七月份

July 2005

		2005年07月31日 (日)
最近的我 最近我的心情正常，但每到夜晚，心情必定低落。每晚都要哭哭才能入眠。唉！分左手13日喇！我都唔想甘！但我真系放唔低。每日都要send email比他先得。我仲未接受到分手既事實。系我心入面，他依然系我男朋友~_~。我知道系我固執，但呢一刻，等待系我唯一可以做。有限度既等待，都可以甜蜜既。我等到他grad先再算。 最近我日日都戴住Steven送既心型necklace。真系好想我地可以心心相印。我日日抱住Seal Seal，所以比mummy笑我好似小妹妹甘玩公仔。我好想比mummy知道我甘中意Seal Seal既原因系Steven送乍！~_~" 久久都未有更新diary。最近我好忙，但都做左好多野。最近我剪左hair，但唔系好中意。前面剪左碎yum，后面又剪得太短，我估我要一排先可以接受到。等到我接受左，我想影D相留念。瘦左之后我都未有影相。最近好似肥返少少，差唔多94磅。又要控制喇，肥返就唔好啦:P 留言

		2005年07月23日 (六)
一切都完結了 我終於都打好和upload晒我同Steven既短信去我地既private zone，其實我地一想都有save低我地既短信既習慣。將呢D最後既短信都save埋 ，好頭好尾.整好之後我忍唔住看返晒我地以前所有既短信，點解開心快樂既日子會甘短暫?~_~ 昨日不眠不休通宵達旦地織頸巾，但最後都未能完成。唯有今日繼續努力，最終都把頸巾係星期日前織好。其實呢條頸巾我計畫左好耐，打算聖誕節先送出，不過現在呢條頸巾可能成為一條永遠都不會送出的頸巾了 。我對偏織的認識不深，只會用高低針法，所以我只能用有制的technique去設計頸巾的pattern，不過我就好喜歡呢個pattern。唔知道他會唔會喜歡呢:( 一條永遠送不出的頸巾 2005/07/23 Photo by 藍藍 一切都完結了。明天要有新的開始。以後會點，就要看看天意喇! 留言

		2005年07月22日 (五)
恆心 我真係好掛住Steven，現在我每日都會最少send一個email給，長長的email。雖然我知道他不會回覆，(可能連看都不會)，不過我都好想打，因為打完email之後我就好似同他傾完計一樣 覺得開心D。不過打email既時候就少不免會流眼淚，但總算俾之前好。我已經唔會日咸夜咸喇。唔知我既恆心有幾多呢?我要幾耐先會放棄聯絡一個唔回應既人呢? 本來我呢個暑假既計畫係要大改革我個網頁，畢竟我網頁已經一年無更新過面貌。早前我已經開始研究flash(尚未成功)，但現在呢個計畫要擱置喇，因為我已經有另一樣 野更想做，所以更新網頁就要無限期抵押後! 留言

		2005年07月20日 (三)
失去聯絡 好多謝大家連日來對我的關心，就連沒有留過言的網友都出來安慰我。真係唔好意思要大家擔心我。好過意唔去呢。:(我一定會從新振作的。雖然我失去了Steven，但我還有你們。 本來心情已經平復許多(因為得到黃大仙的好簽 ，它給到我一點點的希望)，但昨晚輾轉返則，睡得不好，因為我今天開始便會失去他的聯絡，失去他的地址，電話，(ICQ和MSN他都不會上，其實他一向都不玩。以前都是陪我)。我知道他香港的地址 ，但不能去找他嘛，再者，他香港的家又剛巧很快會搬。從始我們便是陌生人了。:(希望他的電郵地址不會改啦。~_~ 現在我正在偏織一條可能永遠都不能送出的頸巾，一條計畫已久的頸巾。好無聊，是嗎?最近我還有很多事情要做，其實我最近都幾忙的 。我會儘快做好我要做的事。 胃口不佳，體重跌至92磅。沒關係吧，還惦我正在減肥。90磅指日可待! 留言

