|
2007年05月13日
8強 vs 青藝
陣容：(GK)楠(DF)Dee、強、良仔(MF)志、蛋(FW)董，後備：聰->蛋
進入8強，靈豐面對極嚴峻考驗，對手為06年度灣仔區七人賽冠軍「青藝足球隊」，「青藝」亦為今次賽事既頂頭大熱門，開賽初段，靈豐各球員緊守自己崗位，波到人到，互相補位，盡全力迫使對手難以輕易取得優勢，只能頻頻施以外圍遠射，戰至10分鐘，戰情出現變化，阿蛋一次個人突破壓過兩名後衛進入禁區，被對手從後施展絆馬索，球証無懼場邊超過30人既青藝支持者，直指9碼點，結果由阿董一位矢中的，靈豐於極惡劣形勢下，非常意外地領先1比0，落後既青藝群起反撲，多次起腳不是被阿楠擋出就係射中楣，結果靈豐上半場爆冷領先！
下半場，阿蛋於初段傷出，阿聰雖初傷癒亦要落場入替，靈豐繼續固守，全隊上下一心，多走一步既情況下一分鐘一分鐘咁捱落去，戰至完場前3分鐘，被對手一次界外球傳中，皮球彈中阿強入網，靈豐終被追平，和局後對手士氣大振，若非對手再度射中門柱，靈豐或已出局，最後雙方打成1比1，需要互射9碼決勝負，頭3輪雙方每射皆中，靈豐主射球員順序為(阿Dee、阿強、阿聰)，由於賽例關係，雙方需要以擇毫方式決出勝負，頭一輪爭奪中由阿聰取得選擇權(揀左公)，結果皇天不負有心人，靈豐再次獲幸運之神劵顧，擇毫勝出，靈豐終憑著全隊上下既決心同埋鬥志，於全場過百人圍觀下，爆出整個賽事最大冷門，震驚整個球場，將勁旅「青藝足球隊」淘汰出局，晉身最後4強，完成不可能既任務！
|
