六月份

June 2005

		2005年06月30日 (四)
繼續努力 辛苦挨肚餓幾日後終於初見成效，今日上磅已經輕左兩磅 ，減到95磅。不過相信聽日一定會重返，因為今晚我出左街玩，係街外食晚餐。街外既食物大部分都唔適合減肥人士，所以介唔到口。不過我都已經儘量食少些。 見到自己肥左 ，已經好唔開心。聽到男友叫我努力D減肥，我就更傷心。都係我自己唔接受事實:(減肥好辛苦，要挨肚餓，唯有將呢句說話當係原動力啦。不成功，便成仁!>_<誓要減減減。 再美的景色，都有完結的時刻。 要把美景留住，需要付出甚麼代價？ 留言

		2005年06月29日 (三)
減肥進度 開始減肥已經四日，但進展一點都無。依舊係97磅。好懷疑個磅係咪壞左>_< 最近男友都話我肥左，雖然他話仲可以接受，但自己都醒目啦!唔知道點解，今次減肥好似最辛苦! 減肥第一日:一齊如常 ，只介掉零食。 減肥第二日:開始心跳加快 ，晚上仲失眠，感覺好緊張似的。 減肥第三日:無心跳失眠了 ，開始食少一點，晚餐只食一個小桃。 減肥第四日:(今日)午餐出街食左半碗魚片粥 ，晚餐一個蘋果。 碗魚片粥甘大碗，我只係食左半碗! 昨晚只食了一個小桃做晚餐，感覺非常餓，好辛苦。上床睡覺既時候仲好暈。今晚食蘋果做晚餐，應該唔會好似昨日甘肚餓。現在只係中午個餐先會食少少，晚餐就用一個水果代替 。我打算做埋運動，希望快見成效啦。聽日上磅唔好再係97磅喇。烏~~ 留言

		2005年06月27日 (一)
真真假假 今日看到香港既電視新聞，內容談及如何分辨真假 迪士尼公仔。基本上真假公仔既外表分別唔大，唯一分辨方法係看雷射標籤，和假的公仔會比真的平一半或以上。假既公仔雖然外表一樣，但裡面既棉花就係一些唔乾淨既工業棉。 特然間好擔心Seal Seal係假貨。因為綿羊仔唔係迪士尼既店舖度買Seal Seal，而係從其他商店訂購既。所以我今日特別上網調查清楚Seal Seal既出生。^^原來Seal Seal係2001年8月係日本推出，seal pooh係日本版。我仲search到好多seal pooh既相。原來上網訂平過綿羊仔買(不過上網買有可 能會收唔到)。我見到個tag同我隻Seal Seal都一樣既。甘我都放心D。其實我真係唔介意Seal Seal係真定假，我錫Seal Seal唔關真假既問題，不過我怕如果係假貨裡面會唔乾淨咋。如果係假，綿羊仔話會好唔開心比人騙。不過我估計Seal Seal應該係真既迪士尼公仔^^ 呢兩日綿羊仔對我好好，好錫我。唔知道點解他無啦啦話買多隻Winnie the Pooh俾我，又話帶我去旅行。好開心啊，不過我覺得仔女既野，一個就夠晒數，太多我怕我會偏心:D至於去旅行，我媽咪一定唔俾啦(我家好保守)。嘿，唔洗諗:P 減肥進度:(第一日)磅數無變，依舊係97磅~_~。 留言

		2005年06月26日 (日)
和好如初 我同男朋友已經和好如初，真係好抱歉因為我心情差而突然關掉網頁，害到大家要為我擔心。我沒有事了!多謝大家既關心:):) 昨日同男友好返，今日我心情大好。有著大好既心情當然要同自己打扮一番啦。我都已經污where左幾日。(無心情扮靚靚，加上面容殘卷紅腫)今日係時候要大執自己。今日我洗頭浸浴護膚修甲，總算找回屬於我的眼耳口鼻。 我俩心情就像清雅的小花 ，已回復平靜! 今日終於同男友通過電話，但我聽得出他的聲音依然有點點的低落，希望他考試成功，我地又可以解決我們之間既問題(考試完結後討論)，一齊邁向我地美好既將來。^^ P.S.我減肥大計今次正式開始，今天食慾嘛嘛，嘻!一件好事! 留言

