五月份

May 2005

		2005年05月31日 (二)
摸 今日group work既時候，我們幾個同學企係道討論我地既assignment。係我唔留神既時候，我後面特然有一對手輕輕推我跳腰。對手既曲度剛好貼著我既腰部既曲線。感覺上好似有D唔對路，唔似推開我叫我讓路，不過當時我無出聲，我覺得係我自己多心。之後過左一陣，個個人又再係我唔留神既時候，從後雙手搭我個shoulder，係我耳邊輕輕甘講話我甘Tiny叫我企前D。 今日放學後我同綿羊仔講返呢件事，他覺得個個人係有心摸我條腰。聽完綿羊仔講，我諗諗下都覺得叫我讓路可以 用手指推我手或者博頭，唔洗用掌心雙手貼住條腰推掛。今日做group work，我個人怕怕醜醜甘，擺明唔聲唔聲個D人，點知就比人落手喇。當時我仲唔識避開他添。唉~!個個人係邊個我就唔講喇，不過係德高望重既人囉。~_~ 留言

		2005年05月30日 (一)
頭痛 古人既說話真係無錯:『未食五月粽，寒衣不入籠』。今日我吸取左教訓。一早收起晒D冬天衫，因為天氣一早回暖。過去兩日天氣都比較熱，但可能今日天氣特然落雨我又冷親。今日一起床我就覺得頭痛痛，已經痛左一日。辛苦!今年我都係健康較差。真係要小心身體。~_~話時話究竟幾時端午節呢? 看見花朵盛放，還以為溫暖既夏天已經來臨。 今日留言版有個陳老師教我中文，真係多謝晒~!^^我下次唔會再用錯 「無微不至」。其他成語就可能會繼續錯:P。唉~!我中文小學都未不畢業，真係失禮晒~! 留言

		2005年05月29日 (日)
跳fuse 過去呢個星期已經跳過電幾次，嚴重既時候仲試過一日跳兩次，真係攪到我用電器都好有陰影，怕又再跳電。根據我既經驗所得，如果同時用兩個電器，而其中一個席微波爐，就好大機會會跳fuse。我屋企跳fuse跳到業主都覺得唔好意思 ，話要儘快幫我整，不過暫時有明線幫我駁過個微波爐。現在已經唔跳fuse喇，不過條電線就醜樣左D。 今日用焗爐焗Pizza仔都無再跳制。若果唔可以用焗爐或者微波爐煮食，真係會帶來大大既不便。近來愛上食呢種pizza仔。細細個，兩口一個真係幾好美味 。食到pizza但又可以唔食甘多份量，真係非常適合我。 留言

		2005年05月28日 (六)
貪靚 今日我講貪靚既人唔係講我自己，而係講我既綿羊仔。我都係隨便講過他有皺紋，他就好似好介意。我講開我媽咪用開好既護膚品，他又好似好有興趣。言語間令他誤會支護膚品要1000元美金他都依然想買 。真係貪靚得緊要:P。其實我唔介意綿羊仔皮膚差唔差。無論係點，我都依然甘喜歡。鍾意一個人，點可以只喜歡外表 ，更何況我覺得綿羊仔問題唔大。 綿羊仔對我真係無微不至，不但對我講過既野好心上 ，就連我一日所需都不斷提醒和關心。 他每日必定提我對我講: 「今日飲左幾多水啊?記得飲水啊 」， 「食藥未啊?」， 「今天有做運動嗎?如果太辛苦，就唔好逼自己 」。  留言

		2005年05月26日 (四)
自拍 今日忙裡偷閒玩自拍，不過都係影左幾張詐。一來我屋企無咩好影，租既地方係簡陋D，無咩家既感覺。(希望遲下再搬!不過當然最想可以快D搬返香港啦^^)。二來今日好忙啊，因為有group-project，所以放學後有group-meeting。~_~我今日要攪惦呢個project，聽日要email俾group-mate。慘~!聽日我仲有另外一科既group-meeting添!好忙啊:(:( 今日MSN收到阿哥用電話幫Happy影既相。哇~!我好耐無見過我個寶貝Happy喇。Happy好似肥左，次次減肥都越見越肥~_~。我好掛住Happy啊。我差不多成年無見過他了。我啊哥仲貪玩放Happy係車尾箱影相 ，你看?Happy幾無奈!  　 　 　 　 　 　 　 　 　 　 　 　 留言

