outoftheblue

November 2004

二零零四年十一月二十六日星期五 (Friday, November 26, 2004)

你的日子

每年既今日,我都唔能夠親身陪伴渡過,唔知道會點慶祝呢,現在我只能在心裡衷心地祝福.雖然禮物和賀卡都已經送出,但清楚知道仲未收到.希望唔會太耐啦.今年既禮物只係隨便買的,因為我唔知道買咩好:P不過希望會鐘意啦.不過出年既今日,唔知道我仲會唔會準備禮物呢.今日好失望,因為答應左的事情無做到~_~不過點都好,我都會祝你Happy Birthday,生日快樂!

Happy Birthday to you,
Happy Birthday to you,
Happy Birthday to xxx,
Happy Birthday to you!
祝你生日快樂,
祝你生日快樂,
祝你生日快樂,
祝你生日快樂.

二零零四年十一月二十五日星期四 (Thursday, November 25, 2004)

八哥

今日係學校,看見鬼妹帶了兩隻狗狗一齊返學.其中一隻仲係八哥(同我隻Happy同種),所以當我見到後,我異常甘興奮,立刻放下做緊既一切,幫狗狗影相相.隻狗狗好活潑,在草地上走來走去.攪到好難影得好.仲記得Happy以前細個都係甘好動,不過現在Happy年紀大左,成日都係訓.出街既時候都係行.好少走來走去.見到呢隻年幼既八哥,就令我想起以前在初中上緊堂既時候,我用左"Home Sweet Home"呢首歌曲為Happy寫既一首歌詞.哈哈...好攪笑架.(唔好笑我:P)

我隻Happy真可愛,
大眼睛,小耳朵.
他的嘴仔漲卜卜,
肚腩圓圓真可愛.
__________________________________________
此外最近,個都唔知道點解,我好難先可以入到btchina既file page.第一版又入到架窩.攪到我成日都download唔到.無左TVB呢個精神食糧,我會悶死架嘛.早兩日我係lecture聽到我後面個兩個男仔講話Shaw(我個ISP) block左BT.都唔知道係咪真.>_< 總之我就入唔到.依架我都係靠Samuel sends D 種子俾我咋.真係唔該晒^_^

二零零四年十一月二十三日星期二 (Tuesday, November 23, 2004)

雨傘

放學既時候,看到外面下著毛毛細雨便特然想起我今天早上用過的那把好可愛的粉紅色雨傘.我既雨傘去左邊啊?這把傘我今年新買架,唔通用唔夠一個學期就唔見左?後來我想起今天早上,我把傘好濕,所以我放在lecture的地上.(事隔三個小時,唔知道把雨傘仲係唔係到呢?係呢三小時裡面,我完全忘記左呢把傘,直到見到外面下雨.)記起後我立刻趕過去,好在仲係到,如果找唔到我就要俾雨淋喇.今日運動量好夠.因為我從停車場行去lecture再由lecture行返去停車場就已經用左我差不多半個鐘~_~累死我!!

呢件事令我覺得,人總要在有需要的時候,才會珍惜眼前的東西.正當快快活活時,就會把你拋諸腦後.~_~

二零零四年十一月二十二日星期一 (Monday, November 22, 2004)

打邊爐

今晚食打邊爐做晚餐.好耐都無打邊爐喇,今次係第一次自己準備打邊爐既食物同埋用具.以前都係家人準備或者出去食.今次就係我自己一手一腳整好晒.嘿嘿.不過就出左好多問題.哈哈..係買食物方面,我就買得太多野食,我地兩個人根本一半都食唔晒.攪到聽日都仲要食多一餐.另外既問題就出現係個爐到.本來我打算用電熱板,因為感覺安全過用gas爐.Gas爐好似好危險甘.不過塊電熱板開左成15分鐘熱都唔熱下.最後都要出動gas爐.不過我又唔識用個gas爐窩.好彩經過研究一番之後,我終於都開到火.本來我決定如果都係開唔到個gas爐,就會企係煮食爐旁邊打邊爐.哈哈..好彩最後都惦^_^yeah~!