		2005年06月25日 (六)
芒果莫斯蛋糕(二) 上次整既芒果摹斯蛋糕有數個缺點，所以今日再接再厲，重新再做一次。上次餅低牛油唔夠，所以餅低易碎，芒果摹絲又太過硬，可能魚膠粉過多。我覺得我參考個個網上食譜嘛嘛。太過簡單，有好多重點都無講，份量又唔正確，唯有自己研究下啦! 另外今日我好乖，除了打掃家居外，我仲燙晒我D衫裙。懶惰既我，將大部分既衣服都著過一次，所以又係時候要燙衫喇。今日上磅嚇然發現自己體重上升至97磅。我係時候要減肥喇。目標90磅!今天開始做點運動。努力啊! 今日男友同我say左sorry，其實我地大家都有不對既地方，我地仲感動到眼濕濕。我地都知道大家都好深愛著對方。(都係我自己亂諗野，以為男友會唔要我:P) 留言

		2005年06月23日 (四)
芒果莫斯蛋糕 今日早上心情已經好返少少，相信等到男友考試完畢問題就可以解決。放學後去了超級市場，還買了整芒果摹斯蛋糕既材料。男友就最喜歡芒果。希望下次可以整俾他食。這種蛋糕我第一次做，今次只係做個試驗。希望成功。 個芒果花係我自己拼的 ，賣相可以嘛? 晚上，男友終於上網，原來我和他既關係已經去到一個好壞既地步，我還天真以為我地一直很好。我心情再次跌進谷低。他說要點時間。我好傷心，我地會從此分開嘛?今次我地既問題 ，嚴重影響他既學業，他仲要drop左兩科。自從他同我一齊後，成績變差。唔通我地分開對大家都好D? 留言

		2005年06月22日 (三)
跌進谷低 心情跌進谷低，做甚麼都提不起勁。要是今天沒有quiz，我都不想回校上課，害怕給熟人看見我殘卷的容貌，紅腫的眼睛。我已作出最壞打算。唉~!希望我等到下星期的來臨吧~! 心情可以像天空般再次晴朗嘛:( 留言

		2005年06月21日 (二)
新裙仔 昨晚唔夠訓，今日又要一早起床，極之辛苦~!今日終於著左上次講過個條新裙。由於呢條裙係綿羊仔既至愛，所以就影左D相俾綿羊仔看。有好幾張我都好喜歡，但我喜歡個D就俾綿羊仔投訴話太性感 ，唔俾我放出黎。餘下既我又唔多喜歡，因為我無笑容。(可能今日太累，大部分既相我都無笑)以後我都係唔著情感既衫影相 ，如果唔係又無得公開架喇:P綿羊仔叫我下次再影過，不過都係等他幫我影仲好^^ 呢張相完全唔性感喇，不過細到甘，樣都看唔清楚:P 留言

		2005年06月20日 (一)
雜記 最近覺得自己好懶惰，基本上乜都提唔起勁去做。日日只想看電視，食野和訓教。奈何我有好多assignments要做 ，再甘落去真係唔惦。今日的起心肝努力做我個assignment。努力啊>_<好想快D放假。呢個學期我完全無心機~_~辛苦~! _________________________ 多年來，每月纏繞著我既痛症終於有好轉。白鳳丸非常利害。連續服用五個月後初見成效。現在會keep住繼續食，希望以後都唔再痛^^。 _________________________ 現在我開始擔心將來，距離出黎工作既日子越來越近。唉~!天生我才必有用?但我仲未發現我既長處。唔通我成世人都要靠別人?做女要靠屋企 ，婚後要靠丈夫，永遠做唔到一個獨立既人?雖然可以依靠係一件幸福既事，但我唔想做個無用既人。~_~ 留言

