九月份	September 2005

		2005年09月29日(四)
轉冷 今日天氣開始轉冷，可能今日落雨啦，討厭既冬天又開始來臨喇。~_~黎緊既冬天日日落雨，真係煩死。 身體麻麻既我手腳一向冰凍無比，所以一直都好怕凍。昨晚我仲凍醒添。今日好頭痛，可能凍親啦。放學後食返碗自己煮既熱辣辣湯麵先覺得暖返D。 全蛋麵加叉燒和蔥花→好滿足! P.S.呢兩日我既網頁有些更新，請大家去看看啦。(等我賣下廣告先) 『Gallery』全面更新 『Profile』改了設計和少許內容  『Share』更新首頁 『Links』更新Logo (特別鳴謝:Shanz幫我整個flash logo) 留言

		2005年09月28日(三)
年偶綠豆章魚湯 今日煲左『年偶綠豆章魚湯』。呢個湯我第一次煲，覺得普通好飲啦，可能唔習慣。平時媽咪煲呢個湯無會落綠豆，不過我聽人地話煲年偶落綠豆會無甘『cho』熱。試左後覺得都係唔落綠豆好D。 留言

		2005年09月27日(二)
認人能力 & 許願 最近我發覺自己一個好大既缺點，原來我認人能力異常甘低。其實我一直都知道自己認人唔叻，不過今日呢件事就更令我知道我認人差到去咩程度。 返左學都差不多一個月 ，我居然連坐係我旁邊既男仔都唔認得。平時我都有同身旁既男仔傾下計，不過由於對方係英文人，所以我無咩深刻既印象。(我地班喜歡坐邊都得，不過通常坐開都會坐返自己個位)。今日我就覺得我身旁個男仔特別好人 ，又教我做野，又借野我抄，上堂途中他同我傾閑計問我係咪香港人，同埋叫乜名(都係亞洲英文人)。當時侯我 已經都覺得古怪。到落堂既時候我先發現，原來呢個男仔唔係之前個個。@_@有乜辦法可以幫助我認人呢? ______________________________ 今日學會一個新既許願既方法。D外國人話當眼睫毛掉下來後，可以放眼睫毛係拇指同埋第四隻手指之間，然後許願。如果眼睫毛貼著拇指，願望就會成真。雖然我唔知道 呢個許願方法準唔準，不過我都嘗試左。結果係貼著拇指。^^ 留言

		2005年09月26日(一)
口頭嬋 好耐無講過返學既事。其實都係同平時一樣，無乜特別。不過最近我開始留意老師既口頭嬋。唔知道上堂既時候大家有無留意老師既口頭嬋呢?我覺得老師既口頭嬋都幾有趣架。 呢個學期我留意到既然口頭嬋。 老師甲:『Is it clear as mud? or is it clear as water?』 老師乙:『Piece of cake!』 我留意過他們每次上堂都最少講多過十幾次。真係好長氣，不過我都明既，老師可能擔心我地唔名明白啦! 留言

		2005年09月25日(一)
Happy也北上? 在香港時幫Happy拍的照片 →→→ 『Happy的貪吃片段』 ←←← 由於最近公司搬到中國大陸的中山，就算自己駕車前往中山車程都要兩小時，所以家人就決定多設一頭住家在大陸。他們也打算一星期會留在大陸數天。就因為如此 ，媽咪打算帶Happy移民到中國，以便照顧。 不過問題出現了，今天媽咪去過魚農處了解情況，原來Happy申請返大陸問題不大，但如果要帶Happy返香港的話 ，就要坐狗監120日，再加每天90元費用。我聽到好心痛，如果Happy要坐狗監120日咪好辛苦???甘即係帶左Happy返大陸後，就要留Happy在大陸直到他百年歸老?我唔 捨得阿。:(以前我係加拿大帶Happy返來都唔需要坐狗監既。我們了解過原因，原來中國大陸係第三世界國家，而加拿大係第一世界國家，所以做法唔同。 留言

		2005年09月24日(六)
薯仔紅蘿蔔炆咖哩牛腩 今日我又再下廚，整左『薯仔紅蘿蔔炆牛腩』。其實一般人炆咖哩牛腩只會落薯仔，但因為個人喜好幾既關係，我落埋紅蘿蔔。我喜歡紅蘿蔔個種甜味。為左更加香，仲用左一個洋蔥起wok。 最近成日甘食，我估我又開始肥。我會暴飲暴食變成大肥婆嘛? 留言

		2005年09月23日(五)
最近幾天 一到週末，我又有時間玩煮飯仔。(自己一個人玩)。今晚我整左估撈肉，牛油蒜蓉抄四季豆，同埋煲左雪耳紅蘿蔔甘蔗豬榐湯。最近好悶，無乜好做，唔係看電視就係整野食。看電視可以令我暫時忘記一切，而整野食就可以令我得到滿足感。 ____________________ 最近有些男同學主動結識我，趁放break既時候同我傾計，問之前係咪同過我一班。(我發覺我認人能力極低，我唔認得他。)另外有個仲問我囉MSN添。不過我比較慢熱，所以可能給人cool的感覺啦，D男仔都好難埋身。哈! ____________________ 昨晚發夢我又在夢見他，一個既開心，又傷心既感覺。開心既係我可以重溫以前既片段，但傷心既係我只可以在夢中先可以見到他。其實夢係咪對我一種提示，一個hint，一種foreshadow? 留言