		2005年05月25日 (三)
榴連 今日去買左我最愛既榴連。哇，不過好貴囉。要$23(加幣)。每年暑假我都會返香港勁食榴連，因為香港D榴連平靚正囉!今年暑假唔返香港，唯有係到食貴榴連啦。雖然一個得幾粒，不過好彩都幾好味!夏天返香港就可以食到荔枝，龍眼，芒果和榴連等水果，不過冬天返香港就可以食大閘蟹。真係各有各好 。好期待聖誕假返香港啊。@_@不過仲有半年~_~ 哈，好多謝綿羊仔琴晚漏夜幫我proof read啊。仲幫我大改篇文。希望惦啦!篇文真係好左好多。綿羊仔第一次幫我學業上既野詐。好開心!不過綿羊仔好有原則，他係唔會幫我做功課。~_~ 留言

		2005年05月23日 (二)
運動衫 昨晚傾電話傾到好夜，今日有D眼訓，所以都無心情上堂。最後最走左一堂添。之後我就去左Shopping。買野又唔覺得眼訓窩。哈~!今日買左一套粉藍色既背心短褲運動衫俾自己。哇~!一萬年無買過sporty既衫喇~!基本上我喜歡斯文look。今次買我都係打算係屋企著 。哈!都幾cute既，:P不過條短褲就大左D。但已經係最細，點算?~_~"今日我仲買左少少野俾 綿羊仔。哈!我幾錫他我成日都掛住 綿羊仔架 聽日綿羊仔考試，希望他有A啦!自從他同我拍拖後，成績一落千丈，由3.8跌到3.6.我真係擔心:(唔可以跌出3.6架祝 綿羊仔考試成功…依?聽日我都有Quiz，我都要考得好>_< 留言

		2005年05月23日 (一)
凌晨十二點零一分 十二點零一分，心情好低落，好低落。 甜蜜中夾雜著痛苦，還是從來都只是痛苦之中的甜蜜? 頭好燙好痛，是副作用嗎? 頭再痛，都只是有限度的痛。心靈的痛，才是無法形容。 心好痛，我做的一切都是多餘的。我有罵錯嗎? 心好痛，我一次又一次的給傷害了。 心好痛，也許這是注定的-_- 留言

		2005年05月22日 (日)
腰酸骨痛 由於我缺乏運動，所以我全身都軟綿綿(我應該係得脂肪而無肌肉)，想令到看上去結實D，我昨日開始做push up。本來打算早上做30下 ，夜晚做30下，結果我做左30下後覺得好頭暈。暈到要攤上床，真係身子差。做幾下push up都甘辛苦。今日我起床後仲覺得腰酸背痛。十分辛苦，都唔知道係咪我張床唔好 。 今日全日都覺得唔多舒服，一來係腰酸骨痛，二來我又頭暈心跳，因為我飲左奶茶。(基本上我一早知道自己唔飲的咖啡，奶茶，和濃茶，飲親大多數會唔舒服，但我又想飲呢)....雖然唔多舒服 ，不過都無大外既。今日仲打掃和買花俾觀音添^^。      　 <---我，綿羊仔，同埋SealSeal 一家三口既合照。:D:D我地都影 左唔少合照，不過綿羊仔好忙， scan相既時間都無:(。張相係我 自己整到甘細架^^驚綿羊仔怕醜 嘛..哈 留言