		2005年07月18日 (一)
放不低 昨晚哭到早上八點先上床訓，但十點幾就醒左。之後又再哭過，所以訓唔返。訓唔著我又亂諗野。心諗如果我地將來畢左業可唔可以係返埋一齊呢。甘咪唔會影響他學業囉。不過呢個係我一相情願既想法 。我個心好亂，於是我去左網上既黃大仙求簽。我真係好想問下，究竟我地將來會唔會有機會一齊。雖然係網上求簽，不過我信架。求簽都係講心。我估黃大仙會明白我既苦衷:( http://www.starky-hk.com/wongtaisin/ 黃大仙好準架!我一向都好信。 支簽文甘講，係咪代表我地將來有希望呢? 今日我乜都無做過，飯唔想煮，野唔想食。體重93磅:(熊貓眼一大對~_~ 留言

		2005年07月18日 (一)
保重...再見 今日我同綿羊仔正式分手(我地係和平分手既)，我好痛因為我仲好愛佢，不過我明白大家相處上出現問題，我地經常有arguments，成日都會唔開心(我好快無事，但呢D argument對他好傷)。上個星期日既事件只不過係導火線，他失蹤了一個星期後他想清楚我地既 關係。他知道我地將來都一定會繼續有問題，所以決定離開，唔想越踩越深。上個星期分手前幾日，他仲親手整左一瓶幸運星比我逗我開心，估唔到事情可以甘快180度轉變。~_~ 本來我好傷心，不過後來我好內究。其實他同我一起之後，他成績退步，呢個學期，他成績終於都低過3.6，唔可以繼續讀law了。不過他說唔係因為呢個原因同我分開，亦覺得唔關我事。不過我始終都覺得係我害左他。他今個星期三返香港，之後會去英國繼續讀law。他說今晚傾過MSN之後，我地唔會再聯絡。(七月十八日，凌晨三時六分就係我地永遠分開既一刻)我地或者以後都唔會再見，不過他說將來既事無人會知道。但我相信，呢個世界甘大，再遇返邊有甘容易。 我最後可以為他做就只有祝他學業進步和生活愉快。~_~唉!永遠都見唔到自己愛既人真係好辛苦:( 分開雖然傷心，不過最少好過他玩失蹤。我知道他今次都好傷，我知道他之前對我有幾甘認真。只不過大家根本唔適合，唔適合亦無謂勉強。至少一齊既時候係開心過，係真心過都無悔既:(唉~!但我始終都好痛:(我以後都唔敢再愛了。~_~至於Seal Seal，我一樣會繼續愛惜他。雖然係我同綿羊仔之間野，但我一向都當公仔係有生命既，所以我唔會因為分手而掉左Seal Seal。我同Seal Seal 都建立左感情嘛。 好多謝大家既關心，我會無事的....Steven，再見喇!~_~ 留言

		2005年07月13日 (三)
Wish For the Best 今日依舊覺得好辛苦，從內散發到外，但屈著在內的感覺。好辛苦!眼淚還是不聽話地流著。更加辛苦的是要在別人面前扮無事。唉!盡情發洩都唔得。 要做的都做了，要講的全都講了，可以做的都已經做了，真的感到好無助。究竟我可以點?現在應該要有『Wish for the best, and get ready for the worst』的心態。~>_<~ (一句好精竟的quote!) P.S.可能心情欠佳的關係，體重跌至93磅。應該高興，還是傷心? 留言

		2005年07月12日 (二)
好辛苦 本來今日唔想寫日記，但好似已經好多日無寫過，所以就講幾句啦! 呢兩日我過得好不容易，個心囉囉亂。呼吸都好似有問題，要用力吸氣先感覺到有足夠的氧氣。好辛苦，心裡好似有塊大石頭壓著我。頭又暈陀陀，做事又提不起勁。每日唔係發呆就係咸。 今日獨個兒駕著車子一直向前走，腦海中沒一刻停下來，走過熟悉的路，眼淚不自主地流著。我真係好辛苦，我唔知我可以點。好想刻意令自己忙D，好讓我不必胡思亂想。 留言