		2005年09月22日(四)
Happy Birthday 今日係綿羊仔既生日，本來好想為他慶祝，送他禮物，但現在我只可以送首歌給他。希望他會看到啦。 Happy Birthday 祝福你紅日滿心扉 (Happy Birthday 祝福你成日笑瞇瞇) 幸運之神 常伴著你 每天都歡歡喜喜 命運之神 長護著你 (沿途上暢順冇崎嶇) 今天慶生辰 天邊滿彩雲 當天那小丫頭 現已僑俏動人 今天慶生辰 天邊滿星塵 月兒也含笑 共醉溫馨氣氛 (溫馨氣氛 溫馨氣氛) Happy Birthday 祝福你長壽與天比 Happy Birthday 祝福你強健到飛起 但願星辰沿途導引 每天都七彩繽紛 浪漫Party 朋情互印 這首歌暖著每顆心 今天慶生辰 祝福你好運 找得意中人 共訂思愛誓盟 今天慶生辰 祝福你超群 一生無愁困 願望幻想終可變真 (終可變真 終可變真) 其實我好想成首歌都high light，因為全部都係我心底說話，但我只怕太多會眼花。 P.S.唔好意思抄左糖的high light design。請借我一用:) 留言

		2005年09月20日(二)
換上秋裝 今日開始穿上秋裝，每逢著新衫都有少少興奮。(好細路女!!)今日呢套衫係mi-tu買既。今日年返香港最令我喜歡既品牌就係mi-tu喇。我喜歡她夠casual，質地又唔差，平時返學著就剛剛好，所以都入左唔少貨 。聖誕如果媽咪過黎探我，都要叫她幫我揀D。(個Sales已經比我看過今季衫既catalogs，都幾合心水^^) 係香港甘多品牌之中，我最唔喜歡IT，一來我唔喜歡個個style(呢個係我個人問題)，第二係我覺得那裡既衫質地有如難布(呢個係他們既問題)，用甘既價錢，大把選擇啦。 今日見外面陽光普照，我又換上秋裝，所以就影下相。但影相呢樣野真係令我好苦惱 ，總係影得唔好。無太陽既時候影會成張相黑麻麻，曬住太陽影又會影到臉上有黑影 ，對眼又矇住。都唔知道點先影得又光又無黑影。基本上今日都影左好多張，但佔左九成相都眼矇矇。上面個張係絕無僅有唔眼矇。 留言

		2005年09月19日(一)
上湯搖柱冬瓜 我自己好喜歡食冬瓜忠，所以今日我整左個新菜式，清清地我好喜歡的。呢個菜做法好簡單，首先把冬瓜切片然後放在深牒上。之後再放入一罐雞湯枕住D冬瓜，再加入少許搖柱然後蒸30-45分鐘。我覺得要夠林先好味。如果飲D上湯和食冬瓜，真係好似冬瓜忠。如果唔想甘清可以落冬菇和肉絲。 是真的嗎? 今日我好開心，因為我見到Steven來找我。一種不能形容既感覺。我立刻問自己，我是發夢嗎?我不是發夢，是真的...特然鬧鐘響起，原來我真的在發夢。~_~ 留言

		2005年09月17日(六)
Different as night and day 已經兩個月了，原來快樂同低落既時間都過得好快，將來究竟會點呢。最近好喜歡聽一首歌『Different as Night and Day』，melody同歌詞我都好喜歡(特別喜歡首歌詞)。我已經set左呢首歌做電話鈴聲，真係好想download到 全首歌，可惜找來找去都只係得呢首電話鈴聲。 呢首歌係妙手仁心III既片尾曲，我係TVB既網頁看過原來呢首歌未出牒的，要download都幾難喇。 Doesn't matter whom you are with Doesn't matter where you are going Don't you know I'm still waiting here for you And pray for you In the sunny days, Sun will light your day In the windy days, wind will lead your way I have to say, you're my treasure moments Never gonna walk away In the rainy days, rains will share my tears In the stormy days, storms will steal my pain Just go your way and leave things all behind Spread your wings and fly away I'm pretending you're mine I'm wishing you'll be fine The moments we share never die You've made a difference to my life 　 留言

		2005年09月16日(五)
最愛的零食~車厘茄 最近愛上食車厘茄，每次去超級市場都必定要買。看電視既時候當零食，或者當飯後水果都一樣甘好。食極都唔怕肥又好味道。車厘茄除左好味外，對身體都非常有益。早前收到一個forward email介紹話車厘茄可治經痛，真係最適合我。 我以為外國既車厘茄會好食D，但我食過大陸，香港和加拿大買既車厘茄，結果發覺大陸既最新鮮好味。真係好掛住~! 留言