二零零四年十一月二十日星期六 (Saturday, November 20, 2004)

錄音

琴日係網友既日記聽到她唱的歌.她唱得十分悅耳,令我聽完一次又一次,最後聽左十幾二十次.哈!真係好有感染力.我已經仲左毒喇:D今日我貪得意自己錄低左一首自己唱既歌.哈哈.效果都唔錯(對我黎講),不過相比起我個網友我就真係好唔惦喇.所以我段錄音都係不便公開既.都係自己娛樂一番算喇.哈哈.等我遲D再錄多幾首先,甘夏天聽既時候都唔洗開冷氣,真環保.^^我覺得錄音好得意啊.平時都唔覺得自己把聲係甘既.哈哈.自己聽返自己把聲音覺得怪怪甘.:D其實以前細個既時候有用錄音機錄低自己用英文講故事.(係以前既功課)哈哈.依架盒帶都仲係到,不過我唔敢令返出黎聽.:P:P哈..:P

P.S. To:某人,如果你想聽我首歌,請到yahoo個個email啦.

二零零四年十一月十九日星期五 (Friday, November 19, 2004)

不適

今日身體不適,所以缺左一堂課.我有點內究.畢竟,懶惰都是我今天缺課的其中一個原因.今日頭暈加上肚仔痛,所以好辛苦.我真的不明白,人做女仔,我做女仔,點解我特別辛苦呢.我覺得我係唔能夠生活係無必理痛既世界裡面.否則我一定會痛死.肥嘟嘟既我,無理由身體甘弱架.~_~不過情況都唔算太差,通常食左藥,我都係不適一日半日就無事.

今日好掛住Happy.好想他陪我...:(記得以前,當我唔舒服既時候,Happy都會陪住我.他自己都會陪我訓埋一份.不過有Happy訓係我旁邊暖粒粒真係係舒服好多既.

二零零四年十一月十八日星期四 (Thursday, November 18, 2004)

借過

有種討厭的男孩子，明明不喜歡你，卻因知道你喜歡他而對你特別好，就像給你一點甜頭然後讓你當他的後備，用來打發時間。對這種人，其實不值得留戀什麼，就輕輕一句「借過」就夠了！一首今日不停聽既歌。

還提及上次戀愛　預算與我終老
仍在和她一起　也收起我的好

傷我或是害我都慘不過　教我記得一起幸福過
情願我聽不清楚　當時誰人口口聲聲不會掉低我
待我差我沒有奈何　為何扮好心慰問很掛念我麼
還能成為蜜友麼　你說得真輕鬆
講笑也　別太過（不愛我　別拉拖）

你懺悔　無人可比我好
今天終於知道　不該知恩不報
還承認你不知　你錯到一面倒
我會更加容易　拿開拐杖企好

為何又共我講到　念掛我那擁抱
豺狼誠心禱告　難道並沒企圖
是對我好就請躲開　求你讓我安靜行過

因你犯下大錯都慘不過　教我記得彼此熱戀過
情願我聽不清楚　當時誰人口口聲聲不會掉低我
我到底可像太傻　為何扮好心慰問很掛念我麼
還能成為密友麼　你說得可天真　不愛我　就借過

以前唱的歌，女角多是弱者，受了感情的傷害便翻不了身。其實，女孩子也可以很強的，她們也懂得反抗。

二零零四年十一月十七日星期三 (Wednesday, November 17, 2004)

不安

最近心情好差,總會為小事而唔開心.可能我有太多野擔心喇...學業,感情,同埋將來都令我不能安眠.唉!我都唔明白,我唔開心有咩用,但我卻控制唔到我自己.:(希望假期快D來臨,而我亦可以平平安安甘度過,甘我就開心喇)

今日上lecture既時候,我比我旁邊既大陸女仔嚇親兩次,我覺得她脾氣好大.令到坐係她旁邊既我好不安.我都唔明白,甘大個人,點解唔可以好好甘控制自己呢?個test做錯做一題,就發自己脾氣.對自己要求係好,不過就唔應該甘大反應囉.另外有人放杯咖啡係地上,她自己唔為意就倒到自己個書包.她又再大發脾氣,大聲到連個instructor都望一望她.我明白個書包俾咖啡弄污係好生氣,但有甘多人望住,係咪應該收斂下呢.對住一D脾氣大既人,心理壓力都幾重.有D驚呢種人.:(我今日俾她攪到有D被人鬧既感覺.慘慘..:(

二零零四年十一月十六日星期二 (Tuesday, November 16, 2004)

