十二月份 December 2005

註:Hubby的意思是老公仔 ，唔係人名阿！

2005年12月30日(五)

※ Happy New Year ※



I am so busy these days, so I didn't have time to update my diary. Sorry about that! I will update my diary again after my holidays^^.

P.S. Thanks for the greetings from all of you^^.Wish everyone will have a great year ahead. See you guys next year^^

留言




2005年12月26日(一)

※ Boxing Day ※


這件大樓係今日Boxing Day既戰利品。其實我今日無心去買野，我當然唔會一早走去Mall同人逼啦。今日下午五點半先去到Mall，呢件係The North Face既大樓 ，原價$450CAD(約港幣$3000)，但今日有discount，所以只售$325(約2200港元)。真係平左好多，好抵買。我問過個sale，後日就會賣返原價。North Face D樓quality好好，貴D都值得~!


今日好驚阿，媽咪看到我檯頭的相簿，係都要看我同Hubby既相相，最後我都比媽咪看了。哈!媽咪點頭話：「呢個男仔對耳仔和鼻都好靚」 ，話Hubby個相好。哈~!我一早知道啦，當然識揀啦，我對相學都有少少研究架~!今日我個part time又同我阿媽講話Hubby個樣有D似我阿哥 ，我媽咪話Hubby靚仔D，因為Hubby個鼻和耳仔都好靚。(我阿媽看人都幾準架!)。

媽咪話揀男友最緊要人品好 ，哈!我Hubby人品當然好啦^^我早就話我媽咪一定喜歡Hubby，因為我知道晒媽咪對我男朋友的要求^^。

留言




2005年12月23日(五)

※ 聖誕前值 ※



今天晚上同朋友聚會，他們都比以前初相識時成熟許多許多，大家都談著將來的工作和前途。我們已經不是當年的小朋友了~!



今天大家的口味都好相似，有三位朋友點了同一樣的食動^^

一邊食野，一邊傾計，我們就這樣過了一個好愉快的晚上^^。最好笑就係我們影相既時候，有一個我地唔認識既鬼妹走過來話要和我們合照。哈~!唔同話唔得咩~!我估她飲左酒...:P

留言




2005年12月22日(四)

※ 屈錢 ※


年近歲晚，好多人都到處揾快錢，大家要小心。今日收到媽咪的電話，她和哥哥在內地發生了輕微的交通意外。話說爸爸公司有事，所以一早去了公司，而哥哥和媽咪就中午時間返公司。我媽咪 轉左既時候(和香港左右倒轉)，整架車都過晒之後，有架摩托車用車頭碰我地架車尾。

當時我媽咪都覺得好奇怪，都唔知道架車系邊到出黎，但都係落車看看大家有無受傷，我阿媽見到個摩托車既司機攤左係地上，動也不動。我阿媽心諗，輕輕碰左一碰咋窩，甘嚴重!?點知道我阿媽見到他條頸動一動，然後看看兩邊情況，再扮死!甘我阿媽就同我啊哥講報交警。我阿哥就提議打返公司人事部先，因為他們其實已經差不多到公司門口，好快我阿爸同二十多名公司同事出來。那個扮死的人就起身，話隻腳受傷要陪錢，我阿哥就話，係你碰到我地，點解要陪，所以我們就報警喇。去到差館，警察都提議給錢那人看醫生先(大陸人看醫生要錢的)，我阿哥堅持唔俾，咪claim保險囉!現在等保險判誰是誰非!

其實我早就覺得香港車會成為大陸人既焦點。(中山好少香港車)個D人分明就想屈錢!我媽咪話可能因為就快過年，所以好多人都要找錢返鄉下~! 就算保險判那個摩托車司機錯，他邊有錢陪給我地整車，分分鍾我地要自己給錢返好架車~!慘~!

留言




2005年12月21日(三)

※ 美容 ※


今日去了做Facial~!

一早book了今日去做Facial，出門口前和Hubby傾左一陣.哈~!告訴他我去做Facial後，他又表現得好開心，真喜好好笑:P。Hubby真係好喜歡我扮靚靚 ，相信將來都會捨得俾錢我去美容，哈~!呢邊天氣好乾，去美容院用油推下塊面真係滑好多。其實我D皮膚無乜野，最討厭都係對熊貓眼~!