		2005年05月20日 (五)
芒果糯米池 經過幾個月既相處，知道左棉羊仔好喜歡食芒果，上次整糯米池綿羊仔又好鐘意，所以就嘗試下二合為一整芒果糯米池。經過不斷嘗試，我終於都整到滿意喇。初時 ，我只係用芒果代替豆沙蓉，不過我覺得芒果味道唔夠濃，所以我再接再厲，我今次除左用鮮芒果做代替豆沙，我仲用芒果汁代替水開糯米粉。由於芒果汁比水甜，我就將糖既份量減半 。最後做出黎既效果唔錯。呢種芒果糯米池係我自己改良既製成品，所以整完特別開心，特別有滿足感^^。 留言

		2005年05月18日 (三)
我是幸運兒 今朝換衣服既然時候，唔知道點解特然好想換頸鏈，最後選戴左綿羊仔追我時候送既Tiffany，因為真係好耐好耐無戴過喇 。今日戴著呢條Tear drop，好似好幸運。我竟然做左Raebeituc既網頁第一百零一個留言者 ，獲得禮品一份。真係好開心阿。我甘大個女都未仲過獎，覺得今日好好彩。係到當然要多謝Raebeituc啦。^^ 今日我好乖阿，自己去左藥材舖買白鳳丸，我都知道食止痛藥係治標唔治本，不過未醫好我既痛症前唯有食住先。希望白鳳丸快D見效啦。 留言

		2005年05月17日 (二)
痛 痛 痛~_~ 連續食左女性既欣物"白鳳丸"三個月，但好似對我既痛症無咩幫助，都係好痛。~_~最後都係要食止痛藥。"必理痛"真係我最好既朋友，每個月都係要食下先得，唔食真係唔惦。依架我又多個新朋友喇，呢隻藥係"Piriton"，係止痕既。琴晚剛剛食完最後一粒"Piriton"，今日就收到媽咪寄比我既新一盒藥喇。媽咪真細心呢^^知道我D藥食到七七八八。我現在習慣帶兩粒"必理痛"同埋兩粒"Piriton"出街 。真係慘，我幾時開始做左藥煲。~_~ 唔知道點解綿羊仔今日好sweet阿。我地傾電話既時候讚我今日好可愛，佢又同我講:"你係我心目中既女神"。我:"甘誇張?我做你既小公主得喇"。佢:"我覺得公主係刁蠻既 ，依?又真係既適合你窩"。我:"..~_~"...甘我都係做返你既女神喇.."。 P.S.好多謝問候我病況既朋友，看到留言版，真係好感動有甘多關心我既朋友們^^...Thanks^^。 留言

		2005年05月16日 (一)
報告出左喇~~ 今日九點鐘去到趁所，因為我預約左見醫生講解我個報告 ，加上我自己有D問題想問清楚。好開心阿，醫生話我個kidney好健康，驗左既所有野都無事。醫生只係叫我以後要多D飲水，一日最少六杯清水就無問題喇。我以後一定逼自己多飲水 ，每日最少八杯。最近呢兩個月，男友都好關心我，差不多每日都提我飲水。哈!有個怕飲水既女友，真係辛苦他:P。我覺得水一來唔好飲，二來飲得多要成日去洗手間好麻煩，不過為左身體健康都無辦法啦。 我阿爸知道我今日報告出，他好緊張甘一訓醒就打電話比我。知道我無事他先放心返工。真係關心我^^。今日我看完醫生，我就發左好多短信比男朋友仔話比他知道我既情況 。唉~!原來他考緊考試。他一邊考試，一邊看我既短信。>_< 我又做出影響他成績既行為啦~!我真係擔心他成績會下滑，保持唔到他一向既高GPA。希望他考得好啦。 留言

