outoftheblue

January 2005

二零零五年一月三十一日星期一 (Monday, January 31, 2004)

開始

一月三十日呢一日係一個開始.希望以後都繼續甘開心就好.呢兩日好開心,不斷的短信往來.拉近左彼此既距離.我決定要申請無限既短信服務.嘿~!如果唔係日日甘send法可能會好貴:P死啦,依家晚晚唔願訓.日頭又愛幻想,點算好呢.四月幾時先到呢?

皮膚敏感快報:已經連續飲左中藥四日,琴日又好似真係訓得幾好.無痕依架日日放學都要去攞藥飲.中醫個到幫我煲埋藥.真係方便好多.

二零零五年一月二十九日星期六 (Saturday, January 29, 2004)

心情極好

農曆新年都未到,估唔到甘快就應驗左鼠年係雞年既運情.(不過可能過左冬至就開始轉運啦)呢幾日真係好開心,特別係琴日開始.覺得自己好似法夢一樣.我覺得自己好好彩..好幸福阿..^_^_^

今日依然要繼續飲中藥,不過好奇怪.D藥一D都唔苦.(明明同琴日既藥一樣材料)唔通電視D喬段係真既?嘿嘿...^_^個人開心,咩都甜D...現在既我會懂得珍惜..唔會傷害對我好既人...希望一切會變得更真實.

二零零五年一月二十八日星期五 (Friday, January 28, 2004)

看中醫

我既皮膚敏感,看西醫都係治標唔治本.所以今日啊媽帶左我去看中醫.個中醫話我血hui同埋身體好寒.話我出既紅趁係因為血hui引起.叫我唔好食寒涼既食物.其實我都信中醫架,(加上依家中醫要考牌,多左信心)不過有病我都會看西醫.條理我就信中醫.中醫既好處係治本.西醫就係治標.見你痕就開藥止痕就算.今日D藥好苦啊.要連續飲兩日,然後星期日再去看先得.中醫既野..要長D時間先會見成效.所以要給D耐性.

今日收到皮膚專科醫生打黎既電話.估唔到甘快有得看.二月十六日就可以去看喇.真係好.不過個日就返唔到學喇

二零零五年一月二十七日星期四 (Thursday, January 27, 2004)

看醫生

今日放學後就去左看醫生.哇...預約左都要等一個鐘先到我.>_< 對上一個病人看左成鐘,都唔知道有咩暗病!我今日找醫生看我皮膚敏感既問題.我覺得最近好嚴重.一星期都總會痕幾日.今次醫生建議我去專科做個敏感則驗.醫生叫我要繼續留意敏感既原因.點都要有D hints先會check到. 醫生話專科會用20-30枝針"吉"落皮膚到.哇..聽落好恐怖.不過為了找出原因,都要埃下痛.另外今次醫生幫我book左另一個專科要我去看...我覺得去看醫生好麻煩囉,不過有病就一定要看啦.煩都無辦法~!唔知道D專科預約幾耐呢?加拿大看專科醫生,吾等得一年半載都無得看~_~

二零零五年一月二十四日星期一 (Monday, January 24, 2004)

煮飯之攪笑事件

忙左好幾日,今日終於有餐住家飯食下,不過今餐晚飯既背後就攪笑喇!話說我阿媽最近返左黎,所以煮飯既重任就交左俾她.我就樂得輕鬆(不過我都要忙自己D事).當我整理我網頁既途中,阿媽正在煮飯,特然有D間有D好大聲既聲音.嘟..嘟..嘟嘟..甘..我都未知道咩事,原來係個煙霧警報器響緊,不過大家唔洗擔心,我家唔係火燭,只係我阿媽煎魚,不過又唔太識用個爐頭.她本想關細個火,但就關錯旁邊個個.~_~最後要立刻開窗先得,好彩家裡個個係煙霧警報器而唔係自動灑水乍....:P

二零零五年一月二十三日星期日 (Sunday, January 23, 2004)

What is your love style?

成日發白日夢既我,經常都會想到我既love style係點,早就知道自己係一個期待愛情,對愛情充滿希望而又重視愛情,但有點怕醜既一個女孩子.今日做左一個網上test.

如有興趣,請按以下連結試試啦~!http://www.datingtips.ws/quiz-love-style.php

以上係我既結果
我覺得非常準.完全講中晒!其實我知道自己要乜既,不過我真係覺得有D驚.(驚咩又唔係好知道...~_~)我覺得好多時候都好難實淺到.總之要有天時地理人和先得啦.希望唔洗等好耐啦~!

二零零五年一月二十一日星期五 (Friday, January 21, 2004)

忙x(家事+學校)+敏感=苦惱

哇...呢個禮拜真係忙...日記都無時間寫!!家裡既事情未忙完,學校既又開始忙.下個禮拜有兩個quizzes,一個test...死啦..我完全無看過書囉..呢個weekend徐左繼續忙家裡既事...仲要快D看返D書....~_~忙死人喇!!