今日做完Facial後，係美容院又有聖誕抽獎，份禮物都幾好架!不過估唔到我第一份聖誕禮物居然係抽獎~!

P.S.澄清一點，Hubby唔係話我唔靚所以要我扮靚啊:P

留言




2005年12月20日(二)

※ 最尾的一夜 ※



今日看了"名曲滿天星"，本來我對呢個節目一D興趣都無，但聽到唔係唱粵曲而係唱民歌，(我好喜歡民歌~!)所以就去看看 。原來那夜仲係雍雅山房最尾的一夜。

好彩我一兩年前都去過呢道，甘特別既餐廳永遠都係我腦海中留下印象。哈~!看返片段，以前既然景色真係好靚，不過現在海對面都起晒D公屋 ，居屋破壞左氣氛。呢塊地皮用來起樓都好既，可以推動附近既樓價阿麻。^^

留言




2005年12月19日(一)

※ 聚會 ※


今日和兩個朋友去打邊爐^^

假期已經開始了，大家都好得閑，所以我們幾個朋友就相約出來食晚飯。我們談著最近的生活和將來等等~!好高興，好飽飽的一個晚上^^。我覺得打邊爐最適合聊天，可以慢慢食 ，慢慢傾^^



其實還點了很多食物，不過之後掛住傾計和食野，所以就無繼續影喇:P

留言




2005年12月18日(日)

※ 見家長 ※


今日和媽咪傾電話，她告訴我哥哥帶了女友回家見他們。媽咪對我說哥的女友幾靚，皮膚仲好靚，而且好高(哥對我說她170cm高~!我也看了她的照片^^)。可惜我媽對我說她不太喜歡哥的女友，主要是她的人品和教養問題。(我家的要求絕對唔高，只要人品好就ok，哥的女友真的無禮貌)不過呢個咩年代，就算父母唔喜歡都無辦法啦。

我同Hubby講我都擔心他父母唔喜歡我，因為每個家庭都有點不同的要求。Hubby話唔洗擔心，還說他們一定會喜歡我。希望啦~!我問Hubby，如果我無大學畢業，你父母會喜歡我嗎?Hubby估他父母會有介意。(不過又係既，他父母都係留學生， 以當年來說，真係好叻~!)嘿嘿~!我一定會努力，快D畢業既^^

我對Hubby講，話我估他父母一定會話我矮。Hubby就話我個樣搭夠(嘿~!我邊有Hubby講得甘靚:P)，而且識大體，所以應該無問題。講真，我都覺得自己識大體，起碼我會考慮他父母會介意 和他們的想法。我做事會先考慮別人既看法，不過唔係為了他人，而係我介意別人對我既看法。我唔可以做事出來給機會人地蜚短流長既。

Hubby眼中的我

他：「我覺得你好似劉xx」
我：「哈~!唔係掛，我邊有甘靚!」
他：「你真係好靚架，我相信其他人都講過」
我：「你已經盲左喇:P」
他：「我無盲，我仲睇得好清楚」
我：「。。。。。」
結論：情人眼裡真係出西施~!^^

留言




2005年12月17日(六)

※ 我俩 ※



今天我整的圖畫，是Hubby和我的Q版^^

最近和Hubby相處得很融合(touch wood)，希望一直都係甘開心啦。(說真的，Hubby錫我比我錫他多 ，我要努力趕上先得!)今日和他聊天，發現原來他已經準備好我的聖誕禮物。今日我都100%完成準備他的聖誕禮物啊^^。(我地 兩個都無問禮物係乜^^到時候自然會知道啦!)接著我們便要為我們的大日子做準備喇 。其實早在我考試完畢後，我已經急不及待著手準備一月份的大日子。言談間，原來他也開始了準備喇，還說要我很驚喜。(唔知點解我對他說我唔會有太多expectation，可能我覺得Hubby是比較撘實，不懂逗女仔的人啦)。哈~!現在我期待的不是聖誕 ，而是我們的大日子啊~!^^

Hubby問我覺得週年紀念重要D定係生日重要D。我第一個反應就回答話我覺得甘多節日裡面，最不重要係聖誕(對情侶來說)，原因係我覺得聖誕應該係一家人慶祝的 ，而不是另一個情人節。(可能我係外國耐啦，聖誕對外國人來說就好似我地中國人過年甘，一家人一齊慶祝)。Hubby都好認同我既講法。我對Hubby說，我覺得週年紀念是最重要的 ，因為生日只代表我自己一個，但紀念日就是我俩的日子。