		2005年05月14日 (六)
影相相 今日我又再影相相喇。今日天氣同早幾日一樣都係天陰陰 ，不過影出黎既效果就完全唔同。今次我較左exp去4/3，果然影出黎光好多。(較白D好，一白遮三醜麻:P:P)今次既相滿意好多喇，比較似返真人，不過美中不足係好似我最近肥左。都係怪我自己為食啦，最近成日食唔停口 ，由朝食到晚，好似唔知飽甘。我食既時候我就唔理，依加肥左我就後悔:(我聽日開始又要節制飲食先得。~_~好彩我男友唔喜太瘦既女仔，我呢種身型係他喜歡既。其實我覺得我男友都幾理智 ，唔會盲目鍾意瘦既女仔，不過我自己本身就想瘦D..:P(其實我覺得D男仔唔喜歡太瘦既女仔，聽過好多男仔講過話太瘦唔好攬窩。都唔知道係咪架，我都係覺得我自己瘦D好:P) 今日我出去影相都唔知道係咪俾風吹到，我今日成日都頭赤赤。好唔舒服。今日都好似無樣順利甘:( 之前我放上黎既相，男友睇到後唔俾我放上黎。 琴日開始用條bear bear電話繩，不過問題開始出現。原來個公仔頭同個身好容易分開。~_~今日綿羊仔同我講話他差D唔見左個公仔身。我頭先出街食晚飯 ，結果我都跌左個公仔身~_~，好彩waitress見到俾返我咋。我依架唔敢用喇。跌左點算。~_~ 留言

		2005年05月13日 (五)
一雙一對 今日我同綿羊仔就開始一齊用同一對電話繩，呢對電話繩係我買既。(我好似好少買野俾綿羊仔添~_~)佢個條係一隻藍色既bear，我個隻係紅色既。哈...電話繩當然要一雙一對啦~!^_^_^其實我唔係好喜歡呢對公仔 ，因為我怕太大隻，會唔方便。如果細D就更加perfect~! 藍色係綿羊仔既,紅色係我既 今日同阿媽講電話，原來阿爸好擔心我份報告。我星期一先有報告看，令到他有排擔心添:(。今日阿媽問起綿羊仔，嘿..阿媽好似好關心我同綿羊仔甘窩:P。 留言

		2005年05月12日 (四)
壞天氣 今日天氣成日都天陰陰(但無落雨)，不過我見我好耐無影過相 ，加上我又化左妝，所以就出左花園影下相喇~!今次呢set相真係認真嘛嘛，要delete晒先得>_<。今次D相好黑，好唔夠光，連個樣都看唔清楚。其實我好懷疑我唔識用部相機 。我影親相好多時都係黑麻麻。係咪較下exp會光d呢??其實點先可以影光D呢?我影相好懶惰，通常乜都唔較(即係auto)就影。~_~我以為較auto就唔洗自己較添。~_~ 另外今日我好開心，因為有d我估唔到既好事發生。原來我係得架，真係咩信心都返曬黎!^^    今日影既黑麻麻相            薯蓉        今日有朋友問薯蓉做法，其實我都係看食譜整架. 材料: 薯仔(去皮)2磅 牛油10克 牛奶1/2杯 蒜蓉1湯匙 雞精1粒 鹽1湯匙 做法: 1)薯仔放在大鍋中蒸，不用上蓋，煮至薯仔軟淋，瀝乾。 2)薯仔搗爛加入雞精及其他材料拌勻。 3)放入微波爐中以高溫焗2分鐘，即可食用。 留言

		2005年05月11日 (三)
藍之晚餐 今晚心情極好,特別有心機甘整左餐飯,仲食得好開心添.(其實晚晚都係我煮既)不過整晒甘多也都整左我個多小時,都幾晒時間,可能我個廚房細啦,用具又唔夠~_~.自從我搬屋後,我咩用具都無晒,真係慘.今晚食左煙三文魚,紅蘿蔔湯,牛扒+薯蓉+四季豆,同埋朱古力士多啤利.今晚整得都幾好味道,好飽飽囉~!等我遲D加我今晚呢餐去我個Share版先.嘿嘿~! 2) 牛扒+薯蓉+四季豆 1)煙三文魚 3)紅蘿蔔湯 4)朱古力士多啤利 食完呢餐,我要負上責任,唔係會肥,而係皮膚敏感.原來我唔記得左我對牛肉敏感.~_~好彩我有藥食~! 留言