		2005年06月19日 (日)
芒果布丁 今日既芒果布丁係開布丁粉再加入奶去做既。味到都唔錯。我自己中加入芒果肉，令到芒果香味更濃。但係返出左黎既布丁買相就唔得。綿羊仔話喜歡我一手一腳親手做既芒果布丁 。開粉始終唔夠好味。下一次我會買魚膠片自己試下做。另外我會係芒果肉到加D心思，希望可以改靚D個買相^_^ 留言

		2005年06月18日 (六)
大小醋埕 經過多月來既相處，我發現原來我係一個小醋埕，而綿羊仔係一個大醋埕。(但他不會唔俾我做呢樣做個樣，他只會自己唔開心)。其實我都唔需要太多自由，甘樣反而甘令我知道他緊張我 ，我仲開心。 謝謝威廉因為這事送上15年前陳慧嫻既歌詞『真情流露』：「今天，我發覺他的心多溫暖像活著在我心間.....他使我漸漸地覓到璀璨」^^其實都講得啱，知道綿羊仔呷醋，我就知道他有幾緊張我。值得開心。^^ 今日幫seal seal換左條水晶頸鏈。 綿羊仔話條水晶頸鏈太大，唔襯seal seal。 現在呢粒小鑽石係咪襯好多? 留言

		2005年06月16日 (四)
只為你一人 我真係好內究，令到你無法集中溫習。見到你唔開心，我既心一樣難過。最辛苦就係見到自己心愛既人唔開心:(。唔知點解，我好想哭。我個心好痛，今日情緒好低落。我除左你，我係唔會煮飯俾其他男仔食架 。無左你食我煮既菜，我煮飯都變得無意義。我知道你係唯一一個最懂得欣賞我煮野食既人。你亦係唯一一個令我最想親自下廚既人。 事原今日唔知點解，有個男同學話好想食我煮既飯，我都覺得好「唐特」，當時我無答應亦無say no。我真係唔識點樣當面拒絕。好似好得罪人甘。我只係笑左笑 。我知道棉羊仔係因為我無拒絕人而唔開心。我好明白他既心情，上次他有個女同學對他好D，我明知道綿羊仔對她無意思，我都好唔開心。 Steven，你唔洗擔心，從今以後，我既心只會為你一人而下廚 。只為你一人。 留言

		2005年06月15日 (三)
後悔 最近既我好似食唔停口甘，今日我去左食下午茶，仲叫左D肥到死既野食添。我覺得我最近好似肥左，但我依然係好想食野。最多我返香港前先減肥囉:P唔知點解，我覺得係加拿大唔洗扮甘靚。 法式炸香蕉...好美味~! 綿羊仔既學期已經步入最後階段，每一個星期每科都教大概四個chapters.哇!我聽到都嚇一跳，唔怪得他忙到無時間陪我。烏..不過我好乖，無左住他溫習 ，最近他的成績已經出現返以往既A喇，甘無得傾甘多電話都係值得既。^^如果他全科都A我會獎他，如果我全科都有B就他獎我。嘿..不過全科B對我難過他成科A:P。 有乜辦法可以食，但又唔肥?食完野見到自己肥左既身型真係會後悔架~_~ 。 留言

		2005年06月13日 (一)
我是幸運兒(二) 在我五月十八日既日記裡面提起過我是幸運兒，那天我成為左http://www.sisland.net裡第101位留言者 ，獲得Raebeituc送出禮品一份。今天我收到該份禮品，心情當然好開心啦。 份禮品既可愛，又實用。份禮品係一個親手做既小熊鎖匙扣，仲係我喜歡既粉藍色。Raebeituc真係細心^^。其實我係Raebeituc既網頁裡面見到有好多她做的手工 ，全部都好靚好可愛架。快D去http://www.sisland.net看看啦~! 隻小熊係咪好cute呢?真的很喜歡。 謝謝Raebeituc^^ 留言