Hubby真係好錫我架，我已替Hubby的銀行侟款改名為「老婆本」喇 。哈:P最近和Hubby真的有許多笑料，本來我好想分享下，但每次都唔知道從何說起，所以都係唔講住喇^^。

留言




2005年12月16日(五)

※ 討厭塵埃 ※


考試忙碌後，我決心幫家居大清潔，打理得屋企乾乾淨淨自己都覺得好舒服。見到屋企井井有條，我個心好開心，但我個身就有另外的反應。久久無復發既皮膚敏感又再出現喇。(我發現令我最敏感既 係衣櫃裡面既衫，每次整理完衣櫃都別定會痕。)

其實每次幫屋企掃除，我總會皮膚敏感，我對塵埃實在太敏感。本來一般清潔就無問題，但大型清潔就好大機會會攪到我周身痕樣。我最怕痕開又會成日痕返，所以我都會儘量避免處理有塵既野。看來我都係無potential做家庭主婦!哈!將來我大條道理請菲傭!yeah~!

留言




2005年12月15日(四)

※ 心理測驗 ※


今日看到網上一個心理測驗http://www.whobirdyou.com/test.asp，所以就試下玩玩~!

紅色字代表我覺得唔準，
藍色字代表我覺得準.
灰色字是我的comments

測驗結果

個性
沒有很強的物慾[都係架，我好少買野]
你認為不必買房子[我覺得屋好重要，將來結婚一定要買樓的]
生活乃至人生的態度稍嫌嚴肅了一點[唔係啦，我生活都不知幾優閑]
吵架吵完就忘的類型[我絕對係，我容易生氣，但唔會嬲得耐]
常會丟掉錢包[我甘大個女都未試過]
有自信的人[我覺得我無~_~]
只要你堅持一個想法，無論別人如何去唆使、蠱惑你，你都不為所動[呢句好準]
 你是心地非常善良的人[我都覺得我係:P]
 被人誤會為不容易親近之人[又中!]
 為人過於老實經常上當[我都驚將來會甘]

愛情
暗戀是你最拿手的戀愛方式![錯錯錯~!我從來都唔暗戀!我喜歡喜歡我的人..哈~!]
不管是怎樣的戀情，一但讓你遇上了，你都能順利地照著自己的意思運作；而且你非常地瞭解異性的心理，知道什麼時候該撒嬌、什麼時候該使性子，這也正是你的魅力所在，[呢個我就唔知道係咪真]
所以對方很快地就會被你吸引[嘿嘿~!追我的人通常都是對我一見鍾情的:P]
你喜歡比你年輕，可愛而嬌小的異性[個心理測驗俾男仔玩架??我喜歡比我大，比我成熟的人]
 你喜歡不受打擾的兩人世界[絕對正確!我唔喜歡socialize]
 你的眼中只有對方，要求對方也是這樣[絕對係]
 你是穩紮穩打型的人
 只要曾經是屬於你的，你就會一直堅持下去，不會輕易變心[超級準!]
沒戀人是件很沒面子的事[我覺得無拖拍一點問題都無]

事業
你是一個企圖心很明顯的人噢[即係點呢?]
 你很講求效率和效能，馬上想到什麼事，就要立即做到才行[係架，我一係懶惰咩都唔做，我一做就快快手攪掂D野]
 你也是一個不適合耍心機的人[我無耐性:P]，
 明刀來明刀去，就是你的標準作風[yeah!準阿..我唔喜歡玩心計]
 頭號野心份子，對事業雄心勃勃[我覺得無，我但求安安定定]
處心積慮想要向上爬，力求個人表現，努力做功夫，爭取權力高層的注意[我仲未發現自己呢個野心窩]。

人際關係
真誠相對，實話實說，可謂有點天真爛漫[實話實說來形容我最適合!!我有咩一定講出口，忍唔住唔講]
 性格率直無機心[我都覺得我自己性格率直無機心，所有事都唔會放於心低，唔扮野唔做作]
向別人提供不少八卦秘聞[我從來都唔做呢D事]
 率直的性格令你成 為上司的好助手[希望啦]
 你喜愛玉石的溫潤質感[受媽咪影響掛]

我覺得呢個心理測驗解析好長儘，不過甘大包圍，實會講仲D啦~!

