|
Koala台北自由行 Koala Travel Album 04 - Taipei |
||
| Koalascities
(^O^) !
Koala's
Travel Page樹熊旅遊 Koala's
Super Link !!!
|
Koala’s
Taipei 3days 2nights vacation台灣自助遊 出發日期
：22/02/2001
(大日子！) 參與成員
：Koala
Yip & Robin Mok 集合地點
：荔景地鐵站
11:00 Schedule行程 EG
206 22FEB
Hong Kong / Taipei
1405/1535 B767
1H30M EG
201 24FEB
Taipei / Hong Kong
1820/2005 B767
1H45M Day
1 22/02/2001
(Thu) 香港(EG206)
– 台北中正機場CKS
Airport(15:55) – 台北車站Taipei
Main Station(乘機場巴士NT$100)
– 希爾頓大酒店(18:20)
– 西門町Hsimen
(18:40-22:45乘的士前往NT$80)
– 西門惡魔島晚餐(監獄餐廳)
– 乘捷運回台北車站(NT$20)
– 台北車站商店街
– 步行回酒店 住宿：台北希爾頓大酒店
Taipei Hilton Hotel Day
2 23/02/2001
(Fri) 酒店
– 步行到善導寺站
– 台北市立動物園Taipei
Zoo(10:30，乘捷運忠孝復興站Chunghsiao
Fuhsing轉車，再往動物園站Taipei
Zoo NT$30) – 探訪樹熊兄弟Patrick
& Harley(入場NT$60)
– 牛爸爸牛肉麵午餐(13:30，忠孝復興站Chunghsiao
Fuhsing NT$30) – 國父紀念館Sun
Yat-Sen Memorial Hall(步行前往)
– 太平洋Sogo百貨公司
– 中正紀念堂睇日落Chiang
Kai-Shek Memorial Hall(17:20，捷運中正紀念堂站，NT$20)
– 士林夜市Shihlin(捷運劍潭站Chientan
NT$25) – 士林惹味熱炒鐵板燒晚餐
– 西門町Hsimen
– 乘捷運回酒店宵夜(NT$20) 住宿：台北希爾頓大酒店
Taipei Hilton Hotel Day
3 24/02/2001
(Sat) 酒店
– 台北車站
– 地下街
– 新光三越
– 大亞百貨
– 誠品書店
– 酒店Check-out
(Around 14:00) – 蔡媽媽泡沫紅茶亭午餐
– 步行至喜來登來來大飯店，轉乘機場巴士往中正機場(15:40，NT$100)
– 香港(EG201，18:20)
台北希爾頓大酒店
Taipei Hilton Hotel 地址：台北市忠孝路一段38號
38 Chunghsiao West Road Sec. 1 Taipei 電話：8862-23115151 Koala小記
