十一月份	November 2005

2005年11月30日(三)

※ 咖哩海鮮 ※

昨日因為我網頁D相俾人load得多所以exceed左geocities既limit，攪到D相出唔到。Geocities就係有呢個唔好處，不過我好公道既，以免費黎講 ，geocities已經算唔錯^^，不能夠要求太高。好彩我D相同網頁既 file係分開account，所以個網頁先無down。再甘落去都唔掂，所以我又開多個account放相 ，現在應該無甘容易exceed個limit。 咖哩海鮮(點解甘似 炒雜菜既:P) 今日整左咖哩海鮮，之前見到一網友日記提起她親手整的咖哩海鮮，賣相非常吸引，當時我還以為她出街食，看到我口水流:D~。今日我特等去超級市場買了，帶子，蝦,魚 ，洋蔥，薯仔，紅蘿蔔和青椒等。(本來還想買青口，可惜找唔到。) 今次係我第一次整咖哩海鮮，雖然我碟咖哩海鮮個樣唔多掂，不過味道都唔錯。食得~!^^ 留言

2005年11月29日(二)

※ 今年的第一場雪 ※

今日落雪啊，但我一點開心興奮的感覺都無，返而覺得 好麻煩(路面又濕又滑)。不過呢場雪話左比我知道冬天已經來臨喇，其實今年已經比去年遲落雪，好似無舊年甘凍，我好怕凍，好彩家中有暖氣^^。 今年既第一場雪(唔算厚雪) 好似好耐無煮過晚飯，今日就煮了"律"子炆雞，蒜蓉白菜 ，和煲了紅蘿蔔番茄豬骨湯。心血來潮特然好想食"律"子炆雞 ，我估我已經有好多年無食過。最近見到有好多"律"子賣 ，所以就自己煮。^^唔知道點解，今日既湯都特別甜，我連一點鹽都無落過，可能係用番茄煲湯，所以特別甜。^^ 律子炆雞和紅蘿蔔番茄豬骨湯 又係無賣相可言!!! 留言

2005年11月28日(一)

※ 芒果莫斯蛋糕 ※

已經三個多月沒有整芒果蛋糕，但現在又開始整返喇^^。不過好可惜，最近買唔到新鮮芒果，唯有用急凍芒果肉啦。今日我整了芒果莫斯蛋糕 。經過之前多次失敗，今日我又再改良，今次出來既效果係甘多次之中最好既。平時我跟recipe既做法用light cream去整 ，但出來的效果唔夠濃。今次改用了Whipping cream，結果效果出奇地好。如果下次可以買到新鮮芒果就更加好^^。 無賣相可言的芒果莫斯蛋糕 留言

2005年11月27日(日)

※ 遲來/提早的禮物 ※

拖欠Hubby很久既生日禮物已經送出，禮物係水晶綿羊仔一隻，再加甜蜜生日卡一張。等我第日買埋水晶老鼠仔陪綿羊仔先:P。本來打算聖誕節才送既頸巾都送埋喇。其實頸巾一早 已經準備好，而且已經無左驚喜，所以不如早D送，等Hubby可以快D戴。聖誕既禮物可以再準備過。^^至於個相架無特別意思，我覺得得意就買，嘿 ，我同Hubby一人一個。 好開心Hubby喜歡我條頸巾，他仲大讚話有出面買個D甘靚。當然啦，我好小心整架，應該無mistake，而且個pattern又係我自己設計既，係獨一無二架!都算Hubby好珍惜條頸巾 ，訓教都攬住架!真乖乖^^。 Hubby同Seal Seal兩父子一人一條^^ 因為整完Hubby條頸巾有冷剩，我唔好浪費D冷，所以整多條俾Seal Seal^^。現在要整多條俾嘉嘉(Kangaroo既新名)，不過我估嘉嘉唔會有Seal Seal戴得甘好睇。我覺得Seal Seal戴得好醒目^^。 留言

2005年11月26日(六)

※ 車里茄 ※

最近食左好多野，攪到我成日覺得自己肥左，所以唔敢再食甘多。今日看電視既時候又好想零食，(最近好為食，點算好?)好彩去到雪櫃見到Hubby之前買俾我既車里茄 ，嘿嘿!有我最愛既車里茄，任食都唔怕肥啦^^。 我最愛既車里茄 ，任食都唔怕肥^^ Hubby已經對我喜歡既食物越來越了解，知道我喜歡食蘑菇(所有菇類)，鮮豆腐和車里茄等等。(依?我喜歡食既 食物都好健康窩!!不過唔健康既都大把:D) 留言