留言




2005年12月14日(三)

※ 忙 ※



香辣義式大腸螺絲粉 和 夏威夷菠蘿雞絲炒飯

最近經常外出食飯，因為我每日都非常忙(忙著我自己的學業，也忙著我和Hubby的事)，所以無時間和心情去煮飯。雖然最近好忙，但忙都忙得好開心，現在一切都變得美好。之前所有擔心的問題全部都有了解決。總之事事如意啦^^

現在通常我會出街食lunch，然後pack一碟回家當晚餐。哈..我係咪好懶惰?:P(唉~!有阿媽係身邊既幸福人係唔會明白我呢D生活係點過:P)

留言




2005年12月13日(二)

※ 飲茶 ※


食緊雪耳杏仁露既我^^

今日一早起床，因為家中很多事等著我去辦。經過給各個部門當波踢來踢去後，我終於把事情辦好!(其實那些職員很好人的^^，只是我去錯地方。嘿嘿~!)


之後我就去了飲茶喇~!我點了蜜汁叉嘵蘇，露旬帶子餃，塔里金沙骨，和雪耳橫杏仁露。可惜塔里金沙骨令我好失望。這些金沙骨和豬趴根本無分別~!初時候我還以為上錯菜! ~_~

其實我好喜歡飲茶，可能自小受父母影響啦。如果我和父母一起，每一個星期日的節目，一定有飲茶呢一項^^

留言




2005年12月12日(一)

※ 炒栗子 ※


好耐無食過既栗子

記得以前細個既時候，爸爸都成日買熱辣辣既炒栗子俾我食。我仲記得好好味^^~!真係好懷念香港既栗子。係呢邊無炒栗子賣，所以今日我自己焗栗子食，效果同炒都好似，熱辣辣，好好食^^

留言




2005年12月10日(六)

※ 又到聖誕~又到聖誕~ ※



今日我把已經寫好既聖誕卡寄出，哇~!郵局有好多人，個個都要寄信寄包裹。好彩我聰明，去7-eleven到買郵票，所以唔洗等~!嘿嘿!

之後我就去左Mall行街，買了想買的東西，不過聽日我要去exchange阿，因為我買的東西，好像有點問題。現在聖誕 節都未過，我又忙於其他重要節日既禮物!嘿嘿~!事事都要好好作出準備麻^^。

回家既時候天已經黑了，公園原來都有佈置燈飾，好多樹都掛了彩燈，好靚 啊!但因為我要駕車，所以我只係隨手影左張相^^。

留言




2005年12月09日(五)

※ Stars of Rainbow ※


連卡一齊收到的

今年第一張的聖誕卡係Hubby俾我的。哈~!好開心，甘早就有卡收^^。唔知點解Hubby係卡到放左一條星星彩虹呢~!可能Hubby想講彩虹代表著我們，Colorful life，真有意思^^。

最近幾日都係溫習，溫習和溫習。連網頁都忽略添!不過忙還忙，今日我都update返個日記，而且我仲開始寫聖誕卡俾朋友仔和家人喇~!再遲，我怕聖誕前未必收到^^。

留言




2005年12月07日(三)

※ 鮮茄海鮮意粉 ※


鮮茄海鮮意粉

最近愛上了番茄，所以今日整了鮮茄海鮮意粉。今次材料好簡單，只用了番茄，魚，帶子，蝦和青口。整好後快快手影張相就立刻開始食喇~!(肚仔餓麻^^)好想把相影得靚D，但我實在無耐性。^^

留言




2005年12月06日(二)

※ I Love You ※


[播放片段]

今日收到朋友send過來的短片。我看的時候忍唔住大叫。片段裡面有我最喜歡既八哥，而呢隻八哥居然懂得講I Love You。他真係好可愛好得意。

朋友S真有心，知道我喜歡八哥，就特登send呢個片段給我。我真係好鍾意!!!我自己看左10以上^^

留言




2005年12月05日(一)

