|
|
領隊及隊長評價：2006
|
|
|
球員：Leo 球隊既8朝元老、6杯功臣，可以話有「靈豐」就有佢，亦係歷屆咁多球員當中入球最多既球員，已為靈豐射入超過100球。由初期既首席中鋒到現在改打後衛亦同樣出色，加上態度一流，從不計較上陣時間多與少，但時時刻刻作好準備上陣搏殺，哩個「靈豐頭槌王」絕對係所有新球員既好榜樣！
|
球員：阿星 亦為球隊效力已達8年之久，初期任門將表現相當出色，2000年四角賽及九龍城區取得殿軍既賽事，阿星亦非常稱職。及至近年新門將不斷湧現加上手部傷患困擾，阿星先改任後防位置，再而於今屆聯賽進入爭標組階段後，因李明受傷關係客串改打防守中場愈見出色，可以話係全隊其中一個最出色既球員，煞科戰一箭定江山更為人津津樂道！
|
|
|
球員：阿蛋 05年加盟球隊後，左閘位置迅速坐穩，其落場表現極之拚搏，大小賽事皆不會欺場，鬥志百分百。可惜經常受傷患困擾，導致足球事業受挫折，但得到球會全力支持下，阿蛋亦克服傷患，為靈豐取得不俗既成績，有佢在陣既賽事，靈豈後防更形穩健！
|
球員：阿聰 靈豐隊長，至今上陣超過230場，帶領球隊8個年頭，捧走6個獎杯，踢法穩健，屬於隊中大賽經驗最豐富既球員之一。靈豐既精神領袖，相信愛球隊之情僅次於其太太！
|
|
|
球員：銘賢 今年新加盟既進攻球員，初期雖然坐冷板櫈居多，但後備上陣往往有出色表現，因其速度驚人，令對手後防難以招架，最令領隊喜愛既係銘賢即使做後備亦從無怨言，只會隨時候命，態度令人欣賞，現在於球隊中已成不可或缺既一員！
|
球員：新星 靈豐既superstar，多次拯救球隊，技術出眾，可惜近年頻頻受傷，導致上陣次數不多，有佢在陣，靈豐勝算甚高！
|
|
|
球員：阿康 靈豐既老大哥，球隊既靈魂人物、中流砥柱，6杯功臣之一。為球隊上陣近140場、射入超過70球，踢過無數大小賽事，經驗相當豐富。攻守兼備可謂阿康既優點！
|
球員：阿Dee 九龍城殿軍既功臣之一，球隊既其中一個殺手，入球接近40個，踢法相當勤力，死纏難打，速度是其最大本錢，屬於靈豐隊中一個資歷深既球員！
|
|
|
球員：良仔 剛由預備經獲提升，年僅15歲，於年尾杯賽賽事表現極出色，踢法勇悍，腳腳七注，聯賽煞科戰一仗極關鍵既賽事受領隊重用臨危受命，表現可圈可點，假以時日累積經驗將會成為球隊寶貴既資產！
|
球員：阿董 自03年加盟靈豐後，已連續3年成為球隊既神射手，正衝擊100大關，入球觸角敏銳，身材高大，頭頂腳踢皆出色，多次於賽事射入重要入球，於聯賽所有21場賽事皆有上陣，對球隊支持有加，靈豐前線既必然正選！
|
|
|
球員：世華 靈豐中場既好波之人，技術一流，只係礙於體能，未能於球隊取得正選，但經過時間磨練，態度轉變，專心比賽後表現愈見成熟，今季多次後備上陣均交足功課，助球隊取得最後勝利！隊長阿聰更認為世華將會係靈豐將來其中一個進攻既重心球員！
|
球員：堂 04年加盟，球隊既右閘球員，踢法穩健，甚得領隊歡心，平時說話不多，但每次落場皆拚盡全力，實在不可多得！
|
|
|
球員：李明 靈豐中場大腦，能傳擅射，體能極佳，有佢在陣，靈豐中場必取得優勢，但近年傷患較多，導致上陣時間少。李明最為人欣賞既地方係佢夠踏實，對球隊非常支持，養傷亦到場為球隊打氣！
|
球員：強 球隊中場另一員防守中場，雖然身材高大但技術幼細，控制比賽節奏不俗，若踢法再為硬朗，表現將會更進一步！
|
|
|
球員：餅 靈豐既後防大將，中堅位置既不二之選！踢法極穩健，球隊後防既定心丸。罰球亦到家，憑經驗帶領球隊贏得今屆聯賽既季軍，可謂功不可沒！全季21場聯賽踢足晒，場場正選，的確老而彌堅，靈豐鐵人之一！
|
球員：阿志 05年度東區亞軍既功臣之一，為球隊多次於重要關頭力保不失，隨著新門將加盟，阿志將會獲發球衣號碼，下季改任後防，為球隊搏殺！
|
|
|
球員：楠 年僅16歲既小伙子，身手不凡，於今屆兩項杯賽既9碼皆階段，兩度救出對手射門，令人拍爛手掌，有佢上陣既比賽球隊失球甚少，明日之星！
|
||
|
All Rights Reserved / Desmond Tiu, Dec 2004 |
||
球衣：
球衣：
球衣：
球衣：
球衣：
球衣：
球衣：
球衣：
球衣：
球衣：
球衣：
球衣：
球衣：
球衣：NL