2005年11月25日(五)

※ 中日食物 ※

今日同Hubby去了一間餐廳食午餐，呢間餐廳好得意，中式點心和日本壽司都有得食。我們總共點了七碟，又係剛剛好食得晒^^。 最近好忙阿，所以日記都未寫到最新。哈，我會儘量寫返快D...^^ 留言

2005年11月24日(五)

※ Nihon no Tabemono(日本食物) ※

望落好似好少，但已經可以令我地兩個食到好飽。 今日中午Hubby同我去日本餐廳食野。我同Hubby都好鍾意去呢間日本餐廳架，因為係日本人開，D野食好好味架^^。我地今日點了一個soba和一些手捲壽司。我地唔敢叫甘多，令願唔夠再叫，始終唔想成日浪費。食完後我地兩個都好飽，今次叫既份量都唔算少，最後個幾件壽司都要夾硬食，所以我地唔需要再叫。Hubby每次點野食都怕唔夠食，所以想點多d，但好多時我地都食唔晒， 好明顯我地係眼闊肚窄:P。 今日係家既後園同食晚飯前都影左D相相^^ 留言

2005年11月23日(三)

※ 打邊爐 ※

今日同Hubby去了食早餐，我地兩個人share一份早餐(有我喜歡的蘑菇好好味啊^^)，另外加多一個薯餅和兩杯橙汁。今次我地好叻，無食剩，份量剛剛好。^^ 我唔係好 鍾意呢度既薯餅。我始終都係 鍾意McDonald's既薯餅多D 。:P 第一次同Hubby去打邊爐^^ 今晚我同Hubby去打邊爐^^。我地兩個人叫 左個魚湯底和七碟送菜。我地點了羊肉(因為我唔食牛)，豆腐，帶子，魚附，鮮魚，西洋菜，和香芋。最後食到好飽但都係食唔晒D食物。~_~ 新鮮豆腐係我打邊爐既最愛，而且今次仲係心型豆腐，所以我就更加 鍾意。(以前來過都好似唔係心型豆腐既)。經理仲讚我既仔 仔可愛:D，他見到seal seal 和kangaroo坐住我張napkin，又立刻叫waitress拿過張給我^^。 留言

2005年11月22日(二)

※ Kangaroo ※

今日驚喜:我又多一個仔喇! 他是一隻kangaroo。 呢個新公仔係Hubby今日送給我，現在未同kangaroo改名，所以叫住kangaroo先。^^死啦，我擔心我會偏心Seal Seal，錫晒Seal Seal.。Seal Seal係我心目中既地位唔會改變架。:P 今天晚上Hubby帶我去海邊一間外國餐廳食海鮮餐，我地每人叫左一個餐和一個appetizer，然後share食。(我地例牌眼闊肚窄食唔晒，真浪費!)呢間餐廳都幾好食 ，不過我就最喜歡唔係海鮮，而係個appetizer。 Bake mushroom.(圖一)真係好好食^^海鮮都唔錯，好新鮮，但我都係喜歡中式煮法既海鮮多D。始終都覺得今餐好漏。 留言

2005年11月21日(一)

※ 雲海 ※

今日晨早起床，看到窗外美麗既雲景，忍不住要把它影下來。我覺得今天會是美好的一天，應該有運行呢^^ 住在雲層上，扮下仙女:P 雲層上陽光普照，但原來雲層下今天很大帽，能見度好底。朋友說晚上大帽，明天就一定陽光普照。希望啦^^。今日放學後收到Hubby(我叫bf既叫法..意思同husband一樣，不過informal d)一個驚喜.明天一定要陽光普照阿。^^ 留言

2005年11月19日(六)

※ 甜 ※

最近雖然很忙，而且好累，但就非常開心。就連喝湯水都變成食糖水般甜美。今日煲既湯係『紅蘿蔔玉米豬榐湯』，呢個湯真係好甜好好味^^係我其中一係種喜歡的湯水。^^ 『紅蘿蔔玉米豬榐湯』 最近的失眠都消失了，可能有Dearest陪我訓啦。(家教嚴謹和保守的我點會出外過夜，只是開住web cam一齊訓咋^^) 留言