※ Identity ※


今日我和一朋友傾電話，我發覺左兩樣野。一)原來我唔懂得安慰別人，二)原來加拿大好多移民，甚至土生中國人都好suffer自己既identity。

今日接到朋友的電話，他對我說他很生氣(他是加拿大出生的中國人)。他說有個女仔誤會他追求她。我安慰他說:「會不會是你外國人性格，太過親切所以令人誤會?」。就因為我甘講，他就連我都嬲埋。初時我我都唔係好明白點解，後來我知道了。原來他唔喜歡人地話他係CBC。喜歡人地話他似日本 人。他覺得自己似日本人窩。(他有一個日本人女朋友)。~_~

其實別人話他係CBC(我無話他係)，我唔覺得有扁低他之意，他同我講電話都係全英文，人地點會覺得他唔係CBC。~_~他根本就係比我地既移民西化，只係 他自己唔接受現實。就算他唔認同別人對他的看法，都唔需要甘嬲。最緊要自己清楚自己既identity咪得囉。夠有好多人話我似菲律賓華僑(以前俾親戚話我似我個菲傭啦)，馬來西亞華僑等等啦，但我一D都無嬲過，因為我根本唔覺得人地有扁低我之意(我個菲傭都係個靚女)。每個人對其他人都有不同既看法架啦。有咩需要甘嬲。

我覺得加拿大呢個社會，有好多人都 對自己既身份定位好含糊。好似他甘，出生於加拿大，我地移民來既就覺得他係本土，但本土人又當他們係外來。攪到自己對自己既identity好亂。比著我都係既，如果要我係呢邊落地生根，我都會覺得好confuse。好彩我決定返香港，甘我都identify自己係香港人。

P.S.好彩他最後都無嬲我^^

留言




2005年12月04日(日)

※ 怪夢連連 ※


昨晚訓得好差，連續發了好多個怪夢。第一個夢係關於一隻猩猩要入我家，我就努力lock住隻門，可惜個閂壞左。但結果隻猩猩都入唔到黎。我看過網上既解夢網，但就找唔到關於猩猩既夢 ，只找到一句...

「猛獸追趕……挺身面對：將會遇到一些重大困難，但你必須挺身面對，絕對不能退縮。」

其實猩猩算唔算係猛獸???(我夢中既猩猩唔惡既，好似動物園個D甘。)亦唔知道算唔算猩猩追趕我呢??希望呢句唔係講我個夢啦!我唔想有困難。

另外一個夢就更加恐怖 ，話說我接到媽咪既電話，她話我細個找過相士，話我呢一生最好唔好結婚窩~!@_@夢到呢到，我就驚醒左 。@_@原來我甘恨嫁窩!!跟住我係床到驚緊既時候，Hubby就甘巧合msn叫我，我和他分享左我既怪夢，之後就唔驚lu^^。

今日起床後，發現又再飄雪~_~

我懷疑因為天氣凍，攪到我訓得唔好，所以多怪夢。我記得我發緊夢既時候係凍到震架!(唔通俾人關細左個heat?)

留言




2005年12月03日(六)

※ 醉茶 ※



番茄海鮮義粉(圖三)，最近唔知道點解好喜歡食番茄。^^

今日飲左奶茶，攪到成日都覺得唔舒服。(我一向出街飲過茶，檸檬茶和奶茶都會覺得唔舒服，心跳加快!但紙包檸檬茶就無事。)其實我出街好少飲奶茶，但今日出邊落雪天氣凍 ，所以就放棄平時飲開既凍檸水，改飲熱奶茶，點知又唔舒服。

我曾經聽過收音機既一個節目講過，原來我呢種反應叫醉茶。(飲茶都會醉?!)如果飲濃茶，或者第一次沖既茶就會甘。其實第一次沖既茶應該唔要，飲第二三次既茶就會好D。

今日去既餐廳係上次遇到金魚佬個間餐廳，好彩見唔到個個人乍!埋單既時候，經理仲講笑甘問，唔知今日有無人幫你埋單呢!!我話：「好彩無乍!!:P」

P.S.今日係我寶貝Happy仔九歲生日~!Happy Birthday to Happy~~~!