( ‘O’ ) 2001年度Koala遊記首次曝光，至於內容方面就以Koala第一次真真正正的台北自由行o黎展開序幕。 很高興，今次能夠同我o既小學同學兼同類(佢係獅子，我係樹熊，大家都係動物界o既朋友)加上兩者都係性情中物(動物)又喜愛互窒，結果就一拍就即合！兩隻唔識死o既o野就用o左個好唔直接o既方法搵o左個Friend響新年前幾日幫手做台証啦…之後，之後…之後咪等o左兩個幾星期先收到個証囉！ 收到証之後，第一時間梗係要處理番D機票酒店事項啦！話晒Koala自己做旅行社o既，一早就做好晒機位啦，再做埋酒店，好快o者，兩日OK。於是呢一次就成為o左Koala有生以來第一次自己做位，自己Book酒店，自己Plan，自己玩o既台北之旅，差在未好似以前Eric咁自己出埋機票俾自己…。 仲有幾日，星期四就出發啦！好期待佢快D到，因為已經整整3個月冇出去好好咁玩，拋低工作，開心一下咯，但我諗比起Robin來講，佢會更加期待呢日，因為佢終於有機會搭飛機啦，仲叫我一定要俾窗口位佢，好彩我依家唔鍾意坐窗口位o者！不過希望班機吉啦！因為佢D坐位好似係3•3•3o架，如果唔係要我坐中間就慘咯！！！ 到o左呢行，知我o既人都會知我想寫乜o既！都係o個句啦 – Enjoy Life!!!多謝Siu Sir! (
>O< ) Koala樹熊漫遊篇！！！ 要講樹熊去完台灣一轉，有乜o野收穫？又或者有乜o野難忘經歷，就要留意我呢一個橫節
– ”漫遊篇”啦！話晒都係叫做我第一次自己o既自由行，感覺好好！好正！冇o左參團o個種限時限刻o既束縛，鍾意去邊就去邊，亦終於令我真真正正明白到D客因乜解究自由行貴過團咁多，都要幫襯我買Package啦！ 出發當日，我同Robin一早12:00幾就到機場咯！就連Check-in
counter都係剛剛開，我o地亦理所當然Mark到個靚位啦！響正Partition前，我都未試過，再加上日亞個機艙都唔差喎，闊過國泰就一定o既，但係Entertainment方面，始終都係SQ好好多！至於個飛機餐，OK啦，好味過好多間Airline，仲記得Koala第一次搭飛機時，已經覺得日亞D
o野好味道，仲好懷念個火腿芝士牛角三文治，不過對比番依家，就好似退步o左少少。 Never
mind啦！去旅行，為o既，都係有個開心假期咋嘛！是次旅程，總算不過不失啦！有隻獅子相伴，互窒又互打，最緊要係大家都就得對方！(好感激阿Robin肯屈服陪我去睇樹熊呀！)但始終遺憾，今次都係唔能夠4人行(咪又係Haruka同Elaine兩個囉！)算吧啦！佢o地唔洗玩，我同Robin都要玩o架嗎？邊理得佢o地咁多呀…好咯！Koala第一次台北自由行，現在正式開始。 好不容易，就到達台北啦！中正機場響我印象中，依舊一樣，沒太多變化，但卻嫌佢老土兼核突，始終唔夠香港Fight，亦因此中正機場就被我同Robin重新命名為”火車站”。一出閘，就開始四圍搵銀行換錢，因為之前資料搜集，話響機場換錢匯率較高，點知搵呀搵，都唔見台灣銀行，直至重街頭走到街尾，先至發現到一間貌似找換店物體之地，原來就正正是我o地要搵o既目標，恕我真係十分之大鄉里！真係難以想像… ***各位想到台北玩o既朋友，記得啦！要換錢，出閘時靠右行，你就會見到間台灣銀行o架啦！！~
(好細間兼好奇怪，居然係粉紅色招牌！) 點知，仲要經歷個多小時的車程至可以出到Down
Town，而我乘搭的，就係”大有巴士•Towards
