四月份	April 2005

		2005年04月28日 (四)
Sometime When We Touch 今日我係網頁既播放器加入左兩首歌。第一首係綿羊仔最喜歡既歌，首歌叫Some time when we touch。呢首歌 應該好舊喇，可能仲老過我。呢首歌既碟係綿羊仔第一次隻買既英文CD，所以對他意義都幾大。本來好耐以前綿羊仔已經sent過呢首mp3俾我 ，不過我就唔見左。早幾日，我好辛苦先揾得返呢首歌既midi。呢首歌我都好鍾意，覺得都幾好聽，所以決定要放入網頁。一來綿羊仔入黎可以聽，二來又可以同大家分享。至於第二首歌就應該好多人都聽過喇 ，因為TVB既劇成日都有播架。(不過都係幾年前喇，好似仲有中文版添)我就係係劇集到聽過 ，所以就好深刻好鍾意呢首歌。直至最近，我係收音機聽到呢首歌，知道呢首歌既名先download到。 Sometime When We Touch Dan Hills You asked me if I love you and I choked on my reply I rather hurt you honestly than mislead you with a lie And who am I to judge you in what you say or do I'm only just beginning to see the real you ( B ) And sometimes when we touch the honesty's too much Then I have to close my eyes and hide... I wanna hold you till I die till we both breakdown and cry I wanna hold you till the fear in me... subsides Romance and all its strategy leaves me baffling' with my pride But thru all the insecurities some tenderness survives I'm just another writer still trapped within my truth A hesitant prize fighter still trapped within my youth ..... repeat ( B ) ..... At times I like to break you and drive you to your knees At times I'd like to break you and hold you endlessly At times I understand you and I know how hard you've tried And I watched while love come at you And I watched love pass you by At time I think we're drifters still searching for a friend A brother or a sister but then the passion... flares again ..... repeat ( B ) and Outro ..... 留言

		2005年04月27日 (三)
問題 電腦既問題暫時攪惦。我去左security，然後reset左個web setting就可以用返個IE。真係好彩 。不過我既身體既問題就麻煩喇。皮膚敏感已經唔在講，食止痕藥就算。(阿媽話第日返香港再睇香港既醫生窩!呢排我平均兩三個星期，睇一次醫生~_~)今日我又再去睇醫生喇，為左呢個新病，我已經見過醫生幾次。上次未好返晒，之後再睇，不過都係未好返，所以今日再睇。今次醫生話唔開藥不過幫我做化驗，話等下一個禮拜，如果我自己好返就無野，唔洗再睇醫生 。如果下一個禮拜個醫生打電話俾我。甘情況就差D喇，到時可能要驗其他野。~_~醫生叫我每日要飲七杯清水。點飲甘多窩..:(唯有逼自己飲啦，不過飲到好辛苦:(飲到肚都脹~_~究竟我今年咩事，點解好似百病前身既? 今日睇醫生我帶左Seal Seal陪我。睇醫生要等好耐架，我一個人會悶嘛。有Seal Seal陪我，一來我無甘悶，二來又有佢陪我壯膽。真係幾好。 留言

		2005年04月25日 (一)
電腦問題 今日個電腦好似有問題，琴晚明明都好地地，仲用到。可能琴晚我做左Disk Defragment所以今日再開機就出左問題。今朝唔知邊個program pop up左話俾我知道我個電腦有409個Errors。然後叫我跟住個instruction甘做，跟跟下就話我要買個program去攪番惦個D errors。仲係即時可以上網購買添。(甘樣叫你買野，會唔會有古怪呢?)古唔到真係俾綿羊仔講仲 我部電腦好危險~_~(睇黎我要儘快裝返個Anti Virus既program)初時部機真係好有問題，連IE都開唔到，不過經過我從新做多次Disk Defragment，仲做埋其他Drives，程況終於有好轉。我已經用得返所有野，速度同平時差唔多。雖然用得返，不過我知道問題仲未解決。究竟咩問題呢?我又可以點做呢?仲有啊，最近個電腦都古古怪怪架喇。以前我個window有pop up blocker， 可以完全block晒D pop up廣告，但最近唔知道點解有部份廣告依然可以pop出黎 而且數目都唔少添。唔同我個電腦好快就會死?~_~仲有無得醫? 呢兩日少左同綿羊仔傾計，包括MSN和電話。因為佢父母同埋堂弟黎左，所以少左時間陪我。~_~佢堂弟又成日霸住綿羊仔既laptop。唉~!綿羊仔一向都好就得人，所以唔會爭用電腦囉。佢又唔想俾父母見到成日係到煲電話，所以就難為左我同Seal Seal喇。不過我都明白佢既難處既，傾少D又唔係無得傾，所以我唔會嬲。加上我聽得出佢好想同我傾電話，哈~!所以算啦。^^ 留言