留言




2005年12月02日(五)

※ 興奮未減 ※


擁有新畫既興奮心情依然未減，我同Hubby細心看過幅畫後 ，覺得有幾個地方畫得唔似既。

(一)我對眼畫得唔平衡，亦可以話係大細眼。(不過我覺得個眼神好似)
(二)畫少左我嘴角既墨 。(不過通常我笑既時候都唔係好覺粒墨)
(三)畫少左Hubby面上兩個可愛既酒窩。
(四)畫我畫得成熟左。(我個同學都甘講)

我真係好喜歡Hubby面上既然酒窩，因為好深好cute^^。我成日都同Hubby講，我都有酒窩架 ，但Hubby就笑我話我無(扁嘴)。

 我:「我都有酒窩架!」
 他:「(指著他面上一對酒窩笑)你邊度有阿? 」
 我:「(我好唔底得甘話)你都無dimple，你有pimple之麻 。:P 」
 (dimple=酒窩；pimple=暗瘡)
他:「....笑! (我甘可愛 ，Hubby當然笑啦:P)」
 我:「其實我淺淺地都有酒窩架 。我仲有相為證添。^^」
 (得戚地show相給他看:P)

朋友們對我地幅畫反應都好踴躍 ，不過大部份都係講Hubby既。最攪笑既係有兩個朋友都不約而同甘話Hubby幅畫個樣似陳啟泰。哈哈..可能副眼鏡似啦。又有好多人同我講，Hubby係畫裡面好似Business man，甚至係professional。真係笑死我 。:P

唔知道大家有無好既外科醫生解介紹我去脫墨呢?(我看過Laser醫生 ，話我唔適合用Laser脫墨)其實我一早都想脫掉它，而且Hubby一向都話我無左粒墨會靚D。(我問過好多醫生既意見 ，他們都話我脫墨後會有疤痕，所以我一定要找個手勢好既醫生，甘條疤痕都細D麻。其實要疤痕好，定要墨好呢?我媽咪就叫我脫 ，話我遲早都會脫窩)

留言




2005年12月01日(四)

※ 畫人像 ※


我覺得較細左幅畫無甘似,放大後就好似!
 (放大)

今日我好開心，成日都望住幅畫。呢幅畫係我同Hubby去mall找人畫的。幅畫係以人頭收錢的(我地兩個頭，所以要收兩個頭錢)，呢幅畫我覺得好貴啊，要$154加幣 ，(1加幣大概對6.5港元，即係要$1000HKD)，不過Hubby無話貴，他說最緊要係我鍾意。我真係超級鍾意幅畫，因為我覺得畫Hubby畫得好似，Hubby都 話幅畫好似我真人。畫畫既人真利害。Hubby話識畫畫既人真好，唔單止可以自己畫返，而且退休又可以幫人畫畫賺外快，嘿嘿。我同Hubby既畫工都係停留係火柴人既階段，所以都要靠人畫喇 。^^

我地係俾張相個畫家幫我地畫(貼紙機個D卡相，不過個畫家話我地張卡太光，唔夠陰影，但我地既姿勢就好好，所以他提議帶我地去Mall外面，幫我地每人影左10張相 ，然後比我地係電腦揀，他會用他影既相，然後放返落去我地貼紙卡既姿勢到。我地係電腦揀相既時候，他仲偷影我同Hubby揀相既樣。(可能他想影底我地自然既一面)。


幅畫係照住呢個姿勢畫，
但係用畫家幫我地影既相畫^^

影貼紙卡和相既時候，Hubby問點解我張張都影得甘靚，我講笑話"因為我真人靚，所以點影都靚囉"。(其實個個人影貼紙相都靚架啦 ，因為夠光麻!)個畫家幫我地影個D相非常醜怪，因為影到好黑。(可能他要黑D，多d陰影)。我向Hubby投訴話影到我好醜樣，Hubby就笑笑口講返我句說話"乜唔係人靚點影都靚咩"。好彩Hubby都承認我一向都係真人靚過上鏡 。其實我都覺得自己唔上鏡，我比較喜歡自己真人。大有可能我影相永遠一個表情，而且唔自然。(呢兩日我終於發現點解我 平時影相甘黑，原來我無開閃光燈，一向都係較auto。我係古老人，相信一白遮三醜，白D點都靚D^^)

畫家幫我地影既相雖然醜怪，但畫出來又好真實，好靚窩。我都幾滿意，不過我姐姐和朋友都話畫肥左我少少，但我已經覺得好似喇^^。

留言