		2005年05月10日 (二)
解決問題 呢幾日心情好差，眼都哭到紅紅腫腫 。原來我同綿羊仔之間發生左D小問題。我同綿羊仔有好多唔合拍既地方，意見經常不合，思想有時候會唔一致。好彩問題發現得早 ，綿羊仔話今日係我地新既一日，他將會比以前更愛我，知道我地問題所在，我都會比以前更愛更愛你。綿羊仔講過，陣早發現問題所在 ，總好過將來先發現。世間上又有邊對男女係從來無問題。講得好有道理啊，一對再好既男女，總會有問題既時候。問題係識唔識去面對同埋解決。 雖然我地遇到些問題，不過唔會影響到我地既感情，因為問題既出現，令到我地知道點樣去做得更好，令我地更加珍惜對方。 我同綿羊仔對我地既將來仲係從滿信心。^^ 今日功課好忙啊，我要開始做我應該做既野喇。~_~! 留言

		2005年05月09日 (一)
魚頭兩味 身體依然不適，今日一早九點去左抽血驗尿 ，然後先返學。過程好快，5分鐘都唔需要就攪惦晒。報告應該過兩日有。希望無大外啦。不過我以為好返既病，好似有反發既跡象。真係好煩，觀察多兩日，等到看報告再同醫生講 。唉~!我個個星期都見醫生，醫生一定覺得我好麻煩。~_~我有個預感，覺得我所有既毛病係有關連架。~_~不過報告都未出，唔好自己嚇自己。 今日放學後到超級市場買餸。今日我買左大龍"等"既魚頭 。哇~!真係好新鮮好大個，所以今晚我就整左魚頭兩味。一半用黎整清蒸魚頭，另一半用黎煲木瓜熟肉魚頭湯。真係好正阿~! 同綿羊仔一起都幾個月喇，我發現我地有好多唔同既地方。例如口味。綿羊仔喜歡食煎炸香口既野，但我對煎炸野就嘛嘛。出街都都會食下，但屋企一定唔會整。:P我今日又發現 ，原來綿羊仔係唔食魚頭架。不過綿羊仔講話兩個人既相處一定有唔同既地方，甘我都認同既。^^ 留言

		2005年05月07日 (六)
毛病 今日早上八點九，我Seal Seal又陪左我去左看醫生喇!最近看醫生既次數增加至平均一星期一次。因為今日係星期六，所以化驗所唔開門，唯有等到星期一我先去驗尿驗血啦。今次已經係2005年第二次驗血喇。(上次驗敏感 ，今次就懷疑我個kidneys有事。)~_~究竟我最近發生咩事?最近我看過甘多次醫生 ，我都無同架人講，免得他們擔心啦。如果真係有事先講啦。好彩之前既病都無咩大外。希望今次都係啦。我覺得我搬左屋之後好似身體變差左甘，有好多毛病。係咪間 屋唔利我呢?好彩我無打算長住，希望可以儘快搬啦。 P.S.係呢到我要多謝Danny介紹我download Anti-spyware 呢個software。安裝左之後我個電腦已經好返晒。Danny, Thank you very much! 留言

		2005年05月05日 (四)
整電腦 今日裝左男友俾我既anti virus program。原來我個電腦有好多好多files，Scan晒成個電腦要20幾分鐘。結果我個電腦 共有10個infected files(俾我預期少窩)，其中4個要delete，其餘6個就整返好。依家我個電腦好似正常返好多好多，用起上黎快返好多，又無甘容易hang機，但仲有一個問題係 未解決到。我個IE依然係古古怪怪。明明我有裝pop up blocker，但D廣告依然飛晒出黎，又有D網址去唔到(用其他電腦就去到)。我check過晒D setting又無問題，個pop up blocker真係開左。呢個問題真係百思不得其解。究竟有咩辦法可以整返好我個IE呢?~_~不過今次個電腦好返甘多，真係好多謝綿羊仔喇...嘿嘿^^ 琴日我將我同綿羊仔既相相uploaded左去yahoo既相簿 ，綿羊仔話要email D 相俾他香港既父母睇下(綿羊仔以前無拍過拖)，等他們有心理準備12月返香港介紹我俾佢家人認識窩。哇..我好驚啊~!>.< 呢D相係舊年影既，因為我好耐無影過相，所以唯有揀呢D啦。不過BF話要影過D新相，因為話我依架靚D窩。 留言