忙都唔緊要喇...最慘既係我呢幾晚又訓唔好...唉..又係因為皮膚敏感..已經無食tomato,但依然痕.我覺得可能多過一樣野令我敏感...今日我個樣腫晒..幾驚唔會好返阿..好彩無事...點算好呢?食藥又自標唔自本,副作用又大..(食左眼訓到不得了...攪到我無晒精神)...敏感呢個問題真係令我好苦惱!>_<

二零零五年一月十七日星期一 (Monday, January 17, 2004)

敏感真正原因+數碎銀

今日我終於知道導致我皮膚敏感既確實原因係咩.原來真係tomato累事.昨晚又痕到訓唔到,最後四點鐘起身去食藥先訓到.我真係好唔喜歡食呢隻敏感藥,因為食左眼訓到不得了.今日上堂,我對眼真係打唔開.break既時候仲訓著左.~_~一D都無誇張.

今日雖然累,不過我依然做左好多野.今日我就數晒D唔用既碎銀.平時用唔晒既碎銀我同埋我既家人都會放晒落個盤到.經過甘多年,已經儲左一大盤.所以係時候要數一數同銀行唱返.今日我把碎銀分門別類然後放入pack碎銀既紙筒,再經點算,原來有加幣185元.如果用今日既匯率,就相等於港幣$1184.真係績少成多....以後都唔好甘懶惰,要儘量用晒碎銀先得.真係唔想再一次過數返D碎銀.攪到成對手都臭晒."銅臭味"真係講得無錯.

二零零五年一月十五日星期六 (Saturday, January 15, 2004)

心情凌亂

自從一月六日落過一場雪後,呢兩個星期間間斷斷都繼續落雪,靚係好靚,不過就麻煩D.攪到出入好唔方便.天文台話今晚會有兩至五inches既雪.唉...聽日又要剷雪.~_~如果唔係星期一可能出唔到車返學.好彩我阿媽非常好人.知道落雪,一定趁早剷雪等我可以返學.我幾時都話"有媽的孩子像個寶".如果我一日未結婚,我都喜歡同父母住.可能我父母同我分開生活,所以我特別珍惜同父母相處既時間.同父母一齊係最幸福的.

今日看完"西廂奇緣"呢套電視劇.TVB呢套電視劇香港應該未出.我覺得都幾好看因為我喜歡"有情人終成眷屬"既結局,不過D劇情我完全估到晒.我覺得我好有做無線偏劇既天份..哈哈...如果人生可以同戲裡面既主角一樣可以同心愛既人一齊就好.可惜好多時候都係"相愛無夢"~_~如果係無緣分,點解個天要給他們認識,然後逼他們分開?現實的確比做戲殘酷!

二零零五年一月十三日星期四 (Thursday, January 13, 2004)

賣書

點解D出版商可以甘無良要成日改版??今日我攞晒我之前學期用完既書返學校既bookstore賣.本本買返黎都好貴架(有唔少要過百蚊加幣一本),點知一個學期後就轉版.真係陰公!其實有無必要成日改版呢..D書商擺明要"lurk"我地D貧苦學生既錢...~_~唔買書又唔得(因為真係要讀~!)今日我攞左十幾本去賣,只賣得兩本出去~_~真係慘~!不過啊媽要我儘量掉晒D野,所以幾多錢都賣左去.現在仲有好多書賣唔出..點算好呢?

最近既我好好...因為有媽的孩子像個寶嘛.現在既藍藍晚晚唔洗煮飯,又有藍藍媽日日煲既靚湯飲.真係開心....其實我一向生活都好好,不過有埋啊媽就更加好嘛.:P但阿媽係到,我就少D時間上網囉,少D私人時間.每件事真係有利有弊~!

二零零五年一月十二日星期三 (Wednesday, January 12, 2004)

最近幾天

哇!好似好多日都無寫日記.但由於我懶惰既關係,我都唔補返D日記喇,一次過講晒就算...^_^用一個字形容呢幾日就係"忙"啦..呢兩日真係無咩上網.未來呢個學期,我估計我都會一樣..因為我讀多左科目...唉..好多reading要讀..我既大學路途進展真係太過慢喇,我要追返D光陰.數數手指...我年紀都唔細..真係唔想太遲畢業.今年,我應該會有新方向.不過遲D決定左先再講啦^_^希望順利.