		2005年09月15日(四)
真正晚餐 回到加拿大已經十日，都未正式食過真正既晚飯。平時都係隨便食有乜食乜，今日終於的起心肝煮返餐正正式式既住家飯。今日整左三「食送」一湯，無奈得兩個人食，完全食唔晒！ 今日整左清蒸龍凳魚、冬菇炆排骨、 蒜蓉蒸矮瓜、同埋紅蘿蔔豬榐湯。 其實我好喜歡煮飯，我享受煮既過程多過食，而且煮飯可以消磨下時間 ，唔洗甘多野諗。 留言

		2005年09月12日(一)
增高/增肥/減肥 係香港既時候，有一次陪媽咪看醫生，因為無聊，所以就幫自己度高磅重。好出奇地發現自己原來高左兩厘米，其實我媽咪都覺得我無以前甘矮，不過就估唔到我高左。真係好出奇我甘既年紀都有得高。雖然兩厘米唔係多，但總好過無嘛。 如果有看我日記既都知道我返香港前減肥成功，體重92磅，不過經過係香港大吃大喝後，體重升至98-9磅。媽咪話我好似吹波甘。不過返到黎一星期都唔夠體重 又跌至91磅。最近真係無胃口，完全唔覺得肚餓，可能心情影響啦。我發覺一個人肥定瘦唔係在於食幾多，而係在於一個人既心情。 留言

		2005年09月11日(日)
新表 係香港既時候買左一隻新表，另外爸爸又係公司攞左隻表比我，再加埋我舊個隻表，我就有三隻表喇。圖中紅色個隻係買既，其實我一向都喜歡大表殼既表，但我隻手腕就非常細，(好少女仔細過我)可能我骨細啦，所以就好難買大表戴。紅色呢隻既size都係勉強戴到。 爸爸送個隻係一隻鋼表，係公司攞既。唔洗錢都好啦，可以襯下D斯文衫^^。 留言

		2005年09月10日(六)
愛情只是古老傳說 唔喜歡看八卦雜誌既我，係飛機場買左本小說，等坐飛機既時候可以打法時間。『愛情只是古老傳說』係亦舒既書，其實我都係隨便買。由於我飛機上就未能把成本書看完，所以今日留在家中，靜靜地看埋個結局。 成個故事其實好簡單，(可能係我get唔到個theme掛)。我覺得呢本書想帶出既信息係唔好輕易相信別人。 留言

		2005年09月09日(五)
對香港的感覺 每年返香港都總係覺得香港有D唔同。 1)近年香港既服務態度好左好多，同以前十分唔同。就連一些高級既shop/mall裡面既sales都唔會好似以前甘cool。現在對客人十分落力友善。 2)香港既藥房就非常差，明明想買日本喇叭牌，但就極力游說叫你買其他不知明既牌子，因為賣不知名既牌子利錢會高D。有D藥房就更離譜，咩大牌子都無，只係賣不知明既牌子(quality極差)。有D仲"雖"，賣埋假貨添!所以買藥都係幫屈紳士買好， 話晒都有信心嘛。 3)原來香港醫生趁症只需要三秒三，快到連問題都差D問唔到。 總括黎講，香港人既服務態度真係禮貌左好多。人總要經過低潮才學乖! 留言

		2005年09月07日(三)
Post Card 返香港前已經知道網友CC會寄post card比我，回來後的第二天立刻去檢查我的郵箱，好開心已經收到。這個post card是她學校為了宣傳澳門旅遊而叫學生寄的。 其實我今年返香港都去過澳門一次，不過只係去過金沙賭場，我仲陪我父母玩左一陣添。 留言

		2005年09月06日(二)
辛苦旅程 今日座國泰返加拿大，不過我既座位位置就唔係好好，我坐第一行，(即係前面無凳個D)。本來以為第一行夠鬆動，但原來非常辛苦。個位對住洗手間，好多人出出入入， 攪到訓唔到。前面又唔可以擺野，所有headphone，餐牌，節目表都要自己拿著。又無左腳搭，真係令到我好唔舒服，有點作噁。(我一向都唔暈飛機浪架嘛) 我唔舒服，所以都無胃口食飛機餐。 飛機餐之中，最好味就係個甜品蛋糕! 留言

		2005年09月05日(一)
美麗彩虹 ☆★~★☆☆★☆★☆★~☆~☆★ ☆★~★☆~~☆★~~★☆~☆★ ☆★~★☆~~☆★~~★☆~☆★ ☆★☆★~★☆~~☆★~~☆★☆★ 今日看都市閑城既時候，看到風水大師講起原來見到靚既彩虹會帶來好運。係我生日個日，我同綿羊仔一齊見到一條從未見過甘靚既彩虹，甘我地將來都應該有好運 有好結果啦。(已經無野可以做到既我，又再迷信喇!) 留言

		2005年09月01日(四)
米奇月餅 今日去女麻女麻屋企探望她，陪左女麻女麻成日，女麻女麻又整左好多野食比我食，真系好味道。另外有親戚又特登買左米奇月餅比我，哈！當我好細咩！(不過我真系喜歡米奇:P) 好開心有可愛既米奇月餅食~！ ☆★~~★☆~~☆★~~★☆~~☆★ 上次比護士洗過傷口後就日日都留血或者血水。可能要看多一次醫生。 留言