		2005年04月22日 (五)
發現 今日呢件事真係證明左Seal Seal好可愛。話說今日我同綿羊仔去買個三文治同埋Ice Tea然後坐埋一邊傾計同埋食野。我地依舊放Seal Seal係檯面臉向我地。當我地傾得入神之制。我地發現有四五個外國女人企係我地身邊望住Seal Seal。(佢地係一齊，而且有老有後生既)佢地不停講野同埋望住Seal Seal左睇右睇甘。(Seal Seal當時背向她們)因為我同Steven傾得入神，所以我地無留意到佢地講乜。之後Steven立刻拿起Seal Seal俾班女人睇Seal Seal係隻Winnie the pooh。佢地就讚Seal Seal好靚:P其實Seal Seal出街真係好多人望，吸引到好多目光。我懷疑Seal Seal既背面好似真既小動物。難怪Seal係同系列當中最貴啦! 哎呀~!今日俾阿媽問長問短啊。琴日阿媽打電話給我，因為我同綿羊仔出左街，所以聽唔到她打來既電話。今日阿媽就對我問長問短喇。佢問我個男仔係咩人，讀咩系，靚唔靚仔家庭背景等等。好似當正我有男朋友甘。我好求其甘答左佢詐，甘係咪即係我默認左我有男友?不過發現我有拖拍唔難，因為平時我少出街。當我出街，阿媽就知道咩事喇。我都甘大個人囉，知道左咪仲好。綿羊仔既家人就仲未知道我地既事，不過佢都無打算門住家人。一於順其自然啦!綿羊仔仲話我下一次返香港就帶我返屋企介紹我俾家人認識添。哇...~!好驚啊~! 留言

		2005年04月21日 (四)
影相 今日同綿羊仔去左好多地方.我地主要係 想影相相.我地第一個去既地方就係Capilano Bridge喇。去到吊橋，我地好想影返張合照， 於是綿羊仔去叫人幫手影。:P嘻~!D外國人好攪笑，佢地個個都放隻眼去個相機度幫我地影。係綿羊仔教佢地睇個Screen詐:P笑死我同綿羊仔:P我地行到一個小湖，我就提議 綿羊仔放部相機係廢紙箱上面用時間制自己影合照。哈，個位真係剛剛好。(呵!我真聰明:P)行到累，我地就去食野休息下。Wuuu...不過 綿羊仔好哀啊，呢樣唔俾我食，個樣又唔俾我食。佢唔俾我食朱古力，又唔俾我食雪糕，又唔俾我食冬甩同埋hot dog。綿羊仔話係我自己話要減肥，所以唔俾食朱古力(綿羊仔話我唔肥架，我仲瘦左5磅添)。唔俾食雪糕就怕我凍(當時都幾凍架)。冬甩又話太甜，hot dog又話唔知係咩腸。嘿嘿...不過我都唔俾 綿羊仔食Onion Ring囉，甘熱氣:P最後我地食左Turkey Sandwiches同埋 飲Ice Tea。食到一半綿羊仔怕我凍，所以又走去買熱既雜菜湯俾我。我笑綿羊仔靜係俾我食D健康野。   之後我地就順路去左Stanley Park。落車後綿羊仔係甘同我影相，不過佢即時話影得我怪怪地。綿羊仔話我上鏡肥D同埋神態唔同左。(我一早覺得我唔上鏡架啦)可能係我唔識笑掛。好彩 綿羊仔覺得我真人靚者。呵呵! 離開Stanley Park，我地就去Richmond食野。我地一去到就見到上次餐廳門口個部樓蛋機，所以我地就再樓過。今次係一隻青蛙pooh。綿羊仔問我最鍾意邊隻，話要樓到為止。我當然唔俾啦。最後我地一人一隻青蛙。我地仲掛左係電話到添:P(不過我另外買左電話繩，只係唔記得俾 綿羊仔~_~)之後我地就去食野然後就去影貼紙相。(嘿嘿..我食左雪糕:P今次俾我食喇)其實我地都唔想影貼紙相，因為大家都不在壯態。但我就好想同Seal Seal影返張全家幅，我地講過，呢張靚唔靚都唔再影。不過出黎既效果又幾好窩^^ 離開Richmond，我地就前往White Rock喇。呢次車程都幾遠。去到都已經晚上七點。好彩溫哥華無甘早天黑。去到都仲見到好靚既海。我地泊好架車後，就行出去。(相中啡色既路)。行到盡頭，我地就停低睇人釣魚。我地仲見到好多好多海星添。當時太陽開始落山。我地一邊行返轉頭，一邊欣賞日落。 P.S.今日Seal Seal好慘。係車裡面，Steven滴左一滴Lemon Tea係Seal Seal度，又屈親Seal Seal條尾，去到海邊又潮濕，攪到Seal Seal好似濕濕地甘。唯有將Seal Seal放入Steven既褲袋先啦。我開始擔心Seal Seal會好快玩殘。    留言

