February 2005

二零零五年二月二十六日 星期六   (Saturday, February 26, 2005)

		藍之晚餐 今日終於去左supermarket入貨.買左好多野.又可以煮飯仔喇...(不過唔係同愛人..哈..:P)今日我就整左一個我未煮過既"食送".呢個"食送"就係"豪士法菜文豬肉".(哎呀..我唔識打...請原諒:P)另外我就煲左個"紅蘿蔔西洋菜湯".哈...最近我好有心機整野食啊..:P聽日仲plan住好多野要整黎食添啊:D嘿嘿...整野食真係好開心,不過 如果可以整給親愛的呢..就會更好喇:P 今晚既晚餐...:D 今晚既甜品就係湯圓喇.不過唔係親手整,因為之前買落左一pack,所以食埋今次先.下次先自己整.不過今日食湯圓就同我平時既食法唔同.我先開定D芝麻胡,然後放煮熟既湯圓入去一齊食...哈..好味道啊...不過...肥死囉...:P 由於geocities有好多廣告,所以我轉用左另一個web hosting喇.好多謝你提供你既webspace給我.Thank you so much^_^_~...仲有..請大家用http://yennychan.hk.st呢個網址出入,因為我都幾經常轉我個web hosting架,如果bookmark我個地址,可能會見唔到我最新既更新.敬請留意^_^

二零零五年二月二十五日 星期五   (Friday, February 25, 2005)

		整義大利粉 今日因為放假,所以訓到日上三竿,真係覺得好累,累到唔想起身,累到邊道都唔想去.本來計畫左今日去grocery shopping(因為家裡無晒糧食)不過我真係太懶惰喇,所以最後都無去到. 甘今晚餐飯點算呢?最後我用餘下既材料去準備晚餐.我係雪櫃找到香腸,茄糕,雞肉,同埋番茄.因此我就打算整義大利粉喇...係無野食既情況下呢餐都算係甘喇:) 今日真係咩都無做過.只係食野,看電視,玩電腦,同埋煲電話....甘就開開心心過左一日喇..今日看左TVB既"甜孫爺爺"...看到差不多大結局喇..呢套輕輕鬆鬆都幾好看:D

二零零五年二月二十四日 星期四   (Thursday, February 24, 2005)

		我係乖女...嘿嘿:P 今日終於叫做暫時忙完學校既考試.好累啊,不過好彩我每個星期五都唔需要返學.可以休息一下.今日雖然我好累,不過我好乖女啊.一放學我就清潔家居,又洗衫,又燙衫.通常我都會將D家務留返星期四做,因為平時要返學,所以比較忙.架上星期一我part-time會黎幫我清潔,甘星期四自己做清潔就剛剛好.可以keep住乾淨^_^ 今日燙左好多衫啊,連春天衫都燙埋.可能我好期待天氣回暖掛....又或者我想早D準備好D衫..期待著...呢....:P:P...本人既春天衫比較少,因為春天都好快過,好快就會夏天麻.所以今年我都係時候要去添置D春裝先得..^_^啦~~~~ 春天係我出生既季節,所以我特別喜歡..仲有唔夠一個月我就生日喇..真係好期待.雖然又老一歲,不過今年我就特別期待喇..哈.....^_^

二零零五年二月二十二日 星期二   (Tuesday, February 22, 2005)

		黃大仙靈簽 已經有好多日無更新日記,其實我好想更新架,不過好無奈呢幾日無特別事情發生過.日日都係甘開心..哈..今日阿媽同我講話早幾日幫我去黃大先求左簽.其實她年年都會幫我求架.我地一家都覺得黃大仙好靈架.我支簽係八十一簽,係幫我問自身既.今年呢支簽都好唔錯.係中吉既簽黎架.簽文如下: 色舉須知翔後集 山梁雌雉得其時 第81簽__雌雉朝聖__中吉平簽 作聲三嗅過山欹 上下飛嗚自樂之 　 典故 孔 子 與 子 路 經 過 橋 邊 。 見 山 上 有 一 雌 雉 飛 上 飛 落 。 真 得 其 時 。 看 見 有 人 想 害 自 己 之 顏 色 。 即 時 高 飛 遠 去 。 四 圍 審 慎 乃 敢 棲 止 。 又 鳴 三 聲 而 飛 過 山 側 。 此 有 驚 險 之 意 也 。 鳥 之 知 機 如 此 。 看完個典故,我都唔係好明白支簽講咩.不過應該都係好野.我估支簽話我可以早知先機,逢凶化吉.定係話有人幫我化險為夷呢?

