會有事，不過佢好似想飛過。
鳥：叫佢起身啦。
影：？
鳥：叫佢起身啦!! 走開!!!!
(影子猶疑，不知如何是好)
鳥：快啦，佢好似真係想啄埋咁。
影：我……叫唔到佢起身……
鳥：(轉身過去，卻受到襲擊)哎呀!!
(鳥人中伏倒地，僧人醒過來，看見情況，立刻唸經，一喝，襲擊物敗退)
(人慢慢醒過來，看到鳥人倒在地上)
人：咦，你都訓。喂，起身喇。(行往鳥人處)
(影子焦慮萬分)
人：喂!! (發現鳥人竟像昏迷了) 喂!!! 醒啦，喂!!唔好訓啦，起身啦!! 喂!!!
(鳥人竟像雀鳥般叫了一聲，再暈倒)
人：點算？咁而家點算？
僧：緣緣孽孽，有根有緣有果；走走走，留不得，留不得。
(人看鳥人毫無反應，於是奮力背起他。跟著猶疑應往那個方向走，終於順時針地前行)
(僧人繼續誦經)
(影子幫不上忙，只好仍舊跟在人的身後)
(人愈行，愈變回成年人，鳥人也好像同時甦醒)
(鳥人鳥叫一聲，突然從人的身上跳下來)
(人向前衝了幾步，仆倒地上)
(影子仍在人的身邊)
(鳥人好像已變回一開始時那鳥的模樣。他注視著影子)
(人已沒再郁動)
影：你幫下佢啦。
(鳥人堅決地搖頭)
影：我只係一個影，咩都做唔到。(也仍然嘗試扶起人，以為自己觸不到對方，想不到竟能真的把人扶起來。錯愕) 呀……
(鳥人不忿怪叫)
(僧人仍然誦經)
(日晷出現，慢慢地轉著)
(鳥人如是伴著日晷而行)
(陽光也同時暗下來)
影：(唱)好好躺下，好好安眠；就這樣完結，不再有悔恨，沒有糾纏。笑著離去，結伴同去，
那管是末日，還是新的一天。
(影子伏了在人身上，二者也不再醒來)
(鳥人怪叫，狂拍雙翼，忽然逆時針狂奔，卻就甚麼也沒有發生)
(天地愈來愈暗，鳥人終也倦極，倒在地上。能夠的話，倒在影子身邊也挺不錯)
僧：人間逆旅，如何、如是……(寂然)
(完)
歡迎給予指正和意見或感想，先謝! 
