十月份	October 2005

2005年10月31日(一)

※ 病入膏肓的萬聖節 ※

今天是萬聖節，但我對它一點感覺也沒有(幾乎忘記了今天是萬聖節)。直到我放學後去到商場，(目的是去買咳藥水)，看見許多扮鬼扮馬的小朋友 ，我才記得今天是萬聖節。他們好可愛呢。^^好想幫他們拍照 ，不過我擔心他們的父母會罵我，所以最後無影。^^ 今日我真的病得很嚴重，比昨日更嚴重。昨晚我咳了一整晚 ，所以睡得很差。今天我的眼睛又燙又熱。我猜我一定是感冒。食了藥後，我整個人都變得無力和想睡，我真的需要休息。~_~ 我有點咳和感冒，所以買了cough & cold的咳藥水 我最討厭喝咳藥水>_<如果可以揀,我令願吃藥丸 P.S.發燒中...食左兩粒Panadol都未退燒...(Oct 31, 2005 11:35pm HKT+16hrs) 留言

2005年10月30日(日)

※ 喉嚨痛 ※

夢醒了，今天的我終於夢醒了。不會再發夢，妄想，和期盼。今天是我重生的一日。我為我活。 今天我病得很辛苦，喉嚨痛得不得了(比昨天差了很多很多，而且有點咳嗽)。今天我差點發不出聲音 ，但家中沒有喉糖，枇杷膏，和咳藥水，所以只好繼續服用『幸福傷風素』和多喝開水。好辛苦啊~~~:( 今天胃口不佳，午餐吃了麥皮，晚餐吃了粥。 清淡清淡!現在感覺好累，可能是食了藥的關係吧! P.S.今天把時間調慢了一小時，又多一小時可以用喇。^^ 留言

2005年10月29日(六)

※ 不瘦降之謎 ※

10件的麥樂雞餐而且是Super Size^^ 今天吃了一個10pieces的麥樂雞餐，而且更是super size。哈!終於都解開了我不瘦之謎。大家不要怕 ，其實這個餐我是和姐姐二人一同分享。我沒有那麼大的胃口能夠把整個餐吃掉。:P 不知是我吃得太多熱氣的食物(McDonald's)還是我最近感染傷風感冒，因而導致今天喉嚨感到不適，我覺得很乾很痛。~_~更慘的是我家中沒有喉糖 ，唯有吃『幸福傷風素』(基本上我什麼都只靠它)。我也喝了檸檬蜂蜜 熱開水，雖然作用不大，但最少舒服了一些。^^ 留言

2005年10月28日(五)

※ 南乳煎蓮藕餅 ※

『南乳煎蓮藕餅』 今天沒有做過什麼，只看過電視和煮過晚飯。今天煮的『南乳煎蓮藕餅』做法簡單。先將蓮藕切碎 ，然後加入和豬肉攪伴，再加以調味後便可以煎香。最後用水和南乳攪勻成汁煮一煮蓮藕餅。(其實不用南乳煮也可以 ，不過比些耐心把蓮藕餅慢慢火煎熟。) 留言

2005年10月27日(四)

※ 突然 ※

零晨二時三十分的那一刻令我悲喜交雜。雖然不知道是有心，還是偶然，但總好過沒有。究竟是好還是壞?心中亦有很多疑問。~_~ 　　 第十九枝 中吉　　伏羲畫八卦 　　 乾卦三連號太陽，潛龍勿用第一章 　　 其中爻象能參透，百福駢臻大吉昌 　　 乾卦純陽無陰，能透第一章之句語，隱藏其剛強之氣勿用，則百福至而大吉昌矣，求得此簽者，凡事要隱忍退避，靜以待時，有善氣而無惡氣，方能受福而吉昌也，此簽有吉無凶，平穩無礙。 真的能如籤文所言嗎?　 留言

2005年10月26日(三)

※ 又是一天普通的上學天 ※

昨晚在床上輾轉返則，我又再失眠喇。我相信是我的腦袋無辦法停下來導致不能入眠(太多地方想不通)。直到早上五點 ，我才能入眠，還好今天我只有下午的課。 最近好忙呢，因為要準備做一份assignment，所以要ahead個reading schedule。今日告訴了老師我想做的題目 ，而且和她討論了一會兒，穫益良多呢! 我又再低受不住零食的引誘，  在上課時買了很久沒吃的M&M食:P 今天的照片是用手機拍的， 沒有閃光燈，顏色好像怪怪的。 留言