Air Bus”車身非常恐怖，居然被我o地發覺有一個子彈射中的痕跡在車窗處…唔理啦！只係希望快D去到酒店，o抖番一o下！再鏟落西門町，食個痛快！而呢個多小時的車程，我就當然無訓啦！話晒人生路不熟，點都要四圍觀察o下！途經之地，有酒店就睇酒店，有特別建築物又去睇，亦令我再一次感受到台灣其實都幾似大陸，街道都好窄！街上招牌全部用中文，仲有D娘娘o地o既Feel添。 坐o下坐o下，終於到達台北車站啦！好想快D到酒店，試一試五星級享受！而十萬個估唔到，一踏足台北，腳下居然是一片爛地，凹凸不平的，十分難行，而往後我同Robin就要挑戰台北第一條馬路，成七、八條線行車！救命呀！~ 講到呢度，唔知有冇嚇親各位呢？哈哈！不過，到當時為止，一切順利。入到酒店，我想Reception的職員早已習慣以英語對付我們一班唔識講普通話的香港人(諗番都有點慚愧…)有一樣o野，真係唔住過唔知，原來台北Hilton都可以係咁！眼見佢個Lobby雖然係細o左D但都幾有睇頭，但亦冇諗過上到樓會俾一個強烈對比o既感覺，至於有幾大對比？真係有排同你講…。 好咯！都唔理得間酒店咁多，經過梳洗完畢後，放低行李，就即刻要去玩！台北的第一站，就係台灣同香港人熱門蒲點
– 西門町啦！至於交通方面，兩隻動物就選擇用的士，一上車，兩個都啞o左咁，最後唯有講了一句連Koala自己都唔明的普通話，幸好！司機明白我o地想去西門町。到達後，可能時間尚早，街上未見太多人，亦由於該處是以”田”字形設計，好鬼難行，仲行到亂晒大龍添！行呀行，一間間是次必去的店舖，陸續湧現，好似上海老天祿、新東陽、世運麵包同埋生活工場咁。但令我們留下最深印象的，卻是位於西門町入口右手面的阿宗麵線(簡單講，見到有人排長龍o個間咪係囉！)至今Koala同Robin仍回味無窮！！！ 除了食，還是食，因實在太多選擇啦，好好彩，今次到西門一趟，亦俾我遇見翌日準備要到的惡魔島餐廳，仲係剛剛開的分店，幾好呀！又為我們慳番D時間去多D地方玩。咁就一日啦！對於兩隻動物來講，返到酒店，又邊有咁早去搵周公呀？！睇o下電視傾o下計，又一晚咯！ 由於時間緊迫，但又想有悠閒效果(好矛盾！)，於是乎將Morning
call set為09:00，又再展開新一日台北自由行啦~好開心，因為跟住就會去探兩位同類Patrick同Harley(樹熊o黎o架！)雖然目的地都幾遠，要成30-40分鐘車程，但係無計啦！鬼叫自己未見過樹熊咩？！不過Robin就慘D…在此唯有再次向Robin講聲多謝啦！樹熊之中，Patrick都可以話夠晒得意啦！又靚仔、又識搶鏡，甚有前途，Koala亦響呢個範圍留下唔少腳毛，探完樹熊，另一可愛動物可以話係大象林旺爺爺，不過佢好慘！因為佢被鐵鍊鎖住隻腳嗚嗚…參觀o左大半個動物園，下一站就要到另一處搵食，醫肚兼行街，於是我們就走到台北市另一旺區
– 忠孝復興站去尋找牛爸爸，去食牛肉麵。 回想起搵牛爸爸之過程，實在有排講，首先，我同Robin就創了一個紀錄，行了整個捷運站不特止，仲要問埋路，經高人指點下，才發現牛爸爸身處於內街深處，真係搵死人！不過最安慰的，就是牛爸爸為人親切友善，煮o野又好味，尤其個杏仁凍，美味非常，又是另一令人回味的美食…。亦因為咁，兩隻動物就響內街小巷走來走去，穿o下插o下，見識o下台北的民居，其實都幾有味道。 行完小街，都係時間去大型百貨公司逛逛啦！於是又再步行回太平洋Sogo，先吃一個”批盪雪糕”，個雪糕好過癮，有少少似七記思樂冰，入口即溶，然後就緊係遂層逛啦！唔知係咪對百貨公司失去興趣，又或者……但係真係一個好嚴重問題，就係連重點地庫Supermarket走完一圈，兩件友都係空手而回。 怎料行完Sogo時間都尚早，結果就決擇重新整理個行程，走左去中正紀念堂睇日落，幾好Feel呀！