我既皮膚敏感又再發作,吃藥後攪到我個人好累.真係唔想食呢D藥.不過唔食我又痕到死.我開始對我既敏感原因有新發現.我覺得一係tomato,一係就係雞蛋令我敏感.等我再試多幾次就應該可以清楚找出原因.我覺得tomato令我敏感機會大D,因為現在好多食物都會基因改種.所以真實含有咩就唔清楚.~_~
________________________________
一月九號係我進入2005年後第一次我覺得好depress.原因唔講喇.不過我已經開心返,原來我都好叻女可以接受到.真係低估左我自己.^_^

二零零五年一月九日星期日 (Sunday, January 09, 2004)

再見我的毛公仔

今日好似經歷左生離死別既感覺,因為我阿媽逼我掉晒我既公仔.我每一隻公仔都有名有姓.全部我都有改名架.當我把他們一隻一隻甘掉落膠袋,我覺得係我殺死晒他們甘.我恨我自己以前無好好甘對待他們.他們每一隻同我都有著不同既經歷.真係好唔捨得,不過又覺得阿媽講得好正確,無理由keepD公仔一世嘛.遲早一日都要掉架啦!人總要向前看.但當我掉其中一隻既時候,我忍不住落淚,畢竟我地都同床十年.烏...~_~以後我都唔會再買公仔,我真係覺得他們係有生命.就好似家人一樣.話明"送仔莫模頭",所以..我無同他們影相留念.過去就讓他過去吧...(烏...~_~眼濕濕中)

二零零五年一月八日星期六 (Saturday, January 08, 2004)

新衫

今日好開心啦!今日雪依然不停地飄著,不過今日我都長途跋涉出左列治文.雖然落緊雪,不過路面情況都幾好.一路上都好似平時甘.無危險場面.我唔多喜歡落雪,但我會好珍惜現在看到既雪景色.因為過兩年我返左香港,都唔知道幾時先會再見到落雪.

今日我有兩件新衫.一件白色,一件粉紅色.兩件都好青春可人架,所以我都幾鍾意.我覺得我外表開始成熟,真係想自己望落去年輕D.其實係咪著淺色衫個人望落會青春D呢:P

二零零五年一月六日星期四 (Thursday, January 06, 2004)

危險!危險!危險!

今日天氣好差,當我駕車去學校買書既時候,差點發生交通意外.出門口既時候已經係落緊雪,昨晚落係街道上既雪非常濕滑.雖然車唔算多,但我車速都好慢.非常小心...不過意外依然差點發生.我離遠見到紅燈,已經把車速減得更慢,不過去到紅綠燈既位時,我架車居然停唔到,係差點碰到前面既車個一殺那,我看準無車,我就立刻切過隔離線然後停低.~_~總算有驚無險.今日更有兩次危險情況出現.一次係人地小路出大路差點停唔切.另外一次又係我差點停唔到車.我只有輕輕一下一下甘搭個break先停到.未來兩日都仲會落雪.無咩事,我都留返係屋企好過.~_~

今日好累阿,又係落雪麻煩囉...今日我出左屋前剷雪.足足剷左一個鍾.平時少運動既我,聽日一定腰酸背痛...~_~我現在已經全身無力~_~

在前園拍的雪景相^_^

二零零五年一月五日星期三 (Wednesday, January 05, 2004)

看透

今日我又再清理家裡既廢物.能掉的,我都儘量掉.無意中,我發現一張小學畢業時班主任寫給我的新年卡.好長篇架.因為當年英文差加上字體好亂,所以看唔明,不過今日再看,我已經完全識晒.原來以前不懂得的,只要時間便能讓事情變得清楚.

做人都係一樣,往往需要用好多時間先會看得透切.今日我好開心.我終於明白晒.雖然浪費左唔少時間先看透,不過我仲有大把時間....只要唔再浪費就得啦...嘿..係咪一個好開始呢^_^

二零零五年一月三日星期一 (Monday, January 03, 2004)

點解

期待,快樂和心急的心情沒有了.準備的一切心血都浪費了.真係唔明白事情點解會發展成甘,我自問我無錯.關心,擔心,和掛心都是錯嗎?點解我會有個甘既待遇.點解我得唔到人既重視.心情差都唔應該甘對人.我心情何嘗唔係一樣差.昨日一句說話令我傷透心.點解?點解會甘?不過算啦,無論咩原因對我都係一樣..我講過凡事唔執著.一齊都完了,就讓它完吧.

昨晚訓唔著,一來傷心,二來我皮膚又有問題...痕得好利害.但當吃過藥後,就好返...仲可以訓到教,但都只係訓左個半小時.因為我要早起床去辦事.針對皮膚敏感既藥有如安眠藥.一吃就好累.真係唔願起床...~_~

二零零五年一月二日星期日 (Sunday, January 02, 2004)

珍惜

自十日前失去一位朋友的消息,我就非常擔心.值至昨晚收到他的留言,知道他平安無事,總算放下心頭大石.事情發生後,才令我知道生死只差一線.可能差點我就失去呢位朋友.真係要珍惜現在擁有的.~_~所謂今日唔知聽日事嘛.做人真係唔好太過執著.做人最緊要開開心心.

呢篇係今年第一篇日記.我都有D新年願望要講下既..^_^...我希望2005年學業進步啦,世界和平啦,無災無禍啦,同埋密運成功啦.(嘿嘿.今年鼠年桃花運嘛...等緊你..你..你..既然出現:P...唔知道準唔準呢?)