		2005年06月12日 (日)
長長久久 今日我送左一瓶心心俾綿羊仔，他好好好開心囉。我都好開心。我覺得為親愛的準備禮物真係一件好開心既事。綿羊仔話喜歡我親手做既多於買既東西。總之好開心他喜歡啦。 琴晚我同綿羊仔傾電話直到天光。真係好希望我地無時間既限制，可以一直在一起。綿羊仔最近好喜歡「他約我去迪士尼」呢首歌，不過係要我唱俾他聽。哈...他都有唱俾我聽。由於我送左99個心心俾綿羊仔，所以他係電話到連續錫返我九十九下。仲用手整左個心(上圖)。特然間覺得我係世界上最幸福既人。^^ 瓶裡面有九十八個心(全都是一對對)， 加埋個心型既瓶剛好九十九個心。 希望我地可以長長久久! 留言

		2005年06月11日 (六)
花花世界 今日閑來無事，我就出花園影下相，不過今次唔係影我既相，而係影花花草草。平時出出入入都唔覺花園有甘多花，仲開得甘靚。不過有D開始凋謝，真係可惜我之前無影低。今日影左我喜歡既金百合同埋茶花。以前都有貪玩幫媽咪種過金百合。金百合既美麗，又粗生。種左一次之後，年年都會自己出，都幾好玩。 花園除左有花花草草，仲有好多生果樹。不過我就無影。懶得四處行麻，我只係影左士多啤梨。真係又大又紅! _________________________________________________ 今日買左條新既連身裙。其實我好喜歡著裙，我衣櫃裡面一半都係裙。夏天就更多裙喇，因為天氣熱著裙就最舒服。今日買既連身裙子係一條low cut上身，全白色加一個綠色線條簡單既既圖案。好開心綿羊仔好喜歡呢條裙，仲話我甘多條裙之中最喜歡呢條。嘿嘿..我地真係心意相同。他話喜歡條裙設計簡單又sophisticate(高貴)窩，好襯我，加上他話我著得又fit又靚 。攪到我都越來越喜歡條裙。綿羊仔原來喜歡我穿衣既style，我唔係潮流個種。他說我係純，乖乖女那種。甘又係，我媽咪d朋友都成日話我乖女，其實我係怕醜者衫又斯文，所以給人乖女既感覺者。^^ 留言

		2005年06月10日 (五)
做facial 今日我去左做facial，不過我覺得今日幫我做facial呢個女仔麻麻地 。按摩都唔錯，但挑豆豆就唔夠乾淨。今日我順便修眉，哇，對眉幼過之前囉。初初自己都睇唔慣，不過之後都覺得清秀好多。綿羊仔就覺得我修眉後對眉太過perfect有D假。他喜歡我以前多D窩。其實分別都唔係甘大。我一向都無畫眉既，點會假。 我發覺我個綿羊仔好喜歡我去美容扮靚靚。我初初同綿羊仔一齊既時候，我差不多個個星期都去做facial，但現在我成個月我都唔去(因為懶惰)。綿羊仔就話我 地以前初初識，我就好貪靚，成日去做facial，但現在一齊耐左，就變得無所謂。我真係俾他激死。我初初同綿羊仔一齊既時候，我皮膚有好多暗瘡，所以我要去美容院密D。現在我皮膚好好 ，無需要去甘密麻。有一次，綿羊仔叫我讀書勤力D，我就話讀書讀得辛苦會晤靚架，你要靚既藍藍定係要叻既藍藍。他猶疑左好耐先答「現在要叻既藍藍」。哈哈。我覺得綿羊仔喜歡我靚 多過叻囉。攪笑! 本來今日打算買支eye cream同埋濕粉低，但美容院個個reception太唔惦。Eye cream話無貨，濕粉低又話唔知道我用乜顏色。(我唔記得我用開咩number)。甘既sales，真係做少好多生意囉~_~。好彩我未用晒 ，唯有下次去先買啦! 留言