		2005年07月11日 (一)
長情 長情 曲：伍冠諺､陳志恆 詞：林夕 監：雷頌德 特別鳴謝（創作概念）：李宗盛 我信我們有心總可以解開這段殘局 我信我們因境總可以克服 如可溶結這萬年寒冰 讓信念未及盲目 微笑著說句話 隨時可得到溫馨的接觸 我信我們有對質都總會有體諒 我信我們也總有著夢想 各有眼前那山水悠長 怎麼可以去遇上 求你也會原諒 平時仍然造夢至尚 若我情 未夠深 2x：不必管 遠或近 但我長情能擦過天地人 有時那刻總會慰問不算太不幸 若我情 未夠深 2x：不必管 遠或近 願我長情無悔我的親恩 隨傳隨見也不悔恨 不教你擔心 縱是隔在兩地我未隔絕我的心 能及時言和實也太僥倖 那一剎溫暖感 也至少沒遺憾 人生 會有牽纍 彌補 隻好讓我追 燃燒 我有的淚 願我的淚 可以去贖我的罪 留言

		2005年07月09日 (六)
溝通困難 今日非常累，天氣又冷又熱，攪到我好似病病地。早上明明下大雨，中午就出大太陽，現在又再寒寒地。真係玩死!今日我個樣好累，有可能冷親，所以笑都唔笑出。 呢兩日我個手提電話經常都收唔到信號。原本以為我張卡或者電話有問題，不過今日收到我手提電話公司打比我話佢地upgrade緊個network，所以先會甘。情況都唔知道要等幾耐先恢復正常。我成日都遲收到Steven既短信，有時候想回覆sms或者電話又無signal，攪到好唔方便。昨晚男友家中既電話一樣都係無signal (他用cable phone)，他的MSN又有問題，最後要打手提和用ICQ聯絡。(我和他都已經好少用ICQ，都係覺得MSN方便D)今日我香港屋企個電話又打唔通，打去媽咪手提先知道原來家中既電話線路有問題，要等人整。點解呢排甘難同人聯絡架。好似好古怪甘。好彩現今科技進步，可以用其他辦法代替。當一種溝通辦法遇上問題，都可以尋其他方法解決。    其實今日已經覺得悶悶不樂，再加上Steven話要我溫習，夜晚唔同我傾電話，攪到我覺得心情好差，無晒心機。好想樓計 + 發脾氣啊>< 留言

		2005年07月07日 (四)
罪惡感 忙了整個月，今日終於都交左我兩個assignments。每次做完assignment感覺都好有滿足感。今次其中一個assignment都幾難，係要推測油價。雖然做左差不多一個學期(要research又要分析)，但好似都唔係好了解甘。~_~不過交左就算，現在唔理喇。:P 今日既體重依然係94磅，最近呢兩日我已經食返正常既食物(不過份量唔多)，所以減肥既速度可能會減慢。距離我目標仲有幾磅，希望呢兩星期內可以減到。哎呀!但今日午餐我竟然食左McDonald's。 食左McDonald's感覺好guilty~_~ 今日我唔係好舒服，個心跳得好利害，好似跳得好快，有點唔正常，感覺好辛苦。~_~唔通我肚餓?另外我今日心情嘛嘛~_~唉~!成日都係甘，我都無辦法! 留言

		2005年07月06日 (三)
一份驚喜 昨晚真的俾男友感動了，他情願犧牲睡眠的時間，早起晚睡，忍受著痛楚，都要為我準備一份驚喜。我完全感受到他的心意，他的誠意，和他那份真至的愛。我又忍唔住問，點解你對我甘好既? 我們一定會像相片中永遠甜蜜^^ 最近被R君煩擾著，明明他生日在四月，到現在還邀約我出來慶祝。我已經不回應他的MSN，不聽他打去我手提的電話，但他竟然致電我家，最後還是避不過。現在只能以快張考試來推卻了他 。唉~!好討厭>_< 留言

		2005年07月05日 (二)
進展理想 今日上磅結果係94磅，又輕左一磅。:)進展相當理想!已經連續八日無食過飯。今日輕左，又覺得特別肚餓，所以晚餐就破例食左一飯兩「食送」。飯後感覺好罪惡感，覺得好似立刻肥返晒 。哈..:P _________________________ 食飽飽好有滿足感^^ _________________________ 今日Steven終於接左個網頁黎做，而我地就一齊上網參考下一些別人既網頁，希望有多點靈感。哈，我都想幫我個個人網頁大改革 ，所以我地一齊四處參觀瀏覽。我暫時未有新概念，不過就算有我都要等我既final完左先有時間整。^^ 留言