二零零五年二月十九日 星期六   (Saturday, February 19, 2005)

		整野食 今日唔知道點解,好有心情整野食,於是我去左supermarket入貨:P今日買左好多野,應該夠食一個禮拜.哈...今晚打算整"大蒜抄雞",所以買定大酸同埋雞.晚餐就買左,甘下午茶呢?我就決定整個"簡易pizza仔"做下午茶喇.如果想看我既製成品,可以click((這裡))去看看.我覺得整野食好開心架,當然要有時間啦.我幾享受整野食既過程. 嘿嘿...不過如果整俾自己喜歡既人食,就會更加開心喇.哈~!

二零零五年二月十六日 星期三   (Wednesday, February 16, 2005)

		驗......... 今日終於都可以去看皮膚既專科醫生喇.專科醫生既地址好難揾,不過好彩我無遲到.一去到唔洗等好耐就到我.入到去醫生問完我好多問題後就開始同我做個"Skin Test".首先,醫生點左好多側試液體係我手腕以上既皮膚到.兩隻手都差D唔夠用.~_~我數過,有成29滴,然後用針刺落每一點液體到等皮膚快D吸收.哇..好痛啊..烏~~~~我知道有6滴 係驗食物敏感.個6滴得一滴有反應,而其他個10幾滴(唔知驗乜)都有反應仲立刻紅晒.醫生話我D皮膚好sensitive窩....我只知道我對牛肉真係敏感.~_~終於得到證實.我都唔明白.我做左20年人,一向食牛肉都無問題.都唔知道點 特特然會有事.以後唔可以食牛都唔知道點算. 做完個Skin Test後,醫生就叫我去驗血,報告就未出..出左應該會知道更多.個醫生話我呢個病叫HIVES.話Hives係一個個cycle架窩..通常一到六個月為一個cycle,之後就會停一段時間..然後又再有.醫生仲話Hives係好常見.我一個月後再複趁! 雖然做skin test同抽血攪到我對手無達好肉,不過今日依然好開心..因為我收到一份我好鐘意既禮物...多謝你^_^嘿~!

二零零五年二月十三日 星期日   (Sunday, February 13, 2005)

		掛念 掛念一:今日好唔開心,心情覺得好複雜,當一個我關心既人遇到問題時,我卻幫唔到手.我覺得好無奈.要他自己一個人面對.真的好想可以隨時隨地的陪伴著.依家我無咩可以做到,只想對你說聲"早日康復!別再讓關心你的人擔心了^_^". 四月幾時先到呢?我要放假啊..我要.....(掛念@思) 掛念二:父母今天要離開溫哥華了.真的有點不捨得.從今天開始,我又要自己照顧自己喇,從每日三餐至到家居所事都要自己一一承擔.要半年後才會再見到媽媽.爸爸呢?就要等到我聖誕回香港才能再見.烏..可憐的我...又要過著苦悶的生活了.~_~ 雖然很父母一齊住會有點失自由既感覺,不過有父母照顧係最幸福既...

二零零五年二月十二日 星期六   (Saturday, February 12, 2005)

		過新年 最近少左寫日記..哈..因為過年呢幾日發生既事都係甘上下..中午去飲茶,夜晚就出街吃飯.前晚去左吃日本野,食左我最愛既魚生.昨晚就去打邊爐,又有我最愛既像拔膀...不過開始對出街吃飯有D厭,因為真係連續好多晚...:P終於今晚就自己煮飯食喇,(我應該講係父母煮:P).唉~!聽日開始.我又要過返D自生自滅既生活喇.我父母聽日返香港.我要半年後先再見到媽咪喇..好唔捨得. 今年利事收穫麻麻,得個八封..不過我一早就預計到.出年應該會係零封添啊.因為父母將會唔過黎過年.嘿嘿..不過好彩父母同(女麻)(女麻)都會給大利事我...yeah^_^v.唔知道係咪人大個左,我開始覺得收利事好尷尬.所以我年初一二三都儘量唔見人.我唔想人地以為我係想逗利事.舊年我都唔覺得收利事有問題,但今年我就覺得唔好意思甘.哈..不過我最少起碼要尷尬多幾年..因為我未來幾年都未嫁得住...哈哈 _____________________________________________ 前日個geocities都唔知道做乜事.D廣告飛晒出黎.以前我可以block到D廣告架麻...今日我lock入去geocities到看清楚.先知道如果唔想要geocities既廣告就要開始要給錢.唉~!唯有upload晒D files去我個ISP既web space啦...又頂住先...我估計..我遲早一日都要買返個domain...現在拖得就拖啦..嘿嘿:P

二零零五年二月九日 星期三   (Wednesday, February 09, 2005)

		年初一 今日係大年初一,恭喜發財啊~~~!雖然都無咩節日氣氛,不過心情都有因為係年初一而覺得開心.^_^一早起床就扮靚靚啦.特登揀件紅色衫著.嘿嘿..然後就同父母拜年順便逗利事:P:P之後就食下年糕,羅白糕做早餐,跟住就要如常返學喇.舊年就比較有氣氛,因為可以同父母去飲茶.今年就要返學所以唔可以去喇...今晚就去左食日本野...晚晚出街吃飯..真係好厭~_~" 唔知道geocities做乜..今日D廣告飛晒出黎..整極都整唔走..點算...唔通我真係要為左D廣告關左個網頁?~_~等我儘快轉去我ISP個個web space先...~_~" 紅色衫衫過新年^_^