		2005年06月09日 (四)
古古怪怪 今日去找個prof問下關於我個test，今日我又覺得他古古怪怪 。初初開學既時候他已經笑笑口同我講:「Yenny, you need to do something. Don't just sit here to look pretty.」初時我以為叫我要係個group到負責做D野，唔好坐係到。今日我去問關於我個test做成點，點知再一次有個古怪既對話。 注:他用英文講的，我翻譯成中文。 他:「你平時上堂好少講野同問問題窩」 我:「係啊」 他:「你覺得呢個course點啊?」 我:「幾好，我都學到野!」 (開始問唔關於學業既問題...!) 他:「你有幾高啊?」 我:「(心諗...下?然後笑笑口)...高度係我既秘密黎架」 (我擺到明矮啦!) 他:「我無心令你尷尬..You look perfectly fine and pretty to me.」 我:「...」 (最後都講返我個test。) 之前雙手摸住我條腰，搭我肩搏就係佢。我同他唔係好熟架詐。始終覺得他古古怪怪。有乜理由問我幾高，仲要無啦啦問...~_~我覺得我個樣俾人覺得我讀書唔惦 。以前有個大陸女TA係我第一日返學介紹完我自己後當住全班同我講:「好少好似你甘既靚女讀經濟.」都唔明點解會甘講。Business或者econ都打把靚女，我邊算係 。~_~ 留言

		2005年06月08日 (三)
忙碌過後 最近幾日好忙，忙功課，忙溫書。忙到連日記幾日都無時間寫。我個blog仲跌出10大添。~_~今日總算叫暫時忙完。(其實仲有份paper等住我~_~)今日我好累，又連續忙左好幾日，所以放左學就去左嘆茶。哈...對上一次已經係兩個月前去飲喇。可能今日剛剛忙完，所以都無咩胃口，只係點左幾個點心，但都食到好飽^_^   基本上每次我同姐姐兩個人去飲茶，叫四個點心都一定食唔晒，有時候仲要打包拎走添!但通常都會夾硬食，費事打包。不過甘食法都幾辛苦，所以我都係喜歡同一家人去飲茶，可以點好多點心，又可以樣樣都試下。^^ 呢牒素鵝係我其中一樣最鐘意食既點心。 裡面D冬菇好鮮甜。 留言

		2005年06月06日 (一)
最大問題 覺得同綿羊仔最大既問題終於出現左，我亦發現左他既缺點。原來他既缺點係忙。現在一日都晚都要讀書，他為左陪我就犧牲睡眠時間。昨晚又再訓得一兩個鐘。甘落去綿羊仔會唔會死?以為只係讀書時期他先會係甘忙。他話將來出黎左野，都會一樣，連星期日都未必可以陪我。原來他爸爸都係甘忙，星期日都要做野，唔怪得他覺得星期日做野無問題啦。我既家庭就唔同，星期日一定係family day，所以知道他星期日唔一定陪到我我覺得好難接受。我覺得呢樣係我地最大既分歧。烏…我開始擔心將來我會好唔習慣，會好悶。我同綿羊仔講笑話，唔怪得甘想同我結婚，原來他甘忙無時間拍拖，又想成日見到我，所以就放我係屋企。可能係我自己無事業心啦，不過我覺得男人有事業心始終都係一件好事。我知道我唔應該影響他。原來綿羊仔事業心都幾重。綿羊仔已經答應我會儘量陪我多D。希望我地可以互相忍讓啦^^ 綿羊仔真係樣樣都好，人品，學歷和家低。有時候我會覺得我將來會唔會甘好彩有個甘好既老公呢。有一個甘好既男朋友，真係覺得好幸福。呢個世界每一刻都在轉，今日唔知聽日事…不過我對呢段感情都有信心既^^ 留言

		2005年06月04日 (六)
真人版殘酷一叮 今日綿羊仔有D唔開心，因為我無預早通知他我同朋友去玩，他又唔開心我夜歸。我都唔想特然出街架。好彩我個綿羊仔明白事理!其實我玩既時候都有發短信俾棉羊仔。見到他既回復我都估到他有D唔開心。好彩事後他明白我既苦衷。^_^ 今日唱卡拉OK好攪笑，我兩個朋友唱葉玉卿既「擋不住的風情」，真係非常好笑。葉玉卿既歌詞真係蘇勁十足。我自己就無唱葉玉卿，不過我就拍下他們唱歌既短片。嘿嘿..十足真人版殘酷一叮。之後我個friend仲扮埋殘酷一叮其中一個慘賽者"樂天欣"用好差既英文介紹自己，同埋唱歌跳舞。大家有印象嘛?個個mid-night dancer，跳辣身舞唱Britney Spare個首Opps I did it again。真係好好笑 。我都有唱其他歌，我唱歌就差啦，我唱歌雞仔聲都不在話下，我仲唔夠高音。可能我少唱，真失禮~! 留言