2005年11月18日(五)

※ 低調 ※

今天晚上好開心，我和Dearest係MSN聊天和畫畫。哈~!我畫的畫比小朋友畫的更差，不過對我來說已經畫得很好。最近Dearest每晚只有三小時睡眠，為了我 他真辛苦:(。 老鼠仔和綿羊仔 畫得好醜樣，但我很喜歡^^ 最近我和Dearest很開心，大家不需要再為藍藍擔心喇。詳情就唔講喇，我以後要低調處理感情事，最多講少少^^。其實我媽咪之前都同我講過，一些恩愛人前的夫婦 ，其實早已出現了問題，時間亦證明了。(好彩我都唔識用文字表達自己既感受，最都都係敘述，所以覺得唔會係恩愛人前)。我覺得我父母般才是恩愛 ，從來都不會做出來給人看。很好彩，我和Dearest兩人的父母都是真正恩愛那種。我覺得父母和睦恩愛，對子女影響都好大。在和睦家庭成長既子女，一般都比較著重家庭觀念 ，所以我同Dearest對家庭既想法都好一至。^^ Dearest講過他喜歡『平凡之中既不平凡』^^在別人眼中好平凡，只有我們才知道不平凡在那裡。 留言

2005年11月17日(四)

※ (((好驚啊))) ※

去港式西餐廳 ，我最愛喝凍檸水 今日放學後，我同姐姐去了超級市場入貨，之後就一齊去了一間港式西餐廳食下午茶。(其實係早餐加午餐^^)。一入到去個女侍應就帶我地入去坐。旁邊的檯有個鬼佬 ，但我就無理會他。我看餐牌既時候他都比意建我，不過我都係對他笑下就算。之後等食既時候，我就看餐廳掛起既電視。當時訪問緊郭可盈，郭可盈係間靚屋四處行甘。個鬼佬就問我她係咪歌星 ，話她間屋好靚。我就話她做介紹，個間唔係她間屋。(外國人好多時候都好nice，傾下計我都覺得好平常，所以我都有回答他) 今天的食物都幾好味，但我好想可以噁返出黎! 之後我地一邊食，他就一邊療我地傾計，問我係邊返學，住係邊，等等既私人問題。我無exactly話給他我住邊，只係話住係付近。他又介紹自己，話自己係builder等等 。(無非想講自己有錢者!)我開始覺得他古怪，所以都嘗試唔理會他，扮忙係度食野。跟住他又再療我講野，問我喜歡食日本野嗎，他話知道邊間好食，話不如靜間一齊去。哇!當時我都唔知道咩反應好 ，我只係話我好飽，唔洗喇。(哇!唔係我自己心多啦，呢個鬼佬仲唔係有古怪~_~)，成個金魚佬甘，叔叔帶你去看金魚啦~_~好彩我唔係細路女~! 他給了我他的電話號碼 ，不過我沒有把它帶回家! 當時我真係好驚，他仲比埋他個電話我。寫了落卡片，然後放係我檯面。@_@唯有勉強扮收啦。不過我就無給他我的電話，我懂得保護自己架!之後他食完野又唔走，個樣似等埋我地 。我唯有放慢手腳食慢D，然後打電話給朋友。最壞打算叫朋友來接我們。(我有想過叫侍應生送我上車，不過我又怕他跟住尾。) 好彩他最後知難而退 ，終於都肯走喇，不過害我留係餐廳個多小時唔敢走。當我埋單既時候我仲驚，個侍應話原來他已經幫我比埋錢。我話:「下?我唔識佢架!」@_@博咩啊!博好感咩! (唔係人人請我食飯我都食架!他真好彩有呢個機會>_<) 比外國人療我都係第一次 ，其實遇到呢d情況，可以點做呢~_~ 留言

2005年11月15日(二)