二零零五年二月八日 星期二   (Tuesday, February 08, 2005)

		年三十晚 今晚呢邊係年三十晚,但過得無咩特別..因為無咩點慶祝..但都有出街食晚飯做節.今日食左我最愛既Alaska蟹(我平時唔喜歡食海鮮,但就喜歡Alaska蟹..因為真係好好味:P).今年無舊年甘有氣氛,因為屋企無佈置,又唔需要幫媽咪入利事.(因為舊年入得太多..今年都仲夠派:P)唔知道點解..我好鐘意幫媽咪入利事架...年年都要搶住幫手:P唔知道第日我派利事既時候會唔會仲甘開心入利事呢:P嘿嘿 係加拿大過年真係無咩氣氛...聽日年初一都仲要返學....我已經有10年無係香港過年喇..好掛住香港既新年啊:P

二零零五年二月六日 星期日   (Sunday, February 06, 2005)

		靚靚 媽咪從香港返來都差不多一個月,記得她剛剛回來既時候,她問我D皮膚發生咩事,點解出左甘多暗瘡.她仲同我講,養左我20年,都未見過我甘醜樣.我阿爸一個星期前返來,都仲係話我醜怪...不過經過呢一個月既保養.再加上我內外調理,(去美容院,看中醫,看西醫,多湯水同埋 護理護膚)今日我既皮膚已經便返又白又滑喇.所以話呢..唔保養真係唔得.我覺得去美容院係最快見效囉...今日阿媽問我係咪化左妝.其實我只係查左lips gloss.嘿嘿..現在D皮膚好到好似化左妝甘.^_^終於都靚返少少(不過仲有少許暗瘡未好晒,但都好左七八成)..唔洗再比我阿媽再話我醜樣喇..:D我以後都唔甘懶惰唔去做facial喇.要靚,真係唔好懶:P:P

二零零五年二月四日 星期五   (Friday, February 04, 2005)

		護照+美容 今日一早八點鐘起身,然後八點半就要出門口,因為今日我要趕住出去辦理我既護照.我本護照三月到期.辦得黎就剛剛好.出到去又幾好,唔多人.一個鐘都唔洗就攪惦!應該三月前會收到.時間真係好緊逼.不過我都唔趕既,因為我短時期都唔會去旅行.暑假都唔會返香港.暫定2005年既聖誕先會返.有排等.:(:( 另外今日我就去左美容院做facial.最近皮膚好差.出左好多暗瘡,上次已經挑晒D暗瘡,不過D暗瘡仲未退,所以我今日就做左個水晶facial.平時我都係左普通個種.原來做水晶好痛...~_~(感覺有少少唔舒服,不過未至於痛!),之後再用人手挑下暗瘡黑頭(呢個過程就同平常一樣.之後洗乾淨塊面後就查左個mask.呢個真係痛死我...查mask前個女仔已經痛我講會有D"揦"...點知真係唔係講笑..~_~不過出黎既效果又幾好..D暗瘡好左D...塊面又白左D..

二零零五年二月三日 星期四   (Thursday, February 03, 2005)

		剪頭髮 因為就快過農曆新年,所以我早幾日就打定電話去預約今日去剪頭髮.今日放學後就立刻去喇.雖然今次表面上剪左好似無剪甘,不過我又幾鐘意窩.前面剪短左少少,後面就只係修一修.(有人喜歡我長頭髮窩,所以唔剪甘多:P)我覺得剪完成個頭都輕晒.好舒服.^_^其實我都喜歡依家呢個髮型.簡簡單單又容義打理. 其實點解過年前要剪頭髮既?係咪過年個14日唔剪得,所以要一早剪定?我年年過年前都剪...不過就唔知道點解...

二零零五年二月一日 星期二   (Tuesday, February 01, 2005)

		SMS 幸福快樂既日子繼續進行中.嘿...上堂收到短信,就會忍唔住要立刻偷偷地看.(唔知道有無人發現我無啦啦上緊堂係到笑呢?:P)今日我打左去cityfone加個短信plan.原來係無無限發短信呢樣野.加$5先可以發出75個短信.唯有限住甘用啦.我會好好manage自己每日用幾多個.應該勉強都夠用既:P(不過我好想知道..收短信要唔要錢呢?) 唔知道點解今日唔多肚餓既?lunch都唔想食,所以就過就飲左杯野就算...我飲左木瓜奶...:P今晚又有木瓜魚湯飲..正...我最鐘意食木瓜:P對皮膚好嘛..我要保養下..最近皮膚極差...不過開始有好轉^^我要快d好返~!