		2005年05月03日 (二)
馬來西亞 琴日認識左一位新朋友，他是馬來西亞人 ，不過我國語唔惦，他又唔識講廣東話，所以唯有用英文溝通。哈，我仲俾他讚靚女，我唔多唔少都會少少開心，不過我就覺得讚人靚已經變成一種禮貌，唔可以當 真，所以唔會放係心到。唔通係咪靚女自己唔知咩。(其他人覺得我靚唔靚我無所謂，我最在乎男友點睇者..嘿~!) 講開馬來西亞，從小到大真係有好多好多人話我個樣唔似中國人，細個俾親戚話我似我個菲傭，當時我以為我跟得工人多，所以似都唔出奇。但黎到加拿大，就有更多人話我唔似中國人 。仲記得過黎讀書既第一年我係讀小學，當時無朋友，而怕醜既我就好少出聲講野，所以同班既香港人同學仔就唔知道我都係香港人，仲以為我係菲律賓/馬來西亞人。(當年我皮膚黑 ，所以我都不以為意)。直到近年，皮膚變回正常顏色既我，依然俾人話我似馬來西亞人，我就覺得好奇怪。我明明係100%中國人，點解我會似馬來西亞人呢?就連我個男友都覺得我似鬼妹 。(唔係中國人我男友就當係鬼~_~)琴日認識既馬來西亞人都覺得我似馬來西亞人，仲話我對眼似，真係好唔明白點接會係甘。唔通我父母係垃圾筒到執我返屋企，我唔係親生?其實我係咪真 係似馬來西亞人呢?(雖然我唔介意，不過我都好想知!) 留言

		2005年05月02日 (一)
停電 好驚啊，今日我煮煮下飯既時侯特然停電。當時一片漆黑，我個腦就一片空白。之後我就走近窗邊，睇下出面附近既屋有無事。原來只有我屋企停電...點算呢...~_~最後我打電話去樓上找人幫手。原來只係跳左fuse。唉~!我真係無用 ，跳fuse甘簡單我都驚一餐。不過我好唔明白，我都唔係用好多電，點解無啦啦會跳fuse呢? 我就記得以前我讀intro psychology(心理學)既時侯，個prof講過當你遇到停電，如果見到其他人都一樣，你就唔會擔心，唔會打電話去電公司去問，因為你expect人地會打。但如果只係得你一個有事，你就會打電話問清楚。唉...甘有真係講得啱...人總係要先依懶別人...~_~ 我男朋友就話我，"You will only do things when you have no choice." 唉，佢真係越來越了解我。 留言

		2005年05月01日 (日)
新開始 今日係五月既開始，亦差唔多係新學期既開始。心情已經唔會好似小學生甘興奮喇，就連中學生時代既喜悅都無。以前總會悉心打扮一番去迎接新學期既第一日，不過近年既我就無呢種心情。以前最低限度都會化個妝，等我看上去精神一點 ，不過今年我就連呢個衝動都無埋。聽日返學，我無打算會化妝，點解會甘呢?一大班人我唔會化妝，因為我覺得人地唔會留意我，反而人數少，我就鍾意化妝喇。^^(如果去街街，無論多人少人我都會化妝。) 經過前兩日綿羊仔既事，我發覺原來我地比我地想像中更愛對方。我地又再去到一個新既景界。希望我地快D畢業啦 ，(我求其畢到業就得，綿羊仔就快D可以實習，然後快D邁向我地既理想^^。)今個學期我會乖乖地 ，唔會再左住綿羊仔讀書，唔會再同綿羊仔傾電話到三四點。因為我令到平時成績非常好既綿羊仔特然成績滑落，我點過意得去。我地既理想比傾電話重要嘛。 留言