		2005年04月20日 (三)
心心 今日 綿羊仔送左個銀紙心心俾我，原來係佢親手疊俾我架，我估唔到男仔會甘肯花心思，所以我特別開心。我覺得心心應該係一對既，因此我偷偷地，靜靜雞疊左個心俾番 綿羊仔。仔細睇清楚我地兩個既心心，原來我地疊心心既方法係唔同既，我覺得甘樣更能代表我同佢。 今日綿羊仔第一次黎我屋企坐，我帶左綿羊仔參觀我間房，點知綿羊仔好壞啊，佢開左我個ICQ，MSN，recycle bin到check我D files。好彩我無咩野係唔見得人者。 綿羊仔只係話我個list好多人囉:P。之後我就叫佢順便幫我check下個電腦有無Virus。原來我無安裝呢個program。綿羊仔話個電腦會好危險，一定要裝返，好彩 綿羊仔話有呢隻碟可以俾我。好壞既綿羊仔仲話想襯我去洗手間既時候巢我間房。哈!我緊係立刻趕佢出房啦:P(其實我知道佢玩下者:P) 今晚我地去左食川菜，綿羊仔依舊係叫我鍾意食既野，不過我地都有叫 綿羊仔最愛食既芒果布丁。綿羊仔真係好錫我同Seal Seal，每次食飯佢一定幫Seal Seal浦張napkin係檯面，等Seal Seal可以坐得舒舒服服 。今晚我地傾得好開心，走既時候綿羊仔仲係門口部樓蛋機度樓左條pooh pooh電話繩俾我添 。隻pooh著住件招財貓衫，件衫仲可以除添，都幾得意既，不過我係鼠鼠，我怕貓貓唔利我，所以綿羊仔話下一次再樓過俾我。^^真好~! 留言