2005年10月25日(二)

※ 有感覺而發 ※

昨日看到報紙(東方日報)談及關於一單懷疑菲傭"弱"待嬰兒案，我個人好反對一個成年人對毫無反擊能力既嬰兒下毒手.。(不過個菲傭否應有甘做 ，她說係意外，呢樣我地唔知,要等法官判)。 不過我對呢個菲傭都好同情。係報紙上 ，個菲傭話個雇主對她的待遇好差，要她睡在洗手間，而且唔比她食野。個雇主居然承認真係要菲傭住在洗手間 ，不過已經把坐廁拿走,而床放在浴缸上。個雇主更說:『當然食野要問過我啦，唔通鮑參魚翅肚任她食』。看到呢到，我覺得個雇主都好難相處者。 我都唔明白 ，個雇主都叫有接受過教育既人，(男雇主係中學教師，女雇主係登記護士)。點解會唔明白你對人好，人對你好既道理。一個女仔食得 你幾多，點解可以甘小家。以為三千六蚊可以洗死人。工人都係人，都需要 人respect架。我阿媽成日都講最蠢就係黑薄工人既人。邊個煮飯比你食!(咪就係菲傭囉，人地要報服有幾難)。呢個世界你對人好，人對你好。如果真係好唔滿意個 菲傭咪一二三抄左她囉，何必黑薄人。 從我出生至今，我家請過幾個菲傭，個個都好好人，做左好多年，因為你對人好 ，人就會對你好架啦!何必甘計較，黑薄人有乜為! 留言

2005年10月24日(一)

※ 上癮 + 網頁兩週年 ※

今日返學有一個midterm。我一看到題目就忍唔住微笑，因為呢個問題係我有準備既題目，所以應該考得ok。^^ 今日考midterm前買左罐可口可樂。平時我都忍受得住Vending machine既引誘，但今日特然間好想飲。(飲可樂會上癮的，飲開就想一日一罐)。我比較喜歡罐裝可樂 ，覺得特別好飲。以前我分唔清可樂同百事味道既分別。我現在覺得都係可樂最好飲，我喜歡可樂既味道濃D，而且多氣D。^^ P.S.今日係我既網頁成立兩週年。^^好開心她已經兩歲了。^^ 網頁阿網頁~~生日快樂阿~! 呢張相係小時候在哥哥生日會上影的:) 留言

2005年10月23日(日)

※ 罷課&復工 ※

今日晚飯後看電視得知，中小學既教師經過差不多兩星期既罷工行動，明日終於復工.他們既罷工基本上對我無影響 ，不過每當經過中小學既學校時，都會聽到有車不滿教師罷工而響安。呢個行動每次都嚇親我。(我心血少 ，嚇一嚇心都離埋)。希望聽日返學路面暢順，無人再亂響安啦。 我個人就唔贊成教師罷工，始終學業對小朋友係好重要。雖然他們口口聲聲話係幫學生爭取更好既教育，不過要用罷課黎爭取就好似有點枉顧學生既利益。尤其係今年要升大學既學生，遲左send分去大學都唔知道點算。 P.S.我既眼睛已經好返好多，多謝大家關心呢。^^我相信都係我之前眼睛太過乾，所以引起不適.現在看野無唔舒服 ，而且又清楚^^。　   留言

2005年10月22日(六)

※ Annoying ※

今日係星期六，所以唔需要返學既我當然訓到日上三竿啦。不過今日樓上就好Noisy，(其實好多時候都好曹)。 我覺得吸塵唔緊要，但吸完塵又唔知道做乜用有輪胎既object係地板上推來推去(唔係吸塵 ，而且時間好長)。就算唔係夜晚 ，甘曹法都好annoying,，好討厭，令人心煩麻。>_< 最後唯有起床，但發覺屋企無咩好食後就駕車出街食午餐。原來兩個月無去過既餐廳，已經亦手兼改名。服務同食物都比以前差。以後可以少D去。^^ 去港式餐廳 ，最喜歡就係飲凍檸水。 感覺上應該無奶茶咖啡甘肥。  留言

2005年10月21日(五)