		2005年07月04日 (一)
形影不離 好喜歡放假中既Steven啊，放假既Steven好開心，成日都笑咪咪，仲有好多得意既表情，又成日call我陪我 。^^真係要好珍惜他放假既日子，因為無幾何嘛。:P Steven放假我當然要比D功課佢做啦。:P 第一樣功課就係要Steven upload晒我地之前影既相喇，大部分都係我既相，他自己得幾張， 而合照就有五至六張。 第二樣功課就係曬相。我地精挑細選左幾張相去曬。可以放係銀包和相架，日夜對住。:P 第三樣就係我既功課，不過我唔係計畫俾他做架。只係我自己唔識做，所以他就幫我一齊諗。:P(雖然Steven同我讀既野唔同，不過聰明的他當然會做啦 。:P) 嘿~!形影不離的我們 留言

		2005年07月03日 (日)
減肥雜菜湯 開始減肥已經一星期，體重已經慢慢受到控制。雖然今日體重都係95磅，不過條腰好似已經瘦返少少，所以我相信慢慢一定可以減到。今日開始我會食雜菜湯。一日兩餐都係食呢個湯應該可以幫助減磅，又唔需要挨肚餓 。呢個湯我之前係雜誌看到的，相信應該都會有效。 呢個湯我用左多種菜去煲，包括有:紅蘿蔔，茜勤，洋蔥 ，青椒，番茄，和耶菜。(不過無加任何調味)呢個雜菜湯都幾好飲，甜甜地，而且勝在熱辣辣 ，又可以飽肚，唔需要挨肚餓。我仲聽講茜勤，洋蔥，和青椒都可以幫助減肥 。  留言

		2005年07月02日 (六)
相擁而睡 今日Steven終於考完試，他成個人都好似開心晒。心情好好而且仲有好多得意既表情添。哈!甘又係，考完試真係一身鬆晒 ，不過他一個星期後又再開學。哇..真辛苦!黎緊呢個學期他仲會幫朋友既公司做part-time整網頁。(綿羊仔唔識整網頁架 ，不過他覺得學多樣野都好，真好學!)哈!Steven學識整網頁都好既 ，到時可以幫我整埋添。yeah!不過我怕他又讀書又part-time會好忙好辛苦咋 。:( 夜晚我地傾電話傾至凌晨，然後開住個電話一齊訓。Steven話他訓得好好，因為知道有我陪住他 。其實我估係他考完試，無晒壓力就真。反而我就訓得嘛嘛，因為整晚都要顧住個電話，放係耳邊。不過最後Steven個電話無電所以斷左線，唔可以一齊訓天光添。:(聽晚再試過! 留言

		2005年07月01日 (五)
過去半年 話甘快2005年又過左一半，2005年既上半年對我來講有三件大事發生。第一就係我搬離左我住左十年既屋。第二就係過去呢半年我成日唔舒服需要看醫生啦。(現在無事了)。第三件事，亦係最開心既事就係我同Steven開始拍拖^^嘿!原來同Steven一齊已經五個月喇，時間過得真係好快。^^聽日Steven就考完他今個學期既最後一科，希望考得好啦^^。終於有多D時間陪我喇。開心^^ _________________________ 今日已經係七月一日。七月一日對香港人黎講就係回歸日或者遊行日(今年好似得二萬人遊行?)。身在加拿大，七月一日對我黎講就係國慶，不過我完全感受唔道氣氛 ，如果唔係學校放假，我覺得同平時一樣。可能我對加拿大無乜歸屬感啦。其實有時候我對自己既identity點亂，我覺得我唔夠加拿大人，但我又唔係好香港。好似有D兩頭唔到岸甘 。~_~ _________________________ 減肥進度:今日磅數95磅。今日我比前幾日食得多左，聽日磅數唔知道會唔會返彈回升呢。:P 留言