		2005年04月19日 (二)
Seal Pooh 今日好開心，因為我整左蛋糕俾綿羊仔 ，又同佢去街街，飲茶茶，仲收到綿羊仔送既Pooh Pooh添。呢隻pooh係我地上網一齊選中既，原來隻公仔真係好靚好可愛，真pooh靚過上鏡。由於我地只係上網見過隻pooh，所以綿羊仔要特登四處幫我揾，幾經轉接終於揾到一間專幫人訂公仔既店舖先可以訂到。呢隻pooh真係得來不易。因為seal係冬天既動物，所以我地幫呢隻pooh改左個名叫"冬冬"。不過平時我地喜歡叫它做seal seal(發音:霄霄)，因為我地未幫pooh改名前叫開，所以改唔到口。 Seal Seal企係度同趴低係咪好似兩隻唔同既公仔呢?頂帽仲可以除低架。Seal Seal頸上既水晶頸鏈係綿羊仔提議掛既。我都覺得幾好，因為綿羊仔本身都戴一條黑繩頸鏈，如果Seal Seal戴埋頸鏈，佢地就有更加似樣。(其實我覺得Seal Seal既頭形，額頭同埋皮膚都好似綿羊仔:P) 今日我地去左睇戲(仲帶埋seal seal去)，其實我地係為睇戲而睇戲，根本唔知道睇咩好。最後我地睇一睇牆上上影既電影廣告就異口同聲想睇Ice Princess。買票既時候，個鬼妹大讚我隻seal得意，仲表現得好興奮添:P)呢套都幾好睇，仲好勵志添，適合一家大小睇。(不過全場得我地兩個人，可能係星期二既關係啦，嘿嘿 ，我地20元就可以包場:P)呢套戲既theme係叫D父母要同子女有好既溝通，要鼓勵同埋要專重子女既想法，而年輕人(子女)就應該向著自己既理想發展，唔好盲目去做父母想子女做既事。(看完套戲，我問過綿羊仔會唔會好似個女主角甘去選擇 。好開心綿羊仔話...會^^) 最後我地去食晚飯喇。其中一味係蟹，綿羊仔知道我對海鮮興趣不大，不過我知道他鍾意食，而他叫野食一定從我口味去叫。好就得我，所以我都想陪他食，唔相Steven次次都就我。聰明既綿羊仔知道我懶搣蟹殻，所以搣埋俾我食。嘿!你對我真好:P攪到我唔好意思添。:P 留言

		2005年04月16日 (六)
好心痛啊~ 昨晚訓得好差，因為臨訓既時候係東方日報睇左一段新聞 ，覺得好心痛。成晚個心都唔舒服。段新聞係講"柴灣一名狠心狗主，嫌棄所飼養的八哥犬患上嚴重皮膚病，竟將牠丟入垃圾站，幸得女途人及時發現救出及報警，八哥犬才不致被送往堆填區生葬。"我真係唔明白D主人點可以甘狠心 ，一隻動物對得耐都會有感情啦，無錢醫咪送去愛護動物協會囉。點可以由得隻狗狗自生自滅。點解D人養狗前唔想清楚，養之前就要預左要照顧狗狗無倫係生老病死...見到狗狗張相 ，真係好心痛。呢隻八哥"約長六十公分，全身生滿狗蝨及毒瘡，嚴重脫毛，表皮塗滿藍藥水，牠不停悲鳴，狀甚痛苦。"(東方日報)見到隻狗狗甘...我個心真係好痛。 我屋企都養左隻八哥，所以我對八哥就特別愛錫。見到人地隻八哥甘慘，就覺得我隻Happy仔好幸福。其實養八哥真係好多野要注意。我養開就知道。唉.雖然唔係我隻狗狗有事，不過我心情都好差..:( 留言

		2005年04月14日 (四)
好感動 今日真係好開心，好感動。我唔會忘記你今日為我所做既事 。你為我所做既一切，令我知道你對我係從個心到發出黎，而唔係表面既討好。我怪我自己琴日仲向你投數。投數你唔會好似其他人用甜言蜜語去討好女友。你向我解釋你唔鍾意做表既事逗我開心 ，因為你覺得口甜舌滑係無意思。原來真係我自己膚淺要你做表面既事。今日我終於明白表面同埋發自內心既分別。我完全感受到 。其實你一向都對我非常非常好，呢點我係知道既。你對我好甚至比對你自己還要好。我真係感受到我對你有幾甘重要。我真係忍唔住要成日問你...點解你會對我甘好既? 另外，今晚傾電話傾得好開心，因為有英文流利既你陪我讀英文報紙。哈..我真係覺得好羞恥 。我11歲就移民到加拿大，但我既英文就依然係香港口音。反而香港長大，留學只有數年既你卻擁有外國口音 。都怪我自己少講英文之過。哈...多謝你陪我練習讀報紙阿，希望真係會有進步啦。(好想同你講..我好鍾意聽你講英文阿...:P) 留言