※ 眼睛毛病 ※

最近我的眼睛有點毛病，本來我都唔發覺眼睛既問題，只係覺得眼睛又紅又痕，同埋看東西唔清楚。最初我都不以為意 ，只係以為自己可能有近視，所以看東西唔清楚。但經過姐姐提點我先發覺可能眼睛有毛病。可能我成日哭 ，又有時候用手擦眼睛啦。(壞習慣) 今日特登去了藥房買眼藥水，經過藥劑師了解過我既病情後，就介紹左適合我既眼藥水比我。希望快D好返 ，如果唔係下個星期就要去看醫生喇。:)今日已經滴過幾次，好似無甘痕，舒服左好多。^^我發覺自己幫自己滴眼藥水係難度極高既事，最後都係要姐姐幫我滴呢。 留言

2005年10月20日(四)

※ 對我多一點了解 ※

好多網友同我講，話覺得我好似好細路女和好幼稚等等。我追問他們點解對我會有呢個感覺，原來他們話 覺得我成日常帶Seal Seal出街，又成日同Seal Seal一齊影相。今日我要澄清一下，基本上我好少帶Seal Seal去街，最近呢幾個月都無喇。係以前拍拖時先帶。其實我同普通女仔一樣， 都只係係屋企抱下Seal Seal同他玩，但我承認,我好錫Seal Seal(我對其他公仔玩具唔係甘)。我同Seal Seal玩既時候，我阿媽都話我好似好細甘:P可能我真係細路女啦。:P 以前影落既照片 第一次同Seal Seal出街 另外，好多朋友都同我講，話我講說話特別。他們說雖然 我發音正確，但個tone(語氣)同香港人有D唔同。呢個我真係唔覺得，但又有好多人甘同我講(包括我媽咪)。唔通我住係加拿大住得耐?語氣既野，我真係控制唔到。:( 留言

2005年10月19日(三)

※ 心亂如麻 ※

我又要開始減肥喇，看見最近既自己，好似肥了不少，(唔想見到自己)。 點解唔算大食既我甘容易肥?最近我都唔敢上磅，所以唔清楚自己既磅數，好怕一上磅會嚇怕自己。見到自己既近照，覺得自己塊面長了不少肉，好討厭阿>_<。明明開心既人先會容易肥。點解唔開心既我都一樣肥?咩唔係話心情唔好會瘦既咩?可能我要介食所以零食喇!我唔想肥到不似人型先後悔 。~_~ 今日考左一個midterm，考得ok啦，但唔知道點解考試後一點放鬆既心情都無，反而個心覺得好亂。唉~!最近覺得個人好悲觀，我好想麻醉自己。我發覺自己唔係喜歡看電視，我係喜歡看電視既時候我咩都唔洗諗(電視麻醉法)。我好想個心冷靜落黎。 啊~~~~~~~~~~~~~好想大叫，但無奈我唔可以....我可以點呢?究竟我可以點! (本來今日都唔想寫日記，不過我 好想舒發下~!) 留言

2005年10月17日(一)

※ 電腦毛病 ※

最近我個電腦唔知道發生咩事，經常都hang機，真係好擔心它會埃唔住。電腦對我 呢一種甘悶既人來講非常重要，唔知道係咪我下載得多呢?但我已經經常都做Disk Defragment。最近Defragment既時候我都覺得好古怪 ，它話我個D Drive唔需要Defragment，(全部藍色)，但我明明係有下載落D Drive。唔通真係壞左?~_~ ← ← ← ← ← ← → → → → → → 「訪客最常見的熒幕解像度圖表」 另外最近我發現原來geocities有提供『網站統計數據』，當中抱話多種統計，例如「總瀏覽人次」，「每月瀏覽人次最高紀錄」，「訪客最常見的熒幕解像度」等多項數據。我個人覺得個瀏覽人次非常唔準確，都唔知道它點統計出個結果。(我唔相信十月份得兩個人入過我日記)。我反而對訪客既解像度更加有興趣。原來我個網頁既訪客八成都係用1024x768，有差不多一成用800x600，其餘一成就用其他解像度。其實本網頁既最佳解像度係1024x768。我想問下，我個網頁用800x600黎看係咪好醜樣呢?(我已經儘量就返架喇)。 留言

2005年10月16日(日)