從捷運站走到地面，一轉身就見到個好靚的建築物，無錯，佢就係中正紀念堂，其實呢個咁靚o既地方，真的好值得一去，遠觀已相當迷人，行到面前，迅即有股強勢力量，可見其宏偉及地位，真不失為一個台北的象徵。我同Robin一邊坐著，一邊期待晚上快些來臨，縱然行程已過了大半，但依然把握每分每秒，因為夜晚我們還要到聞名於台北的士林夜市闖一闖，唔！既然天開始黑，都係時候做定熱身，帶個空肚去迎戰Yeah!!! 話時話，我同小笨兩個都算搞笑！兩隻有近視o既動物，居然膽粗粗，唔戴眼鏡去旅行，去到中正紀念堂，周圍睇人o地D牌匾，正式應該係「估」！冇錯，因為兩隻o野遠觀，都睇唔清楚個牌匾上o既字，唯有估啦！真係作死！~ 是次自由行之主要交通工具都以捷運為主，淨數交通費都已經過百，不過佢又係幾方便o既，大部份目的地都能夠去到，而我所寫的行程亦是依台北捷運路線而寫的，在前往士林之路線，大部份時間都是架空的，因此又為我o地兩隻動物介朋友增加了免費遊車河，好似圓山飯店咁，睇電視就真係見得多，親眼見好似都仲係第一次，不過天已經黑，印象亦好模糊。 過了幾個站，終於到達劍潭，該處的情景就正如同事Kaman所講，跟住D人潮行就無死啦！於是我們就照樣做。其實，士林夜市同劍潭捷運站，只係一大條馬路之隔，都唔洗怕唔識點去。初到貴境，就緊係要巡一巡個場先啦！而總結係非常掂當，又多o野食，又多o野行，經過我同Robin兩人商議之後，就選擇了到鐵皮屋入口右手面第一間食鐵板燒啦！果然冇決擇錯誤，師傅手勢醇熟，一、兩o下散手就炮製出一碟又一碟惹味熱炒，但最離普係…居然二月都可以有成廿度，搞到一路食一路抹汗，真係食得辛苦，另外，經我們再商討後，就改去繼續掃街，一來可以散散步幫助消化，另外又可以見到邊樣鍾意就食邊樣，掃完一輪後，Koala忽發其想，好掛住阿宗麵線，於是就提出折返西門町再食多餐，你估Robin唔想咩？一講咋，兩件友仔即刻彈去捷運站坐車啦！ 重臨西門町，一樣熱鬧非常，大概因當日是星期五的晚上吧！今次再不難行，因早一晚已摸熟地頭，唯阿宗麵線依舊有勁多人排隊，心想這頓消夜，豐富極了！這是我同Robin於台北的最後一晚，故買的買，食的食，務求洗埋餘下落o黎D錢，過一個「豪」的晚上，今次好High，餐宵夜係響酒店房入面食，兩隻動物一邊食一邊回顧兩天台北行程，實是開心，唯尚未為所謂好友Haruka同Elaine選購手信而相當煩惱，唔怕啦，還有一朝時間。因此在我們下一次聚會時必定與Robin擦出火花，終於可以響佢o地面前示o下威，講講我們台北之旅有幾好玩，仲要佢o地覺得因Miss
o左呢個Trip而後悔(洗唔洗咁嚴重呀？！) 唔！呢日終於要返香港啦，真係有點點唔捨得，不過無計啦！第日仲要返工，仲要繼續搵錢去旅行嘛，唔做o野，邊有錢…？既然仲有幾粒鐘就緊係要把握D時間啦！好！Koala旅行團繼續出發，至於去邊？！漫無目的，去到邊咪玩到邊囉！結果就以行街街為目標，一連踩o左幾個場，分別係兩間百貨公司同埋多間商店，好似誠品同埋唱片鋪咁。話須如此，時間真的過得很快…好快就到了兩點鐘，都係時間要Check-out同台北講拜拜啦，開始展開我們之回港行動。 首先，我們需要由希爾頓步行至Lai
Lai Sheraton酒店乘機場巴士，當未走到酒店門口，眼見一輛機場巴士已經從旁駛過，一看時間就已心知不妙！莫非出發前想過之”送機尾”問題真的要發生？！心跳也隨即急促起來，唯有自己安慰自己，心裡一邊想，一邊也擔心著，就算坐到車上，也不敢找周公談天，但畢竟連日來的工作和行程也令個人身心疲累，最終也抵受不住，小睡了片刻…車一路走，直至駛至機場範圍，心裡才放下心頭大石。 一下車，毫不考慮，第一個反應就是跑，走過一道又一道閘口，終於在盡頭找到了日亞的登機櫃位，直衝入去，最害怕的就是見到Check-in