		2005年04月13日 (三)
Hair Cut 今日去左剪頭髮。去番同一間salon，找番同一個髮型師，剪返同一個髮型 。我依舊都係一頭長黑髮。無打算改髮型，亦無打算染頭髮。我都係覺得自然既髮型最適合我。我覺得直髮看上去比較青春可人。哈..我要留住青春嘛，所以不得不keep住把直髮。我覺得曲髮會令人看上去好成熟，所以一直都唔敢整。 剪之前，D頭髮好長。應該係近年最長，所以今次剪左兩三吋頭髮，比較明顯，回復以往既長度。不過從前面看就一d分別都無喇，只係後面短左 。感覺成個人都輕晒。 _____________________ 已經好多日無睇香港報紙，以前日日都睇架，不過最近兩個月就因為太忙而無繼續睇。依家我對香港最近既新聞一無所知。同香港脫晒節....~_~最近我只知道董建華遲職 。唉!做返個香港人，都係要日日看返報紙先得! 留言

		2005年04月12日 (二)
做facial 琴晚終於改好左個留言版。今次我畫左個新既message box。雖然改變唔大 ，不過我覺得都幾有新鮮感。^^我都幾意!今次都幾特破，因為我無用到粉藍色字，轉左用深藍色。基本上我自己鐘意粉藍色，不過講真深藍又真係清楚好多。本來我想將整個留言版放埋一榜，不過聽取意見後，都決定放中間好D。^^ 今日去左做facial，清理晒臉上既痘痘後，覺得成塊臉都滑晒。唔做facial真係唔惦。我覺得挑痘痘同埋黑頭好重要。如果唔去挑，都唔知道可以點自己清理。今次做完facial我仲幫襯買左兩支Shiseido。一支係防止出暗瘡，另一支就係去黑眼圈同埋修護對眼。(呢兩支以前都未試過，希望真係幫到我去黑眼圈啦^^)今日仲有sample送，黑色 袋上面既就係送既。個女仔千叮萬囑叫我唔好用D sample，話留返俾媽咪用。我估D sample可能唔適合後生女用! 之後再去mall買左day cream 同埋night cream。(剛剛用晒)....D野儲埋一次過買，攪到我覺得今日好大洗添:P 留言

		2005年04月11日 (一)
整蛋糕 今日我第一次自己整生果蛋糕，本來打算練習定，等Steven考完試就整俾佢食。(Steven即係綿羊仔 ，都係叫返佢做Steven好D,因為平是我甘叫佢:P)。今次我覺得整得唔好，可以叫差添啊。雖然我個蛋糕味道唔錯，不過個外表就溶溶爛爛，好醜怪。個蛋糕好似平時甘焗，所以都過得去。但係唔知道點解 D cream溶得好快，(我已經攤凍左個蛋糕)D生果又貼唔緊個蛋糕。整得甘差，我下一次都無信心會整得好，所以我唔敢再整俾Steven喇~_~係呢到俾佢睇下望下個蛋糕就算~_~ 呢張相，蛋糕個樣已經係最靚。(係影得靚詐)用另外一個角度去影就唔惦喇。今日用左三種水果 ，有士多啤利，芒果，同埋奇異果。本來諗住呢三種水果顏色鮮艷,睇落會靚D)，不過最後都係失敗...~_~...(低落中....!) 留言

		2005年04月10日 (日)
體重下降+裝修進度 哇~!我既體重輕左好多啊!終於由95磅跌到90磅喇。以前通常去到93磅就好難再落 ，但今次終於都減到。唔知道係咪我依照返正常份量甘食藥。定係我呢幾日依舊訓得好少，又一日食得一餐呢?(有食零食 架)我覺得我係易肥難瘦個種人，所以減到肥好開心。今次我覺得我條腰同埋對腳瘦左D。其他地方就差唔多。最慘今年暑假我唔返香港 ，係呢邊天氣都唔會好熱，無咩機會可以著小背心同埋短裙仔。 我已經開始裝修左我既網頁，進度都好好，呢兩日我整返好我個Gallery。(已經壞左幾個月 ，今次順便改改個setting)。另外我又重新整過個Love版.。棄舊立新。Index同Link page又轉左設計。依家已經裝修得七七八八。 我想改埋Home同埋Guestbook就算裝修完成喇! 留言

		2005年04月08日 (五)
紫外光 搬左屋都有兩個多月，最近我發現我面上開始出雀斑。真令人擔心!雖然可以做laser脫雀斑 ，不過唔出好過出嘛。我開始懷疑我新屋呢邊D燈有問題。因為我出街一定塗上防曬 ，所以無理由會出斑架嘛。原來新屋呢邊d燈係無燈罩架 ，所以D紫外光會好直接甘照到我。(係屋企無塗防曬)好彩發現得早 ，我塊臉無咩事。我依家唯有轉用企燈啦。係屋企我唔想塗防曬啊 ，因為我想等D皮膚休息下。 留言