		2005年06月03日 (五)
咪講笑 唔知道大家有無玩Friendster?我年幾前已經申請左friendster，不過一直都無乜點玩。只係link左幾個朋友，又寫左個個人資料，又有D我既相片。我已經有大半年無理過我個friendster，昨日打算進入friendster檢查下messages和整理資料。但我就收到一個好特別既message。係一個靚女寫俾我既。 Message內容如下:(注:xxx部份經過修改) 『hi. my name is vxxxx wong.      do you want to be a model?      our web site at www.starzpeople.com      pls leave me your contact number or msn so we can talk..      add me at vxxxxwong78@hotmail.com      thank you for your time      btw you have a very cute camera face....』 我真係唔清楚呢個人係咪騙人。不過我覺得我完全唔qualify去做model囉。我肥都可以話減，但我矮就係不能改變既事實。唔通好似電視講個D騙人交乜乜上course費，乜乜化妝費?又或者一出黎就打劫?發message俾我既係一個女仔名。係咪用女仔名會令人減低戒心呢?咪當我無知少女先得架!我唔無知的，我又已經唔係少女(xx歲)。不過我有無條件，間公司係咪騙人都好，我都無興趣，我覺得我係少有唔發明星夢既女仔。我做綿羊仔心目中既女主角就已經好滿足啦。(綿羊仔成日話我似Q版劉嘉玲架^^。Q版既意思係我細粒D又 後生D窩:P)嘿嘿~! 留言

		2005年06月02日 (四)
情信 今日心情好極了，以為寄俾綿羊仔既信寄失左，但好彩原來只是一場虛驚。我一番心血去寫，如果寄失就慘。今日知道他收到，我好開心。綿羊仔當然都開心啦有我寫情信窩~!:P嘿嘿~!我覺得電郵，電話始終都不及手寫信。我覺得手寫會更加有誠意，再加上郵寄個份驚喜，感覺完全唔同。嘿!在信中，我仲寫左首20句長既英文詩添。綿羊仔一收到就立刻打電話俾我，仲讀返俾我聽。他好喜歡呢。(面紅中...) 頭四句係... 「I love you with all my heart.     It was the greatest feeling from the start.     I hope these feelings never change,     Because without you I am not the same. 」 有一樣我覺得好奇怪，我覺得當我同綿羊仔開心既時候，seal seal個笑容都燦爛D。但當我地意見分歧，seal seal就會好靜玩自閉。我都知道我甘講好傻，但我真係感覺得。可能我自己心情好影響我對視物既看法? 今日seal seal幾開心!(看右圖)今日我隻玉手ark都上左鏡，我好喜歡我的玉手ark架。後生女唔戴得玉ark咩，我覺得冰種手ark好young，靚^^ 留言

		2005年06月01日 (三)
娶二奶 我唔喜歡綿羊仔既二奶，他二話不說就話換掉她。(都算我呢個做大既有D地位)唔好誤會，他的二奶是指他的車。我好唔喜歡墨綠色的Jeep，最討厭就是鴨屎綠的車。我唔喜歡他架Jeep，因為我矮小，上落車唔方便。不過他還有一年便畢業返香港，現在換車好似好浪費。乖巧既我當然唔俾他換啦。 綿羊仔話 第日返香港會買車，可以車我同Happy去玩。他話等他返香港長住既時候，會帶埋我去看車。甘都好既，費事我又唔喜歡他架車啦。我身為正印，老公選二奶我當然要幫手挑選俾下意見啦。如果唔係個二奶唔聽我話唔孝順我點算。嘿嘿。我就喜歡Mini或者Beatle。哈~!不過他就唔喜歡啦，甘又係，都唔襯他，襯我多D:p。我覺得他喜歡大架D既車。其實我乜車都無咩所謂，車都係用黎代步。(但既然有得揀，最好唔好係鴨屎綠啦。) 留言