完

琴晚完全訓得好差,個腦不停播放住我做presentation既然情況.一次又一次,所以今日我非常累.唔知係咪訓得唔好,定係我自己驚,我全日心情緊張,成日自己嚇自己,擔心呢樣擔心個樣,又整親自己,又看錯鐘..原來做presentation對我來講係一個折磨.今日終於都present左喇,真係放下心頭大石,我有一身都鬆晒既感覺.^^至於我個presentation做成點?唔...都同我預計差唔多啦...我好怕醜...~_~"

今日真係好累,因為我另外又有一個midterm要考.呢個midterm我覺得都做得ok既,希望個結果會比我預期好啦^^好野!呢個學期既assignments同midterms都已經做晒...黎緊既就係final exam喇...哇...真係一浪接浪..令人好興奮~_~

二零零四年十一月十四日星期日 (Sunday, November 14, 2004)

做功課

琴日連續做我個presentation做左十二個鐘.終於都叫做做完喇...嘿嘿..不過都要多得Samuel幫我..哈...我個presentation係做係power point到,不過我打算print去透明膠片就算.我打算用over head.因為我唔知道學校個電腦係邊到囉..又要自己博線..我邊到識...都係用over head projector方便得多....

星期二我將要present埃..我好擔心,好驚啊...我好怕要對住全班人講野...唉..依加想起都心寒>_<唉!希望我可以求求其其埃過就好喇...:(

二零零四年十一月十三日星期六 (Saturday, November 13, 2004)

象棋

最近我喜歡下棋.小時候我已經知道象棋既歩法,不過從來都無同人玩過,因為當時覺得呢個玩意好悶,不過最近我同朋友R.C.網上下棋.雖然我係戰無不敗,但我就覺得象棋非常好玩,.哈哈...:P我不但俾人用兵將我,有時候更俾人"剝光豬"真係攪笑.玩左甘耐,上個星期我只係用左分心術贏過對方一次.哈哈.不過最近我比較忙,所以唔可以同電腦練習.等到我考完試,我一定要好好甘練習下:D今日我心思思同電腦玩左一局,不過都係慘敗.:P

琴日又再同R.C玩左一陣,今次我有進步喇,我用自己既實力贏左他兩次...嘿嘿..不過其他戰果都係慘敗...:P:P贏過我就已經好開心喇..嘿嘿..........^_^

二零零四年十一月十二日星期五 Friday, November 12, 2004)

師奶的一天

今日考完physics,唉..唔好提喇..呵呵...:D今日考完試後就唔洗再上堂,所以我就去超級市場上倉,因為我屋企既食物已經俾我食得七七八八.我一個星期就要去上倉一次.每次都買好多,嘿嘿..我唔明白點解D師奶可以日日去買"食送".甘麻煩!!我就喜歡一個星期買一次喇.買得開心,又唔會浪費時間.所以話呢,我只係一個part time師奶.:P我唔可以日日都去買"食送"架,會覺得好困身P:P我今日又買到成個車尾箱都係食物~_~,好彩有車.如果唔係就重死我喇:D:D:D之後再買埋外賣返屋企食(我的午餐).

食完午餐後,我仲要繼續我既師奶的一天.今日我就煲左"清保涼"湯."清保涼"既煲法容易,味道清甜,加上適合所有體質既人飲,又有保健效果(防暗瘡),所以我成日煲架.嘿嘿..最適合我呢D貪方便既人.煲完湯後,我就自己包定D水餃放係冰格到,等到鐘意幾時食就囉返出黎煮熟就就食得.費是次次包甘麻煩..嘿嘿..又係貪方便:D:D總結,我係一個貪方便既part-time師奶:D:D

如果有興趣看我包水餃的過程,請按這裡^_^

二零零四年十一月十一日星期四 Thursday, November 11, 2004)

笑

今日係加拿大國相紀念日,放假一天,唔洗返學既我當然好開心啦.本來今日我要由早上八點半返學返到下午五點.因為放假,所以唔洗返甘辛苦既一日.覺得好好彩:D:D不過聽日要考試,所以要利用今日去好好溫習.