		2005年04月07日 (四)
減肥失敗 我終於知道我今次減肥唔成功既原因喇，原來我無依照個份量，我食少左一半。~_~今日開始跟返個份量 ，希望可以瘦到啦。雖然我食少左份量幫我減唔到肥 ，但，係我食好多零食低下我都無肥到，都算係keep到個體重。:P嘻~早排因為忙功課 ，所以一邊做就一邊食零食。好彩無肥詐:P 早排暴飲暴食，但呢兩日我就一日食得一餐，好奇怪,又唔覺得餓窩。~_~(我唔係因為減肥而節食啊 ，我只係唔覺得餓詐)我係咪好唔健康?不過我都發現最近身體嘛嘛。可能最近看醫生看得多 ，所以心理作用覺得自己有好多毛病。不過我上次個病我食晒藥後我都未得閑返去復趁今日我發現 ，好似未好得返晒。我以為食晒藥會好返添。唉...最近為左三個病去看醫生看到好煩啊(不過全部都係小病唔洗擔心) 留言

		2005年04月06日 (三)
頭痛 啊~~已經好多日連續四五點訓，跟住要返八點半堂。真係累死!可能經過甘多日既唔夠訓 ，我今日個頭好痛囉!~_~痛啊痛一直痛到放學。真係連駕車都無精神。我只係慢慢甘跟住前面架車 ，然後發呆。好彩今日終於無甘忙 ，叫做可以休息下。返到屋企訓返幾個鐘 ，個頭先唔再痛。呢幾日我個樣非常殘囉.好彩撞唔到熟人 ，如果唔人地可能會覺得無見我一排，老左甘多。~_~(不過都好安慰綿羊仔話覺得我唔殘 ，仲好正..嘿嘿) 就快放semester break，我計畫我要幫我個網頁進行內部裝修。好多版我都想整過 ，例如我個Diary，Love，Gallery，Home同埋Guestbook都想改改。今日update既時候就順便改左個日記。覺得ok嘛?(嘿嘿...都係同之前差唔多:P) 留言

		2005年04月03日 (日)
較鐘 我呢幾日好忙啊，忙到晚晚都四五點先訓。我都係忙功課同埋溫習啦。通常學期就快完係會比較忙。時間已經唔多夠用，再加上琴晚兩點要較快一個鐘(夏令時間)就更加覺得d時間唔用。真係慘啊。覺得好似訓少一個鐘甘。~_~ 雖然我覺得較鐘好麻煩 ，不過我都覺得有甘既別要既。因為溫哥華呢邊冬夏天既晝夜長度好唔同。較左鐘後 ，因為好好陽光既關係，我覺得開始有夏天既感覺，心情都好左。(雖然天氣都仲有D凍)。我曾經聽過人地講話缺乏陽光會令人心情低落 ，我覺得係真架。通常冬天既時候 ，我都容易D唔開心。夏天就唔同呢 ，好似好愉快甘^_^ 留言

		2005年04月01日 (五)
期望和失望 係呢幾年，我從一個人身上學會"唔會有期望，就唔會失望"既道理。我覺得呢句說話好有道理。凡事都係以平常心去處理 ，當問題出現，就唔會唔失樂或者唔開心，相反，如果真係做到，就會係一個bonus，會更加開心。雖然完全明白呢個理論，但做就真係唔容易，因為始終都會擔心嘛。 就好似細個既時候,父母答應週末帶你去海洋公園玩甘。如果如期出發 ，當然會好開心，不過如果到最後因為有事所以去唔到，就會好失望。領願從來都無計畫過去玩。(雖然明明知道父母既原因 ，但點都會失望嘛)如果一早無講過會去玩就會好地地。又如果父母有一日特然帶你去玩 ，你會覺得好驚喜，分外開心。所以我依架做人都一樣，有咩計畫都好，我都會處之泰然，如果出黎既結果好，甘咪會更加開心囉，如果係唔好既，一早都有d心理準備，唔會話太過失望嘛。 留言