※ 失眠＋胃痛 ※

最近我既睡眠質數好差，整晚都訓下醒下。訓既時間唔少，但就覺得訓極都唔足夠。最近 仲有好多夢發，昨晚更夢見他。我覺得有夢發會令人好累。(雖然我喜歡發夢)，夢中我忍忍記得係他依依不捨消失係呢個世界，離開了我。 慘! 除了訓得唔好，最近我仲經常胃痛。可能係我早吃飯，又夜訓，攪到夜晚餓得制胃痛啦。又有可能係食物問題。我發覺我食過 糯米飯，糯米雞，湯丸，火窩等食物就會胃痛。~_~ 雖然我喜歡食甜品，但湯丸我就喜歡食淡味既。 我唔喜歡有陷，只喜歡食白色的粉團。 而且糖水要唔甜~! 好奇怪呢! 留言

2005年10月15日(六)

※ 翡翠歌星賀台慶 ※

今日看了『翡翠歌星賀台慶』。原來這個節目已經停辦了七年。今日悶在家中既我又多一個節目看，真好呢~!整個節目都好開心，好精采,。不過我就唔喜歡阿叻。諷刺人諷刺得太過份，(有點弱待觀眾)。Dodo姐雖然都有，但比人感覺只係台詞，而唔係令對方尷尬。 整個show都好吸引，不過好似同台慶無乜關係。反而令我覺得個show係男女歌星比賽。我自己就最喜歡天鵝湖呢個環節。好優美好精采。^^ 有點目不暇給。而且女歌星既節目環節分配恰當，女歌星 獲得最後勝利係實至名歸。 P.S.今日新加入了『Love』版的『Myself』，係關於愛美。^^ 留言

2005年10月14日(五)

※ 茄汁義大利粉 ※

我好喜歡食義大利粉，更愛食自己煮既義大利粉。自己清楚自己既口味麻。我 喜歡食蕃茄味多過白汁。我每次出街食白汁義大利粉都覺得好"漏"，反而蕃茄就開胃好多。 今晚既晚餐，我用左好多配料煮既義大利粉。我用左青椒，蕃茄，蘑菇，豬肉，洋蔥和茜芹。^^ 飽飽呢~! 留言

2005年10月13日(四)

※ 師奶的潛質 ※

雖然我未婚，但已經過著師奶既生活。今日放學後，去了超級市場買送兼shopping。買左好多食物和家庭用品。最後一袋二袋甘返屋企。如果無車，一定拎死我。~_~ 返到屋企，我又清潔家居。換床單、洗碗碟 、洗衣服和幫衣櫃換季。(收起夏天衣服，把冬天衣服拿出)。忙完一日我仲煮飯煲湯。今日做到我腰酸背痛。累死~!雖然我有做師奶既能力，不過將來我都係唔可以做個全職既師奶，因為我對塵埃敏感.如果我要清理衣櫃，我一定會皮膚痕養。:( 今日煲既『粉葛赤小豆豬骨湯』。 無愛情滋潤，都有湯水滋潤 返。 留言

2005年10月12日(三)

※ 無無聊聊的一天 ※

今日係星期三，天氣唔太好，整天都陰天或者落雨。本來昨晚想好今天要穿既衣服，但早上起床後，我找來找去都找不到我想找的衣服。(唔通我真係太多衫~_~直到現在，我都未找到>_<)。最後就唯有著今日呢件.呢件我都係第一次著。:P今日我仲特登用埋遮仔袋，襯返件遮仔衫。:D不過好似好o靚妹~!算啦做個學生妹!天氣開始凍，我都要快D著晒D薄衫。 今日化妝 我用左黑色睫毛液，對眼果然係精靈D，不過可惜呢張相太細，看唔到。:P 留言

2005年10月10日(一)

※ 我要大眼睛 ※

今日在家有時間，於是我就拿出買左好耐，但未用過既化妝品出黎練習一下化妝既技巧。相中藍色個支係一支眼部瀉妝液，買既時候仲有唇膏送(可惜唔適合我)，黑色個支就係眼線筆，我特登買黎練習用。 我一向都好想畫眼線，但就完全唔識畫，今日自己畫左一次，完全唔成功。好彩我聽人講要用眼部瀉妝液落妝，原來真係好難洗乾淨。我真係好想畫眼線，但唔知道應該點畫。雖然我對眼睛夠大，但畫左就會更加有精神，更加大麻。眼睛比我小既女仔都可以有大眼睛，點解我唔可以。:( 留言