counter closed怎料，真的給我看見，頓時，差點被嚇個半死！幸好，視線上所見到的，只是沒有開放的櫃檯，一見到日亞顯示板上的起飛時間”18:20”，才發覺
– 早知不用這麼趕！原來動物介o既朋友係唔識睇時間o架！因為兩件友仔，都誤會了飛機起飛時間是18:05攪到趕頭趕命！真失敗！~ 最終，兩隻動物都順利回港… Koala樹熊牢騷篇
( ^O^ ) 咁究竟Koala有咩牢騷呀？上篇文章，睇o左咁奈，唔知有冇瞞親各位。這次台北之旅，Koala經歷到的，有開心，開心之餘，又有些少牢騷(真係麻煩！)而這麼重要的，現在就要向你們逐一講講。 5
Star五星級酒店，估唔到咁殘！
- Hilton taipei 其實也不算得殘，只是裝修舊了一點，很久沒有翻新似的，但保養方面就麻麻，幸好選料上乘，仍然Keep到乾淨、整齊，而酒店職員態度親切友善，尤其House
Keeping的員工，值得一讚！ 而Koala生氣的，只是以這個價錢換回來的，就是這樣，故在到達酒店後，不斷對酒店發出不滿，亦使到一直感覺沒什麼的小笨也受到影響！Koala，實在影響深遠呀！~ 十年前，十年後 回想起Koala約十年前第一次踏足台北，周遭滿是新鮮的，似足日本，街上有著至in至形的感覺，跨張的佈置在商鋪和廟宇外隨處可見，可能當時Koala年紀還少啦！對於現在的Koala來說，見多了，感覺顯然不同，甚至覺得現在的台北有點土，加上這兒的建築，很喜歡用柱，無論是新形的商業大廈，又或者是十多二十年前已有的酒店樓房，都保持了這種特色。可是，對於生活於香港的Koala見慣香港的建築物要是上了幾十年歷史，才會有這種事情發生，不得不在此再彈一彈台北，給我的感覺真是很舊，很土。 士林熱炒
+ 攤位遊戲 講到士林熱炒，真係好熱，廿幾度氣溫之下，對住塊鐵板，汗都流多幾滴啦！不過好似炒o個個辛苦o的…士林主要食鐵板燒o既地方，都係響鐵皮屋內(Koala再remind大家一次，記住幫襯入口右手面第一檔！)衛生程度可謂麻麻，勝在風味搭夠！ 這裡的擺設，都以Bar檯形式，每位客人面前，除了一部份是檯面，其餘就是熱烘烘的鐵板，用來盛放熱炒的，就是鐵板，應該是鐵板上再鋪上的錫紙才對，所以每道菜也能保持新鮮熱辣。 由於香港與台灣的文化不同，就以歌曲來講，很多人說香港人只懂睇歌，而不懂聽歌，但台灣人就只懂聽歌，對於這個情況，Koala絕對同意，就讓這個例子，套入以下所講的士林夜市攤位遊戲，可謂貼切不過。 士林的攤位遊戲，都以簡單為主，好似槍射汽球，又或是彈波子等玩意的機器，都是以人手做的，比起我們在冒險樂園玩的簡單得多！可能對於我們一班自以為好上等o既香港人o黎講，會覺得好Cheap！甚至乎唔願玩添…但係眼見D台灣人就玩得非常之投入。 重遊台北市動物園 是次再到台北市動物園的目的，最主要是想親眼看看Koala一直喜愛的樹熊真身，很高興，約十年前的動物園，行死行爛都無張椅坐o下！依家居然整得靚靚的，又有亭台樓閣，又有碧波流水，得知Patrick同Harley住響個咁理想的環境，實在替牠們開心(好似D樓盤廣告！) 牢騷？！這處沒有了！這個動物園可以話係我重遊台北，覺得最滿意的地方。 Koalascities (^O^) 2004 Version |