※ 累累累... ※

我將今日影既相較了特別的框架^^ 昨晚我一點半上床訓教，但我又再訓唔著，結果我只訓了三個多小時。(都唔知道點解，我已經無野需要擔心，但都係訓唔到)。今日因為要交一張wallet size既相片給學校 ，所以雖然我就一臉卷容，但我都影左幾張相然後去曬，再立刻交給學校。不過Save on Food裡面既曬相服務真係差，居然只可以曬4R既相，根本就無2R和3R。最後唯有自己剪細張相。 今日放學後我去了shopping，不過我實在太累，所以就無咩心情。買了我要買的東西後就走喇。今日我買了eye cream給自己，哇~!好低買!Clinique既eye cream本來要$36CAD，今日依然係$36，不過就有睫毛液和眼部瀉妝液送。(呢兩樣野我都需要既，真係好適合我^^)可能就快聖誕 ，所以做promotion啦^^。另外今日我買了一樣想買好耐，但之前因為一個原因無買既野，今天終於買了^^。 買eye cream送睫毛液和眼部瀉妝液 留言

2005年11月13日(日)

※ 咸豬手 ※

今日我睡到中午才起床，因為昨晚又再與Dearest傾通宵電話，直到早上六時才睡覺。其實我們五點鐘的時候已經跟對方說了晚安，但Dearest就唔想收線，想hold住條線一齊訓(長途電話@_@)。最後六點鐘的時候可能線路問題 才斷了線。 懶惰的我，今日沒有做過甚麼，只是煮了晚飯。今日整了『炆德國咸豬手』。其實我先用咸豬手煲湯，然後拿出咸豬手，再用冰糖 ，老抽和豪油去調味和炆 ，因為加了冰糖，所以味道唔會太咸。(煲過湯既咸豬手依然好咸) 『炆德國咸豬手』 現在晚上十時多，懶惰的我要開始做功課了。:P 留言

2005年11月11日(四)

※ 跌倒 ※

今日我又再痛痛，不過又有一種新痛。今日訓到早上11點幾既時候，我正在客廳差電既手提電話響起。於是我從睡房中趕快出去接電話，因為我以為係親愛的打來，所以好心急，(但原來只不過係同學打來)。結果我整個人滑倒在地上，膝頭著地，現在膝頭瘀了 一大片，@_@又紅又腫。親愛的教我用雞蛋"look"下瘀左既地方，(我今次係第一次試，以前從未試過)。我覺得效果唔係好明顯，但瘀左既範圍都有散開了一點。 貪食既我煮了兩隻雞蛋， 一隻用來"look"，一隻就比自己食^^ P.S.→ 好開心今日同親愛的傾了十多個小時電話，直至凌晨五時多。^^  P.S.→ 另外我既網頁好多版都更新了少許，請到處click下發現一下吧!^^ 留言

2005年11月10日(四)

※ 作好準備 ※

萬聖節剛過，那麼快便換上聖誕佈置! 不過這個商場，每年佈置都一樣， 真的悶死人!~_~ 今天我已經完全康復，心情又極好，所以今早細心打扮再換上粉紅色外套，懷著開心愉快的心情， 精神亦亦地返學。 今天放學後去了狂街，想為還有一個多月才來臨的聖誕作好準備。^^萬聖節才剛剛過去，但商場已經佈置得非常有聖誕氣氛。^^今日我只是四處行行，開始留意有沒有適合的，但今天都有少許戰利品。而且我自己都有份，好開心~! 留言

2005年11月09日(三)

※ 每月一痛 ※

咳都未完全好返晒，今日我又有其他唔舒服。(點解我身子甘差~_~)。今日我肚仔痛(每月一痛)，所以又要食Panadol先可以挨得住。(其實我都知道成日食Panadol唔好，但唔食我估我連床都落唔到~_~真係無辦法!)。如果呢個世界無左止痛藥，我都唔知道點生活落去。今日食藥後忍住痛，勉強都返到學，但真係好辛苦。放學既時候對手同個人都好抖震。 非常簡單既烏冬晚餐~! 今日唔舒服，所以無煮晚飯。都係隨便煮個烏冬當晚餐咋。好彩晚飯後已經精神返好多^^。 留言

2005年11月07日(一)