聽日要考試,所以我今日找了我個tutor(我個friend)幫我補習,等我可以問返我唔識既野.補習中途,我地講返以前high school既野,真係好開心:D好攪笑.話說當年我地一齊讀chem.當年有一個groupmate(M.H),做lab既時候話去洗手間,但一去就去左45分鐘.我地見M.H甘過分,就決定唔借返D data俾他抄.M.H.叫我fax返D data俾他.當時我就fax了一張白紙.哈哈!!(我真好攪笑)他收到後話看唔清楚.我就對他說,我用鉛筆寫,所以可能看唔到.哈哈...跟住第二日返到學校,我地特登避開M.H,等他找不到我地.哈哈...玩了他一天,不過最後都借了給他.對他小懲大戒就算啦.哈哈..呢件事本來我都忘記左,今日個friend講返先記得..呵呵! 笑死我:P:P

好啦,我去繼續溫習喇!祝我好運:D:D

二零零四年十一月十日星期三 Wednesday, November 10, 2004)

痛

今日心同身都唔係幾好.......一字記之曰---"痛"~_~

二零零四年十一月九日星期二 (Tuesday, November 9, 2004)

虛偽

我一早已經知道呢個世界係非常虛偽,不過我都仲係唔適應生活係呢D假到死既人既圈子裡面.入到大學,我更加感受到D人虛偽既一面,目的係唔想你知道他們叻,唔想你去教你.明明識做既功課,但就同你講話連他都唔識做.不過呢D係人地既自由,人地有權利甘做,所以我都會接受.唔理得人地甘多,我只會講,我唔係一D甘既人.(我意思係部份人係甘,唔係全部)

今日答應左借notes俾我今個學期才認識既朋友影印,她次次midterm前都問我借notes影印.今日她又向我借notes.我就做唔出唔借俾她.不過我覺得她真係好過份,由上一個midterm到依架,她一堂都無返過.完全指意晒我D notes.今日我覺得她都係虛偽既一份子.我覺得她結識我既主要既目的係要向我借notes囉.本來前兩次借俾她,我都覺得無所謂,因為大家都係同學仔嘛.不過今次我就覺得她假得好緊要.大誇我叻女,靚女,著衫靚,D notes take得好好..等等...呢D說話講得多就假架啦.(影印甘耐講祝甘耐)D notes 人人都一樣甘take架啦,我D notes 點特別好呢?(希望我既文字可以表達到她假既一面...)唉!算喇...我都係"伸"下,舒法下感受者...

呢個星期,我將會好忙,因為黎緊有兩個midterms,同埋一個presentation.唉...好擔心呢~_~

二零零四年十一月八日星期一 (Monday, November 8, 2004)

感動+惡夢+Happy

真係估唔到大半年都無傾過計既朋友,原來一直都有定時黎看我既日記.真係好感動啊.連我自己都覺得我既日記好無聊,哈哈,真係好開心有人會養成一個習慣定時去看我既日記,去關心我既近況.原來關心我既人,一直係我身邊默默0甘聆聽.我一直都唔知道他有看我的網頁,因為他從來都唔留言俾我,直到琴日和他傾計,我先發現.^^

琴晚我發左個惡夢,好得人驚.究竟我成日發惡夢既原因係咩呢?係因為我係細路女?(嘿嘿..我心境係架!),定係我日有所思呢?琴晚我發夢見到Happy俾車車親,隻腳唔行得.見到他伶起一隻腳0甘行,真係好心痛.當我驚到醒既時候,原來我眼角流緊眼淚.其實我發夢發到咸都唔係第一次.原來我真係好擔心Happy仔.不如等我講下Happy既近況啦,Happy呢排好好啊.眼仔祿祿. 放心放心^_^

二零零四年十一月七日星期日 (Sunday, November 7, 2004)

兒歌

呢幾日過得好開心,除左個轉址服務壞左幾日外.好彩個轉址好返咋,如果吾係都吾知道點算.我琴日去找過其他轉址服務, 免費既係有好多,不過個link好差囉..都係hk.st靚^^依架一天都光晒^_^

琴日,Samuel sent 左好多兒歌俾我.呢D兒歌真係帶我返返去我細個既時候.聽返好有感覺.他sent了我最愛既"夢中天使(長腿叔叔)","仙樂處處飄","阿花的故事"同埋"小白船"俾我.真係好似返返去小學時期甘.等我一陣間upload兩首去網頁同大家分享下啦,本來想upload更多歌,不過又係web space既問題啦.唉...