2005年10月09日(日)

※ 又低又好用 ※

由於星期一係Thanksgiving Day唔需要返學，所以今個星期有個長週末，我可以懶懶閑甘渡過。雖然好得閑，但我就好懶去美容院做facial。美容院都打過電話黎叫我去，但我就推左話遲D先。我真係無心情出街。最近我都係自己係屋企敷面膜護膚就算。 係香港既時候，我買左幾盒面膜返黎(呢邊無得賣~_~係咪鬼妹唔興用面膜呢?)我發覺ponds既面膜幾好用，好夠濕，而且好低買。我買既時候仲on sale，一盒十二片都係113HKD。好後悔無買多幾盒返黎。不過通常我一星期敷面膜一次，我既儲備都用得幾個月既。:) P.S.今日我既日記轉左面貌，每日日記都有唔同既顏色。唔知道大家喜歡以前單一既粉藍色，定係現在既多種顏色呢?請給我一些意見。Thanks!^^ 留言

2005年10月07日(五)

※ 愛上甜品 ※

現在對我來說，最開心莫過於食。食已經係我最大既樂趣。暑假期間我媽咪發現左我好喜歡食甜品。原來最近我愛上甜品我自己都唔知道。係咪一個人唔開心就會愛上甜品呢?現在我去開Mall，我都會買返盒黎食。 我好喜歡的香竽酥 留言

2005年10月04日(二)

※ 痛 ※

太耐無更新日記喇，現在補寫返。最近一來無心情寫，二來又無乜特別事發生。 星期二既今日我特然好低落，好唔開心，覺得無晒希望。豪哭左好幾個小時，本來以為有好轉，我真無用。最後哭到個頭好痛無法入睡，攪到要食粒Panadol先訓到。Panadol真係好有效，服用後好快見效。第一次需要藥物才可入眠。唉! 好掛住你....一份計畫好買的禮物 P.S.個答案係:個醫生係男仔既阿媽，好都人都覺得個醫生係養父，或者後父。原因係我地心目中覺得醫生係男人。(我第一個想法都以為個醫生係男仔既後父:P)個問題其實想帶出我地比傳統影響左思想，亦係一種stereotype。女人都可以做醫生架麻，所以個醫生係男仔既媽媽媽。 留言

2005年10月03日(一)

※ 有趣有趣 ※

今日上OB既時候有一條好有趣既問題，個問題係: 爸爸同個仔係車上遇到交通意外，爸爸當場死亡，個仔立刻送去醫院。去到醫院急症室，個手術醫生來到急症室收症。個手術醫生話:「我唔可以幫個男仔做手術，因為個男仔係我個仔」。個醫生究竟係男仔邊個? 我覺得呢個問題好好，大家都想想啦。請講出第一個想法! P.S.今日放學後碰見一個好耐無見既朋友，我地企係外面傾計，我又再凍親喇!~_~ 留言

2005年10月02日(日)

※ 蜜汁金沙骨 ※

每逢週末我都喜歡整一些平時唔整既野食，今日就整左『蜜汁金沙骨』。雖然係焗熟件金沙骨，不過D肉質一D都唔"鞋"，仲好滑添。^^(可能係肉質好)。不過整得太多，又要食兩日喇。 今日起床已經完全唔記得左自己昨日病，所以無繼續食藥。去到今晚十點幾，又開始覺得唔舒服。(對眼又開始熱，應該係發燒)。又要食藥喇，然後早D訓。~_~ 留言

2005年10月01日(六)

※ 訓足全日 ※

今日又再凍醒，所以就立刻加多張blanket然後抱著Seal Seal係我心口繼續訓。當時後我的手腳有如冰一樣的僵硬。(其實天氣只不過係涼，唔係凍，點解我覺得甘凍?可能係發冷。) 訓夠之後，我就起身，我第一個感覺係好頭暈，又想噁。當時我以為自己肚餓，但食過野後依然係頭暈想噁，而且又覺得對眼好熱。我估我一定係發燒。於是我就去食成藥「幸福傷風素」，之後我就上床再訓過。好彩訓醒之後就覺得好返好多。^^ 留言