※ 訓唔著 ※

唔知點解今日唔算早起床，但就覺得特別累。可能昨晚發作個怪夢啦。今晚我好乖，晚上11點就去訓(已經好多年未試過甘早訓)，可惜，我 在床上翻來覆去都訓唔著，結果現在晚上一點鐘起床， 決定打完日記後再去訓過。 昨晚既夢都算係惡夢，係關於飛機失事。今年已經第二次發關於飛機失事既夢，但好彩兩次飛機失事中，大家都安全無事 和有驚無險。嚇醒後，我口中唸住觀音經，等自己無甘驚。然後我仲上網check一check。 好彩真係發夢。雖然我知道坐飛機比坐車意外率低好多，但其實我每次撘飛機我都有點擔心(但未至於恐懼)。可能係親愛的昨日搭飛機，所以我日有所思，夜有所夢啦。 留言

2005年11月06日(日)

※ 咖哩炆蘿蔔牛腩 ※

今日終於有返D胃口，最近真係病到連食都無興趣。今日本來打算整 柱侯醬炆蘿蔔牛腩，但準備好牛腩後才發現原來家中無柱侯 醬，最後用咖哩醬代替。咖哩炆白蘿蔔古怪嗎?哈.. 咖哩炆蘿蔔幾好味，可惜我已介食牛肉， 所以牛腩入唔入味我就無試過喇。 P.S.我又拍返拖喇^^ 留言

2005年11月05日(六)

※ 念慈俺 ※

我既咳咳已經好得七七八八，雖然都仲要是食 咳藥水，但已經無之前甘咳。現在喉嚨咳到好傷好痛，所以就開始飲念慈俺滋潤返下。會唔會因為太甜而越來越咳我就唔清楚，不過 食後清涼既感覺就令我覺得喉嚨舒服好多。^^ 其實就算無咳，我都好喜歡飲念慈俺。 念慈俺喉糖我都好鍾意食架。:P 留言

2005年11月04日(五)

※ 過山車般的旅途 ※

最近我既心情大起大落，早前好低落，昨日好開心，今日 就好迷惑。人生真係好似過山車般，時快時慢，時高時低。從相愛，分手，死心，朋友關係，直到原來依然兩情雙悅(但有未解決到既問題)，我們最終會點呢。究竟何時可以玩完呢個過份刺激和兜兜轉轉既遊戲呢? 如果可以快點解決問題然後下車，(離開那份刺激和兜轉)，那就可以一同邁向平穩既未來。我最 想要，最喝望的平穩未來。~_~ 一同見過完美的彩虹， 這代表著幸運和美好的將來 要努力面對啊~! 呢兩日我個頭好痛，不吃panadol都解決唔到的痛症。.~_~是我太累，還是未病好呢? 留言

2005年11月03日(四)

※ 愉快的晚上 ※

昨晚好開心，是多月以來最開心的一 個晚上。整晚我都又笑又哭。原來我真的不是一相情願，不是一相情願。 我的咳咳日漸嚴重，所以今天放學後我乖乖的去了看醫生，醫生還開了咳藥水給我。我老實地告訴醫生，我吃過McDonald's的麥樂雞就開始病，都不知道會否是擒流感.(好無知,但我真的擔心麻:P)。證實了不是擒流感都放心點。醫生吩咐我要睡多點，和食多點身體才會打勝仗。但無奈我最近 經常失眠，胃口又不佳.，還未吃飯已經飽飽。 醫生都只叫我去藥房買咳藥水, 其實我可以不看醫生的:P 我覺得小病的好處是可以瘦身。現在的體重又跌到91-2磅。連自己也看得出自己瘦了。^^ 留言

2005年11月02日(三)

※ 繼續咳咳 ※

已經病了好幾天，病情亦有好轉。但身體依然覺得不太舒服，總係覺得心跳，手震，頭暈暈。可能食咳藥水的副作用吧。現在依然 好咳，所以不能停藥。希望快點康復，因為我已經病得好累喇。吃藥後的感覺很不好受! 帶病返學的我好辛苦，上堂咳又覺得不好意思，唯有每次想咳的時候，只好喝點水。吃藥後上堂又難集中精神 。放學駕車回家就更慘，天黑又下雨，路面濕滑又反光。@_@好不容易才埃到家。 Seal Seal的gif圖可愛嗎?^^ 這個seal seal gif是Samuel幫我整的。我已經把這個gif加到MSN中。^^以後可以隨時send給朋友看。^^沒有Photoshop，又不會整gif的我，唯有請(逼)朋友幫我整啦。Thank you so much~! 留言