二零零四年十一月五日星期五 (Friday, November 5, 2004)

去買生日禮物

好開心我個網頁既人數終於超過4000人喇,好多謝大家既支持^_^希望大家繼續多多光臨...^_^

今日我只係需要返半日學,因為下午無堂.放學後去左食野,之後就去左個mall行下.個mall十年如一日都係甘.行到好悶.係香港行成日街都唔會覺得累,但係呢邊,行一陣就已經又累又眼訓.可能呢邊D野我無興趣啦.我都係鐘意係香港Shopping多D.係呢邊,我一定係要有目的我先會去行街街,今日我就想買份生日禮物俾人.不過,看來看去都唔知道買咩.最後就空手而回.不過我都有D心水想買咩.下次再行過先:) 我覺得買野俾男仔好難,買俾女仔容易好多...嘿嘿...今日我都見到D公仔幾鍾意,不過無理由買公仔俾男仔架嘛...所以影張相俾自己欣賞下就算:D其實我都係最鍾意Teddy Bear Kingdom D bearbear,不過我控制住自己唔買...甘大個人,無理由晒錢買埋D無謂野架嘛.嘿嘿..我真係乖乖:D

二零零四年十一月四日星期四 (Thursday, November 4, 2004)

怕醜

我覺得我真係怕醜怕到極點:(:(今日我真係好怕醜,正確D講我係好驚.今日上lab因為我既group mate無返,所以個中國人TA叫我自己一個人做個lab.我就同怇點下頭話好(因為我好怕通陌生男仔講野)跟住他返轉頭就話教我做.(怇無教其他人做,但就過黎教我開始.乜我個樣似唔識做咩?)不過都好因為我唔想自己諗點樣去set up:P:P 他教過我之後我就自己做.途中,他成日都問我有無問題.他真係好好人呢!做完個lab後,他又問我明唔明個結果點解係甘,當然我緊係唔明啦,他又解釋俾我聽.到我做到回答問題個part,我就主動問問題,因為我唔識做,而個lab又要即堂交,但我唔知道點解我個刻會面紅.(唔知道他見唔見到呢?真失禮)仲有啊,我問問題既時候,我又唔甘望人,我覺得甘樣唔好...wuuu

我一個人做得好慢,所以D同學仔都差唔多走晒.得返我同拒,我真係好驚.因此我求其做完就好驚青甘走.我都唔明白我驚咩,我見到男仔就會好驚好怕醜.死啦!我成二十歲人都仲係甘,我覺得我甘落去唔惦,但我又克服唔到.:(:(唉!其實我怕醜係咪因為我覺得自己無用同埋唔叻?:(定係我怕陌生男仔?:(如果我同人熟左,我有會同正常人一樣,究竟我點解會甘呢:(今日我覺得我好失禮啊>_<

人地會唔會因為我怕醜而以為我唔鍾意他呢...以前試過因為我怕醜而令到一個人以為我唔鍾意他,但其實唔係....我應該點算呢:(

二零零四年十一月三日星期三 (Wednesday, November 3, 2004)

唉

已經習慣了,習慣特然的間斷,不過沒有想過是人為,一向都只以為是意外.是意外,我可以接受,但人為,只叫我難受.不想讓我知道什麼,但卻要我自己去猜,是不是太殘忍?很難再去騙自己要自己繼續去相信.信任,不是從坦承開始嗎?沒有坦白,信任就破壞了.我喜歡坦白,我喜歡真相.不想讓我知道的大多不會是一件好事.要是想繼續騙我,就不要給我發現.不想給我發現,就要坦白.好害怕給人騙的感覺.

二零零四年十一月一日星期一 (Monday, November 1, 2004)

唔好意思

我之前個日既日記真係嚇親唔少人,包括我自己.依架我先發現,原來係一場誤會.原來個個人係Danny仔,個日我同Danny仔係net meeting,我地互相對住個monitor同對方影相,影完我就收埋架相機.之後就唔記得左...真係大頭蝦.係呢到要鄭重同Danny仔講聲唔好意思.....:P

另外,今日係email收到一個有趣而又可以test下自己IQ既遊戲.請按下面的link進入.

http://flash.qbol.net/pl;p/youxi/images/04042203.swf

進入個link後,在房子里共有13件物件找齊后就可開門。如果找到0-6件,智力絕對低下，完全是個痴！要是找到6-8件,就是智力有點弱，屬于弱智！如果找到9-10件,那你就是正常人！找到11-12件的朋友智商很高！屬于智力超群！最後,能夠找到13件并可以走出門,全世界也只有不到4000人！

我找到10樣東西,所以我係一